โคโลสี 1:13 - ลีเทส่อพ๊าอาเซ เร๊อ เห่ขุทวาลู๊

¹³ อา เมแลเปล๊กา เป เด๊อ โลเน๊มู๊แหม่ กู่กล๊อ อา เตฉว่าเตชอ เด๊อ อา เป๊อหนิ เตคี๊ ลอ เออโตโด อาเล เร๊อ อา ซูโน เป เด๊อ อาพู๊คู เด๊อ อา โม หนิเกอเร๊อ เออเตเพรเออ อาเทอเก่กู เฮ๊อ.

Eastern Kayah Shadaw Dialect

¹³ ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢꤩ꤬ ꤘꤣ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤢ꤬ ꤒꤢꤩ꤬ꤏꤝꤢ꤬ꤒꤢꤩ꤬ꤏꤢꤪ꤭ ꤘꤣ ꤢ꤬ ꤕꤣꤚꤣꤧ ꤒꤢꤩ꤬ꤋꤤꤒꤢꤩ꤬ꤜꤢꤪ꤬ ꤣꤧ꤭ꤒꤣ꤬ꤘꤥ꤭ ꤢ꤬ꤜꤢꤩ꤭ ꤚꤣꤧ꤬ ꤢ꤬ ꤞꤢꤨ꤭ꤔꤥ꤭ ꤕꤢꤩ꤬ ꤘꤣ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤘꤣ ꤢ꤬ ꤗꤥ꤬ ꤚꤣꤧꤘꤢꤦ꤬ ꤣꤧ꤭ꤒꤣ꤬ꤖꤚꤢꤩ꤬ꤣꤧ꤭ ꤢ꤬ꤓꤣꤧ꤭ꤊ꤫ꤢꤩ꤬ꤊꤢꤨ꤭ ꤟꤣꤧ꤯

โคโลสี 1:13 ပူးပေါင်းရင်းမြစ်များ

มัทธิว 17:5

เบ๊อะอา เฮ๊เบ่ ปาแพ๊ เบ๊อะเนอ, อ๊อโหล่ อู ตาบา อู ตาบี๊แก เหย่ซี เร๊อ โหง่พราเถ่ ตือมือ เด๊อ อ๊อโหล่ อากู เน๊อ, “เออ หม่า แวพู๊ เด๊อ แว โมหนิเกอเร๊อ อา เร๊อ แว ซิปล่อโอ่ เกอเร๊อ อา เตเพร, หนิดา แลแค อาโหง่ นี๋.”

มัทธิว 25:34

“เบ๊อะเนอปาเนอ, คุ๊ย เออเตเพร เก่ เฮ๊ แกแย เด๊อ อากู๊ขุ จ๊อทว๊า เออเต๊เห่ ปา เน๊อ, ‘แฮมอ แลแค, ซี หม่า แกแย เด๊อ อา พย๊าหนิ แวเพ จอแปแหร่ อา เตเด๊อะบุ๊ยเด๊อะเตอเรอ เต๊เห่, แฮโน พย๊าดว้า แลแค ม๊อขุ เทอเลเก่กู อาอู่เจ เต๊เหย่ เด๊อ อู ตี๊หรี่แตแร โอ่หนื่ออื่อ เป่ ซี เด๊อ เห่ขุทวาลู่ ม๊อขุทวาเซปา เนอ.

มัทธิว 3:17

โทเรอ โหง่พราเถ่ ตือมือ เด๊อ ม๊อขุเนอ เร๊อ อา เฮ๊ เน๊อ, “เออเตเพร หม่า แวพู๊คู เด๊อ แว โมหนิเกอเร๊อ อา โท๊โต่ แวพู๊ เด๊อ แว แม๊ดุ เกอเร๊อ อา เตเพร.”

ꤜꤢꤨꤊꤢ꤬ 13:24

“แอ๊จื๊อ จว๊าแม๊ปูโน แลแค เด๊อ กู่ดา อาอิ เนอตูกู, เมเตเฮ๊เรอ, แกแย เต๊เห่ แอ๊จื๊อจว๊าแม๊ปูโน โรแหน่เจ๊อ ตื๊อดื่อเรอ อา โนเบ๊ แลแค โต่.

ꤜꤢꤨꤊꤢ꤬ 22:53

แว โอ่เกอ เร๊อ ซี เด๊อเตหลู่แตโฮกู เนอ ปว๊า เตอเนอ เจ๊อ เร๊อ ซี ปื่อ แว โต่โต่, หม่าแน๊เรอ เบ๊อะโลเน๊ กู่กล๊อ อา เตอเรอฉว่าชอ เป๊อเต อาเคเออ, เบ๊อะเบ่เฮ๊อ เด๊อ ซี เบ่ เมแหน่ เฮ๊อ ฮู๊เออ เฮ๊อ.”

ꤛꤥ꤭ꤟꤢ꤬ 17:24

“เก๋อ เพ, แกแย เด๊อ เน เด๊อะ เร๊อ แว เออเต๊เห่เนอ, แว โอ่ เบ๊อะโต๊โผ่เนอ, แว ซิหยื่อ เอ๊ โอ่เกอ เหย่ซี เบ๊อะเนอ. แว ซิหยื่อ เด๊อ เหย่ซี เก่ แม๊เถอะ แว เตเตอเรอดุ เตอเรอทู เด๊อ เน เด๊อะ แว เออเต๊เห่, เมเตเฮ๊เรอ, เน โม ปา แว เด๊อ เป แบ๊แล แต่ล๋าย เห่ขุ โต่ เบ๊อะเนอ ปา เจ๊อ.”

ꤛꤥ꤭ꤟꤢ꤬ 3:35

เพ จอแปแหร่ โมเร๊อ อาพู๊คู เร๊อ อา เด๊อะตาลอ ลู เตปว๋า เต๊อเจ่อ เด๊อ อา กู๊ยากู เฮ๊อ.

ꤛꤥ꤭ꤟꤢ꤬ 5:24

“แว เฮ๊จ๊อจ๊อ ซี, แกแย เด๊อ อา หนิโฮ แว ลาโหง่ เออเรอ อา หยื่อเอ่แหน่ เพร เด๊อ อา นอแฮแล แว เออเตเพร เต๊เห่เนอ, อา พย๊าหนิ ซิปล่อเซอเพร ตูจูเพร เฮ๊อ. เร๊อ อา แม๊เถอะ เบ่น๊อปา เด๊อ เตเมจากาคยาโต่. อา จว๊า ตาลว๊าเบ๊ เฮ๊อ เร๊อ เตเซอ เร๊อ อา จว๊าโน เฮ๊อ เด๊อ เตเซอเพร อากูเฮ๊อ.

เพรโด่แนพู๊ เต๊เห่ 26:18

เน เบ่ บ๊าโมแถ่ เป่ เหย่ซี เต๊เห่ อาเป๊เส่ ปา, โทเร๊อ เน นอตีรี๊ กาคยา คยาแซ๊ เหย่ซี เด๊อ เตคี๊เตตาปา อาเล ปา. เร๊อ เน เก่ ซูจว๊า เหย่ซี เด๊อ เตลี ปา, โท๊โต่ เน เก่ ซูจว๊าโน เหย่ซี เด๊อ อา โอ่ เด๊อ โลเน๊มู๊แหม่รีแจ่ กู่กล๊อ อา เตอเรอฉว่าชอ อาเล เออเนอเต๊เห่ เด๊อ จอแปแหร่ อา เตโพรเตเตอเรอ อาเล ปา. เด๊อ เหย่ซี หยื่อเอ่ แว อาขว่าอาคยา, จอแปแหร่ เก่ ปลวาแก เหย่ซี เตซื๊อ ปา, โท๊โต่ เด๊อ จอแปแหร่ นว๊าแถ่ เกอเร๊อ อาแกแย เนอเต๊เห่อาเหล่โอ่ เออเนอ, เหย่ซี เก่ พย๊าหนิ เกอดื่อ ปา, อา เฮ๊ แว ฮู๊เนอ.’

ꤚꤥꤗꤢꤩ꤬ 14:17

เมเตเฮ๊เรอ, จอแปแหร่ อาเทออาเก่กู เนอ, เหล่เอ่เหล่โอ หม่า เต เด๊อ อา โหล่ดุเล๊ออู หม่าโต่. เต เด๊อ อา โหล่ดุเล๊อ อู หม่า, เตจ๊อเตเต, เตโอ่โส่โอ่เคร, เร๊อ เตซิครือซิลอ เด๊อ แหย่โยบูโพ๊ แบ่เจ่ เด๊อะ เป เออเต๊เห่ เนอแพ๊.

โครินธ์ เนอบ่า ต๊าบ่า 11:14

เหย่ซี เมฮู๊เนอ เร๊อ แว คย๊ายื๊อ เน๊อ เตอเจ๋อ โต่ โลเน๊มู๊แหม่รีแจ่ กู่กล๊อ กลว่าแลโฮ เจ๊อ อาเหน่ ฮู๊ ม๊อขุเตเน่วพู๊ เด๊อ อา เตเค เต๊เห่เนอ หม๋า อา เมแจ่ แพ๊.

โครินธ์ เนอบ่า ต๊าบ่า 4:4

โลเน๊มู๊แหม่รีแจ่ กู่กล๊อ เด๊อ อา เป๊อหนิ เห่ขุ เออโตโดเนอ, อา เมคี๊ เมตาปาแก เหย่ซี เป๊เส่ อาขว่าอาคยา, เหย่ซี แม๊เถอะ เกออู เตซิครือมีลา อาเตลี เออเนอ โต่. แซ่ฮู๊ แกแย เห่ขุพู๊ เต๊เห่ เก่ ซิเงโปล แต่ ครี๊ อา เตซิครือมีลา เด๊อ อา เฮ๊โฉ่โล เป่ อู เร๊อ ครี๊ อา เตลีเตเตเค อาหรี่อาแก เออ แต่เหม่ เนอ, อา เมตาปา ตอครอแก เหย่ซี ฮู๊เนอ เฮ๊อ. เพร เด๊อ อา เด๊อะโล ตาเต เป เร๊อ จอแปแหร่ หม่า ครี๊ เฮ๊อ.

เอเฟซัส 1:6

อา เด๊อะตาครา เป่ เป เชหยู่ หม่าเฮ๊อ อา พู๊เพรคู เด๊อ อา โม เร๊อดื่อ เออเตเพร อาขว่าอาคยา, เป่ ถู่เซ๊แถ่ โหร่ลู จอแปแหร่ อาบุ๊ยดุอาเตอเรอทู เออเนอ โป๋.

เอเฟซัส 4:18

เหย่ซี เนอเต๊เห่ หม่า อา ซิเงโปล เบ๊ เกออู เตหมะเตจ๊อ โต่. เด๊อ เหย่ซี กู่กล๊อเพรอ อาขว่าอาคยา, อา ซิเง เกอ แลแค อู จอแปแหร่ อาแกล๊อาโกล โต่, เด๊อ เหย่ซี ซิเงเกอ แลแค อู จอแปแหร่ อาแกล๊อาโกล โต่ อาขว่าอาคยาเร๊อ, เหย่ซี พย๊าหนิ เกออู ซิปล่อเซอเพร อาเซ เด๊อ จอแปแหร่ เด๊อ เออเนอ โต่.

เอเฟซัส 5:5

ซี ซิเง ตาเตเฮ๊อ เร๊อ แกแย เด๊อ อา จว๊าซื๊อ เพรเหมาะเพรคู, แกแย เด๊อ อา เมเตเร หนิเกอเร๊อ อาเหน่ เร๊อ สุ่ยเทอพ๊าหย่า อา เตซิหยื่อ มู๊แหม่รีแจ่ เต๊เห่, เร๊อ เตกู๊หว่ากู๊เว เอ่ หนิเร๊อดื่อเง เต๊เห่เนอ, อา พย๊าหนิแจ่ เกออู อู่เจเต๊เหย่ เด๊อ ครี๊ เร๊อ จอแปแหร่ อาเทออาเก่ เนอ เตเพร่ว โต่. แกแย เด๊อ อา กู๊หว่ากู๊เว เอ่ หนิเร๊อดื่อเง เต๊เห่ เนอหม่า อาแซ่เน๊อ จ๊อเบแถ่ เพรแหย่โยแหย่กี เนอเฮ๊อ.

เอเฟซัส 5:8

ซี แหน่แบ่เจ่ เร๊อดื่อ เจ๊อ เร๊อ ซี โอ่เซอเพร โทเฮ๊อ เด๊อ เตคี๊เตลอ อาเกล เฮ๊อ. หม่าแน๊เรอ กู๊แหน่เออ ซี ทวาเฮ๊อ แบ่เจ่ อาแกแย เร๊อ ซี โอ่เฮ๊อ เด๊อ เตลี อากู เฮ๊อ. ฮู๊เนอเรอ โอ่เซอเพร แซ่เกอ แลแค ฮู๊ เตลีพู๊ เต๊เห่เนอ นี๋.

เอเฟซัส 6:12

เมเตเฮ๊เรอ, เป ช๊าฉื่อ เร๊อ แกแย เด๊อ อาโอ่ เร๊อ อาพ๊าอาหย่า อาสุ่ยอาเทอ เต๊เห่เนอ หม่าโต่. เป ช๊าฉื่อ เร๊อ โลเน๊โลหน่า เด๊อ อา เป๊อเต เต๊เห่, เร๊อ โลเน๊ เด๊อ อาโอ่ เร๊อ อา เตอเรอฉว่าชอ เต๊เห่ เร๊อ โลเน๊ ฉว่าชอ เด๊อ อา เป๊อ เห่ขุ อา คี๊เล เนอเต๊เห่, เร๊อ โลเน๊ มู๊แหม่ เด๊อ อา โอ่ เด๊อ ม๊อเล เนอเต๊เห่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:12

เมเตเฮ๊เรอ แซ่ฮู๊ ซี เก่ โอ่เซอเพรโต โอ่เซอเพรเบ่ ฮู๊ จอแปแหร่ อาซิปล่อเนอ เร๊อ เป เด๊อะอ๊าเด๊อะเหร่ ซี, เป เฮ๊เบ่โมเฮ๊เบ่แร๊ ซี, เป แฉ่ครวา ซีคยา ปว๋า เตเพร เจ๊อ. จอแปแหร่ หม่า เพร เด๊อ อา เอ๊โน ซี เด๊อ อาเทออาเก่ เร๊อ อา เตอเรอดุทู อากู เตเพรเฮ๊อ.

ꤟꤤꤙꤚꤢꤨ 2:14

พู๊เหมาะพู๊คู อา เอ๊ ลู เออเต๊เห่เนอ, อา เน๊อ อาเหน่กล่อ สุ่ยเทอ เด๊อ อา เซอแจ่เออ อาขว่าอาคยา, แบ่เจ่ เหย่ซู่ แฮแล พย๊าหนิ เกอดื่อ แกแย เห่ขุพู๊ อาเหน่กล่อ เด๊อ อา แซ่เกอ ดื่อ เน๊อ เหย่ซีเนอ. อา ทวาแถ่ แซ่เน๊อ แกแยเห่ขุพู๊ อาขว่าอาคยา, อา เซอ แจ่. แซ่ฮู๊ เหย่ซู่ เก่ เมปย๊าแก โลเน๊มู๊แหม่รีแจ่ กู่กล๊อ เด๊อ อู เอ๊ เร๊อ ซาตาน เด๊อ อา โอ่ เร๊อ อา เตโพรเตเตอเรอ ฉว่าชอ เด๊อ อา เก่ เป๊อตี๊หรี่หนิ เตเซอ เออโตโด อาเงเนอ, อา ข่าเซอแก อาซิปล่อ.

เปโตร อาเหร่อเล๊อ ต๊าบ่า 2:9

หม่าแน๊เรอ ซี หม่าเมวเจอะ เต๊อเจ่อ เด๊อ จอแปแหร่ นว๊าแถ่ อา, เพรหลู่แตเต เด๊อ อาแซ่เน๊อ คุ๊ย เต๊เห่, เมวเจอะ เด๊อ อา บูโพ๊, โท๊โต่ จอแปแหร่ อาแกแย เร๊อดื่อ เจ๊อ เต๊เห่ เฮ๊อ. แซ่ฮู๊ ซี เก่ แด๊โฉ่โล จอแปแหร่ อา เตเมแร๊ โค๊ดื่อ เต๊เห่ อาเงเนอ, จอแปแหร่ นว๊าแถ่ ซี เฮ๊อ. จอแปแหร่ เอ๊เถ่แก ซี เด๊อ เตคี๊ อาเล เร๊อ อา ซูโน ซี เด๊อ อา เตลีเตเค โม อากู เฮ๊อ.

เปโตร เนอบ่า ต๊าบ่า 1:11

ฮู๊เนอเรอ จอแปแหร่ เก่ ซิครือซิลอ เอ๊โมฉื่อ ซี เด๊อ เป แบ่เจ่ เหย่ซู่ครี๊ เด๊อ อา หม่าเฮ๊อ เพรเมแลเปล๊กา เป เออเตเพร อาเทออาเก่ เด๊อ อา โอ่ ตูจูเพร แตแลเคร๊ อากู เออเนอ ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:8

หม่าแน๊เรอ โหง่เฮ๊แก เด๊อ แว รา เป่ ซี กู๊แหน่เออ เนอหม่า อาเซ หม่าแหน่ เจ๊อ, เมเตเฮ๊เรอ เตคี๊เตลอ เตเร โอ่เหม่ เฮ๊อ เร๊อ เตลี หม่าแหน่ เออ ลีแถ่เฮ๊อ อาขว่าอาคยา, โหง่เฮ๊แก อาเซเออ เนอหม่า อาจ๊ออาเต เร๊อ ซี แม๊เถอะแจ่ อา เด๊อ ครี๊ อากู เร๊อ เด๊อ ซีเหน่กู.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:14

เด๊อ เหร่อเคเนอ หม่า, เป แซ่เน๊อ แกแยเซอ เนอเต๊เห่ แพ๊. หม่าแน๊เรอ กู๊แหน่เออ, เด๊อ เป โมหนิ เฮ๊อ เป โป่แหว่ ครี๊พู๊ เต๊เห่ อาขว่าอาคยา, เป ซิเง เร๊อ เป ทวาแถ่เฮ๊อ แกแย เด๊อ อา เซอเพร เต๊เห่ เฮ๊อ. แกแย เด๊อ อา โมหนิเกอ อาโป่แหว่ ครี๊พู๊ โต่ เต๊เห่ เนอหม่า, อา โอ่หม่าโอ่กลอ ปาแพ๊ เด๊อ เตเซอ อากูแพ๊.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:8

แกแย เตเพรเพร เด๊อ อา เม แฮเง ตื๊อดื่อปา เตซื๊อเตปล๊า เฮ๊เนอหม่า, โลเน๊มู๊แหม่รีแจ่ กู่กล๊อ เป๊อ เกอเร๊อ ปาแพ๊ ลู, เมเตเฮ๊เรอ โลเน๊มู๊แหม่รีแจ่ กู่กล๊อ เออเนอ, อา เมเจ๊อแหน่ เตซื๊อเตปล๊า เด๊อ อาแก่ช๊าเค ปา เจ๊อ, เร๊อ อา เม แฮเง ตื๊อดื่อ โต่ปา เจ๊อ กู๊แหน่ เจ๊อ. แซ่ฮู๊ จอแปแหร่ อาพู๊คูเออ เก่ เมปย๊าแก เต เด๊อ โลเน๊มู๊แหม่รีแจ่ กู่กล๊อ เมโทเฮ๊อ เนอเต๊เห่ อาเงเนอเรอ, อา แฮแล เด๊อ เห่ขุเออ เฮ๊อ.