เพรโด่แนพู๊ เต๊เห่ 9:4 - ลีเทส่อพ๊าอาเซ เร๊อ เห่ขุทวาลู๊

⁴ เร๊อ อา แลคื๊อตา เด๊อ เห่ขุ เร๊อ อา หนิโฮ โหง่พราเถ่ ตือมือ เร๊อ อา เฮ๊ ลู เน๊อ, “คูเซาโล, คูเซาโล, เน เมจาเมจือ แว เมเต?”

Eastern Kayah Shadaw Dialect

⁴ ꤚꤣꤧ꤬ ꤢ꤬ ꤜꤣꤧ꤬ꤋꤢꤦꤒꤢ꤭ ꤘꤣ ꤟꤢꤩ꤬ꤋꤢꤨ꤬ ꤚꤣꤧ꤬ ꤢ꤬ ꤔ꤫ꤤ꤬ꤟꤥ꤭ ꤍ꤫ꤥ꤬ꤖꤚꤢ꤬ꤓꤢꤧ꤬ ꤒꤣ꤬ꤗꤢꤦ꤭ ꤚꤣꤧ꤬ ꤢ꤬ ꤟꤢꤩ ꤜꤢꤨ꤭ ꤔꤢꤧ, “ꤋꤢꤨ꤭ꤎꤢꤪꤜꤢꤨ, ꤋꤢꤨ꤭ꤎꤢꤪꤜꤢꤨ, ꤔꤢꤧ꤬ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤠꤢꤧ꤭ ꤗꤢꤩ꤬ꤒꤢꤩ꤭?”

เพรโด่แนพู๊ เต๊เห่ 9:4 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 12:12

แกแยเห่ขุพู๊ อาเหน่กล่อ เออเนอ อาครืออาขรว่า โอ่เอ๊ แหน่เจ๊อ หม่าแน๊เรอ เหน่กล่อ โอ่จือแพ๊ ลู เตเพรเพร่ว แพ๊. แซ่ฮู๊เนอเฮ๊อ เป เด๊อ อา หยื่อเอ่ เหย่ซู่ครี๊ เออเต๊เห่เนอ, อา โอ่โหร่ โอ่เอ๊ แหน่เจ๊อ หม่าแน๊เรอ เป ทวา จือแพ๊ ลู เหน่กล่อ เตเพรเพร่ว แพ๊.

ꤚꤥꤗꤢꤩ꤬ 11:22

ฮู๊เนอเรอ เตเน ตาเต แลแค. จอแปแหร่ เนอ, ตากยาหม่า อา ซิยอเกอเร๊อ อาแกแย, ตากยา เนอ อา ปื่อ ชอชอ เกอเร๊อ อาแกแย. อา ปื่อชอ เกอเร๊อ อาแกแยยิวพู๊ เด๊อ อา จว๊า ตาพาแก ลู เต๊เห่เนอ หม่าแน๊เรอ อา ซิยอ เกอเร๊อ ซี เด๊อ อา หม่า แกแยยิวพู๊ หม่าโต่ เออเต๊เห่. หม่าแน๊เรอ ซี โต แด่ดุหยื่อแหน่ แฮเง แลแค อา เตซิยอ เกอเร๊อ ซี เออเนอ. เก่หม่าโต่หม่า อา เก่ ปาตือแก เกอ ซี ปา.

เห่ขุทวาลู่ 22:11

หม่าแน๊เรอ จอแปแหร่ ตูจูเพร อาเตเน่วพู๊ โอ่ เด๊อ ม๊อขุ เร๊อ อา เอ๊โทตา ลู เน๊อ, “เก๋อ อับราฮัม, อับราฮัม.” เร๊อ อา เต๊ฉื่อ ลู เน๊อ, “เมเต, แบ่เจ่ดุ, แว โอ่ แพ๊.”

เห่ขุทวาลู่ 16:8

เร๊อ อา เฮ๊ ลู เน๊อ, “เหมาะซาราย อาหลู่โหมะ เหมาะฮาการ์, เน โอ่ เบ๊อะเต แฮ, เร๊อ เน เกเร จว๊าโต เบ๊อะเต?” เร๊อ เหมาะฮาการ์ เฮ๊ ฉื่อ ลู เน๊อ, “แว เถ่แกล่จว๊า แก แวแบ่เจ่โหมะ เหมาะซาราย อาเหล่.”

เอเฟซัส 5:30

เป่ หม่า อาเหน่กล่อ ครือขรว่า เต๊เห่ อาขว่าอาคยา, อา แม๊ตู่ แล เกอเร๊อ เป.

โครินธ์ อาเหร่อเล๊อ ต๊าบ่า 4:7

หม่าอูเป เตเพร เฮ๊ เน เร๊อ เนแจ่เนลีแม โค๊เล๊อ ดื่อ เร๊อ อู ฮู๊เนอ เตเพร เป? ล๋อ เต เด๊อ อาโอ่ เร๊อ ซีเต๊เห่ เนอหม่า จอแปแหร่ เด๊อะ ซี หม่าโต่ แอ? ฮู๊เนอเรอ, ซี จว๊าจ่า แถ่โหล่แถ่ม๊อ เกอเร๊อ ซีเหน่ แซ่เจ๊อเร๊อ จอแปแหร่ เด๊อะตา ครา ซี หม่าโต่ เนอ ฮู๊เตเต๊?

ꤛꤥ꤭ꤟꤢ꤬ 21:15

เหย่ซี เอ่ โทเรอ, แบ่เจ่ เหย่ซู่ แด๊เฮอ คูซีโมน เปโตร เน๊อ, “เพยอห์น อาพู๊คู คูซีโมน, เน โมเล๊อ หม่าแหน่ แว เร๊อ แกแย เออเต๊เห่ โม แว เนอ แอ?” อา แด๊เฮอ ลู เนอ, คูซีโมน เฮ๊ฉื่อ ลู เน๊อ, “อ่อ, แบ่เจ่, แว โม เน เนอหม่า เน ซิเงดื่อ เฮ๊อ,” อา เฮ๊ ลู ฮู๊เนอ. แบ่เจ่ เหย่ซู่ เฮ๊ ลู เน๊อ, “แม๊ โบ่เอ่หนิ แว ซิหมิพู๊ เนอเต๊เห่ นี๋.”

มัทธิว 25:40

“คุ๊ย เออเตเพร เก่ เฮ๊ฉื่อ เหย่ซี เน๊อ, ‘แว เฮ๊แหน่ เจ๊อ ซี, เด๊อ แว โป่แหว่ เต๊เห่ อาเกล, ซี เมจว่าน๊อ แกแย เด๊อ อู เตเน ปีติ้วเล๊อ ลู เตเพร เนอหม่า หม่าเฮ๊อ ซี เมจว่า แว เฮ๊อ.’

เห่ขุทวาลู่ 3:9

เร๊อ แบ่เจ่ จอแปแหร่ ตูจูเพร เอ๊โท เพรคู เนอเตเพร เน๊อ, “เน โอ่ โต เบ๊อะเต?”

ꤛꤥ꤭ꤟꤢ꤬ 20:16

“เหมาะมารีย์,” แบ่เจ่ เหย่ซู่ เฮ๊ ลู ฮู๊เนอ. เร๊อ อา ตีรี๊ จว๊าโต ลู เร๊อ อา เฮ๊ฉื่อ ลู เน๊อ ฮีบรูโหง่ เร๊อ อา เฮ๊ เน๊อ, “หร่าบ่านี๋.” (อาโหง่แลช๊า หม่า ซ๊าร๊า)

ꤛꤥ꤭ꤟꤢ꤬ 18:6

เบ๊อะแบ่เจ่ เหย่ซู่ เฮ๊ เหย่ซี เน๊อ, “แว หม่า อา เฮ๊อ,” เบ๊อะเนอ, เหย่ซี ซ๊าซื๊อกาคยา เร๊อ อา แลคื๊อตา ลอ เด๊อ เห่ขุ.

ꤜꤢꤨꤊꤢ꤬ 10:41

เร๊อ เหย่ซู่ เฮ๊ฉื่อ ลู เน๊อ, “เหมาะมารธา, เหมาะมารธา! เนเตเนกู๊เตเนแก เร๊อ เน ซิปล่อ ซู๊ซ๊า เร๊อ เตเม เอ๊เมเมวเอ๊เจ่อ เจ๊อ.

เพรโด่แนพู๊ เต๊เห่ 5:10

อา เฮ๊ โทเรอ โตโพ๊เรอ โหมะสัปฟีรา แลคื๊อ เซอตาแก เกอ เบ๊อะคูเปโตร กู๊โด่ ช๊า เนอ. เพรคู พู๊ดี๊พู๊เส่ เต๊เห่ แฮโน เร๊อ แม๊เถอะ เร๊อ อา เซอเฮ๊อ อาขว่าอาคยา เหย่ซี จอเถ่จว๊าโล๊ เต่อแก ลู เร๊อ อาเว.

เพรโด่แนพู๊ เต๊เห่ 9:5

เร๊อ คูเซาโล แด๊เฮอฉื่อ ลู เน๊อ, “แบ่เจ๋, เน หม่า อูเป?” เร๊อ โหง่พรา เออ เฮ๊ กาคยา ฉื่อลู เน๊อ, “แว หม่า เหย่ซู่ เด๊อ เน เมจาเมจือ อา เนอเตเพร เฮ๊อ.