เพรโด่แนพู๊ เต๊เห่ 9:36 - ลีเทส่อพ๊าอาเซ เร๊อ เห่ขุทวาลู๊

³⁶ เบ๊อะวียัฟฟา อากูเนอ, เพรเหมาะ เด๊อ อา หยื่อเอ่แลแค เหย่ซู่ เนอ อาโอ่ เตเพร. เร๊อ อามุย เร๊อ เหมาะทาบิธา (กรีกโหง่ หม่า อามุย เร๊อ เหมาะโดรคัส, อาโหง่แลช๊า หม่า เตอเคอ โตโด) อา ม๊อเนอม๊อเซ ลอ ปลี เนอ อา เมบุ๊ยเมเตอเรอ เป่ อูโร โทเรอ เมจว่าเกอ เป่ แกแย โซพ๊าโซแรพู๊ เต๊เห่.

Eastern Kayah Shadaw Dialect

³⁶ ꤙꤣꤧ ꤠꤤ꤭ꤡꤛꤥꤕꤢ꤬ ꤢ꤬ꤊꤢꤨ꤭ꤔꤣꤧ꤬ ꤖꤚꤢꤩ꤬ꤗꤢꤪ꤬ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤛꤢꤩ꤬ꤏꤛꤢꤨ ꤔꤣꤧ꤬ ꤢ꤬ꤥ꤬ ꤒꤣ꤬ꤖꤚꤢꤩ꤬ ꤢ꤬ꤗꤝꤤ꤭ ꤔꤢꤧ ꤗꤢꤪ꤬ꤒꤢ꤬ꤙꤤ꤬ꤞꤢ (ꤊꤚꤤꤍ꤫ꤥ꤬ ꤗꤢ꤬ ꤢ꤬ꤗꤝꤤ꤭ ꤔꤢꤧ ꤗꤢꤪ꤬ꤘꤢꤪ꤬ꤊꤢ, ꤢ꤬ꤍ꤫ꤥ꤬ꤜꤣꤧ꤬ꤏꤢ ꤗꤢ꤬ ꤒꤣꤧ꤬ꤋꤣꤧ꤭ ꤒꤣ꤬ꤘꤥ꤭) ꤢ꤬ ꤒꤢꤩ꤬ꤏꤣꤧꤒꤢꤩ꤬ꤋꤢꤩ꤭ ꤜꤢꤪ꤭꤮ ꤕꤜꤤ꤭ ꤔꤣꤧ꤬ ꤢ꤬ ꤗꤢꤩ꤬ꤙꤝꤤꤗꤢꤩ꤬ꤒꤣꤧ꤬ꤚꤣꤧ꤭ ꤕ꤫ꤢꤩ꤬ ꤢꤨ꤭ꤚꤥ꤬ ꤓꤥ꤭ꤚꤣꤧ꤬ ꤗꤢꤩ꤬ꤡꤝ꤫ꤢ꤬ꤖꤛꤢꤡꤝ꤫ꤢ꤬ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤏꤥ꤭ꤖꤢꤏꤥ꤭ꤚꤢꤧ꤬ꤖꤢꤨ ꤒꤣꤧ꤬ꤟꤢꤩ꤬꤯

เพรโด่แนพู๊ เต๊เห่ 9:36 ပူးပေါင်းရင်းမြစ်များ

ꤒꤤꤒꤢꤨ 3:8

เตเฮ๊เบ่ เออเนอหมา อาจ๊ออาเต. แซ่ฮู๊ แกแย เด๊อ อา หยื่อเอ่แลแค จอแปแหร่ เต๊เห่ เก่ ซิปล่อป่า เร๊อ เด๊อะแลเกอ แลแค ซิปล่อ เด๊อ อา เก่ เม เตแร๊ เต๊เห่ อาเงเนอ, แว ซิหยื่อ เด๊อ เน เก่ อิซว๊า ซิปล่อป่า ตาเต เป่อู เร๊อ เตหรี่เตแก เออเต๊เห่. เตเออเต๊เห่ หม่า อาแร๊ แหน่เจ๊อ เร๊อ อา ทวาบุ๊ยทวาเตอเรอ แหน่เจ๊อ เด๊อ อู ปว๋า เตเพร อาเง เจ๊อ.

ꤒꤤꤒꤢꤨ 2:7

เน ลาติเรอ, เน เมเต อิเตเต๋. เบ่เบ่, แซ่ฮู๊ เพรคู หน่าเจ่ เต๊เห่ เก่ แม๊บือเกอ เนเนอ เรอ, เม แพ๊ เตแร๊ เนอเต๊เห่ นี๋. เบ๊อะเน อิซว๊าอี๊แส่ อู เบ๊อะเนอ, แด่จ๊อจื้อ เน ซิปล่อ โทเรอ จ่าฉ่าเผระ ฉาอ่อ เนเหน่ นี๋.

ꤡꤛꤢꤩ꤭ꤗꤢ꤬ꤎꤣ꤬ 1:27

เตจ๊อบู่จ๊อเบ เด๊อ เพ จอแปแหร่ แด่ เฮ๊อ เน๊อ เต เด๊อ อา อาโพ๊อาแปละ เล๊อเล๊อบาบา เต๊เห่ เนอหม่า หม่าเฮ๊อ เตแม๊ตู่หนิ ฮู๊โอ่แคร๊โอ่แต่ เต๊เห่ เร๊อ เพรเหมาะโอ่แคร๊ เด๊อ อา โต่เบ่ เร๊อ เตแป่เตเช เต๊เห่, โท๊โต่ แกแย เด๊อ อา ค๊อเป่ เกอเร๊อ อาเหน่ เร๊อ อา โอ่ตาพายาเบ๊ เร๊อ เห่ขุ อา เตมู๊แหม่รีแจ่ ซี เนอเต๊เห่ เฮ๊อ.

ꤒꤤꤒꤢꤨ 2:14

แซ่ฮู๊ อา เก่ เมแลเปล๊กา เป เด๊อ เตมู๊แหม่รีแจ่ ล๋อ ปลี เต๊เห่ อากู, โท๊โต่ แซ่ฮู๊ อา เก่ เม อาโพ๊อาแปละ กา เป เร๊อ เป เก่ ทวาแถ่ อาแกแย, โท๊โต่ เป เก่ ซิปล่อฉว่า เมเต เด๊อ อาแร๊ เต๊เห่ อาเงเนอ, อา ข่าเซอ เป่ เฮ๊อ อาซิปล่อ เด๊อ เปเง เฮ๊อ.

เอเฟซัส 2:10

กู๊แหน่เรอ เป ทวาแถ่ ฮู๊เออ เนอหม่า, จอแปแหร่ เม เป่ เป แพ๊. เด๊อ เป ทวาแถ่ เตอเจ๋อโต เฮ๊อ เร๊อ เหย่ซู่ครี๊ อาขว่าอาคยา, จอแปแหร่ เด๊อะ เป เตโอ่เซอเพร อาเซ เฮ๊อ. แซ่ฮู๊ เป เก่ เมเตแร๊ อาเงเนอเนอ, อา เด๊อะ เฮ๊อ เป เฮ๊อ. เป เก่ เม เตแร๊ เออเต๊เห่ อาเงเนอ, อา ตี๊หรี่แตแร หนื่ออื่อ งย๋า เป่ลาเฮ๊อ เด๊อ เปเง เฮ๊อ.

เพรโด่แนพู๊ เต๊เห่ 10:31

เร๊อ อา เฮ๊ แว เน๊อ, ‘เพโครเนลิอัส จอแปแหร่ หนิโฮเฮ๊อ เน เตกุยจ๊อเบ เฮ๊อ อา ซิเงแถ่เบ่ โต่ เฮ๊อเน เด๊อเน เมจว่า เป่ แกแย โซพ๊าโซแรพู๊ เนอเต๊เห่ เฮ๊อ.

ทิโมธี อาเหร่อเล๊อ ต๊าบ่า 5:10

โทเรอ อา เบ่ ทวาดื่อ เพร เหมาะ เด๊อ อามีลา โลแร๊ เน๊อ อา เมเตแร๊ เต๊เห่ อาคยา. อา เบ่ ทวาดื่อ เพร เหมาะ เตเพร เด๊อ อา แม๊ตู่ ดุแถ่ หนิ แร๊โท ดื่อเฮ๊อ อาพู๊อาเลอ เต๊เห่, อา เบ่ เอ๊โมฉื่อ ซิเผระ เต๊เห่ เด๊อ อา หี่ด๊อหี่แพกู, อา เบ่ ทวาดื่อ เพรเหมาะ เตเพร เด๊อ อา ซู๊ปลี จอแปแหร่ อาแกแย เต๊เห่ อากู๊โด่, อา เบ่ เมจว่า แกแย เบ่แป่เบ่เช เต๊เห่ โทเรอ อา เบ่ทวา เพรเหมาะ เตเพร เด๊อ อา เด๊อะแล อาซิปล่อ เด๊อ อา เมเตแร๊ เต๊เห่ อาเง.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:10

เก่เฮ๊หม่าแหน่หม่า ซี โม เกอเร๊อ ล๊อปลี ซีโป่ซีแหม่ เด๊อ อา โอ่ เด๊อ มาซิโดเนียเก่ เออ เต๊เก่เล เนอเต๊เห่ เจ๊อ. หม่าแน๊เรอ เป แซ่ครวา โป่เกอ ซี เร๊อ ซี เก่ โม เอ๊แถ่ เล๊อ โป่ เจ๊อ เร๊อ เออเนอ นี๋.

ฟีลิปปี 1:11

โท๊โต่ แว กุยจ๊อเบ เป่ เด๊อ ซีเง เนอ, เด๊อ เหย่ซู่ครี๊ อา เตโพรเตเตอเรอ ขว่าคยาเร๊อ, ซี เก่ เส่เถ่ แฮเง เกอ แลแค เตจ๊อเตเต อาเส่ เต๊เห่. เมเตเฮ๊เรอ เบ๊อะอู แม๊เถอะ ซี เส่เถ่ เตจ๊อเตเต อาเส่ เออเต๊เห่ เบ๊อะเนอ, อู เก่ แด่ดุหยื่อแหน่ จอแปแหร่, เร๊อ อู เก่ ถู่เซ๊แถ่หนิ ลู ปา.

ꤛꤥ꤭ꤟꤢ꤬ 15:8

เด๊อ ซี เส่เถ่โพเถ่ เอ๊ ส่อเส่ เด๊อ อา หม่าเฮ๊อ เมเตแร๊ เออเต๊เห่ อาขว่าอาคยา, อู เก่ แม๊เถอะ แวเพเตอเรอดุ เตอเรอทู ปา. เด๊อ ซี เส่เถ่เอ๊ ฮู๊เนอ อาขว่าอาคยา, ซี เด๊อะโลเฮ๊อ เร๊อ ซี ทวา แว โคเจ่ เต๊เห่ เฮ๊อ.

ꤛꤥ꤭ꤟꤢ꤬ 15:5

“แว หม่า แท๊ทือเหมาะ, ซี หม่า อาแพ เต๊เห่. แกแย เด๊อ อา โอ่จิจือหมะ เด๊อ แวกู เร๊อ แว โอ่จิจือ เด๊อ เหย่ซี อากู เต๊เห่เนอ, เหย่ซี เก่ เส่เถ่โพเถ่ เอ๊แหน่เจ๊อ ปา. เมเตเฮ๊เรอ ซี เก่ โอ่ จิจือ เร๊อ แว โต่ เฮ๊เนอ, ซี เมแจ่ เต เตอเจ๋อ โต่.

โคโลสี 1:10

แซ่ฮู๊ ซี เก่ โอ่เซอเพร เกอติ เร๊อ แบ่เจ่ โทเรอ แซ่ฮู๊ ซี เก่ เมโม ลู ซิปล่อ อาเงเนอ, เป กุยจ๊อเบ จอแปแหร่ ฮู๊เนอ. โท๊โต่ แซ่ฮู๊ ซี เก่ เมเตแร๊ ปว๊าเต๊อเจ่อ, เร๊อ ซี เก่ เส่แถ่แร๊ เร๊อ ซี เก่ ดุแถ่ดื่อ เด๊อ เตซิเง จอแปแหร่ อากู อาเงเนอ, เป กุยจ๊อเบ เป่ โป่ เด๊อ ซีเง.

เพรโด่แนพู๊ เต๊เห่ 9:38

วีลิดดา เออเนอ, อา โอ่ผื่อ เร๊อ วียัฟฟา อาขว่าอาคยา, เบ๊อะเพรหยื่อเอ่ เต๊เห่ หนิโฮ เร๊อ คูเปโตร โอ่ เด๊อ วีลิดดา เบ๊อะเนอ, เหย่ซี นอจว๊า แกแย ซิเนอ เด๊อ ลูโอ่ เร๊อ อา จว๊า กุยซิยอ ลู เน๊อ, “แด่ทูซิปล่อ เมแพรแพร เร๊อ แฮแพร เด๊อ เป โอ่ เฮ๊เนอ!”

เพรโด่แนพู๊ เต๊เห่ 9:42

เตหรี่เตแก เออเนอ, อา โลปีซีจว๊า โต่ ลอ เด๊อ วียัฟฟา เต๊เก่เล เร๊อ อู หยื่อเอ่ โร๊แลแค แบ่เจ่.

เพรโด่แนพู๊ เต๊เห่ 10:23

เร๊อ คูเปโตร เอ๊ โอ่เมอฉื่อ เหย่ซี. โทเรอ ปาโร เตอเนอเนอ, คูเปโตร ตี๊หรี่แตแร อาเหน่ เร๊อ อา ครวาจว๊าเกอ เหย่ซี. เพรหยื่อเอ่แหน่เอ่ เด๊อ อา โอ่ เด๊อ วียัฟฟา อากู เต๊เห่ ครวาจว๊าเกอ ลู.

เพรโด่แนพู๊ เต๊เห่ 11:5

เร๊อ อา เฮ๊โฉ่โลโปล เป่ เหย่ซี เน๊อ, “เบ๊อะแว โอ่ เด๊อ วียัฟฟา เร๊อ แว กุยจ๊อเบ เบ๊อะเนอ, แว แม๊เถอะลว๊า เตเต๊อเจ่อ. แว เตแม๊เถอะลว๊า เออเนอ, อา โอ่ เด๊อ ม๊อขุ เร๊อ อา แจตา เป่ แว แซ่เน๊อ อิเกดุ เด๊อ อาเหนาะ โอ่ ลุยเหนาะ ต๊าบ่าเนอ. โทเร๊อ อา แจตา ผื่อต๊อต่อ เบ๊อะแว อาช๊า.

เพรโด่แนพู๊ เต๊เห่ 11:13

เพโครเนลิอัส แด๊โฉ่ เป่ เป เร๊อ อา แม๊เถอะ เตเน่วม๊อขุพู๊ เตเพร แฮก๊อถ่อโอ่ เด๊อ อา หี่ด๊อกู อาหรี่อาแก เร๊อ อา เฮ๊ ลู เน๊อ, ‘นอจว๊า แกแย เตเพร เด๊อ วียัฟฟา เร๊อ นอจว๊าเอ๊แฮ แกแยมูย เร๊อ คูซีโมน เด๊อ อู เอ๊ ป่า ลูมูย เร๊อ คูเปโตร เนอเตเพร.

มัทธิว 25:17

ฮู๊เนอเรอ, อา พย๊าหนิ เท เนอโจ่ย เออเตเพรเนอ, อา จว๊า เมกื่อเมค๊า เถ่เอ๊แถ่เล๊อ โป่ เนอโจ่ย.