เพรโด่แนพู๊ เต๊เห่ 9:3 - ลีเทส่อพ๊าอาเซ เร๊อ เห่ขุทวาลู๊

³ คูเซาโล จว๊า เด๊อ วีดามัสกัส เร๊อ เบ๊อะอา ผื่อ จว๊าโต่เฮ๊อ วี เบ๊อะเนอ, เตลีเตเค เด๊อ ม๊อขุ ช๊าเตเค ตาตาวา เด๊อ ลู อาช๊า.

Eastern Kayah Shadaw Dialect

³ ꤋꤢꤨ꤭ꤎꤢꤪꤜꤢꤨ ꤡꤝꤢ ꤘꤣ ꤠꤤ꤭ꤘꤢ꤬ꤗꤢ꤬ꤎꤢꤩ꤬ ꤚꤣꤧ꤬ ꤙꤣꤧ ꤢ꤬ ꤖꤢꤦ꤬ ꤡꤝꤢꤒ꤫ꤥ꤬ꤟꤣꤧ ꤠꤤ꤭ ꤢ꤬ꤋꤢꤩ꤭ꤔꤣꤧ꤬, ꤒꤢꤩ꤬ꤜꤤ꤭ꤒꤣꤧ꤬ꤋꤢꤩ꤭ ꤘꤣ ꤗꤢꤪꤋꤢꤨ꤬ ꤏꤢꤒꤣꤧ꤬ꤋꤢꤩ꤭ ꤒꤢ꤭ꤒꤣꤧ꤬ꤠꤢ꤬ ꤘꤣ ꤜꤢꤨ꤭ ꤊꤢꤧ꤭ꤏꤢ꤯

เพรโด่แนพู๊ เต๊เห่ 9:3 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 15:8

เด๊อคยาเล๊อ เร๊อ อา โอ่โลแถ่ เป่ เกอลาติ แว เด๊อ อาแซ่เน๊อ เป๊เจ่พู๊ เด๊อ อา โอ่ บาเล เกออู โต่ เออเตเพร.

เพรโด่แนพู๊ เต๊เห่ 22:6

“เบ๊อะแว จว๊า ผื่อเฮ๊อ เด๊อ วีดามัสกัส เบ๊อะเหมาะโถ่เฮ๊อ เบ๊อะเนอ, เตลีเตเค โรโซโต๊โก่ โอ่ เด๊อ ม๊อขุ แฮแล ลีตาวา แถ่คย๊า เด๊อ แว อาช๊า.

เตเด๊อะโลแถ่ 21:23

จอแปแหร่ อา เตลีเตเตเค เนอ อา ลีตา เด๊อ วีกู, เร๊อ ซิหมิพู๊ เนอโตโด ลี เป่ เหย่ซี แซ่เร๊อ หมิกอเนอ อาขว่าอาคยา, เด๊อ วีกู เนอ ต๊อเหมาะ อาเตลี เบ่เบ่, เล อาเตลี เบ่เบ่ อา โหล่ ปา โต่.

ทิโมธี อาเหร่อเล๊อ ต๊าบ่า 6:16

จอแปแหร่ เด๊อ อา เซอแจ่โต่ เนอหม่า ตื๊อแพ๊ อา เตเพร แพ๊. อา เซอเพร เด๊อ เตลี, เด๊อ อู แฮผื่อแจ่ เด๊อ ลูโอ่ เตเพร่ว โต่ เออเนอ อากู. อู แม๊เถอะน๊อ อา เตเพร่ว โต่ โทเรอ อู แม๊เถอะแจ่ อา เตเพร่ว โต่. เตแด่ดุหยื่อแหน่ เน๊อ อาโพรอาเตอเรอ ตูจูเพร ตาแลเคร๊ เก่ โอ่ เกอดื่อ เน๊อ อา นี๋, อาเมน.

เตเด๊อะโลแถ่ 22:5

เหมาะคี๊ โอ่ ปา โต่ อาขว่าอาคยา, เหย่ซี โหล่ปา หมิเคว๊กอ โต่. เหย่ซี โหล่ปา ต๊อเหมาะ อาเตลี โต่, เมเตเฮ๊เรอ แบ่เจ่ จอแปแหร่ หม่า หม่าเฮ๊อ เหย่ซี อาเตลี ปา เฮ๊อ, เร๊อ เหย่ซี เก่ เป๊อ เต ตูจูเพร แตแลเคร๊ ฮู๊ จ๊อแผ่ เต๊เห่เนอ ปา.

เพรโด่แนพู๊ เต๊เห่ 9:17

ฮู๊เนอเรอ คูอานาเนีย จว๊าโน เด๊อ หี่ เบ๊อะคูเซาโล โอ่ เกอเร๊อ เนอเตเม อากู. โทเรอ อา โนแด่แถ่ อากู๊ขุ เด๊อ คูเซาโล อาลู เร๊อ อา เฮ๊ ลู เน๊อ, “โป่แหว่ คูเซาโล, แซ่ฮู๊ เน เก่ แม๊เถอะ กาคยา แร๊ คยาแซ๊, โทเร๊อ แซ่ฮู๊ เน เก่ เล๊อบาแถ่ เร๊อ แหย่โยบูโพ๊แบ่เจ่ อาเงเนอ, แบ่เจ่ เหย่ซู่ เด๊อ อา โอ่โลแถ่ เป่ โทเฮ๊อ เน เด๊อ แกล๊ลู เนอเตเพร, นอแฮ แว เด๊อ เนโอ่ เฮ๊อ.”

เพรโด่แนพู๊ เต๊เห่ 9:27

เออโตโพ๊เรอ คูบารนาบัส เมจว่า ลู เร๊อ อา เอ๊จว๊า ลู เด๊อ เพรโด่แนพู๊ เต๊เห่ อา โอ่. เร๊อ อา แด๊โฉ่โล ซิเง เป่ เหย่ซี เร๊อ คูเซาโล แม๊เถอะเฮ๊อ แบ่เจ่ เหย่ซู่ เบ๊อะอา จว๊า เด๊อ วีดามัสกัส เบ๊อะเนอ, โทเรอ แบ่เจ่ แด๊โฉ่โล เป่ โทเฮ๊อ ลู เร๊อ อา อาหรี่อาแก เต๊เห่. โท๊โต่ คูบารนาบัส แด๊โฉ่โล เป่ โป่ เหย่ซี เร๊อ คูเซาโล แด๊โฉ่โด่แน บื่อคือฮา เป่ เจ๊อ วีดามัสกัสพู๊ เต๊เห่ เร๊อ เหย่ซู่ อาหรี่อาแก.

โครินธ์ อาเหร่อเล๊อ ต๊าบ่า 9:1

แว หม่า เพรป่าลาพู๊ เตเพร หม่าโต่ แอ? แว หม่า เพรโด่แนพู๊ เต๊เห่ เตเพร หม่าโต่ แอ? หม่า แว แม๊เถอะน๊อ เกอ แหน่ เกอล๋าย เป แบ่เจ่ เหย่ซู่ครี๊ โต่ แอ? แว ครือเม แบ่เจ่ อาเตเม อาขว่าอาคยา, ซี หยื่อเอ่แหน่ เฮ๊อ ครี๊ เฮ๊อ เนอหม่า อาหม่าโต่ แอ?