เพรโด่แนพู๊ เต๊เห่ 9:24 - ลีเทส่อพ๊าอาเซ เร๊อ เห่ขุทวาลู๊

²⁴ หม่าแน๊เรอ อู แด๊โฉ่โล ซิเง เป่ ลู เร๊อ อู เก่ เคร เมเซอ ลู ปา, เร๊อ แซ่ฮู๊ อู เก่ เมเซอหนิ ลู อาเงเนอ, อู โอ่ป่อ เบ๊อะวี กู่ดาดุทือเนอ เหมาะคี๊คี๊ เหมาะเชเกล เจ๊อ.

Eastern Kayah Shadaw Dialect

²⁴ ꤗꤢ꤬ꤔꤢꤧꤚꤣꤧ꤬ ꤢꤨ꤭ ꤟꤢꤩꤏꤥ꤬ꤜꤥ꤭ ꤞꤤꤑꤢꤩ꤭ ꤕ꤫ꤢꤩ꤬ ꤜꤢꤨ꤭ ꤔꤢꤧ ꤢꤨ꤭ ꤊ꤫ꤢꤦ꤬ ꤋꤚꤢꤩ꤬ ꤗꤢꤩ꤬ꤞꤣꤧ꤭ ꤜꤢꤨ꤭ ꤕꤢ꤭, ꤚꤣꤧ꤬ ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤗꤢꤩ꤬ꤞꤣꤧ꤭ꤔ꤫ꤤ꤬ ꤜꤢꤨ꤭ ꤢ꤬ꤑꤢꤩ꤭ꤔꤣꤧ꤬ ꤢꤨ꤭ ꤥ꤬ꤕ꤫ꤢꤪ꤬ ꤙꤣꤧ ꤠꤤ꤭ ꤊꤣꤧ꤬ꤘꤢ꤭ꤊꤢꤨ꤭ꤓꤢꤦ꤭ꤔꤣꤧ꤬ ꤗ꤫ꤢꤪ꤬ꤋꤤꤋꤤ ꤗ꤫ꤢꤪ꤬ꤞꤤ꤭ꤊꤜꤢꤩ꤭ꤊꤜꤢꤩ꤭ ꤡꤣꤧ꤯

เพรโด่แนพู๊ เต๊เห่ 9:24 ပူးပေါင်းရင်းမြစ်များ

โครินธ์ เนอบ่า ต๊าบ่า 11:32

เบ๊อะแว โอ่ เด๊อ วีดามัสกัส อากู เบ๊อะเนอ, คุ๊ยดุ อาเรทัส อาฮ๊อเลแล คุ๊ย เนอเพรเตเพร แด่ตา โอ่ป่อ อาเกลอฮู๊ เต๊เห่ เด๊อ วี กู่ดาดุทือ เร๊อ อา นอโอ่ป่อ ปื่อ เหย่ซี เร๊อ แว.

เพรโด่แนพู๊ เต๊เห่ 25:3

เหย่ซี กุยซิยอ คุ๊ยดุ คูเฟสทัส เร๊อ อา เก่ เมบุ๊ยเมเตอเรอ เป่เกอ เหย่ซี เร๊อ เหย่ซี ซิหยื่อ เด๊อ คุ๊ยดุ คูเฟสทัส เก่ นอซูแฮ อู เน๊อ คูเปาโล เร๊อ อา เก่ ซูแฮ เป่ เหย่ซี เด๊อ วีเยรูซาเล็ม, เมเตเฮ๊เรอ เหย่ซี เตเร เครเมเซอ คูเปาโล เด๊อ แกล๊ลู ปา.

เพรโด่แนพู๊ เต๊เห่ 20:19

เบ๊อะแว แม๊เถอะเบ่ เจ๊อ เร๊อ เตแป่เตเช เด๊อ แกแยยิวพู๊ เต๊เห่ เครเม มู๊แหม่รีแจ่ เจ๊อ แว อาเบ๊อะเนอ ตื๊อดื่อเรอ แว ย๊อ แรเต เด๊อ จอแปแหร่ อาเง อาขว่าอาคยา, แว เบ่ เป๊เส่เทอ ตา เจ๊อ. โท๊โต่ แว เบ่ แด่ทูซิปล่อ ตื๊อดื่อ เจ๊อ เด๊อแว ซิปล่อ.

เพรโด่แนพู๊ เต๊เห่ 20:3

อา จว๊าโอ่ เบ๊อะเนอ โซเล โทเร๊อ อา โอ่ ตี๊หรี่แตแรเฮ๊อ อาเหน่ เร๊อ อา เก่ เถ่จว๊า เด๊อ ซีเรียเก่ เน๊อ ส่อเกลอดุ ตื๊อดื่อเรอ อา ซิเง เร๊อ แกแยยิวพู๊ เต๊เห่ เคร เมเซอ ลู อาขว่าอาคยา, อา แด่แล คยาแซ๊ อาซิปล่อ เร๊อ อา เก่ กาโน จว๊าตาลว๊า คยาแซ๊ มาซิโดเนียเก่ เร๊อ อากู๊โด่.

เพรโด่แนพู๊ เต๊เห่ 25:11

เก่ แว เมซื๊อ ตาลว๊าตาแก เฮ๊อ แกแยยิวพู๊ เต๊เห่ อา เตซว๊าเตแส่ เด๊อ อา โตเบ่ เร๊อ เตเมจากาคยา เซอ แว เต๊อเจ่อเจ่อ เฮ๊เรอ, แว กุยซิยอ ปา เร๊อ ซี เด๊อ ซี เก่ ปลวาเซอเพร โป่ แว เนอโต่. หม่าแน๊เรอ เหย่ซี อาเตแด่แถ่โลแว แว เตซื๊อ เออเต๊เห่ เนอ, เก่ อา โตโต่ เฮ๊เรอ อู เด๊อะตาแจ่ แว เด๊อ แกแยยิวพู๊ เต๊เห่ อา กู๊ยากู เตเพร่ว โต่. แซ่ฮู๊ อู เก่ เมจากาคยา แว เร๊อ แว กุยจว๊า อู เด๊อ อู เก่ ซูจว๊า แว เด๊อ โรมัน คุ๊ยดุ อา โอ่.”

เพรโด่แนพู๊ เต๊เห่ 23:30

เบ๊อะอู เด๊อะซิเงเฮ๊อ แว เน๊อ แกแยยิวพู๊ เต๊เห่ จว๊าโอ่กู๊โอ่แก๊ เกอเร๊อ ลู เร๊อ เหย่ซี เฮ๊เบ่ ฉู่โนกู แคลู เร๊อ เหย่ซี เตเร เครเมเซอ คูเปาโล เนอ, แว แด่แลเฮ๊อ แว ซิปล่อ เร๊อ แว เก่ นอซูจว๊า เหล่แก อา เด๊อ เนโอ่ โตโพ๊โต เจ๊อ. เร๊อ แว เฮ๊ดื่อ แกแย เด๊อ อา แด่ ลู เตซื๊อ เออเนอเต๊เห่ เร๊อ อา เก่ แฮแด่แถ่โอ่โล คูเปาโล อาเตซื๊อ อาหรี่อาแก เด๊อ เน เป๊เส่เง ปา.

เพรโด่แนพู๊ เต๊เห่ 9:25

หม่าแน๊เรอ เบ๊อะเหมาะคี๊ เบ๊อะเนอ, คูเซาโล อา โคเจ่ เต๊เห่ ฉู่โน ลู เด๊อ สู่ เตเม อากู เร๊อ อา แถ่ แจตา ลู เด๊อ เกเร๊อู๊บึ แถ่โล กู่ดาพู๊ อากู ตูกู เร๊อ อา แจตาแก ลู เด๊อ เกเร๊อู๊บึ กลอตากยา.