เพรโด่แนพู๊ เต๊เห่ 9:20 - ลีเทส่อพ๊าอาเซ เร๊อ เห่ขุทวาลู๊

²⁰ เร๊อ โตโพ๊เรอ คูเซาโล เถ่จว๊า จ๊อจ๊อ เด๊อ ยูดาห์ เตจ๊อเบโฮ เต๊เห่ อากู เร๊อ อา จว๊าแด๊โฉ่โด่แน เป่ อู เร๊อ เหย่ซู่ หม่า จอแปแหร่ อาพู๊ เตเพร อาหรี่อาแก.

Eastern Kayah Shadaw Dialect

²⁰ ꤚꤣꤧ꤬ ꤒꤣ꤬ꤖꤥꤒꤥ꤬ ꤋꤢꤨ꤭ꤎꤢꤪꤜꤢꤨ ꤓꤢꤩ꤬ꤡꤝꤢ ꤒꤥ꤭ꤘꤢꤩ꤭ ꤘꤣ ꤛꤢꤨꤘꤢ꤬ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭ ꤚꤣꤧ꤬ ꤢ꤬ ꤡꤝꤢꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤛꤢꤩ꤬ꤏꤛꤢꤨ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤒꤣ꤬ꤖꤚꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭꤯

เพรโด่แนพู๊ เต๊เห่ 9:20 ပူးပေါင်းရင်းမြစ်များ

ꤛꤥ꤭ꤟꤢ꤬ 20:28

“แว แบ่เจ่, แว จอแปแหร่,” คูโธมัส เฮ๊ฉื่อ ลู ฮู๊เนอ.

ꤊꤢ꤬ꤜꤢ꤬ꤒꤤ 2:20

เออเนอหมา อา แซ่เฮ๊อ เน๊อ แว เซอ เต่อเกอ เร๊อ ครี๊ เด๊อ อี๊ถื่อดีเต่ อาลู เฮ๊อ. แว โอ่เซอเพร หม่าปาโต่ เฮ๊อ หม่าแน๊เรอ ครี๊ โอ่เซอเพร เฮ๊อ เด๊อ แวกู เฮ๊อ. เตโอ่เซอเพร เด๊อ แว โอ่เซอเพร กู๊แหน่ เออเนอหมา หม่าแพ๊ แว โอ่เซอเพร เด๊อ เตหยื่อเอ่ จอแปแหร่ อาพู๊คู เด๊อ อา โมเร๊อ แว เร๊อ อา เด๊อะแลแก อา ซิปล่อเซอเพร เด๊อ แวเง เออเนอ เตเพร อาคยา แพ๊.

ꤛꤥ꤭ꤟꤢ꤬ 1:49

คูนาธานาเอล เฮ๊ฉื่อ ลู เน๊อ, “รับบี เน หม่า จอแปแหร่ อาพู๊คู หม่าแหน่ เฮ๊อ, เน หม่า อิสราเอล อาคุ๊ยจ๊อแผ่ หม่าแหน่ เจ๊อ เฮ๊อ.”

มัทธิว 27:43

อา หยื่อเอ่ จอแปแหร่ แวเฮ๊. จอแปแหร่ เก่ซิปล่อ โอ่เร๊อลู เฮ๊เรอ นอเมแลเปล๊กา มอลู กู๊แหน่เออเนอ กอกอ? เมเตเฮ๊เร๊อ อา เฮ๊ เด๊อะ อาเหน่ เน๊อ, ‘แว หม่า จอแปแหร่ อาพู๊คู เม’”

มัทธิว 4:3

เบ๊อะเนออาเค โลเน๊มูแหม่ กู่กล๊อ แฮ เด๊อ ลูโอ่ เร๊อ อา เฮ๊ ลู เน๊อ, “เน เก่ หม่า จอแปแหร่ อาพู๊ เตเพร เฮ๊เรอ, นอตาหล่อ เออเต๊เห่ เร๊อ นอทวาแถ่ อา เร๊อ ค๊อมู เนอ.”

เตเด๊อะโลแถ่ 2:18

“ราจว๊า ลีเออเนอ เด๊อ วีธิยาทิรา เพรหยื่อเอ่ตู๊หมู่ตอกล๊อ อา เตเน่วพู๊ อาโอ่เนอ,” อา เฮ๊ แว ฮู๊เนอเรอ อา เฮ๊ เน๊อ, “เตหรี่เตแก เออเนอหม่า อา แฮ เด๊อ จอแปแหร่ อาพู๊คู อาโอ่. อา เป๊เส่ปล่อ เนอ อา แกโรโซ แซ๊เจ๊อเน๊อ หมิเนอ, อา กู๊โด่เนอ, อา เต๊อเข่อเตเค แซ๊เจ๊อเร๊อ ตาลีแบ เด๊อ อู ทื๊อแปล๊ลีชิ อาเนอ เจ๊อ.

ꤚꤥꤗꤢꤩ꤬ 1:4

เด๊อ แหย่โยบูโพ๊ แบ่เจ่ อาขว่าอาคยา, เร๊อ เบ๊อะจอแปแหร่ เมเซอเพร กาคยา เป แบ่เจ่ เหย่ซู่ครี๊ เด๊อ เตเซอ เร๊อ อา เตโพรเตเตอเรอ เบ๊อะเนอ, อา เด๊อะโล เฮ๊อ ลู เร๊อ อา หม่า จอแปแหร่ อาพู๊คู เตเพร หม่าแหน่ เฮ๊อ.

เพรโด่แนพู๊ เต๊เห่ 13:14

เหย่ซี โอ่เด๊อ วีเปอร์กา เร๊อ เถ่จว๊า แลแค เด๊อ วีอันทิโอก โอ่ เด๊อ ปิสิเดีย เก่กูเนอ ตีวี. เร๊อ เบ๊อะแกแยยิวพู๊ ม๊อเนอโด่ เบ่ เบ๊อะเนอ, เหย่ซี จว๊าโน โอ่แนโอ่ เด๊อ เตจ๊อเบโฮกู.

เพรโด่แนพู๊ เต๊เห่ 13:5

เบ๊อะเหย่ซี จว๊าโต่ เด๊อ วีซาลามิส เบ๊อะเนอ, อา จว๊า แด๊โฉ่โด่แน เป่ อู เร๊อ จอแปแหร่ อาลาอาโหง่ เด๊อ แกแยยิวพู๊ เตจ๊อเบโฮ เต๊เห่ อากู. คูยอห์น มาระโก จว๊า เต่อเกอ เร๊อ เหย่ซี เร๊อ อา เมจว่าเกอ เหย่ซี.

เพรโด่แนพู๊ เต๊เห่ 9:22

คูเซาโล อา เหล่แด๊โฉ่โด่แน เป่ อู เออเนอ, อา เตอเรอฉว่าชอ ดุแถ่ เร๊อ ดุแถ่ เจ๊อ เร๊อ อา ข่าเฮ๊โล ตาเต เป่ อู เร๊อ เหย่ซู่ หม่า ครี๊ หม่าแหน่ เจ๊อ เตเพร อาขว่าอาคยา, โต่ เจ๊อ เด๊อ แกแยยิวพู๊ โอ่ เบ๊อะวีดามัสกัส อากู เนอเต๊เห่ เฮ๊ฉื่อกาคยา แจ่ ปา เจ๊อ ลู เตอเจ๋อ โต่.

เพรโด่แนพู๊ เต๊เห่ 8:36

เร๊อ เบ๊อะเหย่ซี เออซิเนอ จว๊า เป่แฮ โป่ เด๊อ เง เบ๊อะเนอ, เหย่ซี จว๊าโต่ เด๊อ เทอเหล่โอ่ โต๊โผ่. เออโตโพ๊เรอ แกแย ทวา กู่กล๊อ เออเตเพรเนอ อา เฮ๊ ลู เน๊อ, “เทอ โอ่ เบ๊อะเออ ว๊า! แว เก่ ซิหยื่อ เจ แวเหน่ เร๊อ เทอ เฮ๊เนอหม๋า เตเมดี๊แด ตาตือ แวแกล๊ โอ่ เต๊อเจ่อเจ่อ แอ?”

ꤛꤥ꤭ꤟꤢ꤬ 20:31

หม่าแน๊เรอ อู ราโอ่ ลี เออต๊าบ่า หม่า แซ่ฮู๊ ซี เก่ หยื่อเอ่ เร๊อ เหย่ซู่ หม่า เพรเมแลเปล๊กา เมสิยาห์, อา หม่า จอแปแหร่ อาพู๊คู เตเพร, เร๊อ เด๊อ ซี หยื่อเอ่ ลู อาขว่าอาคยา, เร๊อ ซี เก่ พย๊าหนิ ซิปล่อเซอเพร อาเงเนอ, อู รา เป่ ซี แพ๊.

ꤛꤥ꤭ꤟꤢ꤬ 19:7

แกแยยิวพู๊ เต๊เห่ เฮ๊ ตื๊อดื่อ แลแค เน๊อ, “เป เตซว๊าเตแส่โอ่ เร๊อ อา เบ่เซอ แพ๊, เมเตเฮ๊เรอ อา ดี๊กว๊า แล เกอเร๊อ อาเหน่ เร๊อ แว หม่า จอแปแหร่ อาพู๊คู, อา เฮ๊ เกอเร๊อ อาเหน่ ฮู๊เนอ.” อา เฮ๊แถ่ ตื้อดื่อ แลแค ฮู๊เนอ.

มัทธิว 27:54

เบ๊อะโรมัน เกลอฮู๊เตเย กู่กล๊อ เออเตเพร เร๊อ แกแย เด๊อ อา โอ่ป่อแม๊เร๊อ เหย่ซู่โล เออเต๊เห่ แม๊เถอะ เตเน่วท๊อดี เร๊อ ล๋อ เตทวาแถ่ อาเหน่ เออเต๊เห่ เบ๊อะเนอ, เหย่ซี ซิอิเช เร๊อ อา เฮ๊ แลแค เน๊อ, “อา หม่า จอแปแหร่ อาพู๊ หม่าแหน่ แหน่ เฮ๊อ.”

เพรโด่แนพู๊ เต๊เห่ 13:33

เร๊อ กู๊แหน่เออ อา เมเล๊อแถ่บาแถ่ เป่เฮ๊อ เป เด๊อ อา หม่า อากลุยอาแล ตากาแล แฮเง เฮ๊อ เป เออเต๊เห่ อา โอ่ เฮ๊อ. เด๊อ จอแปแหร่ เมก๊อถ่อ เซอเพรกา คยาแซ๊ เฮ๊อ เหย่ซู่ เด๊อ เตเซอ อาขว่าอาคยา, อา เมเล๊อบา เป่เฮ๊อ เป เฮ๊อ. ฮู๊ อู ราโอ่ เด๊อ ลีถู่เซ๊แถ่ อามาดุ เนอโต่โต๊โต่ อากูเนอ อา เฮ๊ เน๊อ, ‘เน หม่า แวพู๊คู, เออเต่อเนอเรอ, แว ทวา เฮ๊อ เนเพ เฮ๊อ’

เพรโด่แนพู๊ เต๊เห่ 13:46

โทเร๊อ คูเปาโล เร๊อ คูบารนาบัส ลื๋อ เฮ๊เบ่ คือเฮ๊เบ่บื่อ โป่โป่ เจ๊อ, เร๊อ อา เฮ๊ เน๊อ, “เป โตเบ่ แด๊โฉ่โด่แน เหร่อเล๊อ เป่ ซี เร๊อ จอแปแหร่ อาลาอาโหง่. หม่าแน๊เรอ ซี หยื่อเอ่แลแค เป เตโด่แน เออเนอ โต่ อาขว่าอาคยา, ซี เมจากาคยาแล เกอ เร๊อดื่อ เฮ๊อ ซิเหน่ ฮู๊ แกแย เด๊อ อาต่า พย๊าหนิ เกออู แหย่โยบูโพ๊เซอเพร ตูจูเพร โต่ เนอเต๊เห่ เฮ๊อ. ฮู๊เนอเรอ เป เก่ แด่แก ซี เร๊อ เป เก่ จว๊า เด๊อ แกแยยิวพู๊ หม่าโต่ เต๊เห่ อา โอ่.

เพรโด่แนพู๊ เต๊เห่ 14:1

ฮู๊ เหย่ซี เมโทเฮ๊อ เด๊อ วีอันทิโอก อากูเนอ, คูเปาโล เร๊อ คูบารนาบัส จว๊าโน เด๊อ แกแยยิวพู๊ เต๊เห่ เตจ๊อเบโฮกู เด๊อ อา โอ่ เด๊อ วีอิโคเนยูม อากู เนอเตเม. เร๊อ เหย่ซี เฮ๊เบ่อาโปลเพ๊ เป่ แร๊แหน่เจ๊อ อู เร๊อ แบ่เจ่ เหย่ซู่ อาหรี่อาแก อาขว่าอาคยา, แกแยยิวพู๊ เร๊อ แกแยยิวพู๊ หม่าโต่ เต๊เห่ หยื่อเอ่ เอ๊เกอ เหย่ซี โกโน๊ โต่.

เพรโด่แนพู๊ เต๊เห่ 16:13

เบ๊อะแกแยยิวพู๊ ม๊อเนอโด่ เบ่เฮ๊อ เบ๊อะเนอ, เป เถ่จว๊า เด๊อ วีกลอ เร๊อ เป จว๊า แฮเง เด๊อ เทอแลทือ. เบ๊อะเนอหม่า แกแยยิวพู๊ เต๊เห่ เหล่กุยจ๊อเบ อาเหล่โอ่ โอ่เกอเหล่ เป เหน่ เร๊อ เป จว๋า, เร๊อ เพรเหมาะ เต๊เห่ แฮโอ่ปล๊อ หนื่ออื่อ เหร่อ แลแค เบ๊อะเนอ เร๊อ เป โอ่แนเฮ๊เบ่ เน๊อ เหย่ซี.

เพรโด่แนพู๊ เต๊เห่ 17:2

ฮู๊ คูเปาโล เหล่โกล เม เกอ เร๊อ เนอ, อา จว๊าโน เด๊อ เตจ๊อเบโฮกู แกแยยิวพู๊ อา ม๊อเนอโด่ โซโพ๊ ลอเนอ อา จว๊า เฮ๊เบ่โด่แน เคร๊แขระ เร๊อ แกแย เบ๊หมู่ เบ๊อะเนอ เต๊เห่ เร๊อ อา แด๊โฉ่โล เป่ อู เร๊อ ลีเทส่อพ๊า อาหรี่อาแก.

เพรโด่แนพู๊ เต๊เห่ 17:10

เหมาะคี๊เฮ๊อ เบ๊อะเนอ, เพรหยื่อเอ่ เต๊เห่ ซูจว๊าแก คูเปาโล เร๊อ คูสิลาส เด๊อ วีเบโรอา. เบ๊อะอา จว๊าโต่ เด๊อ วีกู เบ๊อะเนอ, อา จว๊าโน จ๊อจื้อ เจ๊อ เด๊อ แกแยยิวพู๊ อา เตจ๊อเบโฮ อากู เจ๊อ.

เพรโด่แนพู๊ เต๊เห่ 17:17

ฮู๊เนอ อาขว่าอาคยา, อา เฮ๊เบ่โด่แน เคร๊แขะ เร๊อ แกแยยิวพู๊ เร๊อ แกแยกรีกพู๊ เด๊อ อา เบ่หยื่อเบ่แหน่ จอแปแหร่ เต๊เห่ เบ๊อะเตจ๊อเบโฮ อากู เนอ. โท๊โต่ อา โด่แน เคร๊แขะ โป่เกอ เร๊อ แกแย เด๊อ อา โอ่ แลแค เด๊อ แกล๊กู เนอเต๊เห่ ฮู๊เนอ ปวาเนอเน๋อ เจ๊อ.

เพรโด่แนพู๊ เต๊เห่ 18:4

แกแยยิวพู๊ ม๊อเนอโด่ ปว๋า โผ่โผ๋ เนอ, คูเปาโล โด่แน เคร๊แขะ อู เบ๊อะเตจ๊อเบโฮ อากูเนอ. แซ่ฮู๊ แกแยยิวพู๊ เร๊อ กรีกพู๊ เนอหมู่ลอ เก่ หยื่อเอ่แหน่ เกอ เหย่ซู่ อาเงเนอ, คูเปาโล แอ๊จื๊อ เฮ๊เบ่ จุ่ยหนิท๊อหนิ เหย่ซี ซิปล่อ.

เพรโด่แนพู๊ เต๊เห่ 18:19

เหย่ซี จว๊าโต่ เด๊อ วีเอเฟซัส เร๊อ อาแด่แก โหมะปริสสิลลา เร๊อ เพอาควิลลา เบ๊อะเนอ. อา จว๊าโน เด๊อ เตจ๊อเบโฮกู เร๊อ อา จว๊า เฮ๊เบ่โด่แน เคร๊แขระ เร๊อ แกแยยิวพู๊ เต๊เห่.

เพรโด่แนพู๊ เต๊เห่ 19:8

คูเปาโล จว๊าโน เด๊อ เตจ๊อเบโฮกู เร๊อ อา เฮ๊เบ่โด่แน คือฮาบื่อ เจ๊อ เน๊อ แกแย เบ๊หมู่ เบ๊อะเนอ โซเล อากู. คูเปาโล เฮ๊เบ่โด่แน เคร๊แขระ เหย่ซี เน๊อ, จอแปแหร่ อาเทอเก่ อาหรี่อาแก เร๊อ อา ท๊อหนิจุ่ยหนิ ลอ เหย่ซี อาซิปล่อ.

ꤊꤢ꤬ꤜꤢ꤬ꤒꤤ 1:16

แซ่ฮู๊ แว เก่ แด๊โฉ่โด่แน เป่ แกแยยิวพู๊ หม่าโต่ เต๊เห่ เร๊อ ครี๊ อา เตซิครือมีลา อาเงเนอ, จอแปแหร่ ซิปล่อโอ่ เนอ อา เก่ เด๊อะโลแถ่ เป่ แว เร๊อ อาพู๊คู. เบ๊อะเนอเค, แว กุย เร๊อ แกแยเห่ขุพู๊ อา เตเด๊อะซิเง ยูแกล๊ยูโกล จว่า แว เตเพร่ว โต่.

เพรโด่แนพู๊ เต๊เห่ 8:37

(คูฟีลิป เฮ๊ฉื่อ ลู เน๊อ, “เน เก่ หยื่อเอ่ ซิกอล๊อแกแน หม่าแหน่ เหย่ซู่ครี๊ เฮ๊เนอหม่า, เน เจ เนเหน่ เร๊อ เทอ หม่า อาหนิ แพ๊.” อา เฮ๊ ลู เร๊อ อา เฮ๊ฉื่อคยา เน๊อ, “เหย่ซู่ครี๊ หม่า จอแปแหร่ อาพู๊คู หม่าแหน่ เนอหม่า แว หยื่อเอ่” อา เฮ๊ฉื่อ ฮู๊เนอ)