เพรโด่แนพู๊ เต๊เห่ 9:2 - ลีเทส่อพ๊าอาเซ เร๊อ เห่ขุทวาลู๊2 เร๊อ อา จว๊ากูยซิยอ ลู เร๊อ อา เก่ ราจว๊าหนิ ลี ข่าเฮ๊โล เต๊เห่ เร๊อ อา เก่ ราจว๊า เป่ยูดาห์เต่จ๊อเบโฮ เด๊อ อา โอ่ เด๊อ วีดามัสกัส อากู เนอเต๊เห่ อาโอ่. ลี ข่าเฮ๊โล เออ เต๊เห่ เนอ, อา เฮ๊ จว๊า เหย่ซี เร๊อ เพรเหมาะ เบ่เบ่, เพรคู เบ่เบ่, อูเปเป๋ เบ่เบ่, เบ๊อะคูเซาโล แม๊เถอะ เร๊อ เหย่ซี ครวาเมเกอ แบ่เจ่ เหย่ซู่ อาแกล๊ เต๊เห่ เฮ๊เนอ, อา เก่ ปื่อ เหย่ซี ปา เร๊อ อา เก่ ซูกาแก เหย่ซี เด๊อ วีเยรูซาเล็ม ปา, อา ราจว๊า ฮู๊เนอ. အခန်းကိုကြည့်ပါ။Eastern Kayah Shadaw Dialect2 ꤚꤣꤧ꤬ ꤢ꤬ ꤡꤝꤢꤊꤝꤤ꤭ꤞꤤꤛꤢꤪ꤬ ꤜꤢꤨ꤭ ꤔꤢꤧ ꤢ꤬ ꤊ꤫ꤢꤦ꤬ ꤚꤢ꤭ꤡꤝꤢꤔ꤫ꤤ꤬ ꤜꤤ꤬ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤊ꤫ꤢꤦ꤬ ꤚꤢ꤭ꤡꤝꤢ ꤕ꤫ꤢꤩ꤬ ꤛꤢꤨꤘꤢ꤬ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ ꤘꤣ ꤢ꤬ ꤥ꤬ ꤘꤣ ꤠꤤ꤭ꤘꤢ꤬ꤗꤢ꤬ꤎꤢꤩ꤬ ꤢ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤥ꤬꤯ ꤜꤤ꤬ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤟꤢꤩ ꤡꤝꤢ ꤛꤢꤩ꤬ꤞꤤ꤭ ꤔꤢꤧ ꤖꤚꤢꤩ꤬ꤗꤢꤪ꤬ ꤙꤢꤩ꤬ꤙꤢꤩ꤬, ꤖꤚꤢꤩ꤬ꤋꤢꤨ꤭ ꤙꤢꤩ꤬ꤙꤢꤩ꤬, ꤢꤨ꤭ꤕꤢꤩ꤭ꤕꤢꤩ꤭꤮ ꤙꤢꤩ꤬ꤙꤢꤩ꤬, ꤘꤢ꤭ ꤋꤢꤨ꤭ꤎꤢꤪꤜꤢꤨ ꤗꤢꤧꤓ꤫ꤣꤧ꤬ ꤔꤢꤧ ꤛꤢꤩ꤬ꤞꤤ꤭ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤢ꤬ꤊꤜꤢꤧ ꤒꤣꤧ꤬ꤟꤢꤩ꤬ ꤟꤢꤩꤔꤣꤧ꤬, ꤢ꤬ ꤊ꤫ꤢꤦ꤬ ꤕ꤫ꤢꤦ꤬ ꤛꤢꤩ꤬ꤞꤤ꤭ ꤕꤢ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤞꤢꤨ꤭ꤊꤢ꤬ꤊꤢꤧ꤭ ꤛꤢꤩ꤬ꤞꤤ꤭ ꤘꤣ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤕꤢ꤭, ꤢ꤬ ꤚꤢ꤭ꤡꤝꤢ ꤟꤢꤨꤔꤣꤧ꤬꤯ အခန်းကိုကြည့်ပါ။ |
เพรโด่แนพู๊ เต๊เห่ 9:2
23 ပူးပေါင်းရင်းမြစ်များ
หม่าแน๊เรอ เต๊เห่เห่เนอ อา ซิปล่อชอ เร๊อ หยื่อเอ่ เกออู โต่. เร๊อ อา เป๊อเจ่ออิแช๊ แลแค แบ่เจ่ อาแกล๊อาโกล เด๊อ อู เด๊อะโล เออเนอ เด๊อ แกแย ตูปลูเต๊เผ่ เป๊เส่เง เจ๊อ. ฮู๊เนอ อาขว่าอาคยา, คูเปาโล เถ่จว๊า ตาพาแก เร๊อ เหย่ซี. เร๊อ อา เอ๊หนิ อา โคเจ่ เต๊เห่ เร๊อ ปวาเนอเน๋อ. อา เร๊อ อา โคเจ่ เต๊เห่ จว๊า เฮ๊เบ่โด่แน โหร่ลู เด๊อ อู เอ๊ เน๊อ ซ๊าร๊า ทีรันนัส เหล่อิซว๊าเต เบ๊อะเนอ เนอโต๊โผะ.
หม่าแน๊เรอ, แว อ๊อแล เน๊อ แว จ๊อบู่จ๊อเบแถ่ เป โหมะเพเพอโพ เด๋อ งย๊าเค เต๊เห่ อา จอแปแหร่, เร๊อ หม่า เด๊อ แว โครครวา แกล๊ เด๊อ แบ่เจ่ เด๊อะโล เออเนอ เร๊อ เหย่ซี เฮ๊ แลแค แว เร๊อ แวหยื่อแวแหน่ ซื๊อเฮ๊อ เตเฮ๊อ, อา เฮ๊ แลแค ฮู๊เนอ. ล๋อ คูโมเสส อา เตซว๊าเตแส่ เด๊อ อา ราหนื่ออื่อ เหร่อ เต๊เห่เน๊อ เร๊อ ล๋อ เพรโพร อาลี เต๊เห่เนอ, แว หยื่อเอ่ เกอ ลอ แพ๊แพ๊.
หม่าแน๊เร๊อ แกแย เด๊อ อา เคร๊ฉื่อ ลู เนอ อา โอ่ เต๊เห่. เหย่ซี หม่า แกแย ตู๊หมู่ เด๊อ อา โน โอ่เตอเกอ เด๊อ (ฮู๊ อู เอ๊ เหย่ซี เร๊อ) แกแยยิวพู๊ เด๊อ อา พย๊าหนิ เตปาลา เต๊เห่ อา เตจ๊อเบโฮ ตู๊หมู่ตอกล๊อ. เหย่ซี หม่า อา โอ่ เด๊อ วีไซรีน เร๊อ วีอเล็กซานเดรีย อากู. เหย่ซี เออเต๊เห่ เร๊อ แกแยยิวพู๊ เด๊อ อาโรเต๊เห่ เด๊อ อา โอ่ เด๊อ ซีลีเซียเก่ เร๊อ เอเชียเก่ ซี เต๊เห่เนอ, อา เป๊อแถ่ เคร๊แขระฉื่อ คูสเทเฟน.
ล๋อ แกแย เด๊อ อา หนิโฮ ลู เฮ๊เบ่ เต๊เห่เนอ, อา เถ่ตาปา ลอปลี เหย่ซี เร๊อ อา เฮ๊ แลแค เน๊อ, “อา หม่า แกแย เด๊อ อา จว๊าลือ เมเซอ แกแย เด๊อ อา จ๊อเบ เหย่ซู่ เด๊อ วีเยรูซาเล็ม อากู เนอเต๊เห่ เตเพร หม่าโต่ แอ? อา แฮ เบ๊อะเออ เร๊อ อา เก่ แฮปื่อ แกแย เพรหยื่อเอ่ เต๊เห่ เร๊อ อา เตเร ซูกา อู เด๊อ เพรหลู่แต ทวาดุทวาเต เต๊เห่ อา โอ่, แวเฮ๊โต่?”
ကြော်ငြာတွေ