เพรโด่แนพู๊ เต๊เห่ 9:18 - ลีเทส่อพ๊าอาเซ เร๊อ เห่ขุทวาลู๊

¹⁸ เบ๊อะเนอ โตโพ๊เรอ เต เด๊อ อาแซ่เน๊อ เต๊วบ่า โอ่ เด๊อ ลู เป๊เส่ปล่อลู เนอ อาตาแก เร๊อ อา แม๊เถอะ กาคยา คยาแซ๊. เออโตโพ๊เรอ อา ก๊อถ่อ เร๊อ อา จว๊า เจ กาคยา อาเหน่ เร๊อ เทอ.

Eastern Kayah Shadaw Dialect

¹⁸ ꤙꤣꤧꤔꤣꤧ꤬ ꤒꤣ꤬ꤖꤥꤒꤥ꤬ ꤒꤢꤩ꤬ ꤘꤣ ꤢ꤬ꤞꤢꤧꤔꤢꤧ ꤒꤢꤩ꤭ꤟꤢꤨꤙꤢ꤬ ꤥ꤬ ꤘꤣ ꤜꤢꤨ꤭ ꤕꤣꤧꤞꤢꤩ꤬ꤕꤜꤢꤪ꤬ꤜꤥ꤬ ꤔꤣꤧ꤬ ꤜꤣꤧ꤬ꤒꤢ꤭ꤊꤢꤧ꤭ ꤚꤣꤧ꤬ ꤢ꤬ ꤗꤢꤧꤓ꤫ꤣꤧ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ꤯ ꤣꤧ꤭ꤒꤣ꤬ꤖꤥꤚꤣꤧ꤬ ꤢ꤬ ꤊꤣꤧ꤬ꤓꤢꤪ꤬ ꤚꤣꤧ꤬ ꤢ꤬ ꤡꤝꤢ ꤡꤢꤩ꤬ ꤊꤢ꤬ꤋꤛꤢ꤭ ꤢ꤬ꤔ꤫ꤢꤩ꤬꤯

เพรโด่แนพู๊ เต๊เห่ 9:18 ပူးပေါင်းရင်းမြစ်များ

โครินธ์ เนอบ่า ต๊าบ่า 3:14

เบ๊อะเนอเค อิสราเอลพู๊ เต๊เห่เนอ, อา เถ่ บี๊ ตี๊ปิตาปา ลอ ลู ซิปล่อ. โต่กู๊แหน่ เจ๊อ เบ่เบ่, เบ๊อะอู แด๊ แถ่โล คูโมเสส อา เตซว๊าเตแส่ เด๊อ ลีเทส่อพ๊ากู เออ เบ๊อะเนอ, เหย่ซี ซิเงโปล เตอเจ๋อ โต่. เหย่ซี เก่ หยื่อเอ่ แบ่เจ่ เหย่ซู่ครี๊ ตื๊อหม่า อาซิปล่อ บี๊ตาปา เออเนอ เก่ โอ่โมแถ่ เร๊อ ซิเงโปลแฮ เบ๊โหน่ แพ๊.

เพรโด่แนพู๊ เต๊เห่ 22:16

เน เม แป่เหย่ เนเหน่ เมเต? ก๊อถ่อมอ เร๊อ เจเกอมอ เนเหน่ เร๊อ เทอเนอ, เร๊อ กุยจ๊อเบแถ่ มอ อา เด๊อ อา เก่ ซู๊ปลีแก เน เตซื๊อ เออเนอ,’” คูเปาโล เฮ๊ เป่ เหย่ซี ฮู๊เนอ.

เพรโด่แนพู๊ เต๊เห่ 2:38

คูเปโตร เฮ๊ เป่ เหย่ซี เน๊อ, “แซ่ฮู๊ จอแปแหร่ เก่ ปลวาแก ซี เตซื๊อ เต๊เห่เนอ, ถู่แหล่แต๊แกละกา แลแค ซิปล่อ ปว๋า เตเพร เร๊อ เจ แลแค ซีเหน่ เร๊อ เทอ เด๊อ เหย่ซู่ครี๊ อามุย อากูเนอ, ตื๊อหม่า จอแปแหร่ เก่ เด๊อะ ซี เชหยู่ หม่าเฮ๊อ แหย่โยบูโพ๊แบ่เจ่ เออเนอ ปา.

โครินธ์ เนอบ่า ต๊าบ่า 4:6

เบ๊อะจอแปแหร่ แบ๊แล เตล๋อ ปลี เบ๊อะเนอ, อา เฮ๊ เน๊อ, “เตคี๊ เก่ ซ๊อซื๊อ ตาพา จว๊าแก เร๊อ เตลี เก่ โอ่โลแถ่ ดื่อ นี๋,” อา เฮ๊ ฮู๊เนอ. จอแปแหร่ เมโท เป่ เกอดื่อ เฮ๊อ เป ฮู๊เนอ เฮ๊อ. เบ๊อะเป ซิเง แต่ล๋าย ครี๊ โต่ เบ๊อะเนอ, เป ซิปล่อ เออ อา คี๊ตาปา แพ๊ หม่าแน๊เรอ จอแปแหร่ เมลีกา เป่ เป ซิปล่อ เฮ๊อ. แซ่ฮู๊ เป เก่ ซิเงโปลแร๊ จอแปแหร่ อา เตลีเตเตเค เด๊อ อา เด๊อะโลแถ่ แฮเง เร๊อ ครี๊ เออเต๊เห่เนอ, อา หม่า เพร เด๊อ อา อิชีลีแถ่ เป่ เป ซิปล่อ อา เตเตเน เต๊เห่ เตเพร เฮ๊อ.

เพรโด่แนพู๊ เต๊เห่ 2:41

แกแย เด๊อ อา หยื่อเอ่ คูเปโตร อา เตเฮ๊เบ่โด่แน เออเต๊เห่เนอ, อา เจหนิแลแค อาเหน่ เร๊อ เทอ. เร๊อ เบ๊อะเนอเตอเนอเนอ, แกแย หยื่อเอ่แลแค เร๊อ อากา โกโน โอ่เอ๊แถ่ เกอ โป่ เหย่ซี เนอ, อา พื๋อ โอ่ อาเพร โซรี๊ เจ๊อ.

เพรโด่แนพู๊ เต๊เห่ 9:8

คูเซาโล ก๊อถ่อ เร๊อ อา จ่าเพรอแอ๊จื๊อ แม๊กอลอเถ่ ตื๊อดื่อเรอ อา แม๊เถอะ เตอเจ๋อ โต่ อาขว่าอาคยา, เหย่ซี โตโตจว๊า ลู เร๊อ อา ซูโน ลู เด๊อ วีดามัสกัส อากู.

เพรโด่แนพู๊ เต๊เห่ 9:17

ฮู๊เนอเรอ คูอานาเนีย จว๊าโน เด๊อ หี่ เบ๊อะคูเซาโล โอ่ เกอเร๊อ เนอเตเม อากู. โทเรอ อา โนแด่แถ่ อากู๊ขุ เด๊อ คูเซาโล อาลู เร๊อ อา เฮ๊ ลู เน๊อ, “โป่แหว่ คูเซาโล, แซ่ฮู๊ เน เก่ แม๊เถอะ กาคยา แร๊ คยาแซ๊, โทเร๊อ แซ่ฮู๊ เน เก่ เล๊อบาแถ่ เร๊อ แหย่โยบูโพ๊แบ่เจ่ อาเงเนอ, แบ่เจ่ เหย่ซู่ เด๊อ อา โอ่โลแถ่ เป่ โทเฮ๊อ เน เด๊อ แกล๊ลู เนอเตเพร, นอแฮ แว เด๊อ เนโอ่ เฮ๊อ.”

เพรโด่แนพู๊ เต๊เห่ 9:19

อาเอ่อาโอ คยาแซ๊ เร๊อ อาอ๊าอาเหร่ โอ่แถ่ คยาแซ๊. เร๊อ อา โอ่เกอ เร๊อ เพรหยื่อเอ่ เต๊เห่ เบ๊อะวีดามัสกัส อากูเนอ โซลุยเนอ.

เพรโด่แนพู๊ เต๊เห่ 22:13

อา แฮ ก๊อถ่อโอ่ เด๊อ แว อาช๊า เร๊อ อา เฮ๊ แว เน๊อ, ‘โป่แหว่ คูเซาโล๋, แม๊เถอะ กาคยา คยาแซ๊มอ,’ อา เฮ๊ เนอ, แวเป๊เส่ ลีกา โตโพ๊ ลีกาคยาเจ๊อ, เร๊อ แว แม๊เถอะเร อา.