เพรโด่แนพู๊ เต๊เห่ 9:10 - ลีเทส่อพ๊าอาเซ เร๊อ เห่ขุทวาลู๊

¹⁰ เด๊อ วีดามัสกัส อากูเนอ, เพรหยื่อเอ่ เด๊อ อามุย เร๊อ คูอานาเนีย โอ่ เตเพร. อา แม๊เถอะลว๊าเหร่อ เต เร๊อ เด๊อ อา เตแม๊เถอะลว๊าเหร่อ อากูเออเนอ, แบ่เจ่ เอ๊ อา เน๊อ, “คูอานาเนีย!” เร๊อ อา กาคยาฉื่อ เน๊อ, “แบ่เจ่ แวโอ่ แพ๊.”

Eastern Kayah Shadaw Dialect

¹⁰ ꤘꤣ ꤠꤤ꤭ꤘꤢ꤬ꤗꤢ꤬ꤎꤢꤩ꤬ ꤢ꤬ꤊꤢꤨ꤭ꤔꤣꤧ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤘꤣ ꤢ꤬ꤗꤝꤤ꤭ ꤔꤢꤧ ꤋꤢꤨ꤭ꤢ꤬ꤔꤢ꤬ꤔꤤ ꤥ꤬ ꤒꤣ꤬ꤖꤚꤢꤩ꤬꤯ ꤢ꤬ ꤗꤢꤧꤓ꤫ꤣꤧ꤬ꤜꤝꤢꤚ꤫ꤣꤧ꤬ ꤒꤢꤩ꤬ ꤚꤣꤧ꤬ ꤘꤣ ꤢ꤬ ꤒꤢꤩ꤬ꤗꤢꤧꤓ꤫ꤣꤧ꤬ꤜꤝꤢꤚ꤫ꤣꤧ꤬ ꤢ꤬ꤊꤢꤨ꤭ꤣꤧ꤭ꤔꤣꤧ꤬ ꤙꤢꤧ꤬ꤡꤢꤩ꤬ ꤢꤩ ꤢ꤬ ꤔꤢꤧ, “ꤋꤢꤨ꤭ꤢ꤬ꤔꤢ꤬ꤔꤤ!” ꤚꤣꤧ꤬ ꤢ꤬ ꤒꤢꤩ ꤊꤢ꤬ꤋꤛꤢ꤭ꤏꤢꤦ꤬ ꤔꤢꤧ, “ꤙꤢꤧ꤬ꤡꤢꤩ꤬ ꤠꤢꤧ꤭ꤥ꤬ ꤖꤢꤧ꤯”

เพรโด่แนพู๊ เต๊เห่ 9:10 ပူးပေါင်းရင်းမြစ်များ

เพรโด่แนพู๊ เต๊เห่ 22:12

“แกแย อามุย เร๊อ คูอานาเนีย อาโอ่ เตเพร, อา หม่า แกแย เตเพร เด๊อ อา โมแหน่เจ๊อ จอแปแหร่, เร๊อ อา ลือ ครวาเมเกอ ฮู๊ เตซว๊าเตแส่ โอ่ เนอ. เร๊อ แกแยยิวพู๊ โอ่ เบ๊อะวีดามัสกัส อากู เนอเต๊เห่ แด่ดุหยื่อแหน่ แหน่เจ๊อ ลู เจ๊อ.

เพรโด่แนพู๊ เต๊เห่ 10:3

เตอเนอเค เบ๊อะเหมาะเฮ๊แล โซมือ ผื่อเบ่เฮ๊อ เบ๊อะเนอ, อา แม๊เถอะลว๊า หนื่ออื่อ ลีโพ๊ เจ๊อ จอแปแหร่ อา เตเน่วม๊อขุพู๊ เตเพร แฮโน โอ่โลคย๊า เด๊อ อา หี่ด๊อกู เร๊อ อา เอ๊ ลู เน๊อ, “เพโครเนลิอัส!” ฮู๊เนอ.

เห่ขุทวาลู่ 22:1

เพอับราฮัม โอ่ หน่างยาเลงยา เฮ๊อ เบ๊อะ ฟีลิสเตียเก่กู โทเร๊อ จอแปแหร่ดุ เจแม๊ ลู เตหยื่อเตแหน่ เร๊อ, “อับราฮัม,” อา เอ๊ ลู เร๊อ, “แว โอ่ แพ๊ แบ่เจ่ดุ,” อา เต๊ฉื่อ ลู ฮู๊เนอ.

เห่ขุทวาลู่ 31:11

จอแปแหร่ดุ อาเตเน่วม๊อขุพู๊ เฮ๊เบ่ แว เด๊อ เตโอ่เมอแหม่กู เร๊อ อา เอ๊ แว, ‘เก๋อ คูยาโคบ’ เร๊อ แว เฮ๊ฉื่อ ลู เน๊อ, ‘เมเต, แว โอ่ แพ๊.’

เพรโด่แนพู๊ เต๊เห่ 2:17

‘จอแปแหร่ เฮ๊ เน๊อ, เออ หม่า เต เด๊อ แว เก่ นอทวาแถ่ อา เบ๊อะม๊อเนอ เด๊อ คยาตื๊อดื่อเล๊อ ปา เต๊เห่เนอ เฮ๊อ. แว เก่ กลอตา แว แหย่โยบูโพ๊แบ่เจ่ เด๊อ แกแย เห่ขุพู๊ ล๋อ ปลี เต๊เห่ อาลู ปา. ซี พู๊เหมาะพู๊คู เต๊เห่ เก่ แด๊โฉ่โล หนื่ออื่อ แว เตหรี่เตแก เต๊เห่ ปา, ซี เพรคูพู๊เส่ เต๊เห่ เก่ แม๊เถอะลว๊า หนื่ออื่อ ปา, เร๊อ ซี โหมะเผระ เต๊เห่ เก่ โอ่เมอแหม่ลว๊า เต เต๊เห่ ปา.

เห่ขุทวาลู่ 14:15

เบ๊อะ เหย่ซี ครวาลือ โต่ แลแค เฮ๊อ เด๊อ วีดาน เบ๊อะเนอ, อา เบ เบ๊หมู่ เบ๊หมู่ เกอเร๊อ อาแกแย เต๊เห่ เร๊อ เบ๊อะ เหมาะคี๊ เบ๊อะเนอ อา โนช๊า แลแค เพรซิเถ่ เหย่ซี เต๊เห่. เร๊อ อา ช๊าเป่ ลอ เพรซิเถ่ เหย่ซี เต๊เห่, เร๊อ อา ครวาลือ โต่ เหย่ซี เด๊อ วีดามัสกัส เบ๊โท วีโฮบาห์ เนอ.

เพรโด่แนพู๊ เต๊เห่ 9:9

เร๊อ โซเนอโซเซ เฮ๊อ อา แม๊เถ่แจ่โต่, โท๊โต่ อาเอ่อาโอ เตอเจ๋อ โต่.

เพรโด่แนพู๊ เต๊เห่ 11:5

เร๊อ อา เฮ๊โฉ่โลโปล เป่ เหย่ซี เน๊อ, “เบ๊อะแว โอ่ เด๊อ วียัฟฟา เร๊อ แว กุยจ๊อเบ เบ๊อะเนอ, แว แม๊เถอะลว๊า เตเต๊อเจ่อ. แว เตแม๊เถอะลว๊า เออเนอ, อา โอ่ เด๊อ ม๊อขุ เร๊อ อา แจตา เป่ แว แซ่เน๊อ อิเกดุ เด๊อ อาเหนาะ โอ่ ลุยเหนาะ ต๊าบ่าเนอ. โทเร๊อ อา แจตา ผื่อต๊อต่อ เบ๊อะแว อาช๊า.

เพรโด่แนพู๊ เต๊เห่ 12:9

เร๊อ คูเปโตร ครวาเถ่ เกอ ลู คยา โต่เด๊อ ทอกลอ. หม่าแน๊เรอ เตเน่วม๊อขุพู๊ เม เป่ ลู ฮู๊ เออเนอหมา อา หม่าแหน่ แอ, หม่าโต่ แอ, เร๊อ คูเปโตร ซิเง ตาเต โต่. อา เตเนแพ๊ เร๊อ อา แม๊เถอะลว๊าเออ แพ๊.

เพรโด่แนพู๊ เต๊เห่ 16:9

เบ๊อะเนอเตเซ, คูเปาโล แม๊เถอะลว๊า เตเต๊อเจ่อ. เร๊อ อา แม๊เถอะลว๊า เน๊อ มาซิโดเนีย เก่พู๊ เตเพร แฮก๊อถ่อ กุยซิยอ ลู เน๊อ, “แฮโน เมจว่า เป่เกอเหย่ เร๊อ เป เด๊อ มาซิโดเนีย เก่กูเออ.”

เพรโด่แนพู๊ เต๊เห่ 16:10

คูเปาโล แม๊เถอะลว๊า โทเตเออเออ เน๊อ, เป โอ่ตี๊หรี่แแตแร เปเหน่ เน๊อ เป เก่ เถ่จว๊า เด๊อ มาซีโดเนีย เก่, เมเตเฮ๊เร๊อ เป หยื่อเอ่ เร๊อ จอแปแหร่ เอ๊ เป เร๊อ เป เก่ จว๊า แด๊โฉ่โด่แน เป่เกอ มาซิโดเนีย เก่พู๊ เต๊เห่ เร๊อ เตซิครือมีลา อาหรี่อาแก.

เพรโด่แนพู๊ เต๊เห่ 18:9

เตเซเนอ, คูเปาโล แม๊เถอะ เตแม๊ลว๊า เต๊อเจ่อ เร๊อ แบ่เจ่ เฮ๊เบ่ ลู เน๊อ, “ซิอิเช แต่เหม่! โอ่โก๊แก แต่ เน เตเฮ๊เบ่ แต่เหม่! โอ่โส่ตือครื๊อ แต่เหม่!

โครินธ์ เนอบ่า ต๊าบ่า 11:32

เบ๊อะแว โอ่ เด๊อ วีดามัสกัส อากู เบ๊อะเนอ, คุ๊ยดุ อาเรทัส อาฮ๊อเลแล คุ๊ย เนอเพรเตเพร แด่ตา โอ่ป่อ อาเกลอฮู๊ เต๊เห่ เด๊อ วี กู่ดาดุทือ เร๊อ อา นอโอ่ป่อ ปื่อ เหย่ซี เร๊อ แว.

ꤊꤢ꤬ꤜꤢ꤬ꤒꤤ 1:17

แว จว๊า แม๊เถอะน๊อ เพรโด่แน เด๊อ อา ทวาแถ่ เหร่อ เร๊อ แว เด๊อ อา โอ่ แลแค เด๊อ วีเยรูซาเล็ม อากู เนอเต๊เห่ โตโพ๋ โต่. หม่าแน๊เรอ, แว จว๊า โตโพ๊จว๊า เด๋อ อาระเบียเก่ โทเรอ แว กาคยา คยาแซ๊ เด๊อ วีดามัสกัส อากู แพ๊.

เพรโด่แนพู๊ เต๊เห่ 9:12

เร๊อ อา แม๊เถอะลว๊าเหร่อ เฮ๊อ เนอ, แซ่ฮู๊ อา เก่ แม๊เถอะ กาคยา คยาแซ๊ อาเงเนอ, แกแย เด๊อ อามุย เร๊อ คูอานาเนีย เฮ๊เนอ เตเพร แฮเด๊อ ลูโอ่ เร๊อ อา แอฮ แด่แถ่ อากู๊ขุ เด๊อ ลู ลู.”