เพรโด่แนพู๊ เต๊เห่ 8:9 - ลีเทส่อพ๊าอาเซ เร๊อ เห่ขุทวาลู๊

⁹ เบ๊อะวีกูเนอ แกแย เด๊อ อามุย เร๊อ คูซีโมน อาโอ่ เตเพร. อา เฮ๊ เกอเร๊อ อาเหน่ เน๊อ อา หม่า อา ทวา กู่กล๊อดุ กู๊ฉู่ทู เตเพร, เร๊อ อา จว๊าเล เมตาปา คย๊ายื๊อ โท เอ๊ เป่ ลา เฮ๊อ สะมาเรียพู๊ เต๊เห่ เร๊อ เตเม เต๊เปล่ อูเป๊เส่ เต๊เห่.

Eastern Kayah Shadaw Dialect

⁹ ꤙꤣꤧ ꤠꤤ꤭ꤊꤢꤨ꤭ꤔꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ꤗꤝꤤ꤭ ꤔꤢꤧ ꤋꤢꤨ꤭ꤏꤛꤤꤗꤥ꤬ ꤥ꤬ ꤒꤣ꤬ꤖꤚꤢꤩ꤬꤯ ꤢ꤬ ꤟꤢꤩ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤔꤢꤧ ꤢ꤬ ꤗꤢ꤬ ꤢ꤬ ꤓꤝꤢ꤭ ꤊꤢꤨ꤬ꤊꤜꤢꤪꤘꤢꤨ꤬ꤊꤣꤧꤏꤢꤨ꤬ꤓꤢꤨ꤭ ꤒꤣ꤬ꤖꤚꤢꤩ꤬, ꤚꤣꤧ꤬ ꤢ꤬ ꤡꤝꤢꤜꤢꤩ꤭ ꤗꤢꤩ꤬ꤒꤣꤧ꤬ꤕꤢ꤬ ꤋꤛꤢꤛꤢꤦ ꤓꤥ꤭ ꤢꤩ ꤜꤥ꤬ ꤕ꤫ꤢꤩ꤬ ꤟꤣꤧ ꤏꤛꤢ꤬ꤗꤢ꤬ꤚꤤꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤗꤢꤩ꤬ ꤒꤣꤧ꤬ꤕꤜꤢꤩ꤬ ꤢꤨ꤭ꤕꤣꤧꤞꤢꤩ꤬ ꤒꤣꤧ꤬ꤟꤢꤩ꤬꤯

เพรโด่แนพู๊ เต๊เห่ 8:9 ပူးပေါင်းရင်းမြစ်များ

เพรโด่แนพู๊ เต๊เห่ 13:6

เหย่ซี จว๊าแถ่โน เด๊อ กลื๊อขุ เร๊อ อา จว๊า ล๊อปลู๊ โต่เด๊อ วีปาโพส โอ่ เด๊อ กลื๊อตื๊อดื่อ เนอตีวี. เหย่ซี แม๊เถอะ ตาฉื่อ เร๊อ ยูดาห์เพรโพร แลโฮแลแห่พู๊ เด๊อ อา จว๊าเล เด๊อะโล เป่ อู เร๊อ อาเมเต๊เปล่ อูเป๊เส่ เตเพร. อามุย เร๊อ คูบารเยซู.

เพรโด่แนพู๊ เต๊เห่ 5:36

เตเนแถ่ โต่ แลแค เร๊อ เด๊อ อาเหร่อเค เนอหม่า แกแยมูย เร๊อ คูธุดาส โอ่แถ่ เตเพร. อา เฮ๊ เกอเร๊อ อาเหน่ เร๊อ แว หม่า แกแย ทวาดุ เตเพร. อาโคเจ่ เด๊อ อา ครวาเกอ ลู เนอ อา ผื๋อ โอ่ ลุยเย เจ๊อ, ตื๊อดื่อเรอ เบ๊อะอู เมเซอแก โทเฮ๊อ ลู เบ๊อะเนอ, อา โคเจ่ เต๊เห่ ลูโพร๊ลูแพร ลอ แพ๊. โทเรอ อา เตเอ่เตแร เต๊เห่เนอ อา ปย๊าแกลอ เบ๊อะเนอ แพ๊.

ꤛꤥ꤭ꤟꤢ꤬ 7:18

แกแย เด๊อ อา เฮ๊เบ่ เกอเร๊อดื่อ เร๊อ อา เตอเรอฉว่าชอ เตเพรเพร เนอ, อา ซิหยื่อ นอถู่เซ๊หนิ อู เร๊อ อาเหน่ แพ๊. หม่าแน๊เรอ แกแย เด๊อ อา ซิหยื่อ นอถู่เซ๊หนิ อู เร๊อ เพร เด๊อ อา นอแฮ ลู เออเตเพรเพร เนอ, อา เฮ๊เบ่จ๊อ แพ๊, อา แลโฮแลแห่ อู โต่.

เพรโด่แนพู๊ เต๊เห่ 8:11

อา เม คย๊ายื๊อ เป่ อู เร๊อ อาเตเม เต๊เปล่ อูเป๊เส่ เบ๊อะเนอ หม่า อางยาลาเฮ๊อ อาขว่าอาคยา, อู หนิดา เซอหนิดา โอ่ เจ๊อ ลูโหง่.

เตเด๊อะโลแถ่ 22:15

แกแย แซ่เกอ อาโค โต่ เปทวา ถุ่ย เต๊เห่, โลเน๊มู๊แหม่รีแจ่ ซ๊าร๊า เต๊เห่, แกแย จว๊าซื๊อ เพร เหมาะ เพรคู เต๊เห่, แกแย เมเซอ แกแย เต๊เห่, แกแย จ๊อเบ เตแหย่โย เต๊เห่, ล๋อ แกแย เด๊อ อา โม เกอเร๊อ เตแลโฮแลแฮ เร๊อ อา โอ่เซอเพร ครวาเมเกอ ฮู๊เนอ ปว๋า โตโพ๊ เนอเต๊เห่เนอ อา เก่ โอ่ แลแค เด๊อ วีกลอ ปา.

เปโตร เนอบ่า ต๊าบ่า 2:18

เหย่ซี เฮ๊เบ่ แถ่ม๊อแถ่โผ่ แลแค อา โหง่ เด๊อ อาบุ๊ยเตอเรอ โอ่โต่ เต๊เห่. เหย่ซี จว๊า อิซว๊า อู เร๊อ อู เก่ เมเตตาเร เด๊อ สุ่ยเทอพ๊าหย่า อา เตซิหยื่อ ปาต๊า เต๊เห่. เหย่ซี อี๊หล่า จว๊า ตาพาแก อู เร๊อ แกล๊โตแกล๊เบ่ เต๊เห่. แกแย เด๊อ เหย่ซี อี๊หล่า เต๊เห่เนอ, อา ตื๊อ โอ่โก๊เซ ปาแพ๊ เร๊อ อา เตซื๊อ ฮู๊ เหย่ซี เนอเต๊เห่ เมเนอ แพ๊.

ทิโมธี เนอบ่า ต๊าบ่า 3:5

เหย่ซี จ่า ครวาเมเกอบย่า แพ๊ เป เตจ๊อบู่จ๊อเบ อาเหล่โกล เหล่แบ่ ปา. หม่าแน๊เรอ เหย่ซี เก่ โชโม๊บิแก เตจ๊อบู่จ๊อเบ อา เตอเรอฉว่าชอ เด๊อ อา หม่าแหน่ เออเนอเต๊เห่ ปา. จว๊า ตาพาแก เน๊อ แกแย ฮู๊เนอเต๊เห่ อาเหล่นี๋.

ทิโมธี เนอบ่า ต๊าบ่า 3:2

เบ๊อะเนอ อาเคปาเนอ, แกแย เต๊เห่เห่ เนอ, อา เก่ โมแล เกอเร๊อดื่อ อาเหน่, อา เก่ โมหนิเร๊อ รือ, อา แด่ดุ อาเหน่, อา เก่ แด่แถ่โล อาซิปล่อ ปา. เหย่ซี หม่า แกแย เด๊อ อา เป๊อเจ่ออิแช๊ เต, จูลาพย๊าหนิ โหมะโหง่เพโหง่ โต่, ซิเง อูบุ๊ยอูเตอเรอ โต่, ซิเง เตบูโพ๊ โต่.

เธสะโลนิกา เนอบ่า ต๊าบ่า 2:4

ล๋อ เตเด๊อ อู เอ๊ เร๊อ จอแปแหร่, หม่าโต่เรอ, ล๋อ เตเด๊อ แกแย จ๊อเบแถ่ อา เต๊เห่เนอ, แกแย จามู๊แหม่ เออเตเพร เก่เท๊ เก่แตแอ ฉื่อแก ปา เร๊อ อา เก่ แด่แถ่โล อาเหน่ เร๊อ อาดุเล๊อ เจ๊อ เร๊อ ล๋อ เตเออเต๊เห่ ฮู๊เนอ เจ๊อ ปา. ฮู๊เนอ อาขว่าอาคยา, อา เก่ แฮโน โอ่แนโอ่ เด๊อ จอแปแหร่ เตหลู่แตโฮอากู ปา, เร๊อ อา เก่ แด๊กว๊าแล เกอ เร๊อ เจ๊อ อาเหน่ เร๊อ แว หม่า จอแปแหร่ เตเพร ฮู๊เนอ เจ๊อ ปา.

เพรโด่แนพู๊ เต๊เห่ 13:8

หม่าแน๊เรอ แกแย เมเต๊เปล่ อู เป๊เส่ คูเอลีมาส เออเตเพรเนอ, (เออ หม่า คูบารเยซู อามุย เร๊อ กรีกโหง่), แซ่ฮู๊ คุ๊ยดุ เก่หยื่อเก่แหน่ เกอ แต่เหม่ เนอเรอ, อา เมดี๊แด ตาตือ เหย่ซี.