เพรโด่แนพู๊ เต๊เห่ 8:30 - ลีเทส่อพ๊าอาเซ เร๊อ เห่ขุทวาลู๊

³⁰ เร๊อ คูฟีลิป แกล่จว๊า เด๊อ ตีซิโหล่ แก่ช๊า เร๊อ เบ๊อะอา หนิโฮ อา แด๊ลี เพรโพร อิสยาห์ ลี เบ๊อะเนอ, อา แด๊เฮอ ลู เน๊อ, “เน แด๊ ลีเออ เนอหม่า, เน ซิเง เกอเร๊อ ช๊าเหล่ อาโหง่แลช๊า แอ?”

Eastern Kayah Shadaw Dialect

³⁰ ꤚꤣꤧ꤬ ꤋꤢꤨ꤭ꤖꤤꤜꤤ꤬ꤕꤢꤨ꤬ ꤊꤜꤢꤧ꤬ꤡꤝꤢ ꤘꤣ ꤒꤣꤧ꤬ꤞꤤꤜ꤫ꤥ꤬ ꤊꤢꤧ꤭ꤏꤢ ꤚꤣꤧ꤬ ꤙꤣꤧ ꤢ꤬ ꤔ꤫ꤤ꤬ꤟꤥ꤭ ꤢ꤬ ꤘꤢꤧ ꤖꤚꤢꤩ꤬ꤖꤚꤥ꤬ ꤛꤢ꤬ꤏꤛꤢꤛꤢ꤬ ꤜꤤ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤘꤣꤧꤟꤣꤧ꤭ ꤜꤢꤨ꤭ ꤔꤢꤧ, “ꤔꤢꤧ꤬ ꤘꤢꤧ ꤜꤤ꤬ꤣꤧ꤭ ꤔꤣꤧ꤬ꤗꤢ꤬, ꤔꤢꤧ꤬ ꤞꤤꤑꤢꤩ꤭ ꤚꤣꤧꤘꤢꤦ꤬ ꤏꤢꤜ꤫ꤢꤩ꤬ ꤢ꤬ꤍ꤫ꤥ꤬ꤜꤣꤧ꤬ꤏꤢ ꤟꤢꤧ꤭?”

เพรโด่แนพู๊ เต๊เห่ 8:30 ပူးပေါင်းရင်းမြစ်များ

ꤛꤥ꤭ꤟꤢ꤬ 5:39

ซี แม๊ปูซิเง แลแค ลีเทส่อพ๊า เต๊เห่ เมเตเฮ๊เรอ ซี เตเน เร๊อ ซี เก่ แม๊เถอะ ซิปล่อเซอเพร ตูจูเพร เบ๊อะลี เออเนอเต๊เห่ อากู ปา. ลีเทส่อพ๊า เออเต๊เห่ เนอหม่า อา ข่าเฮ๊โล เป่เฮ๊อ ซิปล่อ เร๊อ แวหรี่แวแก เฮ๊อ.

เอเฟซัส 5:17

ฮู๊เนอเรอ โอ่ ตอครอ แลแค แต่เหม่ นี๋. แบ่เจ่ ซิปล่อโอ่ แคร๋ ฮู๊เตเนอ แม๊ปู ซิเงเกอ แลแค นี๋.

มัทธิว 15:10

แบ่เจ่ เหย่ซู่ เอ๊แฮผื่อ แกแย เบ๊หมู่ เด๊อ อาช๊า เร๊อ อา เฮ๊ เหย่ซี เน๊อ, “หนิดา เร๊อ แอ๊จื๊อ แม๊ปูซิเง ตาเต แลแค.

มัทธิว 13:23

เตกลุย เด๊อ อา ลูตา เด๊อ เห่หย่าเห่แร๊ขุ เต๊เห่ เนอหม่า อาแซ่เน๊อ แกแย เด๊อ อา หนิโฮ จอแปแหร่ อาลาอาโหง่ เร๊อ อา ซิเงโปล เนอเต๊เห่ เฮ๊อ. แกแย เออเต๊เห่เนอ อาเส่ โอ่เอ๊แถ่ โต่ เจ๊อ เด๊อ อาโพ๊ เตเย, อาโพ๊ เชอโซซว๊า, อาโพ๊ โซเชอ.”

มัทธิว 13:19

เบ๊อะแกแย เตเพรเพร หนิโฮโปล จอแปแหร่ อาเทออาเก่ เตหรี่เตแก เร๊อ อา ซิเงโปล โต่ เนอหม่า, อาแซ่เน๊อ เตกลุย ลูตา เด๊อ แกล๊เดกู เร๊อ โลเน๊มู๊แหม่รีแจ่ กู่กล๊อ แฮพย๊า ตาพาแก เตกลุย เด๊อ อู เว๊อตา เด๊อ เหย่ซี ซิปล่อกู เนอเต๊เห่.

โครินธ์ อาเหร่อเล๊อ ต๊าบ่า 14:19

หม่าแน๊เรอ เด๊อ เพรหยื่อเอ่ตู๊หมู่ตอกล๊อ อากูเนอ, แว เฮ๊เบ่ เร๊อ โหง่โค๊ตีกลี๊ เออเต๊เห่ โต่ เมเตเฮ๊เรอ, พื๋อ เร๊อ แว เฮ๊เบ่ อู เร๊อ โหง่โค๊ตีกลี๊ เออ อามือ ตอซ๊อ เนอ, แว อิซว๊า แพ๊ อู เร๊อ โหง่ เด๊อ อู ซิเงแจ่ เออ แงมือ แพ๊ เนอ อาแร๊เล๊อ ปา เจ๊อ เด๊อ แวเง เจ๊อ.

ꤗꤢ꤬ꤊꤢꤨ 13:14

เหย่ซู่ เฮ๊แฮเง โป่ เน๊อ, “ซี เก่ แม๊เถอะ เร๊อ เตซิรอซิเร โตเบ่ ก๊อถ่อโอ่ เด๊อ เตหลู่แตโฮกู โต่ หม่าแน๊เรอ อา ก๊อถ่อโอ่ เบ๊อะเนอ ปา. เด๊อ เออ อาคยา, อูเก่ แด่โอ่แหร่แก เตจ๊อเบโฮกู ปา (แกแย เด๊อ อา แด๊ ลี เออเต๊เห่ โตเบ่ ซิเงโปล แลแค.) เบ๊อะซี แม๊เถอะ อา ทวาแถ่ เฮ๊อ ฮู๊เออ เนอ ปาเนอ, แกแย โอ่ เด๊อ ยูดาห์เก่กู เนอเต๊เห่ เบ่ แกล่แถ่ แลเปล๊ แลแค อาเหน่ เด๊อ โฉ่ขุ.

มัทธิว 24:15

ฮู๊เนอเรอ, “ซีเก่ แม๊เถอะ เน๊อ ซิหย่อซิบี โต ก๊อถ่อ โอ่ เด๊อ เตหลู่ แตโฮกู เหล่โอ่เนอโต่ ตื๊อดื่อ เร๊อ อา ก๊อถ่อ โอ่ เบ๊อะเนอ ปา. เร๊อ เด๊อ เออ อาขว่าอาคยา, เร๊อ อู เก่ แด่ โอ่ แหร่ แก เตเตหลู่เตโฮกู เหล่โอ่ปา. เพรโพร คูดาเนียล เฮ๊โล โทเฮ๊อ เน๊อ. เตซีหย่อซิบี อาหรี่อาแก เออ เฮ๊อ. เบ๊อะซี แม๊เถอะ อาทวา แถ่เฮ๊อ ฮู๊เออ อาเค ปาเนอ, แกแย เด๊อ อาแด๊ ลี เออ ต๊าบ่า โต ซิเงโปล แลแค, เด๊อ เพรโพร คูดาเนียล เหล่แด๊โฉ่ เฮ๊แก เด๊อซี แด๊ ลี เออเต๊เห่ โตเบ่ ซิเงโปล แลแค.

มัทธิว 13:51

แบ่เจ่ เหย่ซู่ แด๊เฮอ อา โคเจ่ เน๊อ, “ล๋อ เออเต๊เห่ หม่า ซี ซิเง แอ?” เหย่ซี เฮ๊ฉื่อ เน๊อ, “อ่อ, เป ซิเง ว๊า.”

เตเด๊อะโลแถ่ 13:18

แซ่ฮู๊ ซี เก่ ซิเงโปล อาเงเนอ, ซี เบ่ ลีแม. แกแย เตเพรเพร เด๊อ อาโอ่ เร๊อ เตลีแมลีเพ๊ เด๊อ อา แด๊เบ่แจ่ เตมีเตแหม่ อา เตแด๊ม๊า เออเต๊อเจ่อ เนอ, นอแด๊เบ่ เร๊อดื่อ อาเนอ, เมเตเฮ๊เรอ เตแด๊ม๊า เออเนอหม่า แกแยเห่ขุ อาลีปล่อ แด๊ม๊า อาลีปล่อ แด๊ม๊า เออเนอหม่า เยโซซว๊า เร๊อ เชอโซซว๊า เร๊อ โซซว๊า.

เพรโด่แนพู๊ เต๊เห่ 8:27

ฮู๊เนอเรอ คูฟีลิป โอ่ ตี๊หรี่แตแร อาเหน่ เร๊อ อา เถ่จว๊า. เบ๊อะอา จว๊า เด๊อ แกล๊ลู เบ๊อะเนอ, อา แม๊เถอะฉื่อ เร๊อ เอธิโอเปียพู๊ เด๊อ อาชุ๊ยแก อา เดอะ เตเพร. อา หม่า อา ทวา กู่กล๊อ เร๊อ อา เบ่ แม๊ตู่ เพรเป๊อตี๊หรี่ เอธิโอเปีย คุ๊ยโหมะ ดานดาสี อารือเท ล๋อ ปลี เตเพร อา จว๊า จ๊อบู่จ๊อเบ โท เด๊อ วีเยรูซาเล็ม เร๊อ อา กาคยา เด๊อ อาดอ เร๊อ ตีซิโหล่.

ꤛꤥ꤭ꤟꤢ꤬ 4:34

เหย่ซู่ เฮ๊ เหย่ซี เน๊อ, “แว เมโต เพร เด๊อ อา นอแฮ แว เออเตเพร อา เตซิหยื่อ เร๊อ แว เมโทแก เตเม เด๊อ อา เด๊อ แว เออเนอหมา หม่าเฮ๊อ แวเหล่เอ่ เฮ๊อ.

เพรโด่แนพู๊ เต๊เห่ 8:5

คูฟีลิป จว๊าโต่ เด๊อ วีดุเล๊อ เด๊อ อา โอ่ เด๊อ สะมาเรีย เก่กูเนอ เตอวี. เร๊อ อา จว๊า แด๊โฉ่โด่แน เป่ แกแย โอ่ เบ๊อะเนอ เต๊เห่ เร๊อ ครี๊ อาหรี่อาแก.

เพรโด่แนพู๊ เต๊เห่ 8:29

แหย่โยบูโพ๊แบ่เจ่ แด๊โฉ่ คูฟีลิป เน๊อ, “จว๊า เด๊อ อา ตีซิโหล่ อาช๊าเนอ.”

เพรโด่แนพู๊ เต๊เห่ 8:31

เร๊อ แกแย ทวา กู่กล๊อ เออเตเพร เฮ๊ฉื่อ ลู เน๊อ, “อู เก่ เฮ๊โฉ่ซิเงโปล เป่ แว เตเพร่ว โต่ เฮ๊เรอ แว จว๊า ซิเงแจ่ ฮู๊เต?” อา เฮ๊ เร๊อ อา เอ๊แถ่ แถ่แด๊ เป่ ลู โหล่.