เพรโด่แนพู๊ เต๊เห่ 8:3 - ลีเทส่อพ๊าอาเซ เร๊อ เห่ขุทวาลู๊

³ คูเซาโล เฮ๊เออ เตเพรเนอ อา เมปย๊า เมหลู่แก ครี๊ อา เพร หยื่อเอ่เต ตู๊หมู่ตอกล๊อ เต๊เห่. อา จว๊าแถ่ โน เด๊อ หี่เตเม โท เตเม อากู, เร๊อ อา จว๊าจุ่ย ตู๊หรู่เถ่ เพรเหมาะหม่อ, เพรคูคู เด๊อ อา หยื่อเอ่แหน่เอ่รี เต๊เห่ เร๊อ ด๊อโน เหย่ซี เด๊อ ทอกู.

Eastern Kayah Shadaw Dialect

³ ꤋꤢꤨ꤭ꤎꤢꤪꤜꤢꤨ ꤟꤢꤩꤣꤧ꤭ ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ ꤢꤧꤡꤢꤦ ꤗꤢꤧꤕꤢꤨ꤭ ꤗꤢꤩ꤬ꤕꤛꤢꤗꤢꤩ꤬ꤜ꤫ꤢꤨ꤬ ꤋꤚꤤ ꤢ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤒꤣꤧ꤬ꤟꤢꤩ꤬꤯ ꤢ꤬ ꤡꤝꤢꤓꤢꤧ꤬ ꤔꤥ꤭ ꤘꤣ ꤟꤤ꤬ꤒꤣ꤬ꤗꤢꤩ꤭ ꤓꤥ꤭ ꤒꤣ꤬ꤗꤢꤩ꤭ ꤢ꤬ꤊꤢꤨ꤭, ꤚꤣꤧ꤬ ꤢ꤬ ꤡꤝꤢꤡꤝꤤ꤬ ꤒꤣꤧ꤬ꤚ꤫ꤢꤨ꤬ꤓꤢꤩ꤬ ꤖꤚꤢꤩ꤬ꤗꤢꤪ꤬ꤗꤢꤪ꤬, ꤖꤚꤢꤩ꤬ꤋꤢꤨ꤭ꤋꤢꤨ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ꤒꤢꤩ꤬ ꤒꤣꤧ꤬ꤟꤢꤩ꤬ ꤚꤣꤧ꤬ ꤘꤢꤪꤔꤥ꤭ ꤛꤢꤩ꤬ꤞꤤ꤭ ꤘꤣ ꤢ꤬ꤕꤥ꤬ꤊꤢꤨ꤭꤯

เพรโด่แนพู๊ เต๊เห่ 8:3 ပူးပေါင်းရင်းမြစ်များ

ทิโมธี อาเหร่อเล๊อ ต๊าบ่า 1:13

เด๋อ อาเหร่อเค เนอหม่า, แว เฮ๊ มู๊แหม่รีแจ่ เหย่ซู่ครี๊, แว เมจาเมจือ อา, แว เป๊อเจ่ออิแช๊ อา หม่าแน๊เรอ แบ่เจ่ ซิยอเกอเร๊อ แว, เมเตเฮ๊เรอ แว ย๋อ หยื่อเอ่แหน่ แต่เกอล๋ายโต่, เร๊อ แว เมเต เออเต๊เห่เนอ, แว ย๋อ ซิเง ล๋ายโต่ อาขว่าอาคยา, อา ซิยอเกอเร๊อ แว แพ๊.

ฟีลิปปี 3:6

เมเตเฮ๊เร๊อ แว ซิปล่อฉว่า แด่ดุแด่ทู แหน่เจ๊อ จอแปแหร่ อาเตเม อาขว่าอาคยา, แว เมจาเมจือ แกแย เด๊อ อา หยื่อเอ่ ครี๊ เต๊เห่. เก่ เฮ๊ เร๊อ จูเอ่ เตซว๊าเตแส่ อาโหง่เฮ๊แก เต๊เห่ ตื๊อเร๊อ ทวาแถ่ เบ๊แพ๊ แกแยจ๊อแกแยเต แพ๊ เก่เฮ๊เรอ, แว ทวา โทเฮ๊อ แกแย เตเพร เด๊อ อู แม๊ปู แด่เจ๊อ แว เตซื๊อ เนอ, อา โอ่เจ๊อโต่ เตเพร เฮ๊อ.

ꤊꤢ꤬ꤜꤢ꤬ꤒꤤ 1:13

เบ๊อะแว ลือครวาเกอ แกแยยิวพู๊ เต๊เห่ อา เตจ๊อบู่จ๊อเบ เบ๊อะเนออาเค, แว โอ่เซอเพร ฮู๊เต เนอหม่า ซี ซิเง โทดื่อเฮ๊อ. แว เมจาเมจือ แกแย เด๊อ อา หยื่อเอ่ เหย่ซู่ครี๊ เต๊เห่, เร๊อ แว แอ๊จื๊อ แม๊ปู เมปย๊าเมหลู่ เจ๊อ เหย่ซี เจ๊อ.

โครินธ์ อาเหร่อเล๊อ ต๊าบ่า 15:9

เด๊อ เพรโด่แนพู๊ เต๊เห่ ล๋อ ปลี อาเกลเนอ, แว หม่า แกแย เด๊อ อาต่าเจ๊อ เกออู ฮู๊ เพรโด่แนพู๊ เต๊เห่ เด๊อ อาโร เนอเต๊เห่ ตีกี๋ โต่ เตเพร เฮ๊อ, เมเตเฮ๊เรอ เบ๊อะแว หยื่อเอ่ แต่ลา เหย่ซู่ครี๊ โต่ เบ๊อะเนอ, แว เมจาเมจือ แกแย เด๊อ อา หยื่อเอ่ เหย่ซู่ครี๊ เต๊เห่ อาขว่าอาคยา, อู เก่ เอ๊ เกอ แว เร๊อ เพรโด่แนพู๊ เต๊เห่ เตเพรแพ๊เน๋อ อา ต่าเจ๊อ ตีกี๋ โต่.

เพรโด่แนพู๊ เต๊เห่ 22:19

“แว เฮ๊ฉื่อ อา เน๊อ, ‘แบ่เจ๋, เหย่ซี ซิเง ตาเต เจ๊อเฮ๊อ เร๊อ แว จว๊า เด๊อ เตจ๊อเบโฮกู เตเม โท เตเม เร๊อ แกแย เด๊อ อา หยื่อเอ่แหน่ เน เต๊เห่เนอ, เต๊เห่เร๊อ แวมือแวปอ เหย่ซี, เต๊เห่เรอ แว ด๊อตา เหย่ซี เด๊อ ทอกู เฮ๊อ.

เพรโด่แนพู๊ เต๊เห่ 9:21

ล๋อ แกแย เด๊อ อา หนิโฮ ลู เฮ๊เบ่ เต๊เห่เนอ, อา เถ่ตาปา ลอปลี เหย่ซี เร๊อ อา เฮ๊ แลแค เน๊อ, “อา หม่า แกแย เด๊อ อา จว๊าลือ เมเซอ แกแย เด๊อ อา จ๊อเบ เหย่ซู่ เด๊อ วีเยรูซาเล็ม อากู เนอเต๊เห่ เตเพร หม่าโต่ แอ? อา แฮ เบ๊อะเออ เร๊อ อา เก่ แฮปื่อ แกแย เพรหยื่อเอ่ เต๊เห่ เร๊อ อา เตเร ซูกา อู เด๊อ เพรหลู่แต ทวาดุทวาเต เต๊เห่ อา โอ่, แวเฮ๊โต่?”

เพรโด่แนพู๊ เต๊เห่ 7:58

เร๊อ เหย่ซี จุ่ยเถ่จว๊าแก คูสเทเฟน เด๊อ วีกลอ เร๊อ ต่า ลู เร๊อ หล่อ. เพรข่าเฮ๊โล ซีเต๊เห่ แด่โอ่แก เหย่ซี อาจากลอ เต๊เห่ เด๊อ เพรคูพู๊เส่ เด๊อ อามุย เร๊อ คูเซาโล เออเตเพร อา โอ่ เร๊อ อา นอโอ่ป่อแม๊หนิ ลู.

ꤡꤛꤢꤩ꤭ꤗꤢ꤬ꤎꤣ꤬ 2:6

หม่าแน๊เรอ แกแย โซพ๊าโซแรพู๊ เต๊เห่เนอ, ซี แด่หยื่อแด่แหน่ หนิ เกอ เหย่ซี โต่. แกแย เด๊อ อา เป่เอ่เป่โอ เมจาเมจือ ซี เนอหม่า แกแย ดุแหย่แถ่เซฮู๊ เต๊เห่เนอ แพ๊. เพร เด๊อ อา จุ่ยแฮ ซี เด๊อ เพรเฮ๊เบ่เมโตเต เต๊เห่ อา เป๊เส่เง เนอหม่า เหย่ซี เนอเต๊เห่ เฮ๊อ.

เพรโด่แนพู๊ เต๊เห่ 8:2

เพร เมโมหนิ แหน่เจ๊อ จอแปแหร่ เนอ อา โอ่ เต๊เห่ เร๊อ อา จว๊า โล๊ ดว้าแก คูสเทเฟน. เร๊อ เหย่ซี โหง่เซอ โหง่โอ่ แลแค เจ๊อ.

เพรโด่แนพู๊ เต๊เห่ 16:19

เบ๊อะเป๊เจ่เพรเหมาะ เออเตเพร อาแบ่เจ่ ซิเงเฮ๊อ เร๊อ อา เหล่หนิเร๊อรือ แกล๊ โอ่ ปาโต่ เบ๊อะเนอ, เหย่ซี ปื่อ คูเปาโล เร๊อ คูสิลาส เร๊อ จุ่ยจว๊า เหย่ซี เด๊อ กู่กล๊อดุ กู๊ฉู่ทู เต๊เห่ อาเหล่โอ่ เด๊อ เกล๊กู เนอ.