เพรโด่แนพู๊ เต๊เห่ 8:20 - ลีเทส่อพ๊าอาเซ เร๊อ เห่ขุทวาลู๊

²⁰ เร๊อ คูเปโตร เฮ๊ฉื่อ ลู เน๊อ, “จอแปแหร่ อา เตเด๊อะครา เชหยู่ เออเนอ, พรี อา เร๊อ รือ หม่า อาหนิ แพ๊, เน เตเน ฮู๊เนอ อาขว่าอาคยา, เน เร๊อ เนรือ เก่ แลตา เต่อดื่อลู เด๊อ หง่าหร่าปอรากยากู นี๋.

Eastern Kayah Shadaw Dialect

²⁰ ꤚꤣꤧ꤬ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤘꤣꤧꤋꤚꤢ꤭ ꤏꤢ꤭ꤛ꤫ꤢꤨ꤬ ꤣꤧ꤭ꤔꤣꤧ꤬, ꤤ꤬ꤖꤚꤤ꤬ ꤢ꤬ ꤔꤢꤧ ꤚꤢꤦ꤭ ꤗꤢ꤬ ꤢ꤬ꤔ꤫ꤤ꤬ ꤖꤢꤧ, ꤔꤢꤧ꤬ ꤒꤣꤧ꤬ꤔꤢꤩ꤬ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤔꤢꤧ꤬ ꤔꤢꤧ ꤔꤢꤧ꤬ꤚꤢꤦ꤭ ꤊ꤫ꤢꤦ꤬ ꤜꤣꤧ꤬ꤒꤢ꤭ ꤒ꤫ꤣ꤬ꤘꤢꤦ꤬ꤜꤢꤨ꤭ ꤘꤣ ꤗꤢꤪꤚꤢ꤬ꤕꤢꤪ꤬ꤒꤢꤧ꤬ꤊꤢꤨ꤭ ꤔꤤ꤮꤯

เพรโด่แนพู๊ เต๊เห่ 8:20 ပူးပေါင်းရင်းမြစ်များ

มัทธิว 10:8

แหย่โอ่เหม่ แกแย เด๊อ อาชุ๊ยอาเช เต๊เห่, เมเซอเพร กาคยา แกแย เด๊อ อา เซอ เต๊เห่, แหย่โอ่เหม่แก แกแย จุมู๊แหม่ เต๊เห่, เหว่เถ่แก แลแค โลเน๊โลหน่า, ซี พย๊าหนิ ครา ลอเฮ๊อ ล๋อ เตเออ เต๊เห่ อาขว่าอาคยา, กุย แต่ อู อาคว๊าอาเก่ แต่เหม่ นี๋, เมครา เป่ เกออู นี๋.

เพรโด่แนพู๊ เต๊เห่ 2:38

คูเปโตร เฮ๊ เป่ เหย่ซี เน๊อ, “แซ่ฮู๊ จอแปแหร่ เก่ ปลวาแก ซี เตซื๊อ เต๊เห่เนอ, ถู่แหล่แต๊แกละกา แลแค ซิปล่อ ปว๋า เตเพร เร๊อ เจ แลแค ซีเหน่ เร๊อ เทอ เด๊อ เหย่ซู่ครี๊ อามุย อากูเนอ, ตื๊อหม่า จอแปแหร่ เก่ เด๊อะ ซี เชหยู่ หม่าเฮ๊อ แหย่โยบูโพ๊แบ่เจ่ เออเนอ ปา.

เตเด๊อะโลแถ่ 18:15

ล๋อ เพรเมกื่อเมค๊า ตาหมื่อตาเต เด๊อ วีเนอ ตีวี อากู เต๊เห่เนอ, อา ดุแหย่แถ่เซ ลอปลี เร๊อ วีเนอ ตีวี อาคยา. เหย่ซี เก่ ซิอิเช เร๊อ ปาหม่า เหย่ซี ข่าเบ่ เต่อเกอ เต เร๊อ วีเออ ปา เห่ อา เตเน เร๊อ อา เก่ จว๊า ก๊อถ่อโอ่ ตาพายาแก แลแค โต๊โผ่ ปา, โท๊โต่ เหย่ซี เก่โหง่เก่เห่ แลแค ปา, เร๊อ อา เก่ เฮ๊ แลแค เนอ,

ꤡꤛꤢꤩ꤭ꤗꤢ꤬ꤎꤣ꤬ 5:3

ซีรือซีเท เต๊เห่เนอ อา เถ่อิเถ่เคร๊ ลอเฮ๊อ. เตเถ่อิเถ่เคร๊ เออเนอหมา อา เก่ เด๊อะโล เน๊อ ซี เตซื๊อ โอ่ ปา เร๊อ อา เก่ เอ่แก ซีพ๊าซีหย่า ฮู๊ หมิอือแก ซี เนอ ปา. ซี เตดุแหย่แถ่เซ เต๊เห่เนอ, ซี แด่ปล๊อหนิ เป่ ลอเฮ๊อ ม๊อเนอ เด๊อ คยาตื๊อดื่อเล๊อ เออเต๊เห่ อาเง เฮ๊อ.

เพรโด่แนพู๊ เต๊เห่ 8:22

เน ซิปล่อ อา เตเตเน มู๊แหม่รีแจ่ เออเต๊เห่เนอ, เน โตเบ่ ซิปล่อแต๊แกละ กาคยา คยาแซ๊ มอ อา เร๊อ กุยจ๊อเบ จอแปแหร่ เนอ. แตแร๋ หม่า จอแปแหร่ ปลวาแก แจ่ ปา เน เตเนซื๊อ เออเนอ เต๊เห่ ปา.

ทิโมธี อาเหร่อเล๊อ ต๊าบ่า 6:9

หม่าแน๊เรอ แกแย เด๊อ อา ซิหยื่อ ดุแหย่แถ่เซ เต๊เห่เนอ, อา แลตาโนเฮ๊อ เด๊อ เตอิลออี๊โหล่ อากูเฮ๊อ. โท๊โต่ อา แลตา โนเฮ๊อ เด๊อ เตซิหยื่อซิลอ เด๊อ อา แกเด เออเนอ เต๊เห่ อากู เน๊อ เตซิหยื่อซิลอ เด๊อ อา เมเบ่เช กาคยา เกอเร๊อ คยา ลู เออเนอ อากู เฮ๊อ. อา เตซิหยื่อซิลอ เออเนอ อา จอกลอหม่าเฮ๊อ ลู เน๊อ สู่เปลอ เฮ๊อ เร๊อ เตซิหยื่อซิลอ เออเนอ อา แฉ่ตาเฮ๊อ เหย่ซี เด๊อ เตปย๊าเตหลู่ เร๊อ เตแลโพร๊แลแพร อากู เออเนอเฮ๊อ.

เพรโด่แนพู๊ เต๊เห่ 11:17

เมฮู๊เนอเรอ เป หยื่อเอ่ แบ่เจ่ เหย่ซู่ครี๊ เร๊อ จอแปแหร่ เด๊อะ เป เชหยู่, ฮู๊เนอเฮ๊อ แกแยยิวพู๊ หม่าโต่ เด๊อ อา หยื่อเอ่ แซ่เกอเร๊อ เป เออเต๊เห่เนอ, จอแปแหร่ อา เก่ เด๊อะ แซ่เกอ เหย่ซี เชหยู่ ฮู๊ อา เด๊อ โทเฮ๊อ เปเนอ เก่เฮ๊เรอ แว หม่า แกแย เตเพร เด๊อ อา เมตาตือ จอแปแหร่ อาแกล๊อาโกล เตเพร แอ? คูเปโตร เฮ๊ เป่ เหย่ซี ฮู๊เนอ.”

เพรโด่แนพู๊ เต๊เห่ 10:45

จอแปแหร่ จว๊า เด๊อะแล โต่เกอ แหย่โยบูโพ๊แบ่เจ่ เด๊อ แกแยยิวพู๊ หม่าโต่ เออเต๊เห่ อาลู อาขว่าอาคยา, แกแยยิวพู๊ เด๊อ อา หยื่อเอ่แลแค เฮ๊อ เต เร๊อ อา โอ่ แลแค เด๊อ วียัฟฟา อากู เร๊อ อา จว๊า เต่อโร๊ เร๊อ คูเปโตร เออเต๊เห่เนอ อา คย๊ายื๊อ แหน่เจ๊อ.

มัทธิว 15:19

เมเตเฮ๊เรอ, เต เด๊อ อาโอ่ แถ่ เด๊อ ซิปล่อกู เต๊เห่ เนอหม่า หม่า เหล่ เตเน มู๊แหม่ รีแจ่. แคร๋ หม่าเต เฮ๊เรอ, เมเซอ แกแย, จว๊าซื๊อ อูพู๊ อูเม, จว๊าซื๊อ เพรเหมาะ เพรคู, เอ่โห่เอ่ฮี๊, ข่าแหล่โฮ แลแห่ เต, แด๊อู แหย่โย, เน๊อ เตเน โพร๊มู๊แหม่ เต๊เห่, เออ เต๊เห่เฮ๊อ.

เพรโด่แนพู๊ เต๊เห่ 1:18

(รือ เด๊อ คูยูดาส พย๊าหนิ เด๊อ เตมู๊แหม่รีแจ่ อากู เออเนอ, อา พรี เร๊อ เห่ขุ เต๊เหล่ เร๊อ อา แลคื๊อตาเซอ อาฮ๊อป่อเพ๊ เด๊อ เบ๊อะเนอ เร๊อ อาโพอาพรา เต๊เห่ ตาเถ่ ลอ.