เพรโด่แนพู๊ เต๊เห่ 8:12 - ลีเทส่อพ๊าอาเซ เร๊อ เห่ขุทวาลู๊

¹² หม่าแน๊เรอ เบ๊อะคูฟีลิป แด๊โฉ่โด่แน เป่ เหย่ซี เร๊อ จอแปแหร่ อาเทออาเก่ อาหรี่อาแก เร๊อ เหย่ซู่ครี๊ อาหรี่อาแก เบ๊อะเนอ, เพรเหมาะเหมาะ, เพรคูคู อา หยื่อเอ่แลแค เตซิครือซิลอมีลา เร๊อ เจกา ลอ อาเหน่ เร๊อ เทอ.

Eastern Kayah Shadaw Dialect

¹² ꤗꤢ꤬ꤔꤢꤧꤚꤣꤧ꤬ ꤙꤣꤧ ꤋꤢꤨ꤭ꤖꤤꤜꤤ꤬ꤕꤢꤨ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭ ꤢ꤬ꤋꤢꤩ꤭ꤔꤣꤧ꤬, ꤖꤚꤢꤩ꤬ꤗꤢꤪ꤬ꤗꤢꤪ꤬, ꤖꤚꤢꤩ꤬ꤋꤢꤨ꤭ꤋꤢꤨ꤭ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤚꤣꤧ꤬ ꤡꤢꤩ꤬ꤊꤢ꤬ ꤜꤢꤪ꤭ ꤜꤢ꤭ꤋꤢꤧ꤭ ꤢ꤬ꤔ꤫ꤢꤩ꤬꤯

เพรโด่แนพู๊ เต๊เห่ 8:12 ပူးပေါင်းရင်းမြစ်များ

เพรโด่แนพู๊ เต๊เห่ 2:38

คูเปโตร เฮ๊ เป่ เหย่ซี เน๊อ, “แซ่ฮู๊ จอแปแหร่ เก่ ปลวาแก ซี เตซื๊อ เต๊เห่เนอ, ถู่แหล่แต๊แกละกา แลแค ซิปล่อ ปว๋า เตเพร เร๊อ เจ แลแค ซีเหน่ เร๊อ เทอ เด๊อ เหย่ซู่ครี๊ อามุย อากูเนอ, ตื๊อหม่า จอแปแหร่ เก่ เด๊อะ ซี เชหยู่ หม่าเฮ๊อ แหย่โยบูโพ๊แบ่เจ่ เออเนอ ปา.

เพรโด่แนพู๊ เต๊เห่ 1:3

อา ข่าเซอโทเฮ๊อ อาเหน่ เร๊อ อา ก๊อถ่อเซอเพร กาคยา เด๊อ เตเซอ โทเร๊อ เด๊อคยา อาเนอ ลุยเชอ อากูเนอ, อา เด๊อะโล เอ๊เป่ลา อาเหน่ เร๊อ อา โคเจ่ เต๊เห่. โทเร๊อ อา แด๊โฉ่โด่แน เป่ เหย่ซี เร๊อ จอแปแหร่ อาเทออาเก่ อาหรี่อาแก. อา โคเจ่ เต๊เห่ แม๊เถอะ อา เร๊อ อาซิปล่อ หร่าเหร่ ปา แลแค โต่. เหย่ซี หยื่อเอ่ แหน่แหน่ เจ๊อ เน๊อ อา เซอเพร หม่าแหน่ เจ๊อ.

มัทธิว 28:19

เมฮู๊เนอเรอ, แว เฮ๊ซี๋ จว๊า แลแค เด๊อ แกแย เมว เจ่อ เต๊เห่ อาโอ่, เร๊อ จว๊า เมทวาแถ่ เหย่ซี เน๊อ แว โคเจ่ นี๋. จว๊า เจ เป่ แลแค เหย่ซี เทอ เร๊อ เพ อามุย, พู๊คู อามุย เร๊อ แหย่โยบูโพ๊แบ่เจ่ อามุย นี๋.

เปโตร อาเหร่อเล๊อ ต๊าบ่า 3:21

ซี เจ ซีเหน่ เร๊อ เทอ เออเนอหมา, อา เด๊อะโล แบ๊บือ เฮ๊อ เทอ เด๊อ เพโนอาห์ ทือเค เนอ เนอ, จอแปแหร่ เมแลเปล๊กา เฮ๊อ ซี กู๊แหน่เออ เนอแพ๊. ซี เจ ซีเหน่ เร๊อ เทอ เนอหม่า อา ซู๊ปลีแก เหน่กล่อ กู่เขร่อ เนอ หม่าโต่. หม่าแน๊เรอ, อาเจอูเทอ เออเนอหมา หม่าดื่อ เตอ๊อแล จอแปแหร่ เร๊อ ซี เก่ เม อาเต เด๊อ ซิปล่อ อาโพ๊อาแปละ อากู ฮู๊เนอแพ๊. เหย่ซู่ครี๊ ย๋อ เซอ เร๊อ อา เซอเพร กาคยา อาขว่าอาคยา, ซี เจ ซีเหน่ เร๊อ เทอ เนอหม่า อา เมแลเปล๊กา ซี แพ๊.

เพรโด่แนพู๊ เต๊เห่ 2:41

แกแย เด๊อ อา หยื่อเอ่ คูเปโตร อา เตเฮ๊เบ่โด่แน เออเต๊เห่เนอ, อา เจหนิแลแค อาเหน่ เร๊อ เทอ. เร๊อ เบ๊อะเนอเตอเนอเนอ, แกแย หยื่อเอ่แลแค เร๊อ อากา โกโน โอ่เอ๊แถ่ เกอ โป่ เหย่ซี เนอ, อา พื๋อ โอ่ อาเพร โซรี๊ เจ๊อ.

ꤊꤢ꤬ꤜꤢ꤬ꤒꤤ 3:28

แกแยยิวพู๊ เร๊อ แกแย เมว เจ่อโร กรีกพู๊ เต๊เห่, หลู่ เร๊อ เพร พย๊าหนิ เตปาลาพู๊ เต๊เห่, เพรคู เร๊อ เพรเหมาะ, ล๋อ เต เออเต๊เห่ เนอหม่า อากลว่าโค๊ เร๊อ ลู โต่, เมเตเฮ๊เรอ ล๋อ ซี เออเต๊เห่ เนอหม่า ซี ทวาแถ่ ลอ เฮ๊อ เตเตอเจ๋อโต เร๊อ ครี๊ เฮ๊อ.

ꤚꤥꤗꤢꤩ꤬ 10:10

เมเตเฮ๊เรอ, แกแย เด๊อ อา หยื่อเอ่ เด๊อ อา ซิปล่อกู เต๊เห่เนอ, จอแปแหร่ เก่ แด่จ๊อแด่เต ลู. โทเรอ แกแย เด๊อ อา อ๊อแล เร๊อ อากู๊อู่ เต๊เห่เนอ, อา พย๊าหนิเฮ๊อ เตแลเปล๊กา เฮ๊อ.

โครินธ์ อาเหร่อเล๊อ ต๊าบ่า 11:11

ฮู๊เตเต๋ เบ่เบ่, ล๋อ แกแย เด๊อ อา ทวาแถ่ เฮ๊อ เตเตอเจ๋อ แพ๊ เน๊อ แบ่เจ่ เต๊เห่เนอ, เพรคู เบ่เบ่, เพรเหมาะ เบ่เบ่, เตเพร เน๊อ เตเพร อา โหล่แหน่ ลูแพ๊.

เพรโด่แนพู๊ เต๊เห่ 28:31

คูเปาโล แด๊โฉ่โด่แน เป่ อู เร๊อ จอแปแหร่ อาเทออาเก่ อาหรี่อาแก, เร๊อ อา อิซว๊าอี๊แส่ ตา เป่ อู เร๊อ แบ่เจ่ เหย่ซู่ครี๊ อาหรี่อาแก. โทเร๊อ อา เฮ๊เบ่คือเฮ๊เบ่บื่อ เร๊อ อู เมตาตือ เหย่ซีเนอ อา โอ่ เตเพร่ว โต่.

เพรโด่แนพู๊ เต๊เห่ 20:25

“กู๊แหน่เออ แว ซิเงเฮ๊อ เน๊อ ล๋อ ซี เด๊อ แว แด๊โฉ่โด่แน เป่โท ลอเฮ๊อ เน๊อ จอแปแหร่ อาเทออาเก่ อาหรี่อาแก เออเต๊เห่ เนอ, เป๊อแถ่ กู๊แหน่เออ ตาเป่แฮ เนอ ซี แม๊เถอะ ปา แว เตเพร่ว โต่ เฮ๊อ.

เพรโด่แนพู๊ เต๊เห่ 20:21

แกแยยิวพู๊ เต๊เห่ เบ่เบ่, แกแยยิวพู๊ หม่าโต่ เต๊เห่ เบ่เบ่, แว เฮ๊ตาชอ แหน่เจ๊อ เหย่ซี เนอหมู่ลอ เน๊อ, ถู่แหล่ เต๊เปล่ แลแค ซี ซิปล่อ เร๊อ หยื่อเอ่แหน่ เกอ แลแค แบ่เจ่ เหย่ซู่, แว เฮ๊ เป่ เหย่ซี ฮู๊เนอ เนอ.

เพรโด่แนพู๊ เต๊เห่ 18:8

คูคริสปัส หม่า แกแย ทวา เตจ๊อเบโฮ อากู่กล๊อ เบ๊อะเนอ เตเพร. อา เน๊อ ล๋อ แกแย เด๊อ อา แฮโอ่เล เกอ ลู เบ๊อะอาหี่ เนอเต๊เห่ หยื่อเอ่แหน่ ลอปลี แบ่เจ่ เร๊อ แกแย อาโร เด๊อ อา โอ่ เด๊อ วีโครินธ์ อากู เด๊อ อา หนิโฮ เตซิครือมีลา เต๊เห่เนอ, อา หยื่อเอ่แหน่ เกอ เร๊อ อา เจ เกอ แลแค อาเหน่ เร๊อ เทอ.

เพรโด่แนพู๊ เต๊เห่ 11:20

หม่าแน๊เรอ ไซปรัสกลื๊อขุ แกแยไซริน เร๊อ วีอันทิโอก เด๊อ อา หยื่อเอ่แหน่หยื่อรี อาเกล เต๊เห่เห่เนอ, อา จว๊าโต่ เด๊อ วีอันทิโอก เร๊อ อา แด๊โฉ่โด่แน เป่ เมวเจอะโร กรีกพู๊ เต๊เห่ เร๊อ เหย่ซู่ครี๊ อา เตซิครือซิลอมีลา อาหรี่อาแก.

เพรโด่แนพู๊ เต๊เห่ 5:14

หม่าแน๊เรอ เพรเหมาะเพรคู เด๊อ อา หยื่อเอ่ แบ่เจ่ เต๊เห่เนอ, อา แฮโนโหร่ เอ๊แถ่ เร๊อ เอ๊แถ่ เกอ เด๊อ เหย่ซี ตู๊หมู่ตอกล๊อ อากู.

ꤜꤢꤨꤊꤢ꤬ 9:60

เหย่ซู่ เฮ๊ฉื่อ ลู เน๊อ, “แกแยเซอ เออเต๊เห่เนอ, นอโล๊ เกอเร๊อดื่อ เร๊อ แกแย เด๊อ อา หนิดา เกอจอแปแหร่อาโหง่โต่ เด๊ออาแซ่ เร๊อ แกแยเซอ เด๊อ แหย่โยตาคยา เนอเต๊เห่. หม่าแน๊เรอ เนเออ, จว๊า แด๊โฉ่โด่แน เป่เหร่อ อู เร๊อ จอแปแหร่ อาเทอ เก่ อาหรี่อาแก.”

ꤜꤢꤨꤊꤢ꤬ 9:2

โทเร๊อ อา ปลวาจว๊าแก เหย่ซี เด๊อ อา เก่ จว๊า แด๊โฉ่โด่แน เป่ อู เร๊อ จอแปแหร่ อาเทออาเก่, เร๊อ อา เก่ แหย่โอ่เหม่ เป่ แกแยชุ๊ยแกแยเช เต๊เห่.

เพรโด่แนพู๊ เต๊เห่ 8:4

เพรหยื่อเอ่พู๊ เด๊อ อา แกล่ จว๊าโพร๊จว๊าแพร แก ลอ ลู เต๊เห่เนอ, อา จว๊าเต่อลอ เด๊อ เหล่โอ่ ปว๋า โต๊โผ่ เร๊อ อา จว๊าเล แด๊โฉ่โด่แน เป่ อู เร๊อ เหย่ซู่ อา เตซิครือซิลอมีลา อาหรี่อาแก เออเต๊เห่.

เพรโด่แนพู๊ เต๊เห่ 19:5

เหย่ซี หนิโฮ อา เฮ๊ เป่ เหย่ซี ฮู๊เออ เนอ เร๊อ, เหย่ซี เจ แลแค อาเหน่ เร๊อ เทอ เด๊อ แบ่เจ่ แบ่เจ่เหย่ซู่ อามุย อากู.