เพรโด่แนพู๊ เต๊เห่ 8:10 - ลีเทส่อพ๊าอาเซ เร๊อ เห่ขุทวาลู๊

¹⁰ ฮู๊เนอเรอ ล๋อ แกแย เด๊อ อา ทวาดุทวาทู เร๊อ อา โอ่ เบ๊อะวีกู เนอเต๊เห่ เบ่เบ่, แกแย เอ่เฉ่ แรเตพู๊ โอ่ เบ๊อะวีกู เนอเต๊เห่ เบ่เบ่, อา หนิดา เซอหนิดา โอ่ ลอปลี เจ๊อ ลูโหง่. เหย่ซี เฮ๊ แลแค เน๊อ, “แกแย เออเตเพร หมา จอแปแหร่ อา เตโพรเตเตอเรอ เด๊อ อู เอ๊ เร๊อ เตโพรเตเตอเรอ เด๊อ อาดุอาแย แหน่เฮ๊อ.”

Eastern Kayah Shadaw Dialect

¹⁰ ꤟꤢꤨꤔꤣꤧ꤬ꤚꤣꤧ꤬ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤓꤝꤢ꤭ꤘꤢꤨ꤬ꤓꤝꤢ꤭ꤓꤢꤨ꤭ ꤚꤣꤧ꤬ ꤢ꤬ ꤥ꤬ ꤙꤣꤧ ꤠꤤ꤭ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤊꤣꤧ꤬ꤛꤢꤧ꤭ ꤢꤩ꤬ꤏꤢꤩ꤬ ꤚꤢꤧ꤬ꤒꤢꤩ꤬ꤖꤢꤨ ꤥ꤬ ꤙꤣꤧ ꤠꤤ꤭ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤢ꤬ ꤔ꤫ꤤ꤬ꤘꤢ꤭ꤞꤣꤧ꤭ꤔ꤫ꤤ꤬ꤘꤢ꤭ꤥ꤬ ꤜꤢꤪ꤭ꤕꤜꤤ꤭ ꤡꤣꤧ ꤜꤢꤨ꤭ꤍ꤫ꤥ꤬꤯ ꤛꤢꤩ꤬ꤞꤤ꤭ ꤟꤢꤩ ꤜꤢ꤭ꤋꤢꤧ꤭ ꤔꤢꤧ, “ꤊꤣꤧ꤬ꤛꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤘꤣ ꤢꤨ꤭ ꤢꤩ ꤔꤢꤧ ꤒꤢꤩ꤬ꤖꤚꤥ꤬ꤖꤚꤢꤧ꤬ ꤘꤣ ꤢ꤬ꤘꤢꤨ꤬ꤢ꤬ꤛꤢꤧ꤭ ꤔꤢꤧ꤭ꤟꤣꤧ꤯”

เพรโด่แนพู๊ เต๊เห่ 8:10 ပူးပေါင်းရင်းမြစ်များ

เตเด๊อะโลแถ่ 13:3

เตมีเตแหม่ อากู่กล๊อ โซซว๊าเตเม อาเกล เตเมเนอ อา แซ่ เน๊อ อา เบ่ เต๊เหม่น๊อ เร๊อ อา ผื่อเซอ ตีลี๊ โท เจ๊อเฮ๊อ เนอ, หม่าแน๊เรอ อา เตจู่เตแท เต๊เห่เนอ, อารี กาคยา ลอ โทเฮ๊อ. เร๊อ เห่ขุต๊าบ่าลอ คย๊ายื๊อ เร๊อ ครวาเกอ เตมีเตแหม่ เนอโตโด อาคยา.

เปโตร เนอบ่า ต๊าบ่า 2:2

เร๊อ แกแย เก่ ครวาเอ๊เกอ แหน่เจ๊อ เหย่ซี แกล๊ เด๊อ อา ลือ สุ่ยเทอพ๊าหย่า อา เตซิหยื่อซิลอ มู๊แหม่รีแจ่ เออเนอ เต๊เห่ ปา. เด๊อ เหย่ซี เมฮู๊เนอ อาขว่าอาคยา, แกแย เด๊อ อาโร เต๊เห่ เฮ๊เบ่ เป๊อเจ่ออิแช๊ เจ๊อ เตหมะเตจ๊อ อาแกล๊ ปา.

เอเฟซัส 4:14

ฮู๊เนอเรอ เป่ หม่า อาแซ่เน๊อ เป๊เจ่ฮู๊ เด๊อ อา อินู๊ปา เนอเต๊เห่ หม่าปาโต่ เฮ๊อ. แกแยกะ เด๊อ อา อิซว๊าแลโฮ เต เต๊เห่เนอ, อา อี๊หล่าแลโฮ แจ่ ปา เป โต่, เร๊อ เป หยื่อเอ่ซื๊อ แจ่เกอ ปา เหย่ซี อาเตอิซว๊าอี๊แส่ โต่ เฮ๊อ. เป แซ่ปา เร๊อ ส่อเกลอ เด๊อ เก่แลเซ๊ดุ เร๊อ อา พอ ก๊อกลี๊ อา เต๊เบ่เนอ หม่า ปาโต่เฮ๊อ.

โครินธ์ เนอบ่า ต๊าบ่า 11:19

อออ๋อ แหน่หนิ, ซี ย๋อ โอ่ แลแค เร๊อ เตแจ่เตลีแม เร๊อ ซี แด่ทูซิปล่อเบ๊ เร๊อ ซี ซิครือซิลอ หนิดา เป่ แลแค แกแย ตีมุย เนอเต๊เห่ อา เตเฮ๊เบ่ หนิ.

โครินธ์ อาเหร่อเล๊อ ต๊าบ่า 1:24

หม่าแน๊เรอ แกแย เด๊อ จอแปแหร่ เอ๊ โค๊ลู เด๊อ อา เก่ หยื่อเอ่ เตซิครือมีลา เออเต๊เห่ อาเงเนอ, แกแยยิวพู๊ เต๊เห่ เบ่เบ่, แกแยยิวพู๊ หม่าโต่ เต๊เห่ เบ่เบ่, ครี๊ เซอ เด๊อ อี๊ถื่อดีเต่ลู เออเนอหมา หม่าเฮ๊อ จอแปแหร่ อา เตโพรเตเตอเรอ ฉว่าชอ เร๊อ อา เตลีแมลีเพ๊ เฮ๊อ.

เพรโด่แนพู๊ เต๊เห่ 28:6

เหย่ซี โอ่ป่อ แม๊ แลแค เร๊อ คูเปาโล เกล๊ เนแย๊ แฮ แหน่ปา เฮ๊อ. เหย่ซี โอ่ป่อ อางยาลาเฮ๊อ ตื๊อดื่อเรอ อา แม๊เถอะ อาแร แถ่ ลู เตอเจ๋อ โต่ อาขว่าอาคยา, เหย่ซี เตเน โค๊แก คูเปาโล เร๊อ อา หม่า จอแปแหร่ อาพู๊ เตเพร เพร แหน่ เฮ๊อ.

เพรโด่แนพู๊ เต๊เห่ 14:11

เบ๊อะแกแย เบ๊หมู่ แม๊เถอะ คูเปาโล เมเตฮู๊เออ เบ๊อะเนอ, เหย่ซี เอ๊โท เฮ๊เบ่ ลู เน๊อ ลิคาโอเนียเก่พู๊ อาโหง่ เร๊อ อา เฮ๊ เน๊อ, “จอแปแหร่ เต๊เห่ กลว่าแฮแล อาเหน่ ฮู๊ แกแย เห่ขุพู๊ เด๊อ เปโอ่ เฮ๊อ.”