เพรโด่แนพู๊ เต๊เห่ 7:8 - ลีเทส่อพ๊าอาเซ เร๊อ เห่ขุทวาลู๊

⁸ โทเรอ จอแปแหร่ อ๊อแล อาโหง่ เร๊อ เพอับราฮับ ตือมือ, เร๊อ อา เตอ๊อแล อา เมม๊าเมแด เออเนอหม่า หม่าเฮ๊อ เพอับราฮับ เหล่โกล เม ดื๊อตีลี๊พ๊า เออเนอ เฮ๊อ. เร๊อ เพอับราฮับ ดื๊อตีลี๊ เกอเร๊อ อา พู๊เพรคู อิสอัค พ๊า เบ๊อะอา โอ่เป๊เจ่แลปา โท อา โอ่บาเฮ๊อ อาเซ ลุยซว๊า เบ๊อะเนอ. เพอิสอัค เม แฮเง เป่ อา พู๊เพรคู คูยาโคบ ฮู๊ อาเพ เมเนอ. โทเรอ เพยาโคบ เม แฮเง เป่ เกอโป่ อา พู๊เพรคู เช๊อซิเนอ ฮู๊เนอเนอ. เพ ยาโคบ อาพู๊เพรคู เช๊อซิเนอ เออเนอหม่า หม่าเฮ๊อ เป กลุยแล เช๊อเนอโหมะ เออเต๊เห่ อาเพ เต๊เห่ เฮ๊อ.

Eastern Kayah Shadaw Dialect

⁸ ꤓꤥ꤭ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢꤪꤜꤢꤧ꤬ ꤢ꤬ꤍ꤫ꤥ꤬ ꤔꤢꤧ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤒꤣ꤬ꤗꤢꤦ꤭, ꤚꤣꤧ꤬ ꤢ꤬ ꤒꤢꤩ꤬ꤣ꤭ꤜꤢꤧ꤬ ꤢ꤬ ꤒꤢꤩ꤬ꤗꤢꤒꤢꤩ꤬ꤒꤢꤩ꤭ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤜ꤫ꤢꤩ꤬ꤊꤜꤥ꤭ ꤗꤢꤩ꤬ ꤒꤢꤩ꤬ꤘꤢꤦꤒꤣꤧ꤬ꤜꤤꤖꤢ ꤣꤧ꤭ꤔꤣꤧ꤬ ꤟꤣꤧ꤯ ꤚꤣꤧ꤬ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤘꤢꤦꤒꤣꤧ꤬ꤜꤤ ꤚꤣꤧꤘꤢꤦ꤬ ꤢ꤬ ꤖꤢꤨꤖꤚꤢꤩ꤬ꤋꤢꤨ꤭ ꤋꤢꤨ꤭ꤢꤎꤢꤧ ꤖꤢ ꤙꤣꤧ ꤢ꤬ ꤥ꤬ꤖꤢꤨꤡ꤫ꤢꤩ꤬ꤜꤢꤧ꤬ ꤓꤥ꤭ ꤢ꤬ ꤙꤢ꤭ꤓꤢꤧ꤬ ꤢ꤬ꤞꤢꤩ꤭ ꤜꤝꤤ꤭ꤞꤝꤢ ꤢ꤬ꤋꤢꤩ꤭ꤔꤣꤧ꤬꤯ ꤖꤢꤩ꤭ꤢꤎꤢꤧ ꤗꤢꤩ꤬ ꤘꤤ꤭ꤒ꤫ꤢꤦ꤬ ꤕ꤫ꤢꤩ꤬ꤊꤣꤧ꤭ ꤢ꤬ ꤖꤢꤨꤖꤚꤢꤩ꤬ꤋꤢꤨ꤭ ꤋꤢꤨ꤭ꤛꤢ꤬ꤊꤥ꤬ ꤟꤢꤨ ꤢ꤬ꤖꤢꤩ꤭ ꤗꤢꤩ꤬ꤔꤣꤧ꤬꤯ ꤓꤥ꤭ꤚꤣꤧ꤬ ꤖꤢꤩ꤭ꤛꤢ꤬ꤊꤥ꤬ ꤗꤢꤩ꤬ ꤘꤤ꤭ꤒ꤫ꤢꤦ꤬ ꤕ꤫ꤢꤩ꤬ ꤊꤣꤧ꤭ꤕ꤫ꤥ꤬ ꤢ꤬ ꤖꤢꤨꤖꤚꤢꤩ꤬ꤋꤢꤨ꤭ ꤏꤣꤧꤞꤤꤔꤣꤧ꤭ ꤟꤢꤨꤔꤣꤧ꤬ꤔꤣꤧ꤬꤯ ꤖꤢꤩ꤭ꤛꤢ꤬ꤊꤥ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤏꤣꤧꤞꤤꤔꤣꤧ꤭ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤕꤢꤩ꤬ ꤊꤜꤝꤤ꤭ꤜꤢꤧ꤭ ꤏꤣꤧꤔꤣꤧ꤭ꤗ꤫ꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤖꤢꤩ꤭ ꤒꤣꤧ꤬ꤟꤢꤩ꤬ ꤟꤣꤧ꤯

เพรโด่แนพู๊ เต๊เห่ 7:8 ပူးပေါင်းရင်းမြစ်များ

เพรโด่แนพู๊ เต๊เห่ 2:29

เร๊อ คูเปโตร เฮ๊ คยาแซ๊ เน๊อ, “แว โป่แหว่ ซี๋, แว เก่ แด๊โฉ่โล เป่ ซี เน๊อ เปโพดาวิด เด๋องย๊าเค เตเพร อาหรี่อาแก. อา เซอ เร๊อ อู โล๊ โทเฮ๊อ ลู, เร๊อ อาโลขุเนอ อา โอ่ ตื๊อดื่อ ปา เบ๊อะเออ โต่กู๊แหน่ เจ๊อ.

เห่ขุทวาลู่ 35:16

โทเร๊อ เหย่ซี เถ่จว๊าแก เน๊อ วีเบธเอล เบ๊อะเนอ. เร๊อ อา จว๊าโต่ ผื่อ เฮ๊อ เน๊อ วีเอฟราธาห์ เบ๊อะเนอ, โหมะราเชล เป๊อะแถ่ พู๋โอ่ ฮ๊อเช เร๊อ อา เชจาฉว่า แหน่เจ๊อ ลู.

ꤟꤤꤙꤚꤢꤨ 7:4

อา เออ, อา ทวา ดุเจ๊อ บ๋า เตเนอ เตเนแม๊ แลแค มอ. เปเพ เพอับราฮัม เด๊อ อามุย โลเทอโลเก่ เจ๊อ เออเตเพรเน๋อ อา เด๊อะเป่ เจ๊อ ลู ปุ๊ยเฉ๊อตีปุ๊ย เร๊อ เต เด๊อ อา จว๊า ช๊าเป่ เร๊อ อา พย๊ากาหนิ เนอเต๊เห่ เจ๊อ.

ꤊꤢ꤬ꤜꤢ꤬ꤒꤤ 3:17

เตเด๊อ แว ซิหยื่อ เฮ๊เนอหม่า ฮู๊เต เฮ๊เนอเรอ, จอแปแหร่ อ๊อแล โทเฮ๊อ เร๊อ เพ อับราฮัม เร๊อ เด๊อคยา อาหน่า ลุยเย เร๊อ โซเชอ เนอ, อา เด๊อะตาเนอ แพ๊ เตซว๊าเตแส่ เด๊อ คูโมเสส อา โอ่ แพ๊. เตซว๊าเตแส่ เออเนอหมา, อา เม ตูพูแกแจ่ เร๊อ จอแปแหร่ อา เตอ๊อแล โต่.

ꤊꤢ꤬ꤜꤢ꤬ꤒꤤ 3:15

โป่แหว่ ซี๋, แว เก่ แด๊โฉ่โล เป่ ซี เน๊อ เต เด๊อ อู เหล่โกล เม เกอเร๊อ อา เหมาะเฮ๊เหมาะลี เต๊อเจ่อ. เบ๊อะแกแย ซิเนอ เอ่หม่า โทเฮ๊อ ลูโหง่ เบ๊อะเนอ, อูเปเป๋ เบ่เบ่, อา เก่ แฮ เมปย๊าแก หม่าโต่เรอ อา เก่ แฮ เมโค๊แก เฮ๊เนอ, อาหนิ ปา โต่ เฮ๊อ.

ꤚꤥꤗꤢꤩ꤬ 4:10

เก่ เมฮู๊เนอ เฮ๊เรอ เบ๊อะจอแปแหร่ แด่จ๊อแด่เต เพอับราฮัม เบ๊อะเนอหม่า อาโต เบ๊อะเกเต? หม่า อาเหร่อ เน๊อ อา ดื๊อตีลี๊พ๊า เนอ แอ? หม่าโต่เรอ อาเนอเล๊อ เร๊อ เนอ แอ? อาเนอเล๊อ เร๊อ เนอ หม่าโต่, อาเหร่อเล๊อ เน๊อ เนอเจ๊อ.

ꤛꤥ꤭ꤟꤢ꤬ 7:22

คูโมเสส เฮ๊แก ซี เนอ, ล๋อ ซี พู๊เพรคู เต๊เห่เนอ ซี เบ่ ดื๊อตีลี๊ ลูพ๊า อา เฮ๊ เร๊อ ซี ดื๊อตีลี๊ แลแค อาพ๊า เบ๊อะม๊อเนอโด่ เนอเตอเนอ. เก่ เฮ๊แกล๊จ๊อ เร๊อ เพร เด๊อ อา เม เหร่อเล๊อ เออเนอหมา, คูโมเสส หม่าโต่. ซีเพอซีโพ เด๊อ หนู่เค เต๊เห่ เป๊อแถ่ เมเหร่อเล๊อ แพ๊.

มัทธิว 1:2

เพอับราฮัม อาพู๊ตา แฮเง คูอิสอัค, คูอิสอัค อาพู๊ตา แฮเง คูยาโคบ, คูยาโคบ อาพู๊ตา แฮเง คูยูดาห์ เร๊อ อาโป่อาแหม่ เต๊เห่.

เห่ขุทวาลู่ 35:18

โหมะราเชล เกเร เซ๊ตา ผื่อเซอ เฮ๊อ เบ๊อะเนอ, อา เอ๊แก อาพู๊มุย เน๊อ คูเบนโอนี, หม่าแน๊เรอ อาเพ เอ๊ ลูมุย เน๊อ คูเบนยามิน. (เบนยามิน อาโหง่แลช๊า หม่า พู๊คู เด๊อ แว เบ่ ซิเปลซิหย่อ, หม่าแน๊เรอ เบนยามิน อาโหง่แลช๊า หม่า พู๊คู เด๊อ อาทวา แวกู๊ขู่จ๊อทว๊า.)

เห่ขุทวาลู่ 29:31

เร๊อ เบ๊อะ จอแปแหร่ ตูจูเพร แม๊เถอะ เน๊อ คูยาโคบ โม เกอเร๊อเกอ เหมาะเลอาห์ โต่ เบ๊อะเนอ, อา นอพู๊โอ่ หนิ ลู, หม่าแน๊เรอ เหมาะราเชล เร๊อ อา โชพู๊.

เห่ขุทวาลู่ 30:5

ฮู๊เนออาขว่าอาคยา, โหมะบิลฮาห์ โหมะดอแถ่ เร๊อ อา พู๊โอ่แล หนิเป่ เพยาโคบ อาพู๊เพรคู เตเพร.