เพรโด่แนพู๊ เต๊เห่ 7:60 - ลีเทส่อพ๊าอาเซ เร๊อ เห่ขุทวาลู๊

⁶⁰ อา แด๊งือแล เร๊อ อา เอ๊โทแถ่ เน๊อ, “เก๋อ แบ่เจ่, ปลวาแกเหร่อ เหย่ซี เตซื๊อ นี๋” อา เฮ๊ โทเรอ อา เซอแก.

Eastern Kayah Shadaw Dialect

⁶⁰ ꤢ꤬ ꤘꤢꤧꤍꤢꤦ꤬ꤜꤢꤧ꤬ ꤚꤣꤧ꤬ ꤢ꤬ ꤢꤩꤓꤥ꤭ꤓꤢꤧ꤬ ꤔꤢꤧ, “ꤊꤣ꤮ ꤙꤢꤧ꤬ꤡꤢꤩ꤬, ꤕꤜꤝꤢ꤭ꤊꤢꤧ꤭ꤚꤣꤧ ꤛꤢꤩ꤬ꤞꤤ꤭ ꤒꤢꤩ꤬ꤞꤢꤦ ꤔꤤ꤮” ꤢ꤬ ꤟꤢꤩ ꤓꤥ꤭ꤚꤣꤧ꤬ ꤢ꤬ ꤞꤣꤧ꤭ꤊꤢꤧ꤭꤯

เพรโด่แนพู๊ เต๊เห่ 7:60 ပူးပေါင်းရင်းမြစ်များ

มัทธิว 5:44

หม่าแน๊เรอ แว เฮ๊ ซี, โมหนิเกอเร๊อ แกแย เด๊อ อา ซิเถ่ ซี เนอเต๊เห่ เร๊อ กุยจ๊อเบ เป่ แกแย เด๊อ อา เมจาเมจือ ซี เนอ เต๊เห่.

ꤜꤢꤨꤊꤢ꤬ 23:34

เหย่ซู่ เฮ๊ เน๊อ, “เพ๋, ปลวาแก เหย่ซี เตเหล่ซื๊อ นี๋, เมเตเฮ๊เรอ เหย่ซี เม เตฮู๊เออเนอ, อา ซิเง เกอเร๊อโต่.” เร๊อ เกลอฮู๊ เต๊เห่ เก่ เบพย๊า หนิโหร่ลู เหย่ซู่ เห่อจ่า เออเนอเร๊อ เหย่ซี บ๊อ เต แบบุ๊ย เต๊อเจ่อ เด๊อ จู๊ ดื่อ อา ตาโตเบ่ เบ๊อะเตเพร โต พย๊า เบ๊อะตากยา เต ฮู๊เนอแพ๊.

โครินธ์ อาเหร่อเล๊อ ต๊าบ่า 15:20

หม่าแน๊เรอ, ครี๊ เซอ ก๊อถ่อกาคยา เออเนอหมา อา หม่าแหน่ เจ๊อ. เด๊อ อา เซอ ก๊อถ่อกาคยา เหร่อเล๊อ อู เด๊อ เตเซอ อาขว่าอาคยา, อา เด๊อะโล ซิเง ตาเต เป่ เจ๊อ เฮ๊อ เป เร๊อ แกแย เด๊อ อา เซอ ตาลว๊า โทเฮ๊อ เต๊เห่เนอ, อา เก่ ก๊อถ่อเซอเพร กาคยา ลอคยา เด๊อ เตเซอ ปา.

เพรโด่แนพู๊ เต๊เห่ 20:36

เบ๊อะคูเปาโล เฮ๊เบ่โทเฮ๊อ อาเบ๊อะเนอ, อา แด๊งือแล เต่อเกอลอ เร๊อ เหย่ซี ปว๋า เตเพร เร๊อ อา กุยจ๊อเบ.

เพรโด่แนพู๊ เต๊เห่ 9:40

คูเปโตร นอเถ่แก ลอ อู เด๊อ อากลอ เร๊อ อา แด๊งือแล กุยจ๊อเบ เต. โทเรอ อา ตีรี๊ แม๊จว๊า เด๊อ เหมาะโดรคัส โลโอ่เนอ เร๊อ อา เฮ๊ เน๊อ, “เหมาะทาบิธ๋า ก๊อถ่อมอ” อา เฮ๊ เร๊อ เหมาะทาบิธา แม๊กอลอเถ่ เร๊อ อา แม๊เถอะ คูเปโตร อาเค, อา ก๊อถ่อ โอ่แนโอ่.

ꤜꤢꤨꤊꤢ꤬ 6:28

เด๊อะบุ๊ยเด๊อะเตอเรอ แกแย เด๊อ อา อิชอ ซี เนอเต๊เห่, เร๊อ กุยจ๊อเบ เป่ แกแย เด๊อ อา เม มู๊แหม่รีแจ่ ซี เนอเต๊เห่ อาเง นี๋.

โครินธ์ อาเหร่อเล๊อ ต๊าบ่า 15:18

ซี เฮ๊เออ อา เก่ โต เฮ๊เรอ, แกแย เด๊อ อา หยื่อเอ่ ครี๊ เร๊อ อา เซอ โทเฮ๊อ เต๊เห่เนอ, อา จว๊าโต่ลอ เฮ๊อ เด๊อ หง่าหร่า ปอรากยากู เฮ๊อ.

เพรโด่แนพู๊ เต๊เห่ 21:5

หม่าแน๊เรอ โซซว๊าเตอเนอ โทเร๊อ เป เถ่จว๊า คยาแซ๊ แกล๊. ล๋อ เพร หยื่อเอ่ เบ๊อะเนอ เต๊เห่ เร๊อ อาพู๊อาเม เต๊เห่ ซูเถ่ เป เด๊อ วีกลอ เร๊อ ซูจว๊าเต่อ เป เด๊อ เทอดุซาวาทือ. เร๊อ เหย่ซี แด๊งือแล ลอปลี เบ๊อะเนอ ปว๋า เตเพร เร๊อ กุยจ๊อเบ แลแค เต.

เพรโด่แนพู๊ เต๊เห่ 13:36

“เมเตเฮ๊เรอ จอแปแหร่ เซเรหนื่ออื่อแก เป่ คูดาวิด มู๋ หนู่เค เร๊อ คูดาวิด เมโทแก เบ๊อะอาทือเค เนอ, เร๊อ เด๊อคยาเนอ อา เซอแก. เร๊อ อู โล๊ตาเต่อ ลู เร๊อ อาเพ เด๋อ งย๊าเค เต๊เห่ เร๊อ อาเหน่กล่อ ซอแก เบ๊อะเนอ.

ꤜꤢꤨꤊꤢ꤬ 22:41

โทเรอ อา เถ่จว๊า ตาพายา เร๊อ เหย่ซี เบ๊อะอู วีจว๊ายา หล่อ เตเม เนอ, เร๊อ อา จว๊าแด๊งือ กุยจ๊อเบ เบ๊อะเนอ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:10

เป เซอ เบ่เบ่, เป เซอเพร เบ่เบ่, แซ่ฮู๊ เป เก่ โอ่เต่อเกอ เร๊อ อาเนอเรอ, อา ข่าเซอ เป่เฮ๊อ เด๊อ เปเง เฮ๊อ.

โครินธ์ อาเหร่อเล๊อ ต๊าบ่า 15:6

โทเรอ เด๊อคยาเนอ, อา โอ่โลแถ่ เป่ โป่ อา โคเจ่ แงเย โตโพ๊โต. เร๊อ แกแย เด๊อ อา แม๊เถอะ ลู เออเต๊เห่เนอ, เต๊เห่เห่ หม่า อา เซอโทเฮ๊อ หม่าแน๊เรอ เต๊เห่เห่เนอ, อา โอ่เซอเพร โต่ปา กู๊แหน่เค เออเนอ อา โอ่ เอ๊เล๊อ ปา เจ๊อ เร๊อ อา เซอ โท เนอเต๊เห่ เจ๊อ.

มัทธิว 27:52

โลกู เต๊เห่ ลูโมแถ่ ลอ เร๊อ แกแยบูโพ๊พู๊ เด๊อ อา เซอ โทเฮ๊อ เนอเต๊เห่ ก๊อถ่อเซอเพร กาคยา เอ๊ลา.

โครินธ์ อาเหร่อเล๊อ ต๊าบ่า 11:30

เด๊อ ซี เตเน ตาเต แลแค ฮู๊เนอ โต่ อาขว่าอาคยา, เด๊อ ซีเกล เนอ, แกแยชู๊ยแกแยเช เต๊เห่ หม่า อาโอ่ เอ๊เอ๊, แกแย อ๊าเจ่เหร่เจ่ เต๊เห่ หม่า อา โอ่ปลูโอ่เผ่เผ่, แกแยเซอ หม่า อาโอ่ เต๊เห่เห่.

โครินธ์ อาเหร่อเล๊อ ต๊าบ่า 15:51

กู๊แหน่เออ แว ซิหยื่อ เฮ๊ เป่ ซี เต เด๊อ อู ซิเง ล๋ายโต่ เนอเต๊เห่. เป เก่ เซอ ลอ ปว๋า เตเพร ปาเนอ หม่าโต่. หม่าแน๊เรอ เปเหน่กล่อ เออเนอ อา เก่ ถู่แหล่ เต๊เปล่แก ลอ ปว๋า เตเพร ปา.

ꤛꤥ꤭ꤟꤢ꤬ 11:11

อา เฮ๊โท ฮู๊เออ เนอ, อา เฮ๊ เป่แฮ โป่ เหย่ซี เน๊อ, “เป โคแบ๊ซว๊า คูลาซารัส โอ่เมอหนิ ตาปา เฮ๊อ, หม่าแน๊เรอ แว เก่ จว๊า ถู่แร ก๊อถ่อ ลู,” อา เฮ๊ เหย่ซี ฮู๊เนอ.

ทิโมธี เนอบ่า ต๊าบ่า 4:16

เบ๊อะแว เฮ๊เบ่ เตเก บี๊เกอเร๊อ แวเหน่ เน๊อ อู เมจากาคยา แว อาเหร่อเล๊อ โตโพ๊ เบ๊อะเนอ, อู โอ่เกอ เด๊อ แว ช๊า เตเพร่ว โต่. อู แกล่ ตาพาแก ลอปลี แวเหล่. เก๋อ จอแปแหร่, แด่ แต่ เตซื๊อ เด๊อ เหย่ซี อาโอ่ เตเพร่ว แต่เหม่ นี๋.

เปโตร เนอบ่า ต๊าบ่า 3:4

เร๊อ เหย่ซี เก่ แด๊เฮอ ซี ปา เน๊อ, “ซี แบ่เจ่ เหย่ซู่ อ๊อแลแก ซี เร๊อ อา เก่ แฮ คยาแซ๊ ปา แวเฮ๊โต่? ฮู๊เนอเรอ อา โอ่โต เบ๊อะเตเออ? เปเพอเปโพ เต๊เห่ เซอลอ โทเฮ๊อ หม่าแน๊เรอ เตล๋อ ปลี เนอ, อา แซ่ลอ ปาแพ๊ เร๊อ ฮู๊ จอแปแหร่ แบ๊แลลู่ เห่ขุ มู๋หนู่เคเนอ ปาแพ๊ ว๊า.”