เพรโด่แนพู๊ เต๊เห่ 7:5 - ลีเทส่อพ๊าอาเซ เร๊อ เห่ขุทวาลู๊

⁵ เร๊อ จอแปแหร่ เด๊อะตา แต่ล๋าย เพอับราฮับ เห่ขุโต่, เบ๊อะเตอกยาฮู๊ แพ๊เน๋อ อา เด๊อ เจ๊อ แล๋ ลู โต่, ตื๊อดื่อเรอ จอแปแหร่ อ๊อแล ลู เร๊อ อา เก่ เด๊อ ลู เก่เต๊เก่ ปา, เร๊อ เก่เออเนอ, อา เก่ ทวา เพอับราฮับ เร๊อ อากลุยอาแล แกแล แฮเง เออเต๊เห่ อาเทออาเก่ ปา. เบ๊อะจอแปแหร่ อ๊อแล ลู โหง่เออ เบ๊อะเนอ, เพอับราฮับ อาพู๊ โอ่ แล๋ เตเพร่ว โต่.

Eastern Kayah Shadaw Dialect

⁵ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤒꤢ꤭ ꤔꤢꤪꤜꤢ꤭ꤟꤤ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤊꤢꤨꤊꤜꤢꤩ꤭ ꤒꤣ꤬ꤜ꤫ꤢꤩ꤬꤮ ꤒꤥ꤬, ꤙꤣꤧ ꤒꤣ꤬ꤊꤛꤢ꤭ꤟꤢꤨ ꤖꤢꤧꤔꤣꤧ꤬꤮ ꤢ꤬ ꤘꤣꤧ ꤡꤣꤧ ꤜꤢ꤭ꤟꤤ ꤜꤢꤨ꤭ ꤒꤥ꤬, ꤒꤣꤧ꤬ꤘꤢꤦꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢꤪꤜꤢꤧ꤬ ꤜꤢꤨ꤭ ꤔꤢꤧ ꤢ꤬ ꤊ꤫ꤢꤦ꤬ ꤘꤣꤧ ꤜꤢꤨ꤭ ꤊ꤫ꤢꤩ꤬ꤒꤣ꤬ꤊ꤫ꤢꤩ꤬ ꤕꤢ꤭, ꤚꤣꤧ꤬ ꤊ꤫ꤢꤩ꤬ꤣꤧ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤓꤝꤢ꤭ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤔꤢꤧ ꤢ꤬ꤊꤜꤝꤤ꤭ꤢ꤬ꤜꤢꤧ꤭ ꤊꤣꤧ꤬ꤜꤢꤧ꤬ ꤘꤤ꤭ꤒ꤫ꤢꤦ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ ꤕꤢ꤭꤯ ꤙꤣꤧ ꤡꤢꤪꤗꤣꤧ꤬ꤚꤢꤧ꤬ ꤢꤪꤜꤢꤧ꤬ ꤜꤢꤨ꤭ ꤍ꤫ꤥ꤬ꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤢ꤬ꤖꤢꤨ ꤥ꤬ ꤜꤢ꤭ꤟꤤ ꤒꤣ꤬ꤖꤚꤢꤩ꤬꤮ ꤒꤥ꤬꤯

เพรโด่แนพู๊ เต๊เห่ 7:5 ပူးပေါင်းရင်းမြစ်များ

เห่ขุทวาลู่ 17:8

คานาอันเก่ เต๊เก๋ ลอ เด๊อ เน โอ่ เกอเร๊อ อา แซ่เน๊อ เทอโรเก่กลอพู๊ เตเพร กู๊แหน่เออ เนอ, แว เก่ เด๊อะลา เน๊อ เน เน๊อ เนกลุยเนแล ตากาแล เด๊อ คยา เต๊เห่ ตูจูเพร ปา เร๊อ แว เก่ ทวา เหย่ซีจอแปแหร่ ปา,”

เห่ขุทวาลู่ 12:7

เบ๊อะเนอเค, จอแปแหร่ ตูจูเพร โอ่โลแถ่ เป่ คูอับราม เร๊อ อา เฮ๊ ลู เน๊อ, “เก่ เออเต๊เก่ หม่า แว เก่ เด๊อะ เน๊อ เนพู๊เนเลอ ปา,” โทเร๊อ คูอับราม ต่าแถ่ หนิเป่ จอแปแหร่ ตูจูเพร เด๊อ อา โอ่โลแถ่ เป่ ลู เนอเตเพร อาเง เตหลู่แตเหร่ เต๊เหร่ เน๊อหล่อ.

เห่ขุทวาลู่ 15:18

เบ๊อะเนอ เตอเนอเร๊อ จอแปแหร่ ตูจูเพร อ๊อแล อาโหง่ เน๊อ คูอับราม เร๊อ อา เฮ๊ ลู เน๊อ, “เป๊อแถ่ เด๊อ อียิปต์เก่กือ แลโหมะ เนอเร๊อ อา โต่ เด๊อ ยูเฟรติส เทอแลโหมะดุ เนอ, แว อ๊อแลนอแล เฮ๊อ เน๊อ เก่เออ แว เด๊อะ เน๊อ เนกลุยเนลุ๊ย ตากาแล เต๊เห่ เฮ๊อ.

เห่ขุทวาลู่ 13:15

เร๊อ เห่ขุ เด๊อ ล๋อ เน แม๊เถอะ กู๊แหน่ เออเต๊เห่เนอ, แว เก่ เด๊อะ เป่ เน๊อ เน เน๊อ เนพู๊เนเลอ เต๊เห่ อาเง ตูจู๋ เพร ปา.

เห่ขุทวาลู่ 26:3

โอ่เกอ โก๊เหร่อ เบ๊อะ เก่ เนอเต๊เก่ อากู นี๋. แว เก่ โอ่ เกอเน๊อ เน เร๊อ แว เก่ เด๊อะบุ๊ยเด๊อะเตอเรอ เน ปา, เมเตเฮ๊เร๊อ เตอ๊อแล เด๊อ แว ออแล หนื่ออื่อ โทเฮ๊อ เน๊อ เนเพอับราฮัม เนอ แว เก่ เมเล๊อเมบาแถ่ ดื่อ ปา เร๊อ ล๋อ เห่ขุ เหล่โอ่ เบ๊อะเออ เต๊เห่เนอ, แว เก่ เด๊อะ ลอดื่อ เน๊อ เน เน๊อ เนกลุยเนลุ๊ย เต๊เห่ ปา.

เห่ขุทวาลู่ 23:4

“แว หม่า เทอโหร่เก่กลอพู๊ เตเพร เด๊อ อา แฮโอ่เกอ เน๊อ ซี, เร๊อ อิเช เป่เกอ แว ซีโลขุ ตื๋อ หม่า แวโล๊โน หนิ เน๊อ แวเม แพ๊.”

เห่ขุทวาลู่ 16:2

ฮู๊เนอเร๊อ อา เฮ๊ อาเว คูอับราม เน๊อ, “จอแปแหร่ ตูจูเพร นอโชพู๊ เฮ๊อ แว เฮ๊อ. จว๊าโอ่เมอเต่อ มอ เน๊อ แวหลู่เล๊โหมะ เนอ. ตาแร๋ หม่า แว เก่ พย๊าหนิ แฮเง เกอ แวพู๊คู เร๊อดื่อ เน๊อ อาขว่าอาคยา ปา เกอเหล่.” เร๊อ คูอับราม จู เกอฮู๊ อาเม เหมาะซาราย เฮ๊ ลู เนอ.