เพรโด่แนพู๊ เต๊เห่ 7:38 - ลีเทส่อพ๊าอาเซ เร๊อ เห่ขุทวาลู๊

³⁸ คูโมเสส หม่า แกแย เตเพร เด๊อ อา โอ่เต่อโอ่ปล๊อ เต่อโร๊ ลอ เร๊อ เปเพอเปโพ เด๊อ เก่เชเทอแก หล่อตาม๊าขุ เนอเตเพร เฮ๊อ. อา โอ่เตอเกอ เร๊อ เป โหมะเพเพอโพ เด๋อ งย๊าเค เต๊เห่ เร๊อ เตเน่วม๊อขุพู๊ เด๊อ อา เฮ๊เบ่ เกอเร๊อ ลู เด๊อ ซีนายโฉ่ขุ เนอเตเพร เฮ๊อ. โทเรอ อา หม่า แกแย เตเพร เด๊อ อา พย๊าหนิ จอแปแหร่ อาลาอาโหง่ เด๊อ อา เซอเพร เออเต๊เห่ เร๊อ อา เก่ เด๊อะแล แฮเง เป่ เร๊อ เป เออเต๊เห่ เนอ เฮ๊อ.

Eastern Kayah Shadaw Dialect

³⁸ ꤋꤢꤨ꤭ꤗꤢꤪꤎꤢꤧ ꤗꤢ꤬ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤥ꤬ꤒ꤫ꤣ꤬ꤥ꤬ꤕꤜꤢꤪ ꤚ꤫ꤥ꤬ꤊꤣꤧ꤭ ꤜꤢꤪ꤭ ꤔꤢꤧ ꤕꤢꤩ꤬ꤖꤣꤧ꤭ꤕꤢꤩ꤬ꤖꤥ꤭ ꤘꤣ ꤊ꤫ꤢꤩ꤬ꤏꤢꤩ꤭ꤓꤣꤧ꤭ꤊꤢꤧ꤬ ꤜ꤫ꤢꤪ꤬ꤒꤣꤧ꤬ꤗꤢꤋꤢꤨ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤟꤣꤧ꤯ ꤢ꤬ ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤕꤢꤩ꤬ ꤗ꤫ꤥ꤬ꤖꤢꤩ꤭ꤖꤣꤧ꤭ꤖꤥ꤭ ꤘꤣ꤮ ꤑꤢꤔꤢꤨ꤬ ꤒꤣꤧ꤬ꤟꤢꤩ꤬ ꤔꤢꤧ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤘꤣ ꤢ꤬ ꤟꤢꤩꤙꤢꤩ꤬ ꤚꤣꤧꤘꤢꤦ꤬ ꤜꤢꤨ꤭ ꤘꤣ ꤎꤤꤔꤢꤏꤥ꤬ꤋꤢꤨ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤟꤣꤧ꤯ ꤓꤥ꤭ꤚꤣꤧ꤬ ꤢ꤬ ꤗꤢ꤬ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤘꤣ ꤢ꤬ ꤞꤣꤧ꤭ꤖꤚꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤊ꤫ꤢꤦ꤬ ꤘꤣꤧꤜꤢꤧ꤬ ꤘꤤ꤭ꤒ꤫ꤢꤦ꤬ ꤕ꤫ꤢꤩ꤬ ꤔꤢꤧ ꤕꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ ꤟꤣꤧ꤯

เพรโด่แนพู๊ เต๊เห่ 7:38 ပူးပေါင်းရင်းမြစ်များ

ꤚꤥꤗꤢꤩ꤬ 3:2

ทวา แกแยยิวพู๊ เตเพร เนอหม่า อาบุ๊ยเตอเรอ โอ่เอ๊ หม่าแหน่ เจ๊อ. เตเด๊อ อาบุ๊ยเตอเรอ โอ่เล๊ออู เต๊อเจ่อ เนอหม่า, หม่าเฮ๊อ จอแปแหร่ หยื่อเอ่หนิ เป แกแยยิวพู๊ เต๊เห่ อาขว่าอาคยา, อา แด๊โฉ่โล เป่ เปโหง่ เด๊อ อา ซิหยื่อ แด๊โฉ่ เป่ อู เนอเต๊เห่ เฮ๊อ.

ꤟꤤꤙꤚꤢꤨ 5:12

กู๊แหน่เรอ ซี โต ทวาเกอ เฮ๊อ แลแค ซ๊าร๊า เต๊เห่เฮ๊อ. หม่าแน๊เรอ ซี จว๊า โหล่ปา ดื่อเง แลแค แพ๊ อู เบ่ อิซว๊า กาคยา ซี เร๊อ จอแปแหร่ อาลาอาโหง่ เด๊อ อาแก่ช๊า แพ๊ว๊า. ซี โต เอ่เกอ เฮ๊อ อู เหล่เอ่เพรอ เฮ๊อ หม่าแน๊เรอ ซี จว๊า โอปา ดื่อเง แพ๊ แลแค อินู๊เทอ แพ๊ว๊า.

เปโตร อาเหร่อเล๊อ ต๊าบ่า 4:11

อูเปเป๋ เบ่เบ่, อา เก่ แด๊โฉ่โด่แน เป่ อู เฮ๊เนอ, อา เบ่ แด๊โฉ่โด่แน เป่ อู ฮู๊ จอแปแหร่ เฮ๊เบ่ อู เร๊อ อา นอแด๊โฉ่โด่แน แฮเง เร๊อ เนเนอ. เร๊อ อู เปเป๋ เบ่เบ่ เด๊อ อา เก่ เมหลู่เล๊ เตเม เฮ๊เนอ, อา โตเบ่ เม เร๊อ อ๊าเหร่ เด๊อ จอแปแหร่ เด๊อะตา ลู เนอเต๊เห่. เก่ เมฮู๊เนอ เฮ๊เรอ, เด๊อ เหย่ซู่ครี๊ อาขว่าอาคยา, อู เก่ ถู่เซ๊แถ่ จอแปแหร่ เร๊อ ล๋อ เต เด๊อ ซี เม เออเต๊เห่ อาขว่าอาคยา ปา. จอแปแหร่ เก่ พย๊า หนิดื่อ เตเตอเรอดุ เตอเรอทู เร๊อ เตโพรเตเตอเรอ ตูจูเพร แตแลเคร๊ นี๋. อาเมน.

เพรโด่แนพู๊ เต๊เห่ 7:53

ซี หนิโฮเฮ๊อ คูโมเสส อา เตซว๊าเตแส่ เด๊อ จอแปแหร่ เด๊อะตา แฮเง เร๊อ ม๊อขุเตเน่วพู๊ เนอเต๊เห่ ตื๊อดื่อเรอ ซี หนิดา ลูโหง่ โต่,” คูสเทเฟน เฮ๊ ฮู๊เนอ.

ꤛꤥ꤭ꤟꤢ꤬ 1:17

จอแปแหร่ เด๊อะตา เตซว๊าเตแส่ เร๊อ คูโมเสส เร๊อ คูโมเสส เด๊อะตา แฮเง เน๊อ เป, ตื๊อดื่อเร๊อ เหย่ซู่ครี๊ หม่า หม่าเฮ๊อ แกแย เด๊อ อา เด๊อะตา เป่ เป เตบุ๊ยเตเตอเรอ เร๊อ เตหมะเตจ๊อ.

ꤟꤤꤙꤚꤢꤨ 4:12

จอแปแหร่ อาลาอาโหง่ เนอ, อา เซอเพร เร๊อ อา เมแจ่ เต. อา แท เล๊อปา เจ๊อ เน๊อ เน๊ เด๊อ อา แทลอ เนอโค๊เนอกยา เต๊เบ่. อา โน เบ่เพ๊ โต่ เจ๊อ เด๊อ ซิปล่อเซอเพร เน๊อ ซิปล่อ เหล่โอ่ เต่อลู อาเหล่โอ่ เนอ, โทเรอ อา โน เบ่เพ๊ โต่เด๊อ ถว่า เน๊อ ครุ๊ยกิกู เหล่โอ่ เนอโต๊โผะ เจ๊อ. อา เด๊อะเถ่โล เป่ แกแย ซิปล่อ อา เตเตเน เต๊เห่ เร๊อ อา เตซิหยื่อ เด๊อ อาแร๊ เร๊อ อา มู๊แหม่ เต๊เห่.

ꤟꤤꤙꤚꤢꤨ 2:2

จอแปแหร่ เด๊อะตา เปเพอเปโพ เด๊อ เหร่อเคเนอ เต๊เห่ เตหรี่เตแก เต๊อเจ่อ. เร๊อ อา เฮ๊เบ่ตา แฮเง เร๊อ ม๊อขุ เตเน่วพู๊ เต๊เห่. เร๊อ แกแย เด๊อ อา หนิโฮ เตหรี่เตแก เออเต๊เห่เนอ, อาเบ่ หนิดา ครวาเม อา. แกแย เด๊อ อา หนิดา ครวาเม เกออู โต่ เต๊เห่เนอ, จอแปแหร่ เมจากาคยาแก โทเฮ๊อ เหย่ซี ฮู๊ อา โต เร๊อ เหย่ซี เนอเฮ๊อ.

ꤊꤢ꤬ꤜꤢ꤬ꤒꤤ 3:19

จอแปแหร่ จว๊าเด๊อะตา โต่ เป เตซว๊าเตแส่ เมเต? แกแย ย๋อ เมเตซื๊อ อาขว่าอาคยา, อา เด๊อะตา เป แพ๊. เตซว๊าเตแส่ เออเนอ, อา โอ่หม่าโอ่กลอ เง โต่เด๊อ เพ อับราฮัม อากลุยอาลุ๊ย แฮโต่เนอ. เพ อับราฮัม อากลุยอาลุ๊ย เด๊อ จอแปแหร่ อ๊อแลแก เนอเตเพร หม่า หม่าเฮ๊อ เหย่ซู่ครี๊ เออเนอเฮ๊อ. จอแปแหร่ เด๊อะตา เตซว๊าเตแส่ เออ เด๊อ ม๊อขุเตเน่วพู๊ อา กู๊ยากู. เร๊อ ม๊อขุเตเน่วพู๊ เด๊อะตา แฮเง เด๊อ คูโมเสส เร๊อ คูโมเสส เด๊อะตา แฮเง เด๊อ แกแย อา โอ่. คูโมเสส หม่า เพรแรเต เด๊อ อากล๊าเมกู เตเพร แพ๊.

ꤚꤥꤗꤢꤩ꤬ 9:4

เหย่ซี หม่า อิสราเอลพู๊ เต๊เห่. จอแปแหร่ อี๊พู๊อี๊เลอหนิ เฮ๊อ เหย่ซี ฮู๊ อาพู๊อาเลอ เหน่กล่อ เนอเฮ๊อ. เร๊อ อา เด๊อะโล เป่ เฮ๊อ เหย่ซี เร๊อ อา เตเตอเรอดุทู จอแปแหร่ เอ่หม่า โทเฮ๊อ เฉ่ เร๊อ เหย่ซี เร๊อ อา เด๊อะตา โทเฮ๊อ เหย่ซี เร๊อ อา เตซว๊าเตแส่ เฮ๊อ. เหย่ซี พย๊าหนิ เตจ๊อเบ อาแกล๊อาโกล เด๊อ เตหลู่แต โฮกู เร๊อ อา พย๊าหนิ แลแค จอแปแหร่ อา เตอ๊อแลนอแล เต๊เห่ เฮ๊อ.

เพรโด่แนพู๊ เต๊เห่ 7:35

“คูโมเสส หม่า แกแย เตเพร เด๊อ อาเมวเจอะ อิสราเอลพู๊ เร๊อดื่อ วีแก ลู เร๊อ โหง่ ตือมือ เด๊อ อา เฮ๊ ลู เน๊อ, ‘อูเป เตเพร เด๊อะ เน เตอเรอฉว่าชอ เด๊อ เน เก่เบ่ เป๊อ เป เร๊อ เพรเฮ๊เบ่เมโตเต เป่ เป เนอเป?’ อา เฮ๊ ลู ฮู๊เนอ. เตเน่วพู๊ โอ่โลแถ่ เป่ ลู เด๊อ แจ๊โจะกู อาขว่าอาคยา, จอแปแหร่ อาเหน่แบ่เจ่ เร๊อดื่อ นอจว๊า ลู เด๊อ อา เก่ เป๊อหนิ อา แกแย เบ๊หมู่ เร๊อ อา เก่ เมแลเปล๊ เหย่ซี.

เพรโด่แนพู๊ เต๊เห่ 7:30

“คูโมเสส จว๊าโอ่ บาเฮ๊อ เบ๊อะเนอ อาหน่าลุยเชอ เฮ๊อ เบ๊อะเนอ, เด๊อ โฉ่ซีนาย แก่ช๊า, เก่เชเทอแก หล่อตาม๊าขุ เบ๊อะเนอ โต๊โผ่เนอ, หมิอือแถ่ ส่อเหมาะโตโฮ๊ เร๊อ เตเน่วม๊อขุพู๊ เตเพร โอ่โลแถ่ เป่ ลู เด๊อ หมิกู เด๊อ อา เป๊เส่เง.

ꤛꤥ꤭ꤟꤢ꤬ 6:63

แหย่โยบูโพ๊แบ่เจ่ เนอ อา เด๊อะ ซิปล่อเซอเพร ตูจูเพร. แกแยเห่ขุพู๊ เนอ, อา เด๊อะ แจ่ ซิปล่อเซอเพร ตูจูเพร โต่. โหง่ เด๊อ แว เฮ๊เบ่ ซี เออเต๊เห่ เนอหม่า, แหย่โยบูโพ๊แบ่เจ่ อา เตเฮ๊เบ่ เต๊เห่ เร๊อ อา เด๊อะเบ๊ อู ซิปล่อเซอเพร ตูจูเพร.