เพรโด่แนพู๊ เต๊เห่ 7:35 - ลีเทส่อพ๊าอาเซ เร๊อ เห่ขุทวาลู๊

³⁵ “คูโมเสส หม่า แกแย เตเพร เด๊อ อาเมวเจอะ อิสราเอลพู๊ เร๊อดื่อ วีแก ลู เร๊อ โหง่ ตือมือ เด๊อ อา เฮ๊ ลู เน๊อ, ‘อูเป เตเพร เด๊อะ เน เตอเรอฉว่าชอ เด๊อ เน เก่เบ่ เป๊อ เป เร๊อ เพรเฮ๊เบ่เมโตเต เป่ เป เนอเป?’ อา เฮ๊ ลู ฮู๊เนอ. เตเน่วพู๊ โอ่โลแถ่ เป่ ลู เด๊อ แจ๊โจะกู อาขว่าอาคยา, จอแปแหร่ อาเหน่แบ่เจ่ เร๊อดื่อ นอจว๊า ลู เด๊อ อา เก่ เป๊อหนิ อา แกแย เบ๊หมู่ เร๊อ อา เก่ เมแลเปล๊ เหย่ซี.

Eastern Kayah Shadaw Dialect

³⁵ “ꤋꤢꤨ꤭ꤗꤢꤪꤎꤢꤧ ꤗꤢ꤬ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤘꤣ ꤢ꤬ꤗꤤ꤭ꤡꤣ꤬ ꤤ꤬ꤎꤢ꤬ꤚꤢꤩꤜꤢ꤬ꤖꤢꤨ ꤚꤣꤧꤘꤢꤦ꤬ ꤠꤤ꤭ꤊꤢꤧ꤭ ꤜꤢꤨ꤭ ꤔꤢꤧ ꤍ꤫ꤥ꤬ ꤒꤣ꤬ꤗꤢꤦ꤭ ꤘꤣ ꤢ꤬ ꤟꤢꤩ ꤜꤢꤨ꤭ ꤔꤢꤧ, ‘ꤗꤢ꤬ꤢꤨ꤭ꤕꤢꤩ꤭ ꤒꤣ꤬ꤖꤚꤢꤩ꤬ ꤘꤣꤧ ꤔꤢꤧ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤘꤣ ꤔꤢꤧ꤬ ꤊ꤫ꤢꤦ꤬ ꤙꤢꤩ꤬ꤕꤣꤚꤣꤧ ꤕꤢꤩ꤬ ꤚꤣꤧ꤬ ꤘꤣꤧꤡꤢ꤭ ꤕꤢꤩ꤬ ꤔꤣꤧ꤬ ꤕꤢꤩ꤭?’ ꤢ꤬ ꤟꤢꤩ ꤜꤢꤨ꤭ ꤟꤢꤨꤔꤣꤧ꤬꤯ ꤒꤣꤧ꤬ꤔꤢꤩꤖꤢꤨ ꤥ꤬ꤜꤥ꤭ꤓꤢꤧ꤬ ꤕ꤫ꤢꤩ꤬ ꤜꤢꤨ꤭ ꤘꤣ ꤡꤢꤧꤡ꤫ꤥ꤬ꤊꤢꤨ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤢ꤬ꤔ꤫ꤢꤩ꤬ꤙꤢꤧ꤬ꤡꤢꤩ꤬ ꤚꤣꤧꤘꤢꤦ꤬ ꤔꤢꤪ꤭ꤡꤝꤢ ꤜꤢꤨ꤭ ꤘꤣ ꤢ꤬ ꤊ꤫ꤢꤦ꤬ ꤕꤣꤚꤣꤧ ꤢ꤬ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤚꤣꤧ꤬ ꤢ꤬ ꤊ꤫ꤢꤦ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤛꤢꤩ꤬ꤞꤤ꤭꤯

เพรโด่แนพู๊ เต๊เห่ 7:35 ပူးပေါင်းရင်းမြစ်များ

ꤜꤢꤨꤊꤢ꤬ 19:14

“หม่าแน๊เรอ, อา เทอพู๊เก่พู๊ ซิเถ่ซิฮา เกอเร๊อ ลู เร๊อ เหย่ซี นอจว๊า เล๊เฮ๊อเพรซู เตหรี่เตแก เตเพร เด๊อ คุ๊ย โอ่. เร๊อ อา นอเฮ๊ ลู เน๊อ, ‘แกแย เออเตเพรเนอ, เป ซิหยื่อ นอทวา อา เร๊อ เปคุ๊ย โต่.’

เตเด๊อะโลแถ่ 15:3

เร๊อ เหย่ซี อิโร แถ่หนิ แลแค จอแปแหร่ อาหลู่เล๊ คูโมเสส อา เตอิโร เร๊อ ซิหมิพู๊ อา เตอิโร เออ เร๊อ อา เฮ๊ เนอ, “แจ่ เตล๋อ ปลี อา แบ่เจ่ จอแปแหร เน เตเม เต๊เห่เนอ อาดุอาแย เร๊อ อา โค๊ตีกลี๊ แหน่เจ๊อ. เน หม่า เทอพู๊เก่พู๊ เต๊เห่ อาจ๊อแผ่, เนแกล๊เนโกล ซี เต๊เห่ เนอหม่า อาโตอาเบ่ อาจ๊ออาเต หม่าแหน่ เจ๊อ.

ꤟꤤꤙꤚꤢꤨ 2:2

จอแปแหร่ เด๊อะตา เปเพอเปโพ เด๊อ เหร่อเคเนอ เต๊เห่ เตหรี่เตแก เต๊อเจ่อ. เร๊อ อา เฮ๊เบ่ตา แฮเง เร๊อ ม๊อขุ เตเน่วพู๊ เต๊เห่. เร๊อ แกแย เด๊อ อา หนิโฮ เตหรี่เตแก เออเต๊เห่เนอ, อาเบ่ หนิดา ครวาเม อา. แกแย เด๊อ อา หนิดา ครวาเม เกออู โต่ เต๊เห่เนอ, จอแปแหร่ เมจากาคยาแก โทเฮ๊อ เหย่ซี ฮู๊ อา โต เร๊อ เหย่ซี เนอเฮ๊อ.

โคโลสี 1:15

เหย่ซู่ครี๊ เด๊อ เป แม๊เถอะแจ่ อา เออเตเพรเนอ, อา เด๊อะโล ตาตาเตเต ดื่อ เฮ๊อ เป เร๊อ จอแปแหร่ เด๊อะ เป แม๊เถอะแจ่ อา โต่ เออเตเพร เฮ๊อ. อา หม่า จอแปแหร่ อาพู๊คู แหว่เพร่ว เด๊อ อาโพร, อาฉว่าอาชอ อา ดุเล๊อทูเล๊อ เร๊อ เตแบ๊ทวาแถ่ ปว๋า เต๊อเจ่อ เตเพร เฮ๊อ.

เพรโด่แนพู๊ เต๊เห่ 7:51

คูสเทเฟน เฮ๊ โป่ เน๊อ, “ซี ซิปล่อ เพรอเกอเด๊อ เจ๊อ! ซี ซิปล่อเนอ อา แซ่เจ๊อเร๊อ แกแย เด๊อ อา ซิเง จอแปแหร่ โต่ เต๊เห่ เนอ เจ๊อ! จอแปแหร่ อาลาอาโหง่ อาเง เร๊อ ซี กู๊หลิกอออ โกโน๋ โต่! ซี ครวาเมโตโคร แซ่เจ๊อเร๊อ ซี โหมะเพเพอโพ เด๋อ งย๊าเค เต๊เห่ เมเนอ เจ๊อ, เร๊อ ซี เมดี๊แด ตาตือ แหย่โยบูโพ๊ ปว๋า โตโพ๊ เจ๊อ!

เพรโด่แนพู๊ เต๊เห่ 7:30

“คูโมเสส จว๊าโอ่ บาเฮ๊อ เบ๊อะเนอ อาหน่าลุยเชอ เฮ๊อ เบ๊อะเนอ, เด๊อ โฉ่ซีนาย แก่ช๊า, เก่เชเทอแก หล่อตาม๊าขุ เบ๊อะเนอ โต๊โผ่เนอ, หมิอือแถ่ ส่อเหมาะโตโฮ๊ เร๊อ เตเน่วม๊อขุพู๊ เตเพร โอ่โลแถ่ เป่ ลู เด๊อ หมิกู เด๊อ อา เป๊เส่เง.

เพรโด่แนพู๊ เต๊เห่ 5:31

แซ่ฮู๊ จอแปแหร่ เก่ เด๊อ เป่ อิสราเอล เต๊เห่ เตถู่แหล่แต๊แกละกา อา ซิปล่อ เน๊อ ปลวาแก เตซื๊อ เต๊เห่ อาเงเนอ, อา แด่โอ่เฮ๊อ เหย่ซู่ เด๊อ อากู๊ขุ จ๊อทว๊า ตากยา ฮู๊ แกแย ทวาดุทวาทู เตเพร เร๊อ เพรเมแลเปล๊กา อู เตเพรเนอ เฮ๊อ.

เพรโด่แนพู๊ เต๊เห่ 3:22

เมเตเฮ๊เร๊อ คูโมเสส เฮ๊ เน๊อ, ‘ฮู๊ จอแปแหร่ นอแฮ แว เนอ, อา เก่ นอแฮเพรโพร เด๊อ ซี เมวเจอะเกล เตเพร ปา เร๊อ ซี โตเบ่ หนิดา เจ๊อ อาโหง่ ปว๋า ตือมือ เจ๊อ เนอปา.

เพรโด่แนพู๊ เต๊เห่ 2:36

“ฮู๊เนอ อาขว่าอาคยา, อิสราเอล อากลุยอาแล ล๋อ ปลี ซี๋, ซี เบ่ ซิเง ตาเต เร๊อ เหย่ซู่ เด๊อ ซี มือเซอ แถ่ อา เด๊อ อี๊ถื่อดีเต่ลู เออเตเพรเนอ, จอแปแหร่ เด๊อะทวาแถ่ เฮ๊อ ลู เร๊อ อา หม่า แบ่เจ่ หม่า อาหม่าหม่า, ครี๊ หม่า อาหม่าหม่า เฮ๊อ,” คูเปโตร เฮ๊ ฮู๊เนอ.

ꤛꤥ꤭ꤟꤢ꤬ 19:15

หม่าแน๊เรอ เหย่ซี เอ๊โทแถ่ แลแค เน๊อ, “เมเซอแก อา, มือเซอแถ่แก ลู เด๊อ อี๊ถื่อดีเต่ลู เนอ.” เร๊อ คุ๊ยปีลาต แด๊เฮอ เหย่ซี เน๊อ, “ซี ซิหยื่อ นอ มือเซอแถ่แก แว เร๊อ ซีคุ๊ยเออ เด๊อ อี๊ถื่อดีเต่ลู แอ?” เร๊อ เพรหลู่แต ทวาดุทวาเต เต๊เห่ เฮ๊ เน๊อ, “เป คุ๊ย โอ่แพ๊ตื๊อ คุ๊ยซีซาร์ เต เพร่ว แพ๊. เปคุ๊ย เด๊อ อาโร หม่า อา โอ่ เตเพร่ว โต่,” เหย่ซี เฮ๊ แลแค ฮู๊เนอ.

ꤛꤥ꤭ꤟꤢ꤬ 18:40

เร๊อ เหย่ซี เอ๊โทแถ่ แลแค เน๊อ, “ปลวาเถ่ โต่. ปลวาเถ่ เด๊อ คูบารับบัส เนอ,” อา เฮ๊ แลแค ฮู๊เนอ. คูบารับบัส หม่า แกแยฮาเฮ ปื่อเผ่พย๊าเผ่ อู เตเพร.

ꤗꤢ꤬ꤊꤢꤨ 12:26

คูโมเสส ราม๊าแก เตเซอเพร กาคยา อาหรี่อาแก คยา เด๊อ อา ลีอู๊กู เบ๊อะหมิอือ แจ๊โจ่ เตแด๊แก เนอโต๊โต่ อากูเนอ, แว เตเน เร๊อ ซี แด๊น๊อ เฮ๊อ. เบ๊อะลีกูเนอ, จอแปแหร่ เฮ๊ คูโมเสส ฮู๊เต เฮ๊เรอ, ‘แว หม่า เพอับราฮัม อา จอแปแหร่, เพอิสอัด อา จอแปแหร่, เร๊อ เพยาโคบ อา จอแปแหร่,’ คูโมเสส ราแก ฮู๊เนอ.