เพรโด่แนพู๊ เต๊เห่ 7:25 - ลีเทส่อพ๊าอาเซ เร๊อ เห่ขุทวาลู๊

²⁵ อา เตเน เร๊อ อาเมวเจอะพู๊ เร๊อดื่อ เต๊เห่ ซิเง เน๊อ จอแปแหร่ เก่ นว๊าแถ่ อา เด๊อ อา เก่ เมแลเปล๊กาหนิ เหย่ซี เด๊อ หลู่เล๊ ปา ตื๊อดื่อเรอ เหย่ซี ซิเงฉื่อ เกอ ลู โต่.

Eastern Kayah Shadaw Dialect

²⁵ ꤢ꤬ ꤒꤣꤧ꤬ꤔꤢꤩ꤬ ꤔꤢꤧ ꤢ꤬ ꤗꤤ꤭ꤡꤣ꤬ꤖꤢꤨ ꤚꤣꤧꤘꤢꤦ꤬ ꤒꤣꤧ꤬ꤟꤢꤩ꤬ ꤞꤤꤑꤢꤩ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤔꤝꤢꤓꤢꤧ꤬ ꤢ꤬ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ꤚꤣꤧ ꤛꤢꤩ꤬ꤞꤤ꤭ ꤘꤣ ꤡ꤫ꤢꤦ꤬ꤜ꤫ꤢꤩ꤬ꤊꤜꤥ꤭ ꤕꤢ꤭ ꤒꤣꤧ꤬ꤘꤢꤦꤚꤣꤧ꤬ ꤛꤢꤩ꤬ꤞꤤ꤭ ꤞꤤꤑꤢꤩ꤭ꤏꤢꤦ꤬ ꤊꤣꤧ꤭ ꤜꤢꤨ꤭ ꤒꤥ꤬꤯

เพรโด่แนพู๊ เต๊เห่ 7:25 ပူးပေါင်းရင်းမြစ်များ

โคโลสี 1:29

ครี๊ อา เตโพรเตเตอเรอ เออ อา เมฉว่าเมชอ แหน่เจ๊อ เด๊อ แวกู แว ซิเล แถ่หนิ อา เตโพรเตเตอเรอ ฉว่าชอ เออ เร๊อ แว จ่าเพรอแอ๊จื๊อ เร๊อ แว ซิครือเมเฮ๊อ จอแปแหร่ อาเตแร เออเต๊เห่ เฮ๊อ.

โครินธ์ เนอบ่า ต๊าบ่า 6:1

เป หม่า เพรเมโหร่เต เร๊อ จอแปแหร่ เต๊เห่ อาขว่าอาคยา, เป กุย ซิยอ ฉว่า ซี เร๊อ ซี เก่ โอ่เซอเพร ฮู๊ จอแปแหร่ ซิหยื่อ นอโอ่เซอเพร ซีเนอ. ซี หม่า แกแย เด๊อ อา พย๊าหนิ โทเฮ๊อ จอแปแหร่ อาบุ๊ยอาเตอเรอ เต๊เห่ เฮ๊อ อาขว่าอาคยา, ซี เบ่ โอ่เซอเพร แลแค ฮู๊เนอ.

โครินธ์ อาเหร่อเล๊อ ต๊าบ่า 15:10

หม่าแน๊เรอ, เด๊อ แบ่เจ่ อาบุ๊ยอาเตอเรอ อาขว่าอาคยา, กู๊แหน่เรอ แว ทวาแถ่เฮ๊อ เพรโด่แนพู๊ เต๊เห่ เตเพรเฮ๊อ. เตบุ๊ยเตเตอเรอ เด๊อ จอแปแหร่ เด๊อะตา แว เออเนอ อา แกเด โต่. เมเตเฮ๊เรอ แว แอ๊จื๊อ จ่าเพรอจ่าหร่อ เม เล๊อ เจ๊อ เร๊อ เพรโด่แนพู๊ เต๊เห่ เด๊อ อาโร เต๊เห่ เจ๊อ. แว เมเบ๊ ฮู๊เออ เนอหม่า แวอ๊าแวเหร่ เร๊อดื่อ หม่าโต่. จอแปแหร่ อาบุ๊ยอาเตอเรอ เม เต่อเกอ เร๊อ แว อาขว่าอาคยา, แว เมเบ๊ ฮู๊เออ เนอแพ๊.

ꤚꤥꤗꤢꤩ꤬ 15:18

เต เด๊ออาโร ซี เต๊เห่เนอ แว เฮ๊เบ่แถ่โล บื่อเกอ เร๊อ อู โต่. แว เฮ๊เบ่แถ่โล บื่อแพ๊ตื๊อ ครี๊ อาเตเม เด๊อ อา เมจว่า แวเออ อาหรี่อาแก แพ๊. เด๊อ แว เฮ๊เบ่ อา อาหรี่อาแก เออ อาขว่าอาคยา, โทเรอ เด๊อ เหย่ซี แม๊เถอะ แว เตเม เต๊เห่, โท๊โต่ เด๊อ แหย่โยบูโพ๊ แบ่เจ่ เด๊อะ แว อาเตโพรเตเตอเรอ เออ เนอ, แว เม โลเป่ เหย่ซี เตโค๊ตีกลี๊ เออเต๊เห่ เน๊อ เตเถ่ตาปา คย๊ายื๊อ เนอเต๊เห่ อาขว่าอาคยา, แว ยูแกล๊ยูโกล เบ๊เป่เฮ๊อ แกแยยิวพู๊ หม่าโต่ เต๊เห่ เด๊อ อา เก่ หนิดา จูเอ่เฮ๊อ จอแปแหร่ เฮ๊อ. เบ๊อะแว เล แด๊โฉ่โด่แน เป่ลอ อู เร๊อ ครี๊ อา เตซิครือมีลา เบ๊อะเนอ, แว จว๊าโน แด๊โฉ่โล เป่ ลอเฮ๊อ อู ปว๋า เตเพร, ปวาตอดอ เด๊อ ดอโอ่ รว๊า วีเยรูซาเล็ม เนอ โต่เด๊อ อิลลีริคุม เก่ เนอเต๊เห่ เฮ๊อ.

เพรโด่แนพู๊ เต๊เห่ 21:19

คูเปาโล เฮ๊โมเฮ๊แร๊ โท เหย่ซี เร๊อ, อา แด๊โฉ่ โลปวาโลดวา เป่ ลอ เหย่ซี เร๊อ เตหรี่เตแก เด๊อ จอแปแหร่ เมโท เป่ ลอแคร๋ เฮ๊อ ลู เตเอ่เตแร เด๊อ แกแยยิวพู๊ หม่าโต่ เต๊เห่ อาเกล ฮู๊เต เนอเต๊เห่.

เพรโด่แนพู๊ เต๊เห่ 15:7

เหย่ซี เฮ๊เบ่โด่แน แคลู เร๊อ อางยา กู๊ลาเฮ๊อ เนอ คูเปโตร ก๊อถ่อ เฮ๊ เหย่ซี เน๊อ, “แว โป่แหว่ ซี๋, แซ่ฮู๊ แว เก่ แด๊โฉ่โด่แน เป่เกอ แกแยยิวพู๊ หม่าโต่ เต๊เห่ เร๊อ เตซิครือมีลา, โท๊โต่ แซ่ฮู๊ เหย่ซี เก่ หนิโฮ เกอ เร๊อ หยื่อเอ่แลแค เหย่ซู่ อาเงเนอ, จอแปแหร่ นว๊าแถ่ อางยาลาเฮ๊อ แว เด๊อ ซีเกล เนอหม่า ซี ซิเง ดื่อ เฮ๊อ.

เพรโด่แนพู๊ เต๊เห่ 15:4

เบ๊อะเหย่ซี จว๊าโต่ เด๊อ วีเยรูซาเล็ม เบ๊อะเนอ, เพรหยื่อเอ่ ตู๊หมู่ตอกล๊อ เต๊เห่ เร๊อ เพรโด่แนพู๊ เต๊เห่ เร๊อ เพรหยื่อเอ่ตู๊หมู่ตอกล๊อ โหมะพรูโหมะเผร่ เด๊อ อา ทวา ทวาดุทวาเต เต๊เห่ เอ๊โมฉื่อ เหย่ซี เร๊อ แด๊โฉ่ เป่ อู เร๊อ เตหรี่เตแก เด๊อ จอแปแหร่ เม แฮเง เต เด๊อ เหย่ซีกู เต๊เห่ อาหรี่อาแก.

เพรโด่แนพู๊ เต๊เห่ 14:27

เบ๊อะเหย่ซี กาโต่ เด๊อ วีอันทิโอก เบ๊อะเนอ, เหย่ซี เอ๊ปล๊อ เพรหยื่อเอ่เต ตู๊หมู่ตอกล๊อ เต๊เห่ เร๊อ อา แด๊โฉ่โด่แน ลอ เหย่ซี เร๊อ ล๋อ จอแปแหร่ เมเต่อเกอเต เร๊อ เหย่ซี เนอเต๊เห่ เร๊อ แกแยยิวพู๊ หม่าโต่ เต๊เห่ เก่ หยื่อเอ่แลแค เกอ อาเง เนอ, จอแปแหร่ บ๊าโมแถ่ เป่ เหย่ซี กู่ดา.

ꤜꤢꤨꤊꤢ꤬ 18:34

หม่าแน๊เรอ อา โคเจ่ เต๊เห่ ซิเงโปล ลู เตเฮ๊เบ่ เออตือมื๋อ โต่. เตเฮ๊เบ่เออ อาโหง่แลช๊า เออเนอ, อู แด่ ด๊อโอ๊ด๊อบี๊ เป่ เหย่ซี อาขว่าอาคยา, เหย่ซี ซิเงโปล แลแค อา เฮ๊ เป่ เหย่ซี เออเนอ โต่.

ꤜꤢꤨꤊꤢ꤬ 9:45

หม่าแน๊เรอ อา โคเจ่ เต๊เห่ ซิเงโปล ลู เตเฮ๊เบ่ เออตือมือ อาโหง่แลช๊า โต่. แซ่ฮู๊ เหย่ซี เก่ ซิเง เตเม เนอ, อู เบ่โอ๊เบ่บี๊แก อาโหง่แลช๊า แพ๊. เหย่ซี แด๊เฮอบื่อ แบ่เจ่ เหย่ซู่ เตเพร่ว โต่.

ꤗꤢ꤬ꤊꤢꤨ 9:32

อา โคเจ่ ซิเงโปลแร๊ อา เตอิซว๊าอี๊แส่ เหย่ซี เออ อาโหง่แลช๊า โต่ หม่าแน๊เรอ เหย่ซี แด๊เฮอบื่อ ลู เตเพร่ว โต่.

โครินธ์ อาเหร่อเล๊อ ต๊าบ่า 3:9

เป หม่า เพรเมโหร่ลูเต เด๊อ จอแปแหร่ อาเง เต๊เห่ แพ๊. ซี หม่า อาแซ่เน๊อ จอแปแหร่ อา เกเร๊รา เด๊อ เป เหล่เมเอ่ อาเหล่โอ่. โท๊โต่ ซี หม่า อาแซ่เน๊อ หี่ เด๊อ จอแปแหร่ ช๊อแถ่ อา เตเม.

เพรโด่แนพู๊ เต๊เห่ 7:24

อา แม๊เถอะ อียิปต์เก่พู๊ เตเพร เมนือเมจ๊า เมล๊าเมเล อิสราเอลพู๊ เตเพร เร๊อ อา จว๊า เมจว่า เป่ อิสราเอลพู๊ เออเตเพร. อา เมเลอฉื่อ กาคยา อียิปต์เก่พู๊ เออเตเพร เร๊อ อา เมเซอแก ลู.

เพรโด่แนพู๊ เต๊เห่ 7:26

อาเนอโอ่ปาเตอเนอเนอ, อา แม๊เถอะ อิสราเอลพู๊ เร๊อ อิสราเอลพู๊ ซิเนอ กย๊า เกอเร๊อ คยาดื่อ ลู เร๊อ อา จว๊า แอ๊จื๊อ เมเปเมดวา เมแร๊ กาคยา เป่ เหย่ซี เร๊อ อา เฮ๊ เหย่ซี เน๊อ, ‘หนิดา แลแค โคแบ๊ซว๊า ซี๋, ซีเร๊อซี เร๊อ ดื่อแพ๊ เร๊อ ซี จว๊า กย๊าเร๊อดื่อ ลู เมเต?’