เพรโด่แนพู๊ เต๊เห่ 7:2 - ลีเทส่อพ๊าอาเซ เร๊อ เห่ขุทวาลู๊

² เร๊อ คูสเทเฟน แด๊ เป่ เหย่ซี เน๊อ, “โป่แหว่โหมะเพ ซี๋, หนิดา แลแค แว เฮ๊ เป่ ซี เออ! เบ๊อะเปเพ เพอับราฮับ จว๊าโอ่ แต่ล๋าย เด๊อ วีฮาราน ล๋ายโต่, เร๊อ อา โอ่ปา แพ๊ เบ๊อะเมโสโปเตเมีย เบ๊อะเนอ, จอแปแหร่ เด๊อ อา เล๊อบา เร๊อ เตเตอเรอดุ เตอเรอทู เออเตเพร โอ่โลแถ่ เป่ ลู เด๊อ อา เป๊เส่เง.

Eastern Kayah Shadaw Dialect

² ꤚꤣꤧ꤬ ꤋꤢꤨ꤭ꤎꤢ꤬ꤒꤤ꤬ꤠꤢꤩ꤬ ꤘꤢꤧ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ, “ꤕ꤫ꤥ꤬ꤠ꤫ꤢꤧ꤬ꤗ꤫ꤥ꤬ꤖꤢꤩ꤭ ꤞꤤ꤭꤮ ꤔ꤫ꤤ꤬ꤘꤢ꤭ ꤜꤢ꤭ꤋꤢꤧ꤭ ꤠꤢꤧ꤭ ꤟꤢꤩ ꤕ꤫ꤢꤩ꤬ ꤞꤤ꤭ ꤣꤧ꤭! ꤙꤣꤧ ꤕꤢꤩ꤬ꤖꤢꤩ꤭ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤡꤝꤢꤥ꤬ ꤒꤢꤧ꤬ꤜꤢ꤭ꤟꤤ ꤘꤣ ꤠꤤ꤭ꤟꤢ꤬ꤚꤢ꤬ ꤜꤢ꤭ꤟꤤꤒꤥ꤬, ꤚꤣꤧ꤬ ꤢ꤬ ꤥ꤬ꤕꤢ꤬ ꤖꤢꤧ ꤙꤣꤧ ꤗꤢꤧ꤬ꤏꤥ꤬ꤕꤥ꤬ꤒꤢꤩꤗꤤꤛꤢ ꤢ꤬ꤋꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤜꤣꤙꤢ꤭ ꤔꤢꤧ ꤒꤢꤩ꤬ꤒꤣꤧ꤬ꤚꤣꤧ꤭ꤘꤢꤨ꤬ ꤒꤣꤧ꤬ꤚꤣꤧ꤭ꤓꤢꤨ꤭ ꤣꤧ꤭ꤒꤣ꤬ꤖꤚꤢꤩ꤬ ꤥ꤬ꤜꤥ꤭ꤓꤢꤧ꤬ ꤕ꤫ꤢꤩ꤬ ꤜꤢꤨ꤭ ꤘꤣ ꤢ꤬ ꤕꤣꤧꤞꤢꤩ꤬ꤑꤢꤩ꤭꤯

เพรโด่แนพู๊ เต๊เห่ 7:2 ပူးပေါင်းရင်းမြစ်များ

เห่ขุทวาลู่ 11:31

เพเทราห์ โอ่ เบ๊อะ วีอูรา, บาเบลเก่กู เนอเร๊อ อา เอ๊หนิ อาพู๊ คูอับราม เน๊อ อาแด่ เหมาะซาราย เน๊อ อาเลอ เพฮาราน อาพู๊ คูโลท เร๊อ อา เถ่แกล่จว๊า แลแค เด๊อ คานาอันเก่. หม่าแน๊เรอ เบ๊อะ เหย่ซี จว๊าโต่ ปาแพ๊ เด๊อ วีฮาราน เบ๊อะเนอ, อา โอ่ แลแค เบ๊อะเนอ.

เพรโด่แนพู๊ เต๊เห่ 22:1

เร๊อ คูเปาโล เฮ๊ เป่ เหย่ซี เน๊อ, “โป่แหว่ โหมะเพ ซี๋, หนิดา แลแค แว เตเฮ๊เบ่แลเปล๊ แวเหน่ เด๊อ ซี เป๊เส่เง เออ.”

ꤟꤤꤙꤚꤢꤨ 1:3

อู เก่ แม๊เถอะ แฮเง จอแปแหร่ อา เตเตอเรอดุทู เด๊อ อากู ปา. อา หม่า อา แซ่ ลอหล่าตี๊กลิ เจ๊อ เน๊อ จอแปแหร่ เฮ๊อ. แซ่ฮู๊ เห่ขุ เร๊อ ม๊อขุ เน๊อ เตแบ๊แถ่ ล๋อ ปลี เต๊เห่ เก่ โอ่ แฮเง ตื๊อดื่อ โป่ เนอ, อา ปื่อหม่า จว่าเกอ เตแบ๊แถ่ ล๋อ ปลี เออเนอ เน๊อ อาโหง่ เด๊อ อาโพรอาเตอเรอ ฉว่าชอ เออเต๊เห่. เบ๊อะอา เมปลื๊อเมโท โทเฮ๊อ ปลวาแก ลอ ล๋อ แกแย เห่ขุพู๊ อาเตซื๊อ เต๊เห่ เบ๊อะเนอ, อา กา แก๊แถ่ เด๊อ ม๊อขุ เร๊อ อา แถ่โอ่แนโอ่ เด๊อ จอแปแหร่ เด๊อ อาโพรอาเตอเรอ อาดุอาทู ตื๊อดื่อ เออเตเพร อากู๊ขุ จ๊อทว๊า ตากยา.

ꤛꤥ꤭ꤟꤢ꤬ 1:14

แกแย เด๊อ อู เอ๊ อา เร๊อ เตลาเตโหง่ เออเตเพรเนอ, อา แฮทวา ฮู๊ แกแย เนอ เร๊อ อา แฮ โอ่เซอเพร เฮ๊อ เด๊อ เปเกล. เป แม๊เถอะเฮ๊อ อา เตเตอเรอดุ เตอเรอทู. จอแปแหร่ อาพู๊คู ย๊อโอ่ตื้อ เตเพรแพ๊ อาขว่าอาคยา, อา พย๊าหนิ ลอปลี เจ๊อ เตเตอเรอดุ เตอเรอทู เออ เด๊อ อาเพโอ่ เจ๊อ. อา หม่า แกแย เด๊อ อา เล๊อบา เร๊อ เตบุ๊ยเตเตอเรอ เร๊อ เตหมะเตจ๊อ เตเพร.

เห่ขุทวาลู่ 15:7

เร๊อ จอแปแหร่ เฮ๊ ลู เน๊อ, “แว หม่า จอแปแหร่ ตูจูเพร เด๊อ อา เอ๊เถ่ เน เด๊อ เน โอ่เกอเร๊อ บ่าบู่โหล่เก่ วีอูรากู เนอเตเพร เฮ๊อ, เร๊อ แว เก่ เด๊อะ เน เห่ขุ เออโต๊โผะ ฮู๊ เนเก่ เน๊อ เนเหน่ เร๊อดื่อ อาเง เนอ เฮ๊อ.”

เตเด๊อะโลแถ่ 4:11

“เก๋อ เป แบ่เจ่ จอแปแหร่, เน โต พย๊าหนิ แหน่ เตลีเตตาเค, เตแด่ซิแหน่ซิเตเร เร๊อ เตโพรฉว่าชอ เฮ๊อ, เมเตเฮ๊เรอ เน แบ๊แล เต ล๊อ ปลี เร๊อ เน แบ๊แล เหย่ซี เร๊อ เน แด่ โอ่เซอเพร เหย่ซี จู๋ ดื่อ เนซิปล่อเฮ๊อ.”

ꤒꤤꤒꤢꤨ 2:13

เบ๊อะเป โอะป่อแม๊ชือ เฮ๊อ เตเด๊อะบุ๊ยเด๊อะเตอเรอ อาม๊อเนอ หม่าดื่อเฮ๊อ ช๋า เปเพ จอแปแหร่ ดุเนอ เพรเมแลเปล๊กา เป แบ่เจ่เหย่ซู่ครี๊ อาเตเด๊อะบุ๊ยเด๊อะเตอเรอ อา แฮโอะโลแถ่ เฮ๊อ เนอปา เบ๊อะเนอ, เป เบ่ โอะเซอเพร ฮู๊ อา เฮ๊ เป เออเนอ เต๊เห่.

โครินธ์ อาเหร่อเล๊อ ต๊าบ่า 2:8

เตลีแมลีเพ๊ เออเนอ, แกแย เด๊อ อา ทวา ทวาดุทวาเต เด๊อ เห่ขุ เออเต๊เห่ ซิเง เตเพร่ว โต่. เหย่ซี เก่ ซิเง เออ เฮ๊เรอ, เหย่ซี มือเซอแถ่ เน๊อ แบ่เจ่ เด๊อ อา โอ่ เน๊อ อา เต เตอเรอดุเตอเรอทู เออเตเพร เด๊อ อี๊ถื่อดีเต่ลู แตแค๋ โต่.

เพรโด่แนพู๊ เต๊เห่ 23:7

เด๊อ อา เฮ๊โลแถ่ เต ฮู๊เออ อาขว่าอาคยา, ฟาริสีพู๊ เร๊อ สะดูสีพู๊ เต๊เห่ เคร๊แขระ แคลู เร๊อ เหย่ซี ลูโพร๊แก ลู เนอหมู่.

ꤛꤥ꤭ꤟꤢ꤬ 12:41

เพรโพร อิสยาห์ เฮ๊ฮู๊เออ เมเตเฮ๊เรอ อา แม๊เถอะน๊อ แบ่เจ่ เหย่ซู่ อา เตอเรอดุเตอเรอทู ตื๊อเรอ อา เฮ๊ ลูหรี่ลูแก ฮู๊เออ แพ๊.

ꤜꤢꤨꤊꤢ꤬ 2:14

“อาลีอาเตเค ถู่เซ๊แถ่ แลแค จอแปแหร่ เด๊อ อา โอ่ เด๊อ อาเหล่โอ่แถ่โล ตื๊อดื่อเล๊อ อู เด๊อ ม๊อขุ เออเนอ เตเพร โป๋. เตเปเตดวา เร๊อ เตเตอเจ๊อตู๊จู่ เก่ โอ่แถ่ เกอดื่อ เด๊อ เห่ขุเออ เร๊อ อา เก่ โอ่เต่อเกอดื่อ เร๊อ แกแย เด๊อ จอแปแหร่ ซิปล่อ โอ่เร๊อ เกอ ลู เนอเต๊เห่ นี๋.”

มัทธิว 6:13

นอจว๊าโน แต่ เป เด๊อ เตอิลออี๊โหล่ อาเกล เนอ แต่เหม่ นี๋. หม่าแน๊เรอ เมแลเปล๊กา เร๊อเป เด๊อ โลเน๊มู๊แหม่ กู่กล๊อ อา กู๊ยากู เออเนอ นี๋. (เมเตเฮ๊เรอ เทอเก่ เบ่เบ่, เตโพรเตเตอ เรอ เบ่เบ่, เตเตอเรอดุ เตอเรอทู เบ่เบ่ หม่าดื่อเฮ๊อ เนเต ตูจูเพร ตาแลเคร๊ เฮ๊อ. อาเมน.)’

เห่ขุทวาลู่ 29:4

คูยาโคบ แด๊เฮอ เพรเกซิหมิ เนอเต๊เห่ เน๊อ, “เก๋อ โป่แหว่ ซี, ซีดอ โอ่โต เบ๊อะ เต?” เร๊อ เหย่ซี เฮ๊ฉื่อ ลู เน๊อ, “เป่ โอ่ เด๊อ วีฮาราน.”

เห่ขุทวาลู่ 12:5

คูอับราม เอ๊หนิ เร๊อ อาเม เหมาะซาราย, อาพู๊ดุ คูโลท, โทเร๊อ อา พย๊า เกอเร๊อ ล๋อ อาเตดุแหย่แถ่เซ เน๊อ อาเตมีเตดอ เน๊อ หลู่ เด๊อ อา พย๊าหนิ เบ๊อะ วีฮารานกู เนอเต๊เห่, เร๊อ เหย่ซี เถ่จว๊า แลแค เด๊อ คานาอันเก่, เร๊อ อา จว๊าโต่ แลแค เบ๊อะเนอ.

เห่ขุทวาลู่ 12:1

จอแปแหร่ ตูจูเพร เฮ๊ คูอับราม เน๊อ, “แด่แก เนเทอเนเก่, เนกลุยเนแล เน๊อ เนเพ อาตี๊หี่แตแพเต๊เห่ เร๊อ เถ่จว๊า มอ เด๊อ เทอเก่ เด๊อ แว เก่ เด๊อะโล เป่ เน ปา เนอเต๊เก่ นี๊.

เพรโด่แนพู๊ เต๊เห่ 7:1

เพรหลู่แต กู่กล๊อดุเล๊อ เออเตเพร แด๊เฮอ คูสเทเฟน เน๊อ, “ฮู๊ แกแย เออเต๊เห่ เฮ๊ เน เออเนอหม่า, เน เฮ๊ หม่าแหน่ แหน่ แอ?”

เอเฟซัส 1:17

แว กุยจ๊อเบ ตื๊อดื่อปา เด๊อ เป แบ่เจ่ เหย่ซู่ครี๊ อา จอแปแหร่, หม่าเฮ๊อ เปเพ เด๊อ อาเตอเรอดุอาเตอเรอทู อาโพร อาเตอเรอ เออเตเพร อา โอ่. เร๊อ แซ่ฮู๊ ซี เก่ ซิเงแฮ ตาเต แร๊เล๊อโป่ จอแปแหร่ อาเงเนอ, แว กุยจ๊อเบ เร๊อ จอแปแหร่ อา แหย่โยบูโพ๊ เก่ เด๊อะ ซี เตลีแมลีเพ๊, เร๊อ อา เก่ เด๊อะโล เป่ ซี เร๊อ จอแปแหร่ ปา.

ꤟꤤꤙꤚꤢꤨ 11:8

เบ๊อะจอแปแหร่ เอ๊ เพอับราฮัม เร๊อ อา นอเถ่จว๊า ลู เด๊อ เก่เต๊เก่ เด๊อ อา เก่ เด๊อะ เร๊อ ลู ปา เบ๊อะเนอ, อา โต เถ่จว๊า โต เบ๊อะโต๊โผ่เนอ อา ซิเง โต่ หม่าแน๊เรอ เด๊อ อาเตหยื่อ อาขว่าอาคยา, อา หนิดา เร๊อ อา เถ่จว๊า.

ꤡꤛꤢꤩ꤭ꤗꤢ꤬ꤎꤣ꤬ 2:1

แว โป่แหว่ ซี๋, ซี หม่า แกแย เด๊อ อา หยื่อเอ่แหน่ แบ่เจ่ เหย่ซู่ครี๊ เด๊อ อาโอ่ เน๊อ เตเตอเรอดุเตอเรอทู เตเพร เต๊เห่. ฮู๊เนอ อาขว่าอาคยา, ซี โตเบ่ แม๊ดุ แม๊ปีตี๊ หนิ อู เตเพร่ว โต่.