เพรโด่แนพู๊ เต๊เห่ 7:10 - ลีเทส่อพ๊าอาเซ เร๊อ เห่ขุทวาลู๊

¹⁰ โทเรอ เบ๊อะอา ป่อชิเต่อ เตแป่เตเช เบ๊อะเนอ, จอแปแหร่ เมแลเปล๊ ลู ปว๋า โตโพ๊ เจ๊อ. เบ๊อะคูโยเซฟ จว๊าโต่ เด๊อ อียิปต์เก่ คุ๊ยฟาโรห์ เป๊เส่เง เบ๊อะเนอ, จอแปแหร่ เด๊อะ ลู เตลีแมลีเพ๊ เร๊อ คุ๊ยฟาโรห์ อาเตแม๊ดุ โค๊ เกอเร๊อดื่อลู เต๊เห่. โทเรอ คุ๊ยฟาโรห์ นอเป๊อหนิเร๊อ ลู เร๊อ อียิปต์เก่ เน๊อ อาหี่อาแพ เน๊อ อาโฮเท ซีเต๊เห่.

Eastern Kayah Shadaw Dialect

¹⁰ ꤓꤥ꤭ꤚꤣꤧ꤬ ꤙꤣꤧ ꤢ꤬ ꤕ꤫ꤢꤪ꤬ꤞꤤꤒꤣ꤬ꤙꤢꤩ꤬ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤢ꤬ꤋꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤜꤣꤧ꤬ꤕꤜꤢꤩ ꤜꤢꤨ꤭ ꤕꤝꤢ꤭꤮ ꤒꤣ꤬ꤖꤥ ꤡꤣꤧ꤯ ꤙꤣꤧ ꤋꤢꤨ꤭ꤡꤛꤥꤎꤢꤧ ꤡꤝꤢꤒ꤫ꤥ꤬ ꤘꤣ ꤤ꤬ꤡꤛꤤꤊ꤫ꤢꤩ꤬ ꤋꤝꤤꤖꤢ꤬ꤚꤥ꤬ ꤕꤣꤧꤞꤢꤩ꤬ꤑꤢꤩ꤭ ꤢ꤬ꤋꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤜꤢꤨ꤭ ꤒꤢꤩ꤬ꤞꤤꤒꤢꤩ꤬ꤖꤢꤩ ꤔꤢꤧ ꤋꤝꤤꤖꤢ꤬ꤚꤥ꤬ ꤢ꤬ ꤒꤢꤩ꤬ꤗꤢꤧꤘꤢꤨ꤬ ꤋꤥ ꤚꤣꤧꤘꤢꤦ꤬ꤜꤢꤨ꤭ ꤒꤣꤧ꤬ꤟꤢꤩ꤬꤯ ꤓꤥ꤭ꤚꤣꤧ꤬ ꤋꤝꤤꤖꤢ꤬ꤚꤥ꤬ ꤔꤢꤪ꤭ꤕꤣꤚꤣꤧ ꤜꤢꤨ꤭ ꤔꤢꤧ ꤤ꤬ꤡꤛꤤꤊ꤫ꤢꤩ꤬ ꤔꤢꤧ ꤢ꤬ꤟꤤ꤬ꤢ꤬ꤖꤢꤧ꤭ ꤔꤢꤧ ꤢ꤬ꤟꤥ꤭ꤓꤢꤩ꤭ ꤞꤤ꤭ꤒꤣꤧ꤬ꤟꤢꤩ꤬꤯

เพรโด่แนพู๊ เต๊เห่ 7:10 ပူးပေါင်းရင်းမြစ်များ

ทิโมธี เนอบ่า ต๊าบ่า 4:18

แบ่เจ่ เก่ เมแลเปล๊ แว เน๊อ เตมู๊แหม่รีแจ่ ล๋อปลี เออเต๊เห่ ปา. โท๊โต่ อา เก่ พย๊ากา แว ปา เร๊อ อา เก่ ตอกอตอเก เกอเร๊อ แว เด๊อ ม๊อขุ อา เทอเลเก่กู ปา. เตลีเตเค เก่ แลเบ่ ดื่อ แบ่เจ่ เออ ตูจูเพร ตาแลเคร๊ นี๋. อาเมน.

เห่ขุทวาลู่ 48:16

เตเน่วม๊อขุพู๊ เด๊อ อา เมแลเปล๊ แว เน๊อ ล๋อ เตแป่เตเช เนอเตเพร เก่ เด๊อะบุ๊ยเด๊อะเตอเรอ ดื่อ เหย่ซี นี๋. เด๊อเหย่ซีอาขว่าอาคยา เร๊อ อู เก่โต เร๊อ ดื่อแวมุย, แวโพ โพอับราฮัม อามุย เน๊อ แวเพ เพอิสอัค อามุยปานี๊. เหย่ซี เก่ พู๊โอ่โหร่เหลอโอ่เอ๊ ดื่อ เบ๊อะ เห่ขุ เออ ปา นี๋.”

เห่ขุทวาลู่ 42:6

กู๊แหน่เร๊อ คูโยเซฟ แถ่ทวา เฮ๊อ เพรเป๊อเทอเป๊อเก่ เบ๊อะ อียิปต์เก่ เนอ, เร๊อ อา อิเชตา เป่ ล๋อ เทอพู๊เก่พู๊ เต๊เห่ โบ๊กู่ลา. เร๊อ เบ๊อะ คูโยเซฟ อาแหม่ซี เต๊เห่ แฮโต่ เฮ๊อ เบ๊อะเนอ, เหย่ซี แด๊งือ งอแล แลแค เด๊อ เห่ขุ.

เตเด๊อะโลแถ่ 7:14

“ซ๊าร๊าดุ, แว ซิเงโต่, เน ซิเง แพ๊,” แว เฮ๊ฉื่อ อา ฮู๊เนอ. เร๊อ อา เฮ๊ฉื่อ แว เน๊อ, “เหย่ซี เต๊เห่ เนอหม่า แกแย เด๊อ อา จว๊า ตาลว๊าเบ๊ โทเฮ๊อ เตเมจาเมจือ เด๊อ อา ต๊อหร่อเซ๊ ซิอิเช เออเต๊อเจ่อเนอ เฮ๊อ. เหย่ซี โฉ่ปลี โทเฮ๊อ อา จาจวาทู เออเต๊เห่ เฮ๊อ, โทเรอ อา เมบู โทเฮ๊อ เร๊อ ซิหมิพู๊ เนอโตโด อาสุ่ย เฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 5:11

แกแย เด๊อ อา แด่ทูซิปล่อเบ๊ เนอ, เป เฮ๊ อา เร๊อ แกแย เด๊อ อา พย๊าหนิ เตเด๊อะบุ๊ยเด๊อะเตอเรอ. ซี หนิโฮ โทดื่อเฮ๊อ เพโยบ อา เตแด่ทูซิปล่อ อาหรี่อาแก เฮ๊อ เน๊อ เด๊อ คยาตื๊อดื่อ เร๊อ แบ่เจ่ เตเน หนื่ออื่อ เน๊อ อา เก่เด๊อะบุ๊ยเด๊อะเตอเรอ ลู ฮู๊เต อาหรี่อาแก เนอ, ซี ซิเง เฮ๊อ. เมเตเฮ๊เรอ แบ่เจ่ อา เตซิยอกล่าเบ่ เออเนอ อาเล๊ออาบา แหน่เจ๊อ.

เห่ขุทวาลู่ 44:18

เออโต๊โผะ เร๊อ คูยูดาห์ แฮ เด๊อ เพโยเซฟ อาโอ่ เร๊อ อา เฮ๊ ลู เน๊อ, “เก๋อ แบ่เจ่ดุ, แด่ทูซิปล่อ เร๊อ เด๊อะเฮ๊เบ่ เกอเหร่อ เนหลู่เออ โหง่ตือมือ นี๋. เน แซ่เจ๊อเน๊อ คุ๊ยเจ๊อ ตื๊อดื่อเร๊อ ซิปล่อดุ เนหลู่เออ แต่เหม่ นี๋.

เห่ขุทวาลู่ 39:21

หม่าแน๊เรอ จอแปแหร่ ตูจูเพร โอ่เกอ เน๊อ ลู เร๊อ อา โมเร๊อ ลู เน๊อ เตโม เด๊อ อาลอเป่แจ่โต่, เร๊อ เพรโอ่ป่อ ทอ กู่กล๊อ เนอเตเพร แม๊ดุเกอเร๊อเหน่เจ๊อ ลู.