เพรโด่แนพู๊ เต๊เห่ 6:7 - ลีเทส่อพ๊าอาเซ เร๊อ เห่ขุทวาลู๊

⁷ ฮู๊เนอเรอ จอแปแหร่ อาลาอาโหง่เออ อา โลปีชี จว๊า เร๊อ จว๊า เจ๊อ. โทเรอ เด๊อ วีเยรูซาเล็ม อากู เนอ, แกแย เด๊อ อา หยื่อเอ่แหน่เอ่รี เต๊เห่ โอ่โหร่โอ่เอ๊แถ่ เร๊อ แถ่ เจ๊อ. โท๊โต่ เพร หลู่แตเต เต๊เห่เนอ, อา หยื่อเอ่แหน่เอ่รี เอ๊ เกอ แหน่เจ๊อ.

Eastern Kayah Shadaw Dialect

⁷ ꤟꤢꤨꤔꤣꤧ꤬ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ꤣꤧ꤭ ꤢ꤬ ꤜꤥ꤭ꤕꤣꤧ꤬ꤏꤤ꤭ꤡꤝꤢ ꤔꤢꤧ ꤡꤝꤢ ꤡꤣꤧ꤯ ꤓꤥ꤭ꤚꤣꤧ꤬ ꤘꤣ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤢ꤬ꤊꤢꤨ꤭ ꤔꤣꤧ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ꤒꤢꤩ꤬ ꤒꤣꤧ꤬ꤟꤢꤩ꤬ ꤥ꤬ꤚ꤫ꤥ꤬ꤥ꤬ꤢꤩꤓꤢꤧ꤬ ꤔꤢꤧ ꤓꤢꤧ꤬ ꤡꤣꤧ꤯ ꤓꤥ꤭ꤒꤥ꤬ ꤖꤚꤢꤩ꤬ꤜꤢꤨ꤭ꤒꤢꤧ꤭ꤒꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤢꤩ ꤊꤣꤧ꤭ ꤔꤢꤧ꤬ꤡꤣꤧ꤯

เพรโด่แนพู๊ เต๊เห่ 6:7 ပူးပေါင်းရင်းမြစ်များ

เพรโด่แนพู๊ เต๊เห่ 19:20

เด๊อ จอแปแหร่ เตโพรเตเตอเรอ โอ่โลแถ่ เด๊อ แกล๊ ฮู๊เออ อาขว่าอาคยา, จอแปแหร่ อาลาอาโหง่ โลปีชี จว๊าแหล่แถ่ โป่ เร๊อ อา ดุแถ่ทูแถ่ เป่แฮ โป่ เด๊อ เง.

เพรโด่แนพู๊ เต๊เห่ 12:24

หม่าแน๊เร๊อ จอแปแหร่ อาลาอาโหง่เนอ, อา โลปีชีจว๊า ยา เป่แฮโป่ เด๊อ เง เร๊อ อู หยื่อเอ่ โอ่เอ๊แถ่ เร๊อ โอ่เอ๊แถ่ เจ๊อ.

โคโลสี 1:6

เตซิครือมีลา เออ อา พย๊าแฮหนิ เตเด๊อะบุ๊ยเด๊อะเตอเรอ เร๊อ อา โลปีชีจว๊า ลอเฮ๊อ เด๊อ เห่ขุต๊าบ่า เฮ๊อ. อา โลปีชีจว๊า เร๊อ อา พย๊าแฮหนิ เตเด๊อะบุ๊ยเด๊อะเตอเรอ แซ่เน๊อ อา พย๊าแฮหนิ เป่เฮ๊อ ซี เบ๊อะซี หนิโฮ เร๊อ ซี ซิเงโปลแฮ เฮ๊อ เตหมะเตจ๊อ หม่าเฮ๊อ จอแปแหร่ อาบุ๊ยอาเตอเรอ อาหรี่อาแก เออเนอ เฮ๊อ.

ꤟꤤꤙꤚꤢꤨ 5:9

เบ๊อะครี๊ หนิดา โทลอเฮ๊อ จอแปแหร่ อาโหง่ ปว๋า เต๊อเจ่อ เบ๊อะเนอ, อา ทวาแถ่ เป่เฮ๊อ ล๊อ แกแย เด๊อ อา หนิดา ลูโหง่ เนอเต๊เห่ อา เมแลเปล๊กา อาตูจูเพรเง อา แก่ช๊าแก่แร เฮ๊อ.

ꤚꤥꤗꤢꤩ꤬ 16:26

หม่าแน๊เรอ กู๊แหน่เออ ฮู๊ เพรโพร เฮ๊หนื่ออื่อ โทเฮ๊อ เนอ, โทเรอ ฮู๊ จอแปแหร่ เด๊อ อา เซอเพร ตูจูเพร เออเตเพร หม่าแก หนื่ออื่อ โทเฮ๊อ อาโหง่ เต๊เห่ เน๊อ, แซ่ฮู๊ แกแยยิวพู๊ หม่าโต่ เต๊เห่ เก่ หยื่อเอ่ ครี๊ เร๊อ เหย่ซี เก่ หนิดา ลูโหง่ อาเงเนอ, อู เด๊อซิเง โลเป่ ลอเฮ๊อ เหย่ซี ปว๋า โต๊โผ่ เฮ๊อ.

ꤚꤥꤗꤢꤩ꤬ 1:5

เด๊อ ครี๊ อาขว่าอาคยาเร๊อ, จอแปแหร่ เด๊อะตา เป อา เตบุ๊ยเตเตอเรอ เร๊อ ม๊อเนอม๊อเซโตแร๊ เด๊อ เป เก่ ทวาแถ่ เพรโด่แนพู๊ เต๊เห่ เด๊อ ครี๊ อาเง. แซ่ฮู๊ ล๋อ แกแยยิวพู๊ หม่าโต่ เต๊เห่ เก่ หยื่อเอ่แหน่ เกออู เหย่ซู่, เร๊อ เหย่ซี เก่ หนิดา เกอ จอแปแหร่ โหง่ อาเงเนอเรอ, อา นอทวาแถ่ เป แพ๊.

เพรโด่แนพู๊ เต๊เห่ 14:22

แซ่ฮู๊ เพรหยื่อเอ่ เต๊เห่ เก่ โอ่หม่าโอ่กลอ เด๊อ อา เตหยื่อเตแหน่ อากู อาเงเนอ, คูเปาโล เร๊อ คูบารนาบัส เด๊อะอ๊าเด๊อะเหร่ แถ่หนิ เหย่ซี, โท๊โต่ ครอครวาเกอ เหย่ซีคยา. เหย่ซี อิซว๊าอี๊แส่ เป่ อู เน๊อ, “เป เตเร จว๊าโน ล๊อปลู๊เบ๊ โต่เด๊อ จอแปแหร่ อาเทออาเก่กู เออเนอหม่า, เป เบ่ จว๊าตาลว๊า เอ๊ลา เร๊อ เตแป่เตเช ซีเต๊เห่ เจ๊อ.”

ꤟꤤꤙꤚꤢꤨ 11:8

เบ๊อะจอแปแหร่ เอ๊ เพอับราฮัม เร๊อ อา นอเถ่จว๊า ลู เด๊อ เก่เต๊เก่ เด๊อ อา เก่ เด๊อะ เร๊อ ลู ปา เบ๊อะเนอ, อา โต เถ่จว๊า โต เบ๊อะโต๊โผ่เนอ อา ซิเง โต่ หม่าแน๊เรอ เด๊อ อาเตหยื่อ อาขว่าอาคยา, อา หนิดา เร๊อ อา เถ่จว๊า.

ทิโมธี เนอบ่า ต๊าบ่า 2:9

แว ย๋อ แด๊โฉ่โด่แน เป่ อู เตซิครือมีลา อาขว่าอาคยาเร๊อ, แว ข่าเบ่เฮ๊อ เตจาเตจือ เร๊อ อู จอกลอหม่า เจ๊อ แว เน๊อ สู่เปลอต่อเท๊ แซ่เน๊อ แกแย เมซื๊อ เตซว๊าเตแส่ เตเพร เจ๊อ. หม่าแน๊เรอ จอแปแหร่ อาลาอาโหง่ เนอ อู จอกลอหม่าแจ่ อา โต่.

เธสะโลนิกา เนอบ่า ต๊าบ่า 1:8

อา เก่ เมจากาคยา แกแย เด๊อ อา ซิเง เกออู จอแปแหร่ โต่ เนอเต๊เห่ เร๊อ แกแย เด๊อ อา จูเอ่ เกอ เป แบ่เจ่ เหย่ซู่ อา เตซิครือมีลา โต่ เนอเต๊เห่ ปา.

เพรโด่แนพู๊ เต๊เห่ 21:20

เหย่ซี หนิโฮโท อา เตเฮ๊เบ่ เร๊อ, เหย่ซี ถู่เซ๊แถ่ แลแค จอแปแหร่ ปว๋า เตเพร. โทเร๊อ เหย่ซี เฮ๊ คูเปาโล เน๊อ, “โป่แหว่ คูเปาโล๋, แกแยยิวพู๊ เด๊อ อา หยื่อเอ่แหน่เอ่รี เต๊เห่เนอ อา โอ่ เจ๊อ เฮ๊อ เด๊อ อารี๊อาซ๊อกู เจ๊อ เฮ๊อ เนอหม่า, เน แม๊เถอะ เฮ๊อ. โทเร๊อ เหย่ซี เออเต๊เห่เนอ อา แด่ดุ ลอปลี เจ๊อ แกแยยิวพู๊ อา เตซว๊าเตแส่ เต๊เห่เจ๊อ.

เพรโด่แนพู๊ เต๊เห่ 13:8

หม่าแน๊เรอ แกแย เมเต๊เปล่ อู เป๊เส่ คูเอลีมาส เออเตเพรเนอ, (เออ หม่า คูบารเยซู อามุย เร๊อ กรีกโหง่), แซ่ฮู๊ คุ๊ยดุ เก่หยื่อเก่แหน่ เกอ แต่เหม่ เนอเรอ, อา เมดี๊แด ตาตือ เหย่ซี.

ꤛꤥ꤭ꤟꤢ꤬ 12:42

หม่าแน๊เรอ เบ๊อะเนอเค แกแย หยื่อเอ่ โอ่โหร่โอเอ๊ แบ่เจ่ เหย่ซู่. แกแยยิวพู๊ กู่กล๊อดุ กู๊ฉู่ทู อาเกล เต๊เห่เนอ อา หยื่อเอ่เกอ เจ๊อ ลู เจ๊อ. หม่าแน๊เรอ ซิอิเช เร๊อ ฟาริสี เต๊เห่ เหว่เถ่แก เหย่ซี เด๊อ เตจ๊อเบ โฮกลอ เนอ, เหย่ซี เฮ๊โฉ่เถ่ โลบื่อ เป่ อู เร๊อ อาเตหยื่อ โต่.

ꤜꤢꤨꤊꤢ꤬ 2:34

เพสิเมโอน เด๊อะบุ๊ยเด๊อะเตอเรอโท เหย่ซี เร๊อ อา เฮ๊แกหนิ เป๊เจ่พู๊ อาโหมะ โหมะมารีย์ เออเนอ เน๊อ, “เป๊เจ่เออ จอแปแหร่ นว๊าแถ่เฮ๊อ ลู เด๊อ อา เก่ เมแลเปล๊กา อิสราเอล เต๊เห่ ปา, เร๊อ อา เก่ แด่ดุแด่แถ่โล เกอลาติ แกแย เด๊อ อาโร เต๊เห่ ปา. อา หม่า จอแปแหร่ อา เตม๊าเตแด เต๊อเจ่อ, เร๊อ แกแย เก่เฮ๊เบ่จู๊แกฉื่อลูปาเนอ, โอ่โร๊เอ๊ลาปา.

มัทธิว 19:30

หม่าแน๊เรอ แกแย โอ่ เด๊อ เงเล๊อ อู เต๊เห่เนอ, อา เก่ โอ่แก เด๊อคยาเล๊อ อู ปา, เร๊อ แกแย โอ่แก เด๊อคยาเล๊อ อู เต๊เห่เนอ อา เก่ โอ่ เด๊อ เงเล๊อ อู ปา. เหย่ซู่ เฮ๊ เป่ เหย่ซี ฮู๊ เนอ”

เพรโด่แนพู๊ เต๊เห่ 2:47

เหย่ซี ถู่เซ๊แถ่ จอแปแหร่ เร๊อ อูปว๋า เพร ซิปล่อ โอ่เกอ เหย่ซี. แบ่เจ่ แด่โนปล๊อ เอ๊แถ่ เป่ เหย่ซี แกแย เด๊อ อา พย๊าหนิ เตเหล่แลเปล๊เนอ เต๊เห่ เด๊อ เหย่ซี เพรหยื่อเอ่ตู๊หมู่ตอปล๊อ อากู ปว๋า เตอเนอ เจ๊อ.

เพรโด่แนพู๊ เต๊เห่ 6:1

เบ๊อะเนอ เค, เพรหยื่อเอ่ เต๊เห่ โอ่โหร่แถ่ เร๊อ โอ่โหร่แถ่ เร๊อ แกแยยิวพู๊ เด๊อ อา เฮ๊เบ่ กรีกโหง่ เต๊เห่ เร๊อ แกแยยิวพู๊ เด๊อ อา เฮ๊เบ่ หนิเร๊อดื่อ อาโหง่ เต๊เห่ เคร๊แขระคยาลู. แกแยยิวพู๊ เด๊อ อา เฮ๊เบ่ กรีกโหง่ เต๊เห่ เฮ๊ เร๊อ แกแย เด๊อ อา เบเอ่เบโอ เหล่เอ่เหล่โอ เตอเนอ เร๊อ เตอเนอ เต๊เห่เนอ อา แม๊ตาโผ่ เบ๊ขุแก เหย่ซี เพรเหมาะโอ่แคร๊ เต๊เห่, อา เฮ๊ แลแค ฮู๊เนอ.

ꤊꤢ꤬ꤜꤢ꤬ꤒꤤ 1:23

เหย่ซี หนิโฮ แพ๊ อู เฮ๊ เป่ เหย่ซี เน๊อ, “แกแย เด๊อ อา เมจาเมจือ โทเฮ๊อ เป เด๊อ เหร่อเคเนอ เตเพรเนอ, กู๊แหน่เรอ อา แด๊โฉ่โด่แน เป่ เกอ เฮ๊อ อู เร๊อ เตหยื่อเตแหน่ เด๊อ อา แม๊ปู เมปย๊าเมหลู่ เด๋อ เนอเค เนอโต๊โก่ เฮ๊อ.”

ꤊꤢ꤬ꤜꤢ꤬ꤒꤤ 6:10

ฮู๊เนอ อาขว่าอาคยา, เบ๊อะเกเต๋ เบ่เบ่, เบ๊อะเป พย๊าหนิ ตาโตตาเบ่ แร๊ เบ๊อะเนอ, เป เบ่ เมแร๊ เป่ อู ปว๋า เตเพร. หม่าแน๊เรอ ซี เมเตแร๊เนอ แม๊ดุเหร่อเล๊อ โค๊เป่ดื่อ เพรหยื่อเอ่ เออ เนอเต๊เห่ นี๋.

ꤛꤢꤨꤘꤢ꤬ 1:3

แว โคแบ๊ซว๊าโม ซี๋, เมแลเปล๊กา เด๊อ เป ล๋อ ปลี พย๊าหนิ โหร่ลอ ลู เออ อาหรี่อาแก เออเนอ, แว ซิหยื่อ ราจว๊า เป่ แหน่เจ๊อ ซี หม่าแน๊เรอ กู๊แหน่เออ แว แม๊เถอะ เร๊อ แว เบ่ ราจว๊าโค๊ เต๊เปล่ เป่เกอ ซี เด๊อ อาโร เต๊อเจ่อ. เร๊อ แว ซิหยื่อ เด๊อะอ๊าเด๊อะเหร่ หนิ ซี เร๊อ เตซิครือมีลา เด๊อ จอแปแหร่ เด๊อะตา เจ๊อ ตื๊อหื่อโต เป่เฮ๊อ เร๊อ ล๋อ อาแกแย เด๊อ อา หยื่อเอ่ เกอเร๊อ เออเต๊เห่เนอ, ซี เก่ ช๊าแตแน ฉื่อแร๊ อา นี๋.

ꤛꤢꤨꤘꤢ꤬ 1:20

หม่าแน๊เรอ แว โคแบ๊ซว๊า ซี๋, ซี เบ่ ช๊อแถ่ แฮเงโป่ แลแค ซี เตโอ่เซอเพร เออเนอ เด๊อ ซี เตหยื่อเตแหน่ บูโพ๊ เด๊อ อาชออาแตแนแร๊ เออเนอ อาลู. เร๊อ เบ๊อะซี กุยจ๊อเบ เบ๊อะเนอ, ซิเลเกอเร๊อ แลแค แหย่โยบูโพ๊ แบ่เจ่ ยูแกล๊ยูโกล หนิ ซี เนอเต๊เห่ นี๋.