เพรโด่แนพู๊ เต๊เห่ 6:14 - ลีเทส่อพ๊าอาเซ เร๊อ เห่ขุทวาลู๊

¹⁴ เป หนิโฮ อา เฮ๊ เร๊อ วีนาซาเร็ธ แบ่เจ่เหย่ซู่ เออ เก่ เมตาพรอแก เตหลู่เเตโฮ เออเนอ ปา เร๊อ อา เก่ ถู่แหล่ เต๊เปล่แก เป เหล่โกลเหล่แบ่ เด๊อ คูโมเสส เด๊อะโอ่แก โทเฮ๊อ เป เออเนอเต๊เห่ ปา,” อา เฮ๊ ฮู๊เนอ.

Eastern Kayah Shadaw Dialect

¹⁴ ꤕꤢꤩ꤬ ꤔ꤫ꤤ꤬ꤟꤥ꤭ ꤢ꤬ ꤟꤢꤩ ꤔꤢꤧ ꤠꤤ꤭ꤔꤢ꤬ꤎꤢ꤬ꤚꤢꤧꤖꤢꤨ ꤛꤢꤩ꤬ꤏꤛꤢꤨ ꤣꤧ꤭ ꤊ꤫ꤢꤦ꤬ ꤗꤢꤩ꤬ꤒꤢ꤭ꤖꤚꤢꤪ꤬ꤊꤢꤧ꤭ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ ꤣꤧ꤭ꤔꤣꤧ꤬ ꤕꤢ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤓꤢꤨ꤬ꤜꤢꤧ꤬ ꤒꤣꤧ꤬ꤕꤜꤢꤩ꤬ꤊꤢꤧ꤭ ꤕꤢꤩ꤬ ꤜ꤫ꤢꤩ꤬ꤊꤜꤥ꤭ꤜ꤫ꤢꤩ꤬ꤋꤢꤧ꤬ ꤘꤣ ꤋꤢꤨ꤭ꤗꤢꤪꤎꤢꤧ ꤘꤣꤧꤥ꤬ꤊꤢꤧ꤭ ꤓꤥ꤭ꤟꤣꤧ ꤕꤢꤩ꤬ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭” ꤢ꤬ ꤟꤢꤩ ꤟꤢꤨꤔꤣꤧ꤬꤯

เพรโด่แนพู๊ เต๊เห่ 6:14 ပူးပေါင်းရင်းမြစ်များ

เพรโด่แนพู๊ เต๊เห่ 21:21

หม่าแน๊เรอ เน จว๊า อิซว๊าอี๊แส่ แก โต่ แกแยยิวพู๊ เด๊อ อา จว๊าโอ่ เด๊อ แกแยยิวพู๊ หม่าโต่ อาเกล เต๊เห่ เร๊อ เน นอ วีแก เหย่ซี เร๊อ คูโมเสส อา เตซว๊าเตแส่ เต๊เห่. โท๊โต่ เน นอ ดื๊อตีลี๊ เกอ เหย่ซี อาพู๊ เต๊เห่ อาพ๊า โต่, โท๊โต่ เน นอ ครวาเมโตโคร เกอปา เหย่ซี เร๊อ แกแยยิวพู๊ อา เหล่โกลเหล่แบ่ เต๊เห่ โต่, อู เฮ๊ เป่ เหย่ซี ฮู๊เนอ.

เพรโด่แนพู๊ เต๊เห่ 15:1

แกแย โอ่ เด๊อ ยูดาห์เก่กู เต๊เห่ แฮแล แลแค เด๊อ วีอันทิโอก เร๊อ แฮ อิซว๊าอี๊แส่ ตา เพรหยื่อเอ่แหน่เอ่พู๊ เต๊เห่ เน๊อ, “ซี เก่ ดื๊อตีลี๊ พ๊า ฮู๋ คูโมเสส อา เตซว๊าเตแส่ โอ่แก เนอโต่ เฮ๊หม่า ซี พย๊าหนิแจ่ เตเมแลเปล๊กา โต่.”

ꤊꤢ꤬ꤜꤢ꤬ꤒꤤ 3:23

เบ๊อะเตหยื่อเตแหน่ เออ แฮโต่ แต่ล๋ายโต่ เบ๊อะเนอ, เตซว๊าเตแส่ ด๊อโอ่หม่า ตื๊อดื่อปา เป แซ่เน๊อ แกแย โอ่ เด๊อ ทอกู เนอเต๊เห่ เฮ๊อ. เป โอ่ ตื๊อดื่อ เบ๊อะอา ทอกูเนอ โต่เด๊อ จอแปแหร่ เด๊อะโลแถ่ เตหยื่อเตแหน่ โตโพ๊ ปา.

ꤊꤢ꤬ꤜꤢ꤬ꤒꤤ 3:19

จอแปแหร่ จว๊าเด๊อะตา โต่ เป เตซว๊าเตแส่ เมเต? แกแย ย๋อ เมเตซื๊อ อาขว่าอาคยา, อา เด๊อะตา เป แพ๊. เตซว๊าเตแส่ เออเนอ, อา โอ่หม่าโอ่กลอ เง โต่เด๊อ เพ อับราฮัม อากลุยอาลุ๊ย แฮโต่เนอ. เพ อับราฮัม อากลุยอาลุ๊ย เด๊อ จอแปแหร่ อ๊อแลแก เนอเตเพร หม่า หม่าเฮ๊อ เหย่ซู่ครี๊ เออเนอเฮ๊อ. จอแปแหร่ เด๊อะตา เตซว๊าเตแส่ เออ เด๊อ ม๊อขุเตเน่วพู๊ อา กู๊ยากู. เร๊อ ม๊อขุเตเน่วพู๊ เด๊อะตา แฮเง เด๊อ คูโมเสส เร๊อ คูโมเสส เด๊อะตา แฮเง เด๊อ แกแย อา โอ่. คูโมเสส หม่า เพรแรเต เด๊อ อากล๊าเมกู เตเพร แพ๊.

เพรโด่แนพู๊ เต๊เห่ 28:17

โซเซ บาเฮ๊อเนอ, คูเปาโล เอ๊ปล๊อหนิ แกแยยิวพู๊ เด๊อ อา ทวา อากู่กล๊อทวาดุ เบ๊อะวีโรม เนอเต๊เห่. เบ๊อะเหย่ซี แฮโต่ ลอเฮ๊อ เบ๊อะเนอ, อา เฮ๊ เหย่ซี เน๊อ, “แว โป่แหว่ ซี๋, เตเม โตโมเต๊เก่ฉื่อ เป เมวเจอะ เต๊เห่ เบ่เบ่, หม่าโต่เรอ เต เด๊อ อา โค๊เล๊อ เร๊อ เป เหล่โกลเหล่แบ่ เด๊อ เป พย๊าหนิ เด๊อ เป โหมะเพเพอโพ เด๋อ งย๊าเค เต๊เห่ อา โอ่ เนอ เบ่เบ่, แว เมน๊อ เร๊อ เตอเจ๋อ โต่. หม่าแน๊เรอ อู ปื่อ แว เด๊อ วีเยรูซาเล็ม อากู เร๊อ อู เด๊อะตาแก แว เด๊อ โรมัน เต๊เห่ อา กู๊ยากู.

ꤛꤥ꤭ꤟꤢ꤬ 4:21

เหย่ซู่ เฮ๊ฉื่อ ลู เน๊อ, “เพรหม๋อ, หยื่อเอ่ แวเนอ, เบ๊อะเก่ แฮโต่เฮ๊อ เด๊อ ซี เก่ จ๊อเบแถ่ เพ จอแปแหร่ ปา. หม่าแน๊เรอ เบ๊อะโฉ่ เออเตเม อาลู เนอ เบ่เบ่, เด๊อ วีเยรูซาเล็ม อากู เออเนอ เบ่เบ่, อู โหล่แฮจ๊อเบ ปา เบ๊อะเนอ โต่เฮ๊อ.

ꤜꤢꤨꤊꤢ꤬ 21:6

“ล๋อ เต เด๊อ ซี แม๊เถอะ กู๊แหน่เออ เต๊เห่ เนอ, อู เก่ แฮด่อ ตาพรอแก ลอ อา ปา. หล่อ เออเต๊เห่ เนอ อา โอ่จิจือ ปา เจ๊อ ลู เตเม๋ โต่ ปาเนอ, เบ๊อะเก่ แฮโต่ เตอเนอ ปา.”

เพรโด่แนพู๊ เต๊เห่ 26:3

เมเตเฮ๊เรอ เน ซิเง ตาเต ลอดื่อเฮ๊อ แกแยยิวพู๊ อา เหล่โกลเหล่แบ่ เต๊เห่ เร๊อ เหย่ซี อาเตกย๊าเตงา เออเต๊เห่ ล๋อ ปลี เฮ๊อ อาขว่าอาคยา, อา โมลา แว. ฮู๊เนอเร๊อ, แว กุยซิยอ ดื่อ เน เน๊อ เน เก่แด่ทูซิปล่อ หนิดา เป่เกอเร๊อ แว เตเฮ๊เบ่เออ นี๋.

เพรโด่แนพู๊ เต๊เห่ 25:8

ฮู๊เนอเรอ คูเปาโล เฮ๊แลเปล๊ อาเหน่ เน๊อ, “เตซื๊อ เด๊อ อา เมปย๊าเมหลู่แก แกแยยิวพู๊ อา เตซว๊าเตแส่ เต๊เห่ เบ่เบ่, เตหลู่แตโฮเนอ เบ่เบ่, โทเร๊อ โรมัน อาคุ๊ยดุ เบ่เบ่ แว เมน๊อ เตอเจ๋อ โต่.”

ꤜꤢꤨꤊꤢ꤬ 21:24

อู เก่ เมเซอ เหย่ซี เต๊เห่เห่ เร๊อ เน๊ ปา, เร๊อ เต๊เห่เห่เนอ, อู เก่ ปื่อจุ่ยจว๊าแก เหย่ซี เด๊อ เก่ปว๊าเต๊เก่ เด๊อ เห่ขุ เออเนอ ปา. แกแยยิวพู๊ หม่าโต่ เต๊เห่ เก่ เมจาเมจือ เป่เอ่ เป่โอ วีเยรูซาเล็ม เต๊เห่ ปา. เร๊อ อา เก่ เป๊อ โต่เด๊อ เหย่ซี แกแยยิวพู๊ หม่าโต่ เต๊เห่ เบ๊อะเล๊อแถ่บาแถ่ เฮ๊อ โตโพ๊ ปา.

ꤗꤢ꤬ꤊꤢꤨ 14:58

“เป หนิโฮ อา เฮ๊ เน๊อ, ‘แว เม แลโพร๊แก เตหลู่แตโฮกู เด๊อ แกแย เมแถ่ เออเนอเตเม เร๊อ โซเนอ อากูเนอ แว เก่ ช๊อแถ่ เมเต๊เปล่ เด๊อ อาโร เตเม, เด๊อ แกแย ช๊อแถ่ เร๊อ อากู๊ขุ หม่าโต่ เออเนอ เตเม ปา,’ อา เฮ๊ ฮู๊เนอ.”

มัทธิว 26:61

“แกแย เออเตเพรเนอ อา เฮ๊ เน๊อ, ‘แว เมตาพรอแก จอแปแหร่ เตหลู่แตโฮเออ เร๊อ โซเนอ อากู แว อิช๊อแถ่เบ๊ คยาแพ๊,’ อาเฮ๊ฮู๊เนอ”

ꤛꤥ꤭ꤟꤢ꤬ 2:19

เหย่ซู่ เฮ๊ฉื่อ เน๊อ, “เม ตาพรอแก มอ เตหลู่แตโฮกู เออเนอ. โซเนอ อากู, แว เก่ ช๊อแถ่ คยาแซ๊ ปา”