เพรโด่แนพู๊ เต๊เห่ 6:13 - ลีเทส่อพ๊าอาเซ เร๊อ เห่ขุทวาลู๊

¹³ โทเรอ เหย่ซี เอ๊แฮ แกแย เด๊อ อา ข่าเฮ๊โล แลโฮหนิ เร๊อ คูสเทเฟน อาหรี่อาแก เต๊เห่. เร๊อ แกแย เออเต๊เห่เนอ อา เฮ๊ แลแค เน๊อ, “แกแย เออเตเพร หม่า อา เฮ๊ปย๊าเฮ๊แก ลอปลี เป เตหลู่เเตโฮ บูโพ๊เออ เร๊อ คูโมเสส อา เตซว๊าเตแส่เต๊เห่ ปว๋า โตโพ๊ เจ๊อ เม.

Eastern Kayah Shadaw Dialect

¹³ ꤓꤥ꤭ꤚꤣꤧ꤬ ꤛꤢꤩ꤬ꤞꤤ꤭ ꤢꤩꤟꤢꤧ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊ꤫ꤢꤦ꤬ ꤋꤢꤧꤟꤢꤩꤏꤥ꤬ꤜꤥ꤭ ꤜꤣꤧ꤬ꤟꤥ꤭ꤚꤣꤧ ꤒꤢꤩ꤬ ꤔꤢꤧ ꤋꤢꤨ꤭ꤎꤢ꤬ꤒꤤ꤬ꤠꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤒꤣꤧ꤬ꤟꤢꤩ꤬꤯ ꤚꤣꤧ꤬ ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤟꤢꤩ ꤜꤢ꤭ꤋꤢꤧ꤭ ꤔꤢꤧ, “ꤊꤣꤧ꤬ꤛꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤗꤢ꤬ ꤢ꤬ ꤟꤢꤩꤕꤛꤢꤟꤢꤩꤜ꤫ꤢꤨ꤬ ꤜꤢꤪ꤭ꤕꤜꤤ꤭ ꤕꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ ꤔꤢꤧ ꤋꤢꤨ꤭ꤗꤢꤪꤎꤢꤧ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤣꤧ꤬ꤟꤢꤩ꤬ ꤕꤝꤢ꤭꤮ ꤒꤣ꤬ꤖꤥ ꤡꤣꤧ ꤗꤢꤩ꤭꤯

เพรโด่แนพู๊ เต๊เห่ 6:13 ပူးပေါင်းရင်းမြစ်များ

เพรโด่แนพู๊ เต๊เห่ 6:11

ฮู๊เนอเรอ เหย่ซี จว๊า อี๊ลอโห่ แกแย เด๊อ อาโรเต๊เห่ เร๊อ อา นอเฮ๊แลโฮ เหย่ซี เน๊อ, “เป หนิโฮน๊อ โทเฮ๊อ คูสเทเฟนเออ, อา เคร๊ฉื่อ, อา เฮ๊เบ่ มู๊แหม่รีแจ่ คูโมเสส อา เตซว๊าเตแส่ เต๊เห่ เร๊อ จอแปแหร่ เจ๊อ.”

เพรโด่แนพู๊ เต๊เห่ 21:28

เหย่ซี เอ๊โทแถ่ เน๊อ, “อิสราเอลพู๊ ซี๋, เมจว่า เกอ มอ เป แต๋! แกแย เออเตเพร หม่า, อา จว๊าเล เจ๊อ เหล่โอ่ ปว๋า โต๊โผ่ เร๊อ อา จว๊าเล อิซว๊า เป่ ล๊อ อู ปว๋า เตเพร. อา จว๊าเล อิซว๊าอี๊แส่ เป่ ลอ อิสราเอลพู๊ เต๊เห่ เร๊อ อา อิซว๊าอี๊แส่ โค๊ ปย๊าลอ คูโมเสส อา เตซว๊าเตแส่ เต๊เห่ เน๊อ เตหลู่แตโฮ เออเตเม เฮ๊อ กู๊แหน่เออ. อา เอ๊แฮ หนิเจ๊อเฮ๊อ แกแยยิวพู๊ หม่าโต่ เต๊เห่ เด๊อ เตหลู่แต โฮกู เร๊อ อา แฮโน เม มู๊แหม่รีแจ่ ลอ เหล่โอ่ โพ๊แปละ เบ๊อะเออ เฮ๊อ.”

เพรโด่แนพู๊ เต๊เห่ 25:8

ฮู๊เนอเรอ คูเปาโล เฮ๊แลเปล๊ อาเหน่ เน๊อ, “เตซื๊อ เด๊อ อา เมปย๊าเมหลู่แก แกแยยิวพู๊ อา เตซว๊าเตแส่ เต๊เห่ เบ่เบ่, เตหลู่แตโฮเนอ เบ่เบ่, โทเร๊อ โรมัน อาคุ๊ยดุ เบ่เบ่ แว เมน๊อ เตอเจ๋อ โต่.”

เพรโด่แนพู๊ เต๊เห่ 7:58

เร๊อ เหย่ซี จุ่ยเถ่จว๊าแก คูสเทเฟน เด๊อ วีกลอ เร๊อ ต่า ลู เร๊อ หล่อ. เพรข่าเฮ๊โล ซีเต๊เห่ แด่โอ่แก เหย่ซี อาจากลอ เต๊เห่ เด๊อ เพรคูพู๊เส่ เด๊อ อามุย เร๊อ คูเซาโล เออเตเพร อา โอ่ เร๊อ อา นอโอ่ป่อแม๊หนิ ลู.

มัทธิว 24:15

ฮู๊เนอเรอ, “ซีเก่ แม๊เถอะ เน๊อ ซิหย่อซิบี โต ก๊อถ่อ โอ่ เด๊อ เตหลู่ แตโฮกู เหล่โอ่เนอโต่ ตื๊อดื่อ เร๊อ อา ก๊อถ่อ โอ่ เบ๊อะเนอ ปา. เร๊อ เด๊อ เออ อาขว่าอาคยา, เร๊อ อู เก่ แด่ โอ่ แหร่ แก เตเตหลู่เตโฮกู เหล่โอ่ปา. เพรโพร คูดาเนียล เฮ๊โล โทเฮ๊อ เน๊อ. เตซีหย่อซิบี อาหรี่อาแก เออ เฮ๊อ. เบ๊อะซี แม๊เถอะ อาทวา แถ่เฮ๊อ ฮู๊เออ อาเค ปาเนอ, แกแย เด๊อ อาแด๊ ลี เออ ต๊าบ่า โต ซิเงโปล แลแค, เด๊อ เพรโพร คูดาเนียล เหล่แด๊โฉ่ เฮ๊แก เด๊อซี แด๊ ลี เออเต๊เห่ โตเบ่ ซิเงโปล แลแค.

มัทธิว 26:59

แซ่ฮู๊ เหย่ซีเก่ เมจากาคยา เมเซอแก หนิ เหย่ซู่ อาเงเนอเรอ, เพรหลู่แต ทวาดุทวาเต เต๊เห่ เร๊อ แกแยยิวพู๊ โอ่ เร๊อ อาเตอเรอฉว่าชอ เล๊ออู เต๊เห่ แม๊ปู แลแค อาเหล่เกแหล่โฮ เหย่ซู่ อาเตซื๊อ เต๊เห่.

ꤟꤤꤙꤚꤢꤨ 7:12

เมเตเฮ๊เรอ เบ๊อะอู ถู่แหล่ เต๊เปล่ เฮ๊อ เพรหลู่แต อากลุยอาแล เบ๊อะเนอ, อู เบ่ ถู่แหล่ เต๊เปล่ เต่อเกอ เตซว๊าเตแส่ เต๊เห่.