เพรโด่แนพู๊ เต๊เห่ 6:1 - ลีเทส่อพ๊าอาเซ เร๊อ เห่ขุทวาลู๊

¹ เบ๊อะเนอ เค, เพรหยื่อเอ่ เต๊เห่ โอ่โหร่แถ่ เร๊อ โอ่โหร่แถ่ เร๊อ แกแยยิวพู๊ เด๊อ อา เฮ๊เบ่ กรีกโหง่ เต๊เห่ เร๊อ แกแยยิวพู๊ เด๊อ อา เฮ๊เบ่ หนิเร๊อดื่อ อาโหง่ เต๊เห่ เคร๊แขระคยาลู. แกแยยิวพู๊ เด๊อ อา เฮ๊เบ่ กรีกโหง่ เต๊เห่ เฮ๊ เร๊อ แกแย เด๊อ อา เบเอ่เบโอ เหล่เอ่เหล่โอ เตอเนอ เร๊อ เตอเนอ เต๊เห่เนอ อา แม๊ตาโผ่ เบ๊ขุแก เหย่ซี เพรเหมาะโอ่แคร๊ เต๊เห่, อา เฮ๊ แลแค ฮู๊เนอ.

Eastern Kayah Shadaw Dialect

¹ ꤙꤣꤧꤔꤣꤧ꤬ ꤢ꤬ꤋꤢꤩ꤭, ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤥ꤬ꤢꤩꤓꤢꤧ꤬ ꤔꤢꤧ ꤥ꤬ꤢꤩꤓꤢꤧ꤬ ꤚꤣꤧ꤬ ꤛꤢꤨꤘꤢ꤬ꤖꤢꤨ ꤘꤣ ꤢ꤬ ꤟꤢꤩꤙꤢꤩ꤬ ꤊꤚꤤꤍ꤫ꤥ꤬ ꤒꤣꤧ꤬ꤟꤢꤩ꤬ ꤔꤢꤧ ꤛꤢꤨꤘꤢ꤬ꤖꤢꤨ ꤘꤣ ꤢ꤬ ꤟꤢꤩꤙꤢꤩ꤬ ꤚꤣꤧꤘꤢꤦ꤬ ꤢ꤬ꤍ꤫ꤥ꤬ ꤒꤣꤧ꤬ꤟꤢꤩ꤬ ꤋꤚꤢꤩꤋꤛꤢ꤭ꤜꤢꤨ꤭꤯ ꤛꤢꤨꤘꤢ꤬ꤖꤢꤨ ꤘꤣ ꤢ꤬ ꤟꤢꤩꤙꤢꤩ꤬ ꤊꤚꤤꤍ꤫ꤥ꤬ ꤒꤣꤧ꤬ꤟꤢꤩ꤬ ꤟꤢꤩ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤨ꤬ꤢꤩ꤬ꤛ꤫ꤢꤨ꤬ꤥ꤭ ꤏꤢꤩ꤬ꤢꤩ꤬ꤏꤢꤩ꤬ꤥ꤭ ꤒꤣ꤬ꤔꤣꤧ꤭ ꤔꤢꤧ ꤒꤣ꤬ꤔꤣꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤗꤢꤧꤒꤢ꤭ꤖꤥ꤬ ꤙꤢꤩꤋꤢꤨ꤬ꤊꤢꤧ꤭ ꤛꤢꤩ꤬ꤞꤤ꤭ ꤖꤚꤢꤩ꤬ꤗꤢꤪ꤬ꤥ꤬ꤋꤚꤢꤧ ꤒꤣꤧ꤬ꤟꤢꤩ꤬, ꤢ꤬ ꤟꤢꤩ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬꤯

เพรโด่แนพู๊ เต๊เห่ 6:1 ပူးပေါင်းရင်းမြစ်များ

เพรโด่แนพู๊ เต๊เห่ 4:35

เร๊อ แฮเด๊อะตา แลแค รือเออ เด๊อ เพรโด่แนพู๊ เต๊เห่ อา กู๊ยากู เร๊อ เหย่ซี เบ เป่ เร๊อ แกแย เด๊อ อา โหล่รือโหล่เท เนอเต๊เห่.

เพรโด่แนพู๊ เต๊เห่ 2:41

แกแย เด๊อ อา หยื่อเอ่ คูเปโตร อา เตเฮ๊เบ่โด่แน เออเต๊เห่เนอ, อา เจหนิแลแค อาเหน่ เร๊อ เทอ. เร๊อ เบ๊อะเนอเตอเนอเนอ, แกแย หยื่อเอ่แลแค เร๊อ อากา โกโน โอ่เอ๊แถ่ เกอ โป่ เหย่ซี เนอ, อา พื๋อ โอ่ อาเพร โซรี๊ เจ๊อ.

ꤡꤛꤢꤩ꤭ꤗꤢ꤬ꤎꤣ꤬ 5:9

โป่แหว่ ซี๋, แซ่ฮู๊ ซี เก่ ข่าเบ่ แต่ เตเมจากาคยา แต่เหม่เนอ, ตามวาเตเล แต่ ลู เตเพร เร๊อ เตเพร แต่เหม่. เพรเฮ๊เบ่เมโตเต เออเตเพร แฮโอ่เต่อผื่อ ต๊อต่อเฮ๊อ เด๊อ กู่ดาทือ เฮ๊อ.

เพรโด่แนพู๊ เต๊เห่ 9:39

เร๊อ คูเปโตร ตี๊หรี่แตแรแถ่หนิ อาเหน่ เร๊อ อา เถ่จว๊า เต่อโหร่เกอ เร๊อ เหย่ซี. อา จว๊าโต่ เด๊อ เหย่ซีโอ่ เบ๊อะเนอ, เหย่ซี เอ๊แถ่ ลู เด๊อ หี่ด๊อกู เด๊อ อาขุ โต๊โต่. เร๊อ ล๋อ เพรเหมาะโอ่แคร๊ เต๊เห่ โอ่ แลแค เบ๊อะเนอ เร๊อ เหย่ซี ก๊อถ่อ โหง่ ตาวา ลอปลี เร๊อ คูเปโตร. เร๊อ อา เด๊อะโล เป่ คูเปโตร เร๊อ จา เร๊อ อาจากลอ ซีเต๊เห่ เด๊อ เหมาะโดรคัส เช๊ เป่ เหย่ซี เบ๊อะอา โอ่เซอเพร เต่อเกอปา เร๊อ เหย่ซี เค เนอเต๊เห่.

เพรโด่แนพู๊ เต๊เห่ 6:7

ฮู๊เนอเรอ จอแปแหร่ อาลาอาโหง่เออ อา โลปีชี จว๊า เร๊อ จว๊า เจ๊อ. โทเรอ เด๊อ วีเยรูซาเล็ม อากู เนอ, แกแย เด๊อ อา หยื่อเอ่แหน่เอ่รี เต๊เห่ โอ่โหร่โอ่เอ๊แถ่ เร๊อ แถ่ เจ๊อ. โท๊โต่ เพร หลู่แตเต เต๊เห่เนอ, อา หยื่อเอ่แหน่เอ่รี เอ๊ เกอ แหน่เจ๊อ.

เพรโด่แนพู๊ เต๊เห่ 2:47

เหย่ซี ถู่เซ๊แถ่ จอแปแหร่ เร๊อ อูปว๋า เพร ซิปล่อ โอ่เกอ เหย่ซี. แบ่เจ่ แด่โนปล๊อ เอ๊แถ่ เป่ เหย่ซี แกแย เด๊อ อา พย๊าหนิ เตเหล่แลเปล๊เนอ เต๊เห่ เด๊อ เหย่ซี เพรหยื่อเอ่ตู๊หมู่ตอปล๊อ อากู ปว๋า เตอเนอ เจ๊อ.

ฟีลิปปี 3:5

เบ๊อะแว โอ่เป๊เจ่แล บาแถ่ เฮ๊อ เนอลุยซว๊า เบ๊อะเนอ, อู ดื๊อตีลี๊ เป่ แวพ๊า. แว ทวา อิสราเอลพู๊ เด๊อ แว โอ่เป๊เจ่แล เคเนอ ปา เจ๊อ. แวกลุยแวแล ตา เด๊อ คูเบนยามิน โต๊โหมะเต๊อเจ่อ, แว หม่า ฮีบรูพู๊ หม่าแหน่ เตเพร. แว หม่า ฟาริสีพู๊ เด๊อ อา หนิดา ครวาเมเกอ แกแยยิวพู๊ อา เตซว๊าเตแส่ เตเพร.

เพรโด่แนพู๊ เต๊เห่ 11:20

หม่าแน๊เรอ ไซปรัสกลื๊อขุ แกแยไซริน เร๊อ วีอันทิโอก เด๊อ อา หยื่อเอ่แหน่หยื่อรี อาเกล เต๊เห่เห่เนอ, อา จว๊าโต่ เด๊อ วีอันทิโอก เร๊อ อา แด๊โฉ่โด่แน เป่ เมวเจอะโร กรีกพู๊ เต๊เห่ เร๊อ เหย่ซู่ครี๊ อา เตซิครือซิลอมีลา อาหรี่อาแก.

เพรโด่แนพู๊ เต๊เห่ 9:41

คูเปโตร บ๊อแฮ อากู๊ขุ เร๊อ อา จุ่ยก๊อถ่อ ลู. โทเรอ อา เอ๊โน คยาแซ๊ เพรหยื่อเอ่ เต๊เห่ เร๊อ เพรเหมาะโอ่แคร๊ เต๊เห่ เร๊อ อา เด๊อะโล เหย่ซี เร๊อ เพร เหมาะ เด๊อ อา เซอเพร กาคยา คยาแซ๊ เออเตเพร.

เพรโด่แนพู๊ เต๊เห่ 9:29

อา โด่แนโปล กาคยาแฮเง ฉื่อ เร๊อ แกแยยิวพู๊ เด๊อ อา เฮ๊เบ่ กรีกโหง่ เต๊เห่ ตื๊อดื่อเรอ เหย่ซี แอ๊จื๊อ แม๊ปู แกล๊ เด๊อ อา เก่ เมเซอ ลู.

เพรโด่แนพู๊ เต๊เห่ 5:14

หม่าแน๊เรอ เพรเหมาะเพรคู เด๊อ อา หยื่อเอ่ แบ่เจ่ เต๊เห่เนอ, อา แฮโนโหร่ เอ๊แถ่ เร๊อ เอ๊แถ่ เกอ เด๊อ เหย่ซี ตู๊หมู่ตอกล๊อ อากู.

เพรโด่แนพู๊ เต๊เห่ 4:4

หม่าแน๊เร๊อ แกแย เด๊อ อา หนิโฮ เหย่ซี เตโด่แน เออเต๊เห่เนอ, อา หยื่อเอ่กา เอ๊ลา เหย่ซู่. แด๊ โชชื่อ แพ๊ เพรคูอาดุ เด๊อ อา หยื่อเอ่ เหย่ซู่ เต๊เห่เนอ อา ผื๋อ โอ่ เจ๊อ แงรี๊ เจ๊อ.

ꤟꤤꤙꤚꤢꤨ 13:1

โมแฮเง เกอเร๊อ แลแค ลู เตเพร เร๊อ เตเพร ฮู๊ ครี๊พู๊ โตเบ่ โม เกอเร๊อ ลู เตเพร เร๊อ เตเพร เนอ นี๋.

โครินธ์ เนอบ่า ต๊าบ่า 11:22

เหย่ซี หม่า ฮีบรูพู๊ เต๊เห่ แอ? แว หม่า ฮีบรูพู๊ เตเพรเพร วา. เหย่ซี หม่า อิสราเอลพู๊ เต๊เห่ แอ? แว หม่า อิสราเอลพู๊ เตเพรเพร วา. เหย่ซี หม่า เพอับราฮัม อากลุยอาแล เต๊เห่ แอ? แว หม่า เพอับราฮัม อากลุยอาแล เตเพรเพร วา.

เพรโด่แนพู๊ เต๊เห่ 2:45

เหย่ซี อิเชตาแก อา อู่เจเต๊เหย่ เน๊อ อา ตาหมื่อตาเต เต๊เห่ เร๊อ อา เมจว่า เป่ เร๊อ แกแย เด๊อ อา โหล่รือ โหล่เท เต๊เห่.

มัทธิว 23:13

“แกแยยิวพู๊ อา เพรอิซว๊า เตซว๊าเตแส่ อาซ๊าร๊า ซีเต๊เห่ เร๊อ ฟาริสีพู๊ ซี๋, เตหร่าเตดวา เก่ เบ่ ดื่อ ซี ปา. ซีหม่า แกแย เด๊อ เกล แอ๊จ๊อ แอ๊เต อาเหน่ เต๊เห่. ซี เมบี๊ เผ่ แก ลอ ล๋อ แกแย เด๊อ อา แม๊ปูโน เด๊อ ม๊อขุ เทอเลเก่กู เนอเต๊ เห่ กู่ดา ซีแหน่ เบ่เจ่ เกอเร๊อดื่อ เจ๊อ เร๋อ ซีโน หนิโต่ ตื๊อดื่อ เรอ ซี เม ตาตือบี๊ แกลอ แกแย เด๊อ อา แม๊ปูโน เนอ เต๊เห่ อากู่ดา.

ꤡꤛꤢꤩ꤭ꤗꤢ꤬ꤎꤣ꤬ 4:5

จอแปแหร่ เฮ๊ เต เด๊อ ลีเทส่อพ๊ากู เต๊เห่เนอ, อาโหง่แลช๊า โอ่โต่ เบ่ เตเนหนิ ฮู๊เนอ เตเพร่ว โต่. ลีเทส่อพ๊ากู เฮ๊ เน๊อ, “จอแปแหร่ แด่โอ่ ซิปล่อเซอเพร เด๊อ เปกู เออเนอ, อา ซิหยื่อ นอทวา เน๊อ อาเต เร๊อ อา ซิเคว๊ เกอเร๊อ แหน่เจ๊อ.”

ꤡꤛꤢꤩ꤭ꤗꤢ꤬ꤎꤣ꤬ 1:27

เตจ๊อบู่จ๊อเบ เด๊อ เพ จอแปแหร่ แด่ เฮ๊อ เน๊อ เต เด๊อ อา อาโพ๊อาแปละ เล๊อเล๊อบาบา เต๊เห่ เนอหม่า หม่าเฮ๊อ เตแม๊ตู่หนิ ฮู๊โอ่แคร๊โอ่แต่ เต๊เห่ เร๊อ เพรเหมาะโอ่แคร๊ เด๊อ อา โต่เบ่ เร๊อ เตแป่เตเช เต๊เห่, โท๊โต่ แกแย เด๊อ อา ค๊อเป่ เกอเร๊อ อาเหน่ เร๊อ อา โอ่ตาพายาเบ๊ เร๊อ เห่ขุ อา เตมู๊แหม่รีแจ่ ซี เนอเต๊เห่ เฮ๊อ.

ทิโมธี อาเหร่อเล๊อ ต๊าบ่า 5:9

เพรเหมาะโอ่แคร๊ เตเพรเพร เด๊อ อาหน่า เก่ บาแถ่ลา เชอโซซว๊า โต่เนอ, แด่ แต่ อา เด๊อ เพรเหมาะโอ่แคร๊ อา ลีราม๊า อากู แต่เหม่ นี๋, โท๊โต่ อา โตเบ่ เวโอ่น๊อ แพ๊ โตโพ๊ แพ๊.

โครินธ์ อาเหร่อเล๊อ ต๊าบ่า 10:10

เป เบ่ ตามวาเตเลหนิ ฮู๊ เหย่ซี เต๊เห่เห่ ตามวาเตเล เนอ โต่. เปเพอเปโพ เด๊อ เหร่อเคเนอ เต๊เห่ ตามวาเตเล แลแค อาขว่าอาคยา, ม๊อขุ เตเน่วพู๊ เมเซอแก เหย่ซี.

เพรโด่แนพู๊ เต๊เห่ 5:28

อา เฮ๊ เหย่ซี เน๊อ, “เป เฮ๊ตาเฮ๊เต โทเฮ๊อ ซี เร๊อ อิซว๊าอี๊แส่ ปา แต่ อู เร๊อ แกแย เออเตเพร อามุย แต่เหม่ นี๋, เร๊อ กู๊แหน่เออ ซี แม๊แม๊ ซี จว๊า เมแคร๋ เฮ๊อ อิเตเต! ซี อิซว๊า เป่จว๊า ลอปลี เฮ๊อ อู เด๊อ วีเยรูซาเล็ม อากู เออเนอ เฮ๊อ. แกแย เนอเตเพร อาเซอ เนอมา เป เออเต๊เห่ อาคยา เฮ๊อ, ซี ซิหยื่อ แด่ แลแค เป เตซื๊อ ฮู๊เนอ.”

เพรโด่แนพู๊ เต๊เห่ 6:2

ฮู๊เนอเรอ เพรโด่แนพู๊ เต๊เห่ เช๊อซิเนอเออ, อา เอ๊ปล๊อ ลอ เพรหยื่อเอ่ เออ เต๊เห่ เร๊อ อา เฮ๊ เหย่ซี เน๊อ, “เป เก่ แด่โอ่โก๊แก เหล่แด๊โฉ่โด่แน เป่ อู เร๊อ จอแปแหร่ อาลาอาโหง่ เออเต๊เห่ เร๊อ เป เก่ เบตา เป่ อู เหล่เอ่เหล่โอ เนอหม่า อา โตโต่.

เพรโด่แนพู๊ เต๊เห่ 11:26

เบ๊อะอา แม๊เถอะ ลู เบ๊อะเนอ, อา เอ๊กาหนิ ลู เด๊อ วีอันทิโอก. เร๊อ เหย่ซี เออซิเนอ กาโอ่กู๊ แม๊เถอะ ตาฉื่อ เร๊อ เพรหยื่อเอ่ ตู๊หมู่ตอกล๊อ เบ๊อะเนอ เต๊เห่ ต๊าน๋า กู เจ๊อ. เร๊อ อา อิซว๊าอี๊แส่ ตา หนิเอ๊ เป่ลา แกแย โอ่เบ๊อะเนอ เต๊เห่. อู เอ๊ เหร่อเล๊อ เพรหยื่อเอ่ เต๊เห่ เร๊อ ครี๊พู๊ หม่า เบ๊อะวีอันทิโอก เออเนอ เฮ๊อ.

เพรโด่แนพู๊ เต๊เห่ 11:29

เพรหยื่อเอ่ ปว๋า เตเพร แด่แล แลแค อาซิปล่อ เร๊อ อา เก่ ซูจว๊า เป่ เกอ เตเมจว่า บ๋า เหย่ซี เด๊อะเบ๊ เนอ, เด๊อ เหย่ซี โป่แหว่ โอ่ เด๊อ ยูดาห์เก่กู เนอเต๊เห่.

ꤚꤥꤗꤢꤩ꤬ 12:7

เก่ จอแปแหร่ เด๊อ แกแย เตเพรเพร อา เตแจ่เตลีแม เด๊อ อา นอเมจว่า ลู. เร๊อ อูโร เก่เฮ๊เรอ, อา โตเบ่ เมจว่า อา เก่ เด๊อ แกแย เตเพรเพร อา เตแจ่เตลีแม เด๊อ อา เก่ นออิซว๊า ลู เร๊อ อู เก่เฮ๊เรอ, อา โตเบ่ อิซว๊า อู.

ทิโมธี อาเหร่อเล๊อ ต๊าบ่า 5:3

เพรเหมาะโอ่แคร๊ เด๊อ อู เพร เมจว่า ลู โอ่โต่ เต๊เห่เนอ, แด่ดุหยื่อแหน่ เหย่ซี เร๊อ แม๊ตู่เมจว่า หนิ เหย่ซี นี๋.