เพรโด่แนพู๊ เต๊เห่ 5:41 - ลีเทส่อพ๊าอาเซ เร๊อ เห่ขุทวาลู๊

⁴¹ เพรโด่แนพู๊ เต๊เห่ เหย่ซีซิครือซิลอ เถ่จว๊าแก เด๊อ แกแยยิวพู๊ ทวาดุทวาเต เออเต๊เห่ อา เป๊เส่เง, เมเตเฮ๊เรอ เด๊อ เหย่ซู่ อาขว่าอาคยาเร๊อ, จอแปแหร่ แด่โอ่ แหน่ เฮ๊อ เหย่ซี เร๊อ อา โต แหน่ เฮ๊อ เร๊อ อา เบ่ ป่อชิเต่อ อู เมเตเร เหย่ซี ฮู๊เออ เนอหมา อา อาต่า แหน่ เฮ๊อ ฮู๊เนอ แพ๊.

Eastern Kayah Shadaw Dialect

⁴¹ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤒꤣꤧ꤬ꤟꤢꤩ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤓꤢꤩ꤬ꤡꤝꤢꤊꤢꤧ꤭ ꤘꤣ ꤛꤢꤨꤘꤢ꤬ꤖꤢꤨ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤘꤣ ꤛꤢꤩ꤬ꤏꤛꤢꤨ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤥ꤬ ꤔꤢꤧ꤭ ꤟꤣꤧ ꤛꤢꤩ꤬ꤞꤤ꤭ ꤔꤢꤧ ꤢ꤬ ꤊꤢꤪ꤬ ꤔꤢꤧ꤭ ꤟꤣꤧ ꤔꤢꤧ ꤢ꤬ ꤙꤢꤩ꤬ ꤋꤢꤧꤙꤢꤩ꤬ ꤢꤨ꤭ ꤗꤢꤩ꤬ꤞꤤꤒꤣꤧ꤬ꤚꤢꤩ꤭ ꤛꤢꤩ꤬ꤞꤤ꤭ ꤟꤢꤨꤣꤧ꤭ ꤔꤣꤧ꤬ꤗꤢ꤬ ꤢ꤬ ꤊꤢꤪ꤬ ꤔꤢꤧ꤭ ꤟꤣꤧ ꤟꤢꤨꤔꤣꤧ꤬ ꤖꤢꤧ꤯

เพรโด่แนพู๊ เต๊เห่ 5:41 ပူးပေါင်းရင်းမြစ်များ

ꤡꤛꤢꤩ꤭ꤗꤢ꤬ꤎꤣ꤬ 1:2

แว โป่แหว่ ซี๋, เบ๊อะซี๋ แม๊เถอะ ป่อชิเต่อเบ่ เร๊อ เตแป่เตเช เตอิลออี๊โหล่ ปว๋า เต๊อเจ่อ กาเบ่ ซี เบ๊อะเนอ, แด่ อา ฮู๊ เตซิครือ อาดุ เต๊อเจ่อ เด๊อ ซิเง เนอ นี๋.

ꤜꤢꤨꤊꤢ꤬ 6:22

ซี ย๋อหยื่อเอ่ แกแยพู๊คู หม่าเฮ๊อ แวเออ อาขว่าอาคยา, เร๊อ อู ซิเถ่ ซี, อู เอ๊โมฉื่อ ซี โต่, อู เป๊อเจ่ออิแช๊ ซี เร๊อ อู เฮ๊ มู๊แหม่รีแจ่ ซี อาขว่าอาคยา, ซี เก่ พย๊าหนิ หม่าแหน่ เจ๊อเฮ๊อ เตเด๊อะบุ๊ยเด๊อะเตอเรอ เฮ๊อ.

ฟีลิปปี 1:29

เมเตเฮ๊เรอ, จอแปแหร่ เด๊อ ตื๊อแพ๊ ซี เตเด๊อะบุ๊ยเด๊อะเตอเรอ เด๊อ ซี เก่ หยื่อเอ่ ครี๊ เออเนอ หม่าโต่, อา ซิปล่อโอ่ เกอดื่อ เร๊อ ซี เก่ ข่าเกอ เตเมจาเมจือ เด๊อ ครี๊ อาเงเง.

ꤛꤥ꤭ꤟꤢ꤬ 15:21

ซี ทวา แว โคเจ่ อาขว่าอาคยา แกแย เห่ขุพู๊ เต๊เห่ เก่ เมจาเมจือ ซี ปา, เมเตเฮ๊เรอ เหย่ซี ซิเง แลแค เพ เด๊อ อา นอแฮ แว เออเนอ เตเพร่ว โต่.

โครินธ์ เนอบ่า ต๊าบ่า 12:10

ฮู๊เนอเรอ แว โอ่ เร๊อ เตอ๊าเจ่เหร่เจ่ เต๊เห่, แว แม๊เถอะ ป่อชิเต่อเบ่ เร๊อ เตจาเตจือ เต๊เห่, อู เป๊อเจ่ออิแช๊ แว เต๊เห่, อู เมจาเมจือ แว เต๊เห่, แว แม๊เถอะ ป่อชิเต่อเบ่ เร๊อ เตแป่เตเช ซี เต๊เห่, ล๋อ เต เด๊อ แว แม๊เถอะ ป่อชิเต่อเบ่ เออเต๊เห่ เนอหม่า ครี๊ อาเง แพ๊, หม่าแน๊เรอ แว ซิปล่อโอ่ ซิปล่อโม แพ๊ เมเตเฮ๊เรอ เบ๊อะแว อ๊าเจ่เหร่เจ่ เบ๊อะเนอ, ตื๊อหม่า แว อ๊าฉว่าเหร่ชอ แพ๊.

ꤟꤤꤙꤚꤢꤨ 12:2

อาแซ่เน๊อ แกแย แกล่ เต๊เห่ แม๊จ๊อจ๊อ แฮโต ตื๊อแพ๊ เตเมเป่ม๊าโบ เออเนอเฮ๊อ, ฮู๊เนอเรอ เป เก่ แม๊จ๊อจ๊อ แฮ แพ๊ตื๊อ เหย่ซู่ โป๋. เมเตเฮ๊เร๊อ อา หม่า เป เตหยื่อเตแหน่ อา แก่ช๊าแก่แร เตเพร. โท๊โต่, อา หม่า เพร เด๊อ อา เมเล๊อเมบา เป่ เฮ๊อ เป เตหยื่อเตแหน่ เตเพร. อา ข่าเซอ โทปาหม่า, อา ซิเง หนื่ออื่อ โทเฮ๊อ เน๊อ อา เก่ พย๊าหนิ เตซิหยื่อซิลอ ปา อาขว่าอาคยา, อา โตเบ่ ข่าเซอ เจ๊อ เด๊อ อี๊ถื่อดีเต่ลู เจ๊อ หม่าแน๊เรอ อา ซิเตเร เตอเจ๋อ โต่. กู๊แหน่เรอ อา โอ่แนโอ่ เฮ๊อ เด๊อ จอแปแหร่ อา เหล่โอ่แน แถ่โล เด๊อ จ๊อทว๊า เนอตากยา เฮ๊อ.

ꤚꤥꤗꤢꤩ꤬ 5:3

เป แม๊ชือ ตื๊อแพ๊ เออเนอ หม่าโต่, เบ๊อะเป แม๊เถอะ เร๊อ เตจาเตจือ, เตแป่เตเช เบ๊อะเนอ เบ่เบ่, เป ซิครือซิลอ แพ๊, เมเตเฮ๊เรอ เป ซิเง เร๊อ เต เออเต๊เห่เนอ อา เด๊อะ เอ๊แถ่ เป่ โป่ เป เตข่าเบ่ เตจาเตจือ แพ๊.

ꤟꤤꤙꤚꤢꤨ 10:34

ซี ซิยอเร๊อ แกแย เด๊อ อู ด๊อตา ลู เด๊อ ทอกู เนอเต๊เห่. อู เป่เอ่เป่โอ ปื่อเผ่ จว๊าแก ลอ ซี ตาหมื่อตาเต เจ๊อ หม่าแน๊เรอ, ซี แด่ ซิครือ แลแค แพ๊ ซี ซิปล่อ, เมเตเฮ๊เรอ ซี ซิเง เน๊อ ซี ตาหมื่อตาเต เด๊อ อาแร๊เล๊อ เร๊อ อา โอ่หม่าโอ่กลอ ตูจูเพร เออเนอ อา โอ่ เอ๊ลูปา เด๊อ ม๊อขุ อาขว่าอาคยา, ซี ซิครือซิลอ แลแค แพ๊.

เพรโด่แนพู๊ เต๊เห่ 5:21

เพรโด่แนพู๊ เต๊เห่ หนิดา ม๊อขุเตเน่วพู๊ เนอเตเพร อาโหง่ เร๊อ, เบ๊อะหม่อลีบู เบ๊อะเนอ, เหย่ซี จว๊าโน แลแค เด๊อ เตหลู่เเตโฮ อา เตเร๊รากู เร๊อ เหย่ซี เป๊อแถ่ อิซว๊าอี๊แส่ ตา ลอ อู เบ๊อะเนอ. เพรหลู่แต กู่กล๊อดุเล๊อ เตเพร เร๊อ แกแย เด๊อ อา ครวาแฮเกอ ลูคยา เต๊เห่ แฮโต่ เร๊อ แฮ เอ๊ปล๊อ ลอยูดาห์กู่กล๊อดุ เต๊เห่ เร๊อ โหมะพรูโหมะเผร่ เต๊เห่ เร๊อ เหย่ซี โอ่กู๊โอ่แก๊ ลอ ลู. โทเร๊อ อา นอจว๊าเอ๊แฮ เพรโด่แนพู๊ เต๊เห่ โอ่ เด๊อ ทอกู เนอเต๊เห่ เด๊อ เหย่ซี เป๊เส่เง.

เพรโด่แนพู๊ เต๊เห่ 21:13

หม่าแน๊เรอ คูเปาโล เฮ๊ฉื่อ เป เน๊อ, “ซีโหง่ซีเห่ เร๊อ ซี เม ซิเปลซิหย่อ แว เมเต? แว โอ่ตี๊หรี่แตแร หนื่ออื่อ เฮ๊อ แวเหน่ เด๊อ อู เก่ปื่อเก่จอ แว เบ๊อะวีเยรูซาเล็ม เออเนอ ปา ตื๊อดื่อ หม่าโต่, แว ตี๊หรี่แตแร หนื่ออื่อ โป่ เจ๊อเฮ๊อ เด๊อ แว เก่ เซอ เด๊อ แบ่เจ่ เหย่ซู่ อาเง เจ๊อ.”

ยอห์น โซบ่า ต๊าบ่า 1:7

เมเตเฮ๊เรอ เหย่ซี เถ่จว๊า เป่ แกล๊ เด๊อ ครี๊ อาเง หม่าแน๊เรอ อา พย๊า เกออู เตเมจว่า เด๊อ แกแย หยื่อเอ่ เกออู ครี๊ โต่ เนอเต๊เห่ อา โอ่ เตอเจ๋อ โต่.