เพรโด่แนพู๊ เต๊เห่ 5:40 - ลีเทส่อพ๊าอาเซ เร๊อ เห่ขุทวาลู๊

⁴⁰ เพร ทวา แกแยยิวพู๊ กู่กล๊อดุกู๊ฉู่ทู เต๊เห่ จูเอ่ เกอ คูกามาลิเอล อา เตเด๊อะเตเนจว่า เออ เร๊อ อา เอ๊โน คยาแซ๊ เพรโด่แนพู๊ เต๊เห่ เออเต๊เห่. โทเรอ อา มือ เหย่ซี เร๊อ อิปลี๊หรี่ โทเรอ อา เฮ๊ เหย่ซี เน๊อ ซี เบ่ โด่แนแด๊โฉ่หนิ เป่ ปา อู เร๊อ เหย่ซู่ อามุย เออเนอ โต่, อา เฮ๊โท ฮู๊เนอเรอ อา ปลวา กาแก เหย่ซี.

Eastern Kayah Shadaw Dialect

⁴⁰ ꤖꤚꤢꤩ꤬ ꤓꤝꤢ꤭ ꤛꤢꤨꤘꤢ꤬ꤖꤢꤨ ꤊꤢꤨ꤬ꤊꤜꤢꤪꤘꤢꤨ꤬ꤊꤣꤧꤏꤢꤨ꤬ꤓꤢꤨ꤭ ꤒꤣꤧ꤬ꤟꤢꤩ꤬ ꤡꤢꤨ꤭ꤢꤩ꤬ ꤊꤣꤧ꤭ ꤋꤢꤨ꤭ꤊꤢ꤬ꤗꤢꤩ꤬ꤜꤤ꤬ꤛꤣ꤬ꤜꤢ ꤢ꤬ ꤒꤢꤩ꤬ꤘꤣꤧꤒꤣꤧ꤬ꤔꤢꤩ꤬ꤡꤝ꤫ꤢ꤬ ꤣꤧ꤭ ꤚꤣꤧ꤬ ꤢ꤬ ꤢꤩꤔꤥ꤭ ꤋꤛꤢ꤭ꤞꤢꤧ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤣꤧ꤭ꤒꤣꤧ꤬ꤟꤢꤩ꤬꤯ ꤓꤥ꤭ꤚꤣꤧ꤬ ꤢ꤬ ꤗꤢꤦ꤭ ꤛꤢꤩ꤬ꤞꤤ꤭ ꤔꤢꤧ ꤤ꤬ꤕꤜꤤꤚ꤫ꤤ꤬ ꤓꤥ꤭ꤚꤣꤧ꤬ ꤢ꤬ ꤟꤢꤩ ꤛꤢꤩ꤬ꤞꤤ꤭ ꤔꤢꤧ ꤞꤤ꤭ ꤙꤢꤩ꤬ ꤘꤥ꤬ꤔꤢꤧ꤭ꤟꤢꤩꤏꤥ꤬ꤔ꤫ꤤ꤬ ꤕ꤫ꤢꤩ꤬ ꤕꤢ꤬ ꤢꤨ꤭ ꤔꤢꤧ ꤛꤢꤩ꤬ꤏꤛꤢꤨ ꤢ꤬ꤗꤝꤤ꤭ ꤣꤧ꤭ꤔꤣꤧ꤬ ꤒꤥ꤬, ꤢ꤬ ꤟꤢꤩꤓꤥ꤭ ꤟꤢꤨꤔꤣꤧ꤬ꤚꤣꤧ꤬ ꤢ꤬ ꤕꤜꤝꤢ꤭ ꤊꤢ꤬ꤊꤢꤧ꤭ ꤛꤢꤩ꤬ꤞꤤ꤭꤯

เพรโด่แนพู๊ เต๊เห่ 5:40 ပူးပေါင်းရင်းမြစ်များ

มัทธิว 10:17

รอ หนิ แลแค ซีเหน่, เมเตเฮ๊เรอ อู เก่ ปื่อ ซูจว๊า ซี เด๊อ เตจ๊อเบโฮ กู่กล๊อ เต๊เห่ เหล่โอ่กู๊ แม๊เถอะ ตาฉื่อ ลู อาหี่กู ปา, เร๊อ อา เก่มือเก่ปอ ซี เด๊อ เตจ๊อเบโฮ เต๊เห่ อากู ปา.

โครินธ์ เนอบ่า ต๊าบ่า 11:24

แกแยยิวพู๊ เต๊เห่ ดามือ เฮ๊อ แว โตโพ๊เนอ อา เบ่มือ แว โซเชอ เร๊อ ลุยซว๊าตีปลี๊, เร๊อ แว แม๊เถอะเบ่ น๊อ ฮู๊เนอ แงโพ๊ เจ๊อ.

เพรโด่แนพู๊ เต๊เห่ 5:28

อา เฮ๊ เหย่ซี เน๊อ, “เป เฮ๊ตาเฮ๊เต โทเฮ๊อ ซี เร๊อ อิซว๊าอี๊แส่ ปา แต่ อู เร๊อ แกแย เออเตเพร อามุย แต่เหม่ นี๋, เร๊อ กู๊แหน่เออ ซี แม๊แม๊ ซี จว๊า เมแคร๋ เฮ๊อ อิเตเต! ซี อิซว๊า เป่จว๊า ลอปลี เฮ๊อ อู เด๊อ วีเยรูซาเล็ม อากู เออเนอ เฮ๊อ. แกแย เนอเตเพร อาเซอ เนอมา เป เออเต๊เห่ อาคยา เฮ๊อ, ซี ซิหยื่อ แด่ แลแค เป เตซื๊อ ฮู๊เนอ.”

ꤗꤢ꤬ꤊꤢꤨ 13:9

“ซี เบ่ รอหนิ แลแค ซีเหน่. เด๊อ แวขว่าแวคยา เร๊อ อู อา ปื่อ ซี ปา, เร๊อ อู เก่ ซูแถ่ ซี เด๊อ เพรเฮ๊เบ่เมโตเต เด๊อ ทวาดุทวาเต เต๊เห่ อา เป๊เส่เง ปา. อู เก่ มือปอ ซี เด๊อ เตจ๊อเบโฮกู ปา. ซี เบ่ ก๊อถ่อโอ่ เด๊อ เพรเป๊อเต เต๊เห่ เร๊อ จ๊อแผ่ เต๊เห่ อาเป๊เส่เง ปา. เร๊อ อา เก่ แด๊เฮอ เจแม๊ ซี ปา เร๊อ ซี เก่ ข่าเฮ๊โล หนิเป่ เหย่ซี เร๊อ เตซิครือมีลา อาหรี่อาแก ปา.

ꤜꤢꤨꤊꤢ꤬ 20:10

เบ๊อะแท๊ทือเส่ มีเฮ๊อ เบ๊อะเนอ, แซ่ฮู๊ อา เก่ พย๊าหนิเกอ แท๊ทือเส่ เด๊อ อา โตเบ่ พย๊าหนิเกอ เนอเต๊เห่เรอ แท๊ทือเผ่ แบ่เจ่ เออ อา นอจว๊าเกอ อาหลู่เล๊ เตเพร เด๊อ เพรเมเอ่โก๊ เตโหล่เตโช เออเต๊เห่ อา โอ่. หม่าแน๊เรอ เพรเมเอ่โก๊เตโหล่เตโช เออเต๊เห่เนอ, อา มือฉื่อปอฉื่อโท ลูหลู่เล๊ เออเตเพร เร๊อ อา ปลวากา โกโยกลี๊แก แพ๊ ลู แพ๊.

มัทธิว 23:34

ฮู๊เนอเรอ แว เก่ นอแฮ เป่ ซี เพรโพร เต๊เห่, เพรซิคว๊าซิเง เต๊เห่ เร๊อ ซ๊าร๊า ซีเต๊เห่ ปา, เต๊เห่เห่เนอ ซี เก่ มือเซอแถ่ เหย่ซี เด๊อ อี๊ถื่อดีเต่ลู ปา, เต๊เห่เห่เนอ ซี เก่ มือ ลู เร๊อ อิปลี๊แช๊ เด๊อ แกแยยิวพู๊ เตจ๊อเบโฮกูปา เร๊อ ซี เก่ จว๊าเล แม๊ปู เหย่ซี ตีวี โท ตีวี ปา.

มัทธิว 20:19

เหย่ซี เก่ เด๊อะตาโดโต่ อา เด๊อ แกแยยิวพู๊ หม่าโต่ เต๊เห่ อา กู๊ยากู ปา, เหย่ซี เฮ๊เบ่ โตโมจู๊แก่ กี๊นีโก๊โหนะ ลอ แวปา, โทเรอ เหย่ซี เก่ มือ แว เร๊อ สู่เปลอ อิปลี๊แช๊ ปา เร๊อ เหย่ซี เก่ มือเซอแถ่ อา เด๊อ อี๊ถื่อดีเต่ลู หม่าแน๊เรอ โซเนอ เตอเนอ ปาเนอ, จอแปแหร่ เก่ เมเซอเพร ก๊อถ่อ กาคยา คยาแซ๊ อาปา.”