เพรโด่แนพู๊ เต๊เห่ 5:31 - ลีเทส่อพ๊าอาเซ เร๊อ เห่ขุทวาลู๊31 แซ่ฮู๊ จอแปแหร่ เก่ เด๊อ เป่ อิสราเอล เต๊เห่ เตถู่แหล่แต๊แกละกา อา ซิปล่อ เน๊อ ปลวาแก เตซื๊อ เต๊เห่ อาเงเนอ, อา แด่โอ่เฮ๊อ เหย่ซู่ เด๊อ อากู๊ขุ จ๊อทว๊า ตากยา ฮู๊ แกแย ทวาดุทวาทู เตเพร เร๊อ เพรเมแลเปล๊กา อู เตเพรเนอ เฮ๊อ. အခန်းကိုကြည့်ပါ။Eastern Kayah Shadaw Dialect31 ꤞꤢꤧꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧ ꤕ꤫ꤢꤩ꤬ ꤤ꤬ꤎꤢ꤬ꤚꤢꤩꤜꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤒꤢꤩ꤬ꤛꤢꤧ꤬ ꤚꤣꤧ ꤢ꤬ꤔ꤫ꤢꤩ꤬ ꤔꤢꤧ ꤒꤢꤩ꤬ꤕꤜꤝꤢ꤭ꤊꤢꤧ꤭ ꤒꤢꤩ꤬ꤞꤢꤦ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤘꤢꤧ꤬ꤥ꤬ꤟꤣꤧ ꤛꤢꤩ꤬ꤏꤛꤢꤨ ꤘꤣ ꤢ꤬ꤊꤢꤨꤋꤢꤨ꤬ ꤡꤢꤓꤝꤢ ꤒꤣ꤬ꤊꤛꤢ꤭ ꤟꤢꤨ ꤊꤣꤧ꤬ꤛꤢꤧ꤭ ꤓꤝꤢ꤭ꤘꤢꤨ꤬ꤓꤝꤢ꤭ꤓꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤖꤚꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤢꤨ꤭ ꤒꤣ꤬ꤖꤚꤢꤩ꤬ꤔꤣꤧ꤬ ꤟꤣꤧ꤯ အခန်းကိုကြည့်ပါ။ |
เพรโด่แนพู๊ เต๊เห่ 5:31
57 ပူးပေါင်းရင်းမြစ်များ
เบ๊อะเหย่ซี หนิโฮ เตหรี่เตแก เออ เบ๊อะเนอ, เหย่ซี เป๊อเจ่ออิแช๊ ปา คูเปโตรโต่, เร๊อ อา ถู่เซ๊แถ่ แลแค จอแปแหร่ เน๊อ, “เก่ อา หม่าแหน่ ฮู๊เนอเฮ๊เรอ จอแปแหร่ เด๊อะเป่เกอเฮ๊อ แกแยยิวพู๊ หม่าโต่ เต๊เห่ เตค๊าขิโตแร๊ เด๊อ อา เก่ ถู่แหล่ เต๊เปล่กา แลแค อาซิปล่อ เร๊อ อา เก่ พย๊าหนิ เกอ แลแค แหย่โยบูโพ๊เซอเพร เฮ๊อ.”
ซี เก่ พย๊าหนิ เกอโป่ดื่อ เหย่ซู่ครี๊ เด๊อ อา ข่าเฮ๊โล จ๊อจ๊อเตเต เออเตเพร อาบุ๊ยอาเตอเรอ เร๊อ อา เตโส่เตเคร นี๋. แกแยเซอ เร๊อ อา เซอเพร กาคยา อาเกลเนอ, อา หม่า เพร เด๊อ อา เซอเพร เหร่อเล๊อ อู เตเพร เฮ๊อ. อา หม่า เพร เด๊อ อา เป๊อ เห่ขุ อาคุ๊ยจ๊อแผ่ เต๊เห่. อา หม่า อา โมเร๊อ แหน่เจ๊อ เป โท๊โต่ เด๊อ อา เซอ อาขว่าอาคยา, อา เมแลเปล๊กา เป เด๊อ เตซื๊อเตปล๊า อากู.
ล๋อ เตเต๊เห่ เนอหม่า จอแปแหร่ อาเง ล๋อ ปลี แพ๊, เร๊อ อา แบ๊ตา เกอเร๊อ ลอเฮ๊อ เต ปว๋า เต๊อเจ่อ เฮ๊อ. แซ่ฮู๊ จอแปแหร่ เก่ เด๊อะโหร่เด๊อะเอ๊ เป่เกอ แกแยเห่ขุพู๊ เน๊อ อา เตเตอเรอดุ เตอเรอทู เต๊เห่ อาเงเนอเรอ, อา เมเล๊อเมบาแถ่ เฮ๊อ แบ่เจ่ เหย่ซู่ เน๊อ อา นอ ข่าจาข่าจือ ลู เออเนอ เฮ๊อ. จอแปแหร่ เม เต ฮู๊เออ เนอหม่า อาโต แพ๊. เร๊อ แบ่เจ่ เหย่ซู่ เก่ ทวา เป่ เป เพรซู แกล๊ เด๊อ อา เก่ เมแลเปล๊กา เป เตเพร ปา.
อาแซ่เน๊อ แกแย แกล่ เต๊เห่ แม๊จ๊อจ๊อ แฮโต ตื๊อแพ๊ เตเมเป่ม๊าโบ เออเนอเฮ๊อ, ฮู๊เนอเรอ เป เก่ แม๊จ๊อจ๊อ แฮ แพ๊ตื๊อ เหย่ซู่ โป๋. เมเตเฮ๊เร๊อ อา หม่า เป เตหยื่อเตแหน่ อา แก่ช๊าแก่แร เตเพร. โท๊โต่, อา หม่า เพร เด๊อ อา เมเล๊อเมบา เป่ เฮ๊อ เป เตหยื่อเตแหน่ เตเพร. อา ข่าเซอ โทปาหม่า, อา ซิเง หนื่ออื่อ โทเฮ๊อ เน๊อ อา เก่ พย๊าหนิ เตซิหยื่อซิลอ ปา อาขว่าอาคยา, อา โตเบ่ ข่าเซอ เจ๊อ เด๊อ อี๊ถื่อดีเต่ลู เจ๊อ หม่าแน๊เรอ อา ซิเตเร เตอเจ๋อ โต่. กู๊แหน่เรอ อา โอ่แนโอ่ เฮ๊อ เด๊อ จอแปแหร่ อา เหล่โอ่แน แถ่โล เด๊อ จ๊อทว๊า เนอตากยา เฮ๊อ.
เป เก่ แด่ดุแด่ทู โหร่ลู จอแปแหร่ โป๊! จอแปแหร่ หม่า อา โอ่ ตื๊อ อา เตเพร แพ๊. เพร เด๊อ อา เมแลเปล๊กา เป หม่า ตื๊อ อา เตเพร แพ๊. เด๊อ เหย่ซู่ครี๊ อาขว่าอาคยาเร๊อ, เตเตอเรอดุเตอเรอทู, เตลี เตเตเค อาตว่า อาแร๊, เตโพรเตเตอเรอ เร๊อ เตเตอเรอฉว่าชอ เออเต๊เห่เนอ, อา เก่ โอ่เกอดื่อ เร๊อ จอแปแหร่ เป๊อแถ่ เด๊อ เตเต๊อเจ๋อ โอ่ ทวาแถ่ ล๋ายโต่ เบ๊อะเนอ, โต่กู๊แหน่, เร๊อ ตาแฮเง ตูจูเพรเง แตแลเคร๊ นี๋, อาเมน.
‘เหย่ซี แม๊ โท แม๊ แซ๊แซ๊ เจ๊อ หม่าแน๊เรอ แซ่ฮู๊ เหย่ซี แม๊เถอะ เกออู โต่, เหย่ซี หนิดา โท หนิดา แซ๊แซ๊ เจ๊อ หม่าแน๊เรอ แซ่ฮู๊ เหย่ซี ซิเงโปล เกออู โต่,’ อาเงเนอ, แว เฮ๊ เป่ เหย่ ซี เร๊อ โหง่ค๊าโข่ แพ๊ แว เก่ เฮ๊เบ่ เป่ เหย่ซี เร๊อ โหง่ค๊าโข่ โต่ เฮ๊เนอ, ‘ปาหม่า เหย่ซี เม เต๊เปล่ แลแค อา ซิปล่อ เร๊อ จอแปแหร่ ปลวาแก เหย่ซี เตซื๊อ เห่.’”
เด๊อ เหย่ซี ซิเง เป แบ่เจ่ เร๊อ เหย่ซู่ครี๊ เด๊อ อา เมแลเปล๊กา เป เออเตเพร อาขว่าอาคยา, เหย่ซี แลเปล๊เถ่แกเฮ๊อ เร๊อ เห่ขุ อา เตมู๊แหม่รีแจ่ เออเต๊เห่ เฮ๊อ. หม่าแน๊เรอ กู๊แหน่เออ เหย่ซี เก่ โนเม โต๊โผ่ตอตอ เต่อคย๊าแซ๊ เร๊อ เตมู๊แหม่รีแจ่ เออเต๊เห่ เฮ๊เรอ เตมู๊แหม่ เออเต๊เห่ ทวาแกเฮ๊อ ลูแบ่เจ่ เฮ๊อ. แกแย ฮู๊เนอเต๊เห่ อา เตโอ่เซอเพร เนอหม่า, อา จาเล๊อ ปา เจ๊อ เร๊อ อา เหล่โกลเลอ เนอ เจ๊อ.
เหย่ซี โตเบ่ เอ่โห่เอ่ฮี๊หนิ อาแหน่แบ่เจ่ อาเต โต่, หม่าแน๊เรอ, แซ่ฮู๊ อาแหน่แบ่เจ่ อา หยื่อเอ่ ตาเต หนิแจ่ เหย่ซี อาเงเนอ, เหย่ซี โตเบ่ โอ่เซอเพร โลแร๊ เป่ อาแบ่เจ่. อาเก่ เมฮู๊เนอ เฮ๊เรอ อู เก่ ถู่เซ๊หนิ ลอ จอแปแหร่ เด๊อ อา เมแลเปล๊กา เป เออเตเพร อา เตอิซว๊าอี๊แส่ เออ เด๊อ เตปว๋า เต๊อเจ่อ อากู ปา.
ကြော်ငြာတွေ