เพรโด่แนพู๊ เต๊เห่ 5:21 - ลีเทส่อพ๊าอาเซ เร๊อ เห่ขุทวาลู๊

²¹ เพรโด่แนพู๊ เต๊เห่ หนิดา ม๊อขุเตเน่วพู๊ เนอเตเพร อาโหง่ เร๊อ, เบ๊อะหม่อลีบู เบ๊อะเนอ, เหย่ซี จว๊าโน แลแค เด๊อ เตหลู่เเตโฮ อา เตเร๊รากู เร๊อ เหย่ซี เป๊อแถ่ อิซว๊าอี๊แส่ ตา ลอ อู เบ๊อะเนอ. เพรหลู่แต กู่กล๊อดุเล๊อ เตเพร เร๊อ แกแย เด๊อ อา ครวาแฮเกอ ลูคยา เต๊เห่ แฮโต่ เร๊อ แฮ เอ๊ปล๊อ ลอยูดาห์กู่กล๊อดุ เต๊เห่ เร๊อ โหมะพรูโหมะเผร่ เต๊เห่ เร๊อ เหย่ซี โอ่กู๊โอ่แก๊ ลอ ลู. โทเร๊อ อา นอจว๊าเอ๊แฮ เพรโด่แนพู๊ เต๊เห่ โอ่ เด๊อ ทอกู เนอเต๊เห่ เด๊อ เหย่ซี เป๊เส่เง.

Eastern Kayah Shadaw Dialect

²¹ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤒꤣꤧ꤬ꤟꤢꤩ꤬ ꤔ꤫ꤤ꤬ꤘꤢ꤭ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤔꤣꤧ꤬ꤒꤣ꤬ꤖꤚꤢꤩ꤬ ꤢ꤬ꤍ꤫ꤥ꤬ ꤚꤣꤧ꤬, ꤙꤣꤧ ꤗ꤫ꤢꤪ꤬ꤜꤤ꤭ꤙꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤡꤝꤢꤔꤥ꤭ ꤜꤢ꤭ꤋꤢꤧ꤭ ꤘꤣ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ ꤢ꤬ ꤠꤤ꤭ꤊꤣꤧ꤬ꤚꤢꤩꤊꤢꤨ꤭ ꤚꤣꤧ꤬ ꤛꤢꤩ꤬ꤞꤤ꤭ ꤡꤢꤓꤢꤧ꤬ ꤤ꤬ꤞꤝꤢꤤ꤬ꤞꤢꤧ꤬ꤒꤢ꤭ ꤜꤢꤪ꤭ ꤢꤨ꤭ ꤙꤣꤧꤔꤣꤧ꤬꤯ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤘꤢꤨ꤬ꤜꤣ ꤒꤣ꤬ꤖꤚꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤋꤚꤝꤢ꤭ꤟꤢꤧ꤭ꤊꤣꤧ꤭ ꤜꤢꤨ꤭ꤋꤛꤢ꤭ ꤒꤣꤧ꤬ꤟꤢꤩ꤬ ꤟꤢꤧ꤭ꤒ꤫ꤥ꤬ ꤚꤣꤧ꤬ ꤟꤢꤧ꤭ ꤢꤩꤕꤜꤢꤪ ꤜꤢꤪ꤭ ꤛꤢꤨꤘꤢ꤬ ꤊꤢꤨ꤬ꤊꤜꤢꤪꤘꤢꤨ꤬ ꤒꤣꤧ꤬ꤟꤢꤩ꤬ ꤔꤢꤧ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤒꤣꤧ꤬ꤟꤢꤩ꤬ ꤚꤣꤧ꤬ ꤛꤢꤩ꤬ꤞꤤ꤭ ꤥ꤬ꤊꤢꤨꤥ꤬ꤊꤢꤧ ꤜꤢꤪ꤭ ꤜꤢꤨ꤭꤯ ꤓꤥ꤭ꤚꤣꤧ꤬ ꤢ꤬ ꤔꤢꤪ꤭ꤡꤝꤢꤢꤩꤟꤢꤧ꤭ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤥ꤬ ꤘꤣ ꤢ꤬ꤕꤥ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤘꤣ ꤛꤢꤩ꤬ꤞꤤ꤭ ꤕꤣꤧꤞꤢꤩ꤬ꤑꤢꤩ꤭꤯

เพรโด่แนพู๊ เต๊เห่ 5:21 ပူးပေါင်းရင်းမြစ်များ

ꤛꤥ꤭ꤟꤢ꤬ 8:2

อาเนอโตโร เหมาะลีโรมื่อ เบ๊อะเนอ, แบ่เจ่ เหย่ซู่ กาคยา คยาแซ๊ เด๊อ เตหลู่แต โฮกู. แกแย ปว๋า เตเพร แฮ โอ่ตาวา ลอปลี ลู. โทเรอ อา โอ่แนตา เร๊อ อา อิซว๊าอี๊แส่ เหย่ซี.

เพรโด่แนพู๊ เต๊เห่ 22:15

เมเตเฮ๊เรอ เน เก่ ทวาแถ่ เพรข่าเฮ๊โล เตเพร เด๊อ ลูเง ปา, เร๊อ เน เก่ แด๊โฉ่ เป่ อู ปว๋า เตเพร เน๊อ เต เด๊อ เน แม๊เถอะ, หนิโฮเบ่ เนอเต๊เห่ ปา.

เพรโด่แนพู๊ เต๊เห่ 5:41

เพรโด่แนพู๊ เต๊เห่ เหย่ซีซิครือซิลอ เถ่จว๊าแก เด๊อ แกแยยิวพู๊ ทวาดุทวาเต เออเต๊เห่ อา เป๊เส่เง, เมเตเฮ๊เรอ เด๊อ เหย่ซู่ อาขว่าอาคยาเร๊อ, จอแปแหร่ แด่โอ่ แหน่ เฮ๊อ เหย่ซี เร๊อ อา โต แหน่ เฮ๊อ เร๊อ อา เบ่ ป่อชิเต่อ อู เมเตเร เหย่ซี ฮู๊เออ เนอหมา อา อาต่า แหน่ เฮ๊อ ฮู๊เนอ แพ๊.

เพรโด่แนพู๊ เต๊เห่ 5:34

หม่าแน๊เรอ เบ๊อะเหย่ซี อาเกลเนอ ฟาริสี เด๊อ อามุย เร๊อ คูกามาลิเอล โอ่เตเพร. อา หม่า เตซว๊าเตแส่ อาซ๊าร๊า เตเพร, โท๊โต่ อา หม่า แกแย เตเพร เด๊อ อู แด่ดุเบ่ยื่อเบ่แหน่หนิ ลู. อา ก๊อถ่อ เด๊อ แกแย ทวา กู่กล๊อ เต๊เห่ อาโอ่เด๊อเง เร๊อ อา นอเอ๊เถ่ โค๊แก ลอ เพรโด่แนพู๊ เต๊เห่ เด๊อ อากลอ เตอเปลอฮู๊แพ๊.

เพรโด่แนพู๊ เต๊เห่ 5:27

เหย่ซี ซูจว๊า เพรโด่แนพู๊ เต๊เห่ เออเต๊เห่ เด๊อ แกแยยิวพู๊ ทวาดุทวาเต เออเต๊เห่ อาเป๊เส่เง เร๊อ เพรหลู่แต กู่กล๊อดุเล๊อ เออเตเพร แด๊เฮอ เจแม๊ เหย่ซี.

เพรโด่แนพู๊ เต๊เห่ 5:17

เออโตโพ๊เรอ เพรหลู่แต กู่กล๊อดุเล๊อ เตเพร เร๊อ ล๋อ เพร เด๊อ อา ครวาเกอ ลูคยา เด๊อ อา โอ่ป่าโน เต่อเกอ เด๊อ สะดูสีพู๊ ตู๊หมู่ตอกล๊อ เบ๊อะเนอ เต๊เห่, ซิค๊าซิเถ่ ตื๊อดื่อ เจ๊อ เพรโด่แนพู๊ เต๊เห่ เออเต๊เห่ เจ๊อ.

ꤛꤥ꤭ꤟꤢ꤬ 18:35

เร๊อ คุ๊ยปีลาต เฮ๊ ลู เน๊อ, “เน เตเน แว เร๊อ แกแยยิวพู๊ แอ? เพร เด๊อ อา ซูแฮ เน เด๊อ แวโอ่ เต๊เห่ เนอหม่า เน แกแยเมวเจอะพู๊ เร๊อดื่อ เร๊อ เน เพรหลู่แต ทวาดุทวาเต เร๊อดื่อ เนอเต๊เห่ แพ๊. เน จว๊าเมซื๊อ แคร๋ อิเตเต?” คุ๊ยปีลาต แด๊เฮอ ลู ฮู๊เนอ.

ꤜꤢꤨꤊꤢ꤬ 22:66

เบ๊อะเหมาะลีบูเฮ๊อ เบ๊อะเนอ, แกแย ทวา แกแยยิวพู๊ อาตู๊หมู่ตอกล๊อ อา ทวาดุทวาเต เต๊เห่, เร๊อ เพรหลู่แต ทวาดุทวาเต, เร๊อ เพรอิซว๊า เตซว๊าเตแส่ อาซ๊าร๊า เต๊เห่ แฮ โอ่ปล๊อลอ ลู โตโพ๊โต, เร๊อ เหย่ซี เอ๊แฮ เหย่ซู่ เด๊อ แกแย ทวาดุ เต๊เห่ อาเป๊เส่เง.

มัทธิว 5:22

หม่าแน๊เรอ แว เฮ๊ ซี เน๊อ, แกแย เตเพรเพร เด๊อ อา ซิปล่อดุ อา โคแบ๊ซว๊า เต๊เห่เนอ, อู โตเบ่ เมจากาคยา อา. โท๊โต่ แกแย เตเพรเพร เด๊อ อา เฮ๊ แกแยจอครอ อา โคแบ๊ซว๊า เต๊เห่เนอ, อู โตเบ่ เอ๊จว๊า เมจากาคยา ลู. เด๊อ แกแยยิวพู๊ อา กู่กล๊อดุกู๊ฉู่ทู เต๊เห่ อาเป๊เส่เง. หม่าแน๊เรอ แกแย เตเพรเตเพร เก่ เฮ๊ อู เน๊อ, ‘โอ่เล๊อโอ่กลอ’ ฮู๊เนอ เฮ๊เนอหม่า, อา โต รอ เกอเร๊อ อาเหน่, เมเตเฮ๊เรอ อา แฮโต ผื่อเฮ๊อ เร๊อ หง่าหร่าปอรากยา อากูเฮ๊อ.

เพรโด่แนพู๊ เต๊เห่ 22:5

แว เฮ๊เบ่จ๊อเฮ๊เบ่เต แพ๊ เนอหม่า, เพรหลู่แต กู่กล๊อดุเล๊อ เออเนอ เด๊อ แกแยยิวพู๊ เน๊อ อา ทวา ทวาดุทวาเต ล๋อ ปลี เต๊เห่ เย๊อเบ๊ อาซิปล่อสู่เทอ เด๊อ แวเง แพ๊. เมเตเฮ๊เรอ, แซ่ฮู๊ แว เก่ จว๊าปื่อ แกแย เด๊อ อา โครครวา เกอ เหย่ซู่ครี๊ อาคยา เนอเต๊เห่ เร๊อ แว เก่ จอกลอ เหย่ซี เร๊อ สู่เปลอต่อเท๊, โทปาเรอ แว เก่ เอ๊กาแด๊เฮอ เจแม๊ เหย่ซี เด๊อ วีเยรูซาเล็ม ปา เนอเรอ, เหย่ซี ทวา ทวาดุทวาเต เนอเต๊เห่ ราจว๊าหนิ ลีเต๊เห่ เร๊อ อา เด๊อะจว๊า เร๊อ แว. ลี เออเต๊เห่เนอ, อา ราจว๊า เป่ อาโป่แหว่ แกแยยิวพู๊ เด๊อ อา ทวา ทวาดุทวาเต เร๊อ อา โอ่ แลแค เด๊อ วีดามัสกัส เด๊อ แว เตเร จว๊า วีเออ ตีวี อากู เนอเต๊เห่ อา โอ่.”