เพรโด่แนพู๊ เต๊เห่ 5:16 - ลีเทส่อพ๊าอาเซ เร๊อ เห่ขุทวาลู๊

¹⁶ แกแย เบ๊หมู่ เด๊อ อา โอ่ ตีวี๊ตาวา ผื่อ เร๊อ วีเยรูซาเล็ม เนอเต๊เห่ แย๊แฮหนิ แลแค แกแยชู๊ยแกแยเช เต๊เห่, หม่าโต่เรอ แกแย เด๊อ โลเน๊มู๊แหม่ เมเบ่ ลู เต๊เห่ เด๊อ เหย่ซี อา โอ่ เร๊อ อา แหย่โอ่เหม่ เป่ ลอ เจ๊อ อู ปว๋า เตเพร.

Eastern Kayah Shadaw Dialect

¹⁶ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤘꤣ ꤢ꤬ ꤥ꤬ ꤒꤣꤧ꤬ꤠꤤ꤭ꤒꤣꤧ꤬ꤠꤢ꤬ ꤖꤢꤦ꤬ ꤔꤢꤧ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤛꤢꤧꤟꤢꤧ꤭ꤔ꤫ꤤ꤬ ꤜꤢ꤭ꤋꤢꤧ꤭ ꤊꤣꤧ꤬ꤛꤢꤧ꤭ꤏꤝꤤꤊꤣꤧ꤬ꤛꤢꤧ꤭ꤏꤢꤩ꤭ ꤒꤣꤧ꤬ꤟꤢꤩ꤬, ꤗ꤫ꤢ꤬ꤒꤥ꤬ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤗꤢꤩ꤬ꤙꤢꤩ꤬ ꤜꤢꤨ꤭ ꤒꤣꤧ꤬ꤟꤢꤩ꤬ ꤘꤣ ꤛꤢꤩ꤬ꤞꤤ꤭ ꤢ꤬ ꤥ꤬ ꤚꤣꤧ꤬ ꤢ꤬ ꤛ꤫ꤢꤧ꤬ꤥ꤬ꤗ꤫ꤢꤩ꤬ ꤕ꤫ꤢꤩ꤬ ꤜꤢꤪ꤭ ꤡꤣꤧ ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬꤯

เพรโด่แนพู๊ เต๊เห่ 5:16 ပူးပေါင်းရင်းမြစ်များ

ꤡꤛꤢꤩ꤭ꤗꤢ꤬ꤎꤣ꤬ 5:16

ฮู๊เนอเนอ, อ๊อแล แลแค ซี เตซื๊อ เต๊เห่ เตเพร เร๊อ เตเพร, เร๊อ แซ่ฮู๊ ซี เก่ โอ่ฉว่าโอ่แพร กาคยา อาเงเนอ, กุยจ๊อเบ เป่ ลู เตเพร เร๊อ เตเพร นี๋. แกแยจ๊อแกแยเต เตเพร อา เตกุยจ๊อเบ เนอ อาโอ่ เน๊อ อา เตอเรอฉว่าชอ เร๊อ อา เมจว่าเบ๊ เอ๋ แหน่เจ๊อ เตเต๊เห่ เจ๊อ.

เพรโด่แนพู๊ เต๊เห่ 4:30

เด๊อะโล เน เตโพรเตเตอเรอ เด๊อ อา เก่ แหย่โอ่เหม่ อู อาเง, เร๊อ เตเม อาโค๊ตีกลี๊ เต๊เห่ เร๊อ เตเม ตาปาคย๊ายื๊อ เต๊เห่, เร๊อ เด๊อ เน หลู่เล๊บูโพ๊ แบ่เจ่เหย่ซู่ เออเตเพร อามุยคยา เร๊อ นอโอ่โลแถ่ ดื่อ เตเออเต๊เห่ นี๋.”

ꤛꤥ꤭ꤟꤢ꤬ 14:12

แว เฮ๊จ๊อจ๊อ ซี, แกแย เด๊อ อา หยื่อเอ่ แว เต๊เห่เนอ, อา เก่ เมเต เด๊อ แว เมโทเฮ๊อ เออเนอเต๊เห่ ปา. แว เตเร จว๊าเฮ๊อ เด๊อ เพ อา โอ่ อาขว่าอาคยา, อา เก่ เมดุ เมแหล่ เมเอ๊เล๊อ เล๊อปา เจ๊อ เร๊อ เออเต๊เห่ ปา.

ꤜꤢꤨꤊꤢ꤬ 9:11

เบ๊อะแกแย เบ๊หมู่ หนิโฮ เร๊อ แบ่เจ่ เหย่ซู่ เร๊อ อา โคเจ่ เต๊เห่ จว๊าเฮ๊อ เด๊อ เมอ เนอตีวี เบ๊อะเนอ, เหย่ซี ครวาจว๊าเกอ แลแค เบ๊อะเนอ เหย่ซู่ เอ๊โมฉื่อ เหย่ซี เร๊อ แด๊โฉ่โด่แน เป่ เหย่ซี เร๊อ จอแปแหร่ อาเทออาเก่ อาหรี่อาแก เร๊อ อา แหย่โอ่เหม่ เป่ แกแย เต๊เห่ อา เตชุ๊ยเตเช.

ꤜꤢꤨꤊꤢ꤬ 5:17

เตอเนอเค เบ๊อะเหย่ซู่ อิซว๊าอี๊แส่ตา อูเบ๊อะเนอ, ฟาริสี เต๊เห่ เร๊อ เพรอิซว๊า เตซว๊าเตแส่ อาซ๊าร๊า เต๊เห่ โอ่แนโอ่ เกอ แลแค เบ๊อะเนอ. เหย่ซี เออเต๊เห่ เนอหม่า อา โอ่ แลแค เฮ๊อ เด๊อ ล๋อ ดอ โอ่ เด๊อ กาลิลี เก่กู, เนอเต๊เห่ เร๊อ ล๋อ ดอ โอ่ เด๊อ ยูดาห์ เก่กู เนอเต๊เห่ เร๊อ เด๊อ วีเยรูซาเล็ม อากูเนอ แฮ เฮ๊อ. แซ่ฮู๊ เหย่ซู่ เก่ แหย่โอ่เหม่ เป่ แกแยชุ๊ยแกแยเช เออเต๊เห่ เนอเรอ แบ่เจ่ จอแปแหร่ อา เตโพรเตเตอเร๊อ โอ่ เกอ เร๊อ เหย่ซู่.

มัทธิว 8:16

เบ๊อะ เหมาะเฮ๊หม่อตา เบ๊อะเนอ, อู แฮซู โร๊ลู แกแย เด๊อ โลเน๊โลหน่า เมเบ่ ลู เต๊เห่ เด๊อ เหย่ซู่ อา โอ่. อา เฮ๊ตา แพ๊ อาโหง่ ตือมือมือ แพ๊ เร๊อ โลเน๊โลหน่า เถ่จว๊าแก ลอ. เร๊อ อา แหย่โอ่เหม่ เป่ ลอปลี ล๋อ อูชุ๊ยอูเช เนอเต๊เห่.

มัทธิว 4:24

แบ่เจ่ อามุย โลปีชี จว๊าลอ ซีเรียเก่ เต๊เก๋เล อาขว่าอาคยา, อู เอ๊แฮ แกแย เด๊อ อา เบ่ เตชุ๊ยเตเช ปว๊าเต๊อเจ่อ เด๊อ ลูโอ่. เร๊อ อู เอ๊แฮ แกแย เด๊อ อา เชจาเชจือ ลูเหน่ เต๊เห่, โลเน๊โลหน่า เมเบ่ ลู เต๊เห่, อา ตีมุยแท๊ ซี เต๊เห่, เร๊อ อา เซอชิกยา ซี เต๊เห่ เด๊อ อา โอ่ เร๊อ อา แหย่โอ่เหม่ ลอเป่ อู ปว๋า เตเพร.

โครินธ์ อาเหร่อเล๊อ ต๊าบ่า 12:9

เต๊เห่เห่เนอ แหย่โยบูโพ๊ แบ่เจ่ เด๊อะตา ลู เตหยื่อชอ, เต๊เห่เห่เนอ อา เด๊อะตา ลู เตโพรเตเตอเรอ เด๊อ อา เมโอ่เหม่ เป่ อู เตชุ๊ยเตเช เต๊เห่.

มัทธิว 2:16

เบ๊อะคุ๊ยเฮโรด ซิเงเฮ๊อ เร๊อ เพรลีแมลีเพ๊ เต๊เห่ แลโฮแก เฮ๊อ ลู เบ๊อะเนอ, อา ซิปล่อดุ แหน่แหน่ เจ๊อ ฮู๊ อา แม๊ปูซิเง ตาเต หนิโทเฮ๊อ เด๊อ เพรลีแมลีเพ๊ เออเต๊เห่ อาลู เน๊อ เฉ่ โอ่โลเถ่ เป่ เหย่ซี เบ๊อะเกเต เนอ, อา นอเมเซอ ลอ เพรคู เป๊เจ่พู๊ เนอหนะ ตากาแล เต๊เห่ เด๊อ อา โอ่ เด๊อ วีเบธเลเฮม อากูเนอ เร๊อ ดอโอ่ ตีวี๊ตาวา เบ๊อะเนอ ล๋อ ปลี.

เพรโด่แนพู๊ เต๊เห่ 5:15

เพรโด่แนพู๊ เต๊เห่ ย๋อ เม อาโค๊ตีกลี๊ เป่ เฮ๊อ อู เตเออเต๊เห่ อาขว่าอาคยา, เบ๊อะคูเปโตร จว๊ารว๊า แกล๊กู เบ๊อะเหย่ซี แก่ช๊า เออ เบ๊อะเนอ, แซ่ฮู๊ อา แหย่โย เก๊โอ่ เก่ตาเบ่ เพรชุ๊ยเพรเช เออเต๊เห่ เนอเรอ, แกแย เต๊เห่ แย๊แฮหนิ แลแค แกแยชู๊ยแกแยเช เต๊เห่ เร๊อ อา แฮ เด๊แล เป่ เหย่ซี อาเหล่เมอ เต๊เห่, เหล่เด เต๊เห่ เด๊อ แกล๊ดุกู.

เพรโด่แนพู๊ เต๊เห่ 5:17

เออโตโพ๊เรอ เพรหลู่แต กู่กล๊อดุเล๊อ เตเพร เร๊อ ล๋อ เพร เด๊อ อา ครวาเกอ ลูคยา เด๊อ อา โอ่ป่าโน เต่อเกอ เด๊อ สะดูสีพู๊ ตู๊หมู่ตอกล๊อ เบ๊อะเนอ เต๊เห่, ซิค๊าซิเถ่ ตื๊อดื่อ เจ๊อ เพรโด่แนพู๊ เต๊เห่ เออเต๊เห่ เจ๊อ.

ꤜꤢꤨꤊꤢ꤬ 6:18

เหย่ซี ซิหยื่อ หนิโฮ แลแค เหย่ซู่ อา เตเฮ๊เบ่โด่แหน่ โท๊โต่ อา ซิหยื่อ นอแหย่โอ่เหม่ แลแค เหย่ซู่ เร๊อ อา เตชุ๊ยเตเช เร๊อ อา แฮ แลแค แพ๊. เหย่ซู่ เหว่เถ่แก เป่ แกแย เด๊อ โลเน๊ เมเบ่ ลู เนอเต๊เห่.