เพรโด่แนพู๊ เต๊เห่ 4:32 - ลีเทส่อพ๊าอาเซ เร๊อ เห่ขุทวาลู๊

³² เพร เด๊อ อา หยื่อเอ่แหน่หยื่อรี เต๊เห่เนอ เหย่ซี โอ่ลู เร๊อ ซิปล่อ เตเม๋ จือ, เตเตเน เต๊อเจ๋อลู. เหย่ซี ตาหมื่อตาเต เต๊เห่เนอ เหย่ซี แด่กว๊า เกอเร๊อ แลแค เร๊อ อาเต เตเพร่ว โต่. เตเด๊อ อา โอ่ เร๊อ เหย่ซี เต๊เห่เนอ เหย่ซี เอ่โหร่พย๊าโหร่ แคลู.

Eastern Kayah Shadaw Dialect

³² ꤖꤚꤢꤩ꤬ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ꤒꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤛꤢꤩ꤬ꤞꤤ꤭ ꤥ꤬ꤜꤢꤨ꤭ ꤔꤢꤧ ꤞꤤꤕꤜꤢꤪ꤬ ꤒꤣ꤬ꤗꤢꤩ꤭ꤡꤢꤦ꤭, ꤒꤢꤩ꤬ꤒꤣꤧ꤬ꤔꤢꤩ꤬ ꤒꤣ꤬ꤡꤣ꤬ꤡꤢꤦ꤭꤯ ꤛꤢꤩ꤬ꤞꤤ꤭ ꤒꤢ꤭ꤗ꤫ꤥ꤬ꤒꤢ꤭ꤒꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤛꤢꤩ꤬ꤞꤤ꤭ ꤘꤢꤧꤊꤝꤢ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤔꤢꤧ ꤢ꤬ꤒꤢꤩ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯ ꤒꤢꤩ꤬ ꤘꤣ ꤢ꤬ ꤥ꤬ ꤔꤢꤧ ꤛꤢꤩ꤬ꤞꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤛꤢꤩ꤬ꤞꤤ꤭ ꤢꤩ꤬ꤚ꤫ꤥ꤬ꤖꤛꤢꤚ꤫ꤥ꤬ ꤋꤛꤢ꤭ꤜꤢꤨ꤭꤯

เพรโด่แนพู๊ เต๊เห่ 4:32 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 1:10

แวโป่แวแหว่ ซี๋ กู๊แหน่เออ แว กุยซิยอ ฉว่าแหน่ เฮ๊อ ซี เน๊อ เตเตอเรอฉว่าชอ เด๊อ แบ่เจ่ เหย่ซู่ครี๊ เด๊อะ แว เออเนอเฮ๊อ. แว ซิหยื่อ กุยซิยอ ซี หม่า ฮู๊เตเฮ๊เนอ, แว ซิหยื่อ เด๊อ ซี เก่ โครเกล ลู, โอ่โค๊เมโค๊ลู ตู๊หมู่ เร๊อ ตู๊หมู่ แต่เหม่. แว ซิหยื่อ แฉ่ครวา ซี เน๊อ ซี เหล่เตเน เต๊เห่ เบ่เบ่, ซี เตเตเนหนื่ออื่อ เต๊เห่ เบ่เบ่, นอ แซ่ แพ๊ ลู เต๊อเจ่อเจ่อ แพ๊ นี๋.

เปโตร อาเหร่อเล๊อ ต๊าบ่า 3:8

แว ซิหยื่อ เฮ๊ โป่ ซี เด๊อคยาเล๊อ เนอ, ซี ปว๋า เตเพร โตเบ่ โอ่ลู เร๊อ เหล่เตเน เต๊อเจ่อโต, เตแด่ซิปล่อสู่เทอ เตอเจ๋อโต นี๋. โม เกอเร๊อ เกอลู เตเพร เร๊อ เตเพร ฮู๊ โป่แหว่ เนอ นี๋. ซิยอ เกอเร๊อ ลู เตเพร เร๊อ เตเพร เร๊อ แด่หยว่า แลแค ซี ซิปล่อ เตเพร เร๊อ เตเพร นี๋.

โครินธ์ เนอบ่า ต๊าบ่า 13:11

โคแบ๊ซว๊า ซี๋, แว ซิหยื่อ เฮ๊ ซี เด๊อ คยาตื๊อดื่อ เน๊อ, ซิลอซิอือ แลแค นี๋. เมแร๊กาคยา แลแค ซี เตโอ่เซอเพร นี๋. หนิดา แลแค แว เตกุยซิยอ ซี เออเนอ เต๊เห่ นี๋. โอ่ปล๊อโอ่ปลู, โอ่เพรโอ่ดือ เกอเร๊อดื่อ ลู นี๋. ซี เก่ เมฮู๊เนอ เฮ๊เรอ จอแปแหร่ เด๊อ อา หม่าดื่อ เตโม เร๊อ เตเพรอาดือ อา แก่ช๊าแก่แร เออเตเพร เก่ โอ่ เกอดื่อ เร๊อ ซี ปา.

เพรโด่แนพู๊ เต๊เห่ 2:1

เบ๊อะม๊อเนอ เด๊อ อู เฮ๊ เร๊อ เพ็นเทคอสต์ แฮโต่เฮ๊อ เบ๊อะเนออาเค, เหย่ซี ล๋อ ปลี แฮ โอ่ปล๊อโอ่ปลู โหร่ลอ ลู เด๊อ เหล่โอ่ โต๊โผ่โต.

ฟีลิปปี 1:27

อา ทวาแถ่ ฮู๊เต๋ เบ่เบ่, ซี โต โอ่เซอเพร แลแค ฮู๊ ครี๊ อา เตซิครือมีลา แด๊โฉ่ เป่ ซีเนอ นี๋. ซี เก่ เมฮู๊เนอ เฮ๊เร๊อ แว แฮแม๊เถอะ ซี เบ่เบ่, แว โอ่ตาพายา เร๊อ ซี เร๊อ แว หนิโฮ แพ๊ ซีหรี่ซีแก เบ่เบ่, แว เก่ ซิเง แหน่ดื่อเฮ๊อ เร๊อ ซี ซิปล่อ จี่จื่อเฮ๊อ ลู เร๊อ ซี ก๊อถ่อช๊าฉื่อ แตแนโหร่เฮ๊อ ลู เด๊อ เตซิครือมีลา อา เตหยื่อเตแหน่ อาเงเฮ๊อ. โท๊โต่ ซี ชิอิเช ปา แกแย เด๊อ อา ซิเถ่ซิฮา ซี เนอเต๊เห่ อาเหล่ โต่เฮ๊อ. ซี เก่ เมฮู๊เนอ เฮ๊เรอ ซี ข่าเฮ๊โล เป่เฮ๊อ เหย่ซี เร๊อ จอแปแหร่ เก่ เมปย๊าแก เหย่ซี ปา, เร๊อ จอแปแหร่ เก่ เมแลเปล๊กา ลาติ ซี เร๊อ อาเหน่ เร๊อดื่อ ปา.

เพรโด่แนพู๊ เต๊เห่ 1:14

เหย่ซี เออเต๊เห่เนอ อา แฮ แม๊เถอะ ตาฉื่อ ตาปล๊อ โตโมโม เร๊อ เพรเหมาะ เด๊อ อาโรเต๊เห่ เร๊อ เหย่ซู่ อาโหมะ มารีย์ เร๊อ เหย่ซู่ อา โป่เพรคู เต๊เห่ เร๊อ เหย่ซี กุยจ๊อเบ โหร่ลอ ลู เบ๊อะเนอ.

ꤛꤥ꤭ꤟꤢ꤬ 17:11

แว โอ่ ตื๊อดื่อ ปา เด๊อ เห่ขุเออ โต่, หม่าแน๊เรอ เหย่ซี เออเต๊เห่ เก่ โอ่ ตื๊อดื่อปา เด๊อ เห่ขุเออ ปา. แวเร๊อ, แว เก่ กาคยา คยาแซ๊ เด๊อ เนโอ่ ปา. เก๋อ เพ บูโพ๊! แซ่ฮู๊ เหย่ซี เก่ โอ่ลู เร๊อ ซิปล่อ เตเมเม๋ แพ๊ ฮู๊ แว เร๊อ เน โอ่ลู เร๊อ ซิปล่อ เตเมเม๋ แพ๊ อากูเนอ, ตอกอเตเก บี๊หนิดื่อ เหย่ซี เร๊อ เนมุย เด๊อ อาโพรอาฉว่าอาชอ, เนมุย เด๊อ เน เด๊อะ แว เออเนอ นี๋.

เปโตร อาเหร่อเล๊อ ต๊าบ่า 4:11

อูเปเป๋ เบ่เบ่, อา เก่ แด๊โฉ่โด่แน เป่ อู เฮ๊เนอ, อา เบ่ แด๊โฉ่โด่แน เป่ อู ฮู๊ จอแปแหร่ เฮ๊เบ่ อู เร๊อ อา นอแด๊โฉ่โด่แน แฮเง เร๊อ เนเนอ. เร๊อ อู เปเป๋ เบ่เบ่ เด๊อ อา เก่ เมหลู่เล๊ เตเม เฮ๊เนอ, อา โตเบ่ เม เร๊อ อ๊าเหร่ เด๊อ จอแปแหร่ เด๊อะตา ลู เนอเต๊เห่. เก่ เมฮู๊เนอ เฮ๊เรอ, เด๊อ เหย่ซู่ครี๊ อาขว่าอาคยา, อู เก่ ถู่เซ๊แถ่ จอแปแหร่ เร๊อ ล๋อ เต เด๊อ ซี เม เออเต๊เห่ อาขว่าอาคยา ปา. จอแปแหร่ เก่ พย๊า หนิดื่อ เตเตอเรอดุ เตอเรอทู เร๊อ เตโพรเตเตอเรอ ตูจูเพร แตแลเคร๊ นี๋. อาเมน.

ꤚꤥꤗꤢꤩ꤬ 12:5

ฮู๊เนอเฮ๊อ เป โอ่โหร่โอ่เอ๊ หม่าแน๊เรอ เป ทวาแถ่เฮ๊อ ลู เหน่ เตเพรเพร่ว แพ๊ เด๊อ ครี๊ อากูเฮ๊อ. เป โอ่จิจือเต่อ ลอเฮ๊อ ลู ปว๋า เตเพรเฮ๊อ.

เพรโด่แนพู๊ เต๊เห่ 5:12

เตเม อาโค๊ตีกลี๊ เต๊เห่ เบ่เบ่, เตเม ตาปาคย๊ายื๊อ เต๊เห่ เบ่เบ่, เพรโด่แนพู๊ เต๊เห่ เมโล เป่ เอ๊ลา อู ล๋อ เพรหยื่อเอ่ เออ เต๊เห่ แฮ แม๊เถอะ ตาฉื่อ ลู เด๊อ เตหลู่แตโฮ เบ๊อะเนอ โต๊โผ่ เด๊อ อู เฮ๊ เร๊อ คุ๊ยซาโลมอน หี่ล๊าเก่ เออเนอ อากู.