เพรโด่แนพู๊ เต๊เห่ 4:31 - ลีเทส่อพ๊าอาเซ เร๊อ เห่ขุทวาลู๊

³¹ เบ๊อะเหย่ซี กุยจ๊อเบ โทเฮ๊อ เบ๊อะเนอ, เหล่โอ่ เบ๊อะเหย่ซี เหล่โอ่ปล๊อ เต่อลู เนอโต๊โผะ อา อาว๊าหรี่รือเจ๊อ เร๊อ เหย่ซี เล๊อบา ลอปลี เร๊อ แหย่โยบูโพ๊แบ่เจ่ ปว๋า เตเพร เร๊อ เหย่ซี ปว๋า เตเพร แด๊โฉ่โด่แน คือฮา เป่ แลแค อู เร๊อ จอแปแหร่ อาหรี่อาแก.

Eastern Kayah Shadaw Dialect

³¹ ꤙꤣꤧ ꤛꤢꤩ꤬ꤞꤤ꤭ ꤊꤝꤤ꤭ꤡꤢꤪꤙꤢꤩ꤭ ꤓꤥ꤭ꤟꤣꤧ ꤢ꤬ꤋꤢꤩ꤭ꤔꤣꤧ꤬, ꤜ꤫ꤢꤩ꤬ꤥ꤬ ꤙꤣꤧ ꤛꤢꤩ꤬ꤞꤤ꤭ ꤜ꤫ꤢꤩ꤬ꤥ꤬ꤕꤜꤢꤪ ꤒ꤫ꤣ꤬ꤜꤢꤨ꤭ ꤔꤣꤧ꤬ꤒꤣ꤬ꤖꤥ꤬ ꤢ꤬ ꤊꤣꤧ꤬ꤛꤥ꤭ꤚ꤫ꤢꤩ꤬ꤚꤢꤦ꤭ꤓꤢꤧ꤬ ꤚꤣꤧ꤬ ꤛꤢꤩ꤬ꤞꤤ꤭ ꤜꤣꤙꤢ꤭ ꤜꤢꤪ꤭ꤕꤜꤤ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤚꤣꤧ꤬ ꤛꤢꤩ꤬ꤞꤤ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤋꤢꤦ꤭ꤋꤢꤦ꤭ꤟꤢ꤭ꤟꤢ꤭ ꤜꤢ꤭ꤋꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤚꤤ꤬ꤢ꤬ꤊꤢꤧ꤭꤯

เพรโด่แนพู๊ เต๊เห่ 4:31 ပူးပေါင်းရင်းမြစ်များ

มัทธิว 21:22

ซี เก่ หยื่อเอ่ เนอ, ซี กุยเต เด๊อ เพ จอแปแหร่ อา โอ่ อิเตเต๋ เบ่เบ่ ซี พย๊าหนิ ปา.”

เพรโด่แนพู๊ เต๊เห่ 2:4

เหย่ซี เล๊อบา ล๊อปลี เร๊อ แหย่โยบูโพ๊แบ่เจ่ ปว๋า เตเพร เร๊อ เหย่ซี เฮ๊เบ่เถ่ ลอ เน๊อ โหง่โค๊ตีกลี๊ ฮู๊ แหย่โยบูโพ๊แบ่เจ่ นอเฮ๊เบ่ เหย่ซี เนอเต๊เห่.

ꤡꤛꤢꤩ꤭ꤗꤢ꤬ꤎꤣ꤬ 1:5

หม่าแน๊เรอ เด๊อ ซีเกล เนอ, แกแย เตเพรเพร เก่ โหล่เบ่ เตลีแมแจ่ เก่เฮ๊เรอ, อา โตเบ่ กุยแถ่ เด๊อ จอแปแหร่ อา โอ่ เร๊อ จอแปแหร่ เก่ เด๊อะตา ดื่อ อา ปา เมเตเฮ๊เรอ, จอแปแหร่ ซิพรวาฉื่อ แกแย เด๊อ อา กุยแถ่ ลู เนอ อา โอ่เตเพร๋ โต่. อา ซิยอเกอเร๊อ อู ปว๋า เตเพร, เร๊อ อา ซิหยื่อ เด๊อะ เป่ อู ปว๋า เตเพร เจ๊อ.

เพรโด่แนพู๊ เต๊เห่ 2:2

เตพรารื๊อพราเต๊ แถ่ คย๊า เด๊อ ม๊อเล เร๊อ อา พรา แซ่เจ๊อเน๊อ เก่แลเซ๊ แลแลดุ แฮเนอเร๊อ อา แฮแล โน เด๊อ เหย่ซี โอ่แนโอ่ เกอเร๊อ หี่เนอ เตเม อากู เร๊อ อา พรา ลอ เจ๊อ หี่เตเม เจ๊อ.

เพรโด่แนพู๊ เต๊เห่ 4:29

หม่าแน๊เนอ, เก๋อ แบ่เจ๋, หนิดา แม๊มอ เหย่ซี เฮ๊ ต๊อหร่อเซ๊ ซิอิเช แลแค เป กู๊แหน่เออ เต๊เห่เนอ, โท๊โต่ แซ่ฮู๊ เป ทวา เนหลู่ เออเต๊เห่ เก่ เฮ๊เบ่คือเฮ๊บื่อ แร๊เกอ เนหรี่เนแก เนอเร๊อ, เมจว่าเหร่อ เป.

ꤛꤥ꤭ꤟꤢ꤬ 15:7

ซี เก่ โอ่จิจือหมะ เด๊อ แวกู, เร๊อ แวลาแวโหง่ เก่ โอ่จิจือหมะ เด๊อ ซีกู เก่เฮ๊เรอ ซี ซิหยื่อกุย อิเตเต๋ เบ่เบ่ เนอ, แว เก่ เด๊อะ ซี ปา.

ꤛꤥ꤭ꤟꤢ꤬ 14:12

แว เฮ๊จ๊อจ๊อ ซี, แกแย เด๊อ อา หยื่อเอ่ แว เต๊เห่เนอ, อา เก่ เมเต เด๊อ แว เมโทเฮ๊อ เออเนอเต๊เห่ ปา. แว เตเร จว๊าเฮ๊อ เด๊อ เพ อา โอ่ อาขว่าอาคยา, อา เก่ เมดุ เมแหล่ เมเอ๊เล๊อ เล๊อปา เจ๊อ เร๊อ เออเต๊เห่ ปา.

ꤛꤥ꤭ꤟꤢ꤬ 15:16

ซี นว๊าแถ่ แว หม่าโต่. แว นว๊าแถ่ ซี เร๊อ แว แด่แถ่เฮ๊อ ซี เด๊อ ซี เก่ เถ่จว๊า แลแค เร๊อ จว๊า เส่แถ่อาโพแถ่ เอ๊ แลแค. แว แด่แถ่เฮ๊อ ซี เร๊อ ซี เก่ เส่จิจือหมะ แลแค เด๊อ อาตื๊อดื่อ. ซี เก่ เมฮู๊เนอ ตื๊อหม่า ซี กุย อิเตเต๊ เบ่เบ่, ซี เก่ กุย เร๊อ แวมุย เฮ๊เนอ, เพ เก่ เด๊อ ซี ปา.

ฟีลิปปี 1:14

เด๊อ อู ด๊อตา แว เด๊อ ทอกู อาขว่าอาคยาเร๊อ, โป่แหว่ ครี๊พู๊ โอ่โหร่โอ่เอ๊ อา เตหยื่อเอ่หนิ แบ่เจ่ เออเนอ อา ฉว่าแถ่ชอแถ่ โต่ แลแค เร๊อ อา แด๊โฉ่โด่แน ฮา แฮ เป่ เฮ๊อ อู เร๊อ จอแปแหร่ อาลาอาโหง่, เร๊อ เหย่ซี ชิอิเช ปา แลแค เตอ เจ๋อ โต่ เฮ๊อ.

เพรโด่แนพู๊ เต๊เห่ 2:1

เบ๊อะม๊อเนอ เด๊อ อู เฮ๊ เร๊อ เพ็นเทคอสต์ แฮโต่เฮ๊อ เบ๊อะเนออาเค, เหย่ซี ล๋อ ปลี แฮ โอ่ปล๊อโอ่ปลู โหร่ลอ ลู เด๊อ เหล่โอ่ โต๊โผ่โต.

เพรโด่แนพู๊ เต๊เห่ 4:13

แกแยยิวพู๊ เด๊อ อา ทวาดุทวาเต เต๊เห่เนอ, อา แม๊เถอะ เร๊อ คูเปโตร เร๊อ คูยอห์น ซิปล่อคือเฮ๊บื่อ เร๊อ อา ซิเง เร๊อ เหย่ซี หม่า แกแย แจ่ลีแจ่ลา หม่าโต่ โท๊โต่ เหย่ซี หม่า แกแย แจ่ลีแจ่ลาโต่ เต๊เห่ อาขว่าอาคยา, อา คย๊ายื๊อ แลแค เจ๊อ. โท๊โต่ เหย่ซี ซิเง โป่ เร๊อ คูเปโตร เร๊อ คูยอห์น หม่า แกแย เด๊อ อา ครวาแบ๊ซว๊า เกอ เร๊อ เหย่ซู่ เต๊เห่.

เพรโด่แนพู๊ เต๊เห่ 14:3

เพรโด่แนพู๊ เต๊เห่ เออซิเนอ โอ่ งยา กู๊ลา เบ๊อะเนอ. เร๊อ เหย่ซี ซิเลแถ่หนิ แบ่เจ่ เหย่ซู่ เด๊อ อา เก่ เมจว่า เหย่ซี อาขว่าอาคยา, อา แด๊โฉ่โด่แน คือฮา บื่อ เป่ เจ๊อ อู. แบ่เจ่ เด๊อะ เหย่ซี เตเมแจ่ เตตาปา คย๊ายื๊อ ซีเต๊เห่ เร๊อ อาเมวโค๊ตีกลี๊ อา เตม๊าเตแด เออเต๊เห่ เนอหมา หม่าเฮ๊อ แบ่เจ่ ข่า เฮ๊ โล เน๊อ เตบุ๊ยเตเตอเรอ อาหรี่อาแก เด๊อ เพรโด่แนพู๊ เต๊เห่ แด๊โฉ่ เป่ อู เต๊เห่ เนอหม่า อา หม่าแหน่เฮ๊อ เนอแพ๊.

ฟีลิปปี 1:20

แว เตซิหยื่อ เร๊อ แว เตแม๊ชือ หม่า อิเต เฮ๊เรอ, เด๊อ ครี๊ อา เป๊เส่เง ปาเนอ, แว เกล๊ ซิเตเรน๊อ แหน่ ปา ตีกี๋ โต่ เฮ๊อ. แว เซอเพร เบ่เบ่, แว เซอ เบ่เบ่, แซ่ฮู๊ อู เก่ ถู่เซ๊แถ่หนิ ครี๊ อาเงเนอเรอ, แว ซิหยื่อ โอ่เซอเพร เล๊อบา เจ๊อ เร๊อ เตซิปล่อคือฮา ฮู๊ แว คือแฮ เกอเร๊อ ปว๋า โตโพ๊ เนอแพ๊.