เพรโด่แนพู๊ เต๊เห่ 4:30 - ลีเทส่อพ๊าอาเซ เร๊อ เห่ขุทวาลู๊

³⁰ เด๊อะโล เน เตโพรเตเตอเรอ เด๊อ อา เก่ แหย่โอ่เหม่ อู อาเง, เร๊อ เตเม อาโค๊ตีกลี๊ เต๊เห่ เร๊อ เตเม ตาปาคย๊ายื๊อ เต๊เห่, เร๊อ เด๊อ เน หลู่เล๊บูโพ๊ แบ่เจ่เหย่ซู่ เออเตเพร อามุยคยา เร๊อ นอโอ่โลแถ่ ดื่อ เตเออเต๊เห่ นี๋.”

Eastern Kayah Shadaw Dialect

³⁰ ꤘꤣꤧꤜꤥ꤭ ꤔꤢꤧ꤬ ꤒꤣꤧ꤬ꤚꤣꤧ꤭ꤖꤚꤥ꤬ꤖꤚꤢꤧ꤬ ꤘꤣ ꤢ꤬ ꤊ꤫ꤢꤦ꤬ ꤛ꤫ꤢꤧ꤬ꤥ꤬ꤗ꤫ꤢꤩ꤬ ꤢꤨ꤭ ꤢ꤬ꤑꤢꤩ꤭, ꤔꤢꤧ ꤒꤢꤩ꤬ꤗꤢꤩ꤬ ꤋꤥꤒꤣꤧ꤬ꤊꤜꤤ ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤗꤢꤩ꤬ ꤒꤣꤧ꤬ꤕꤢ꤬ꤋꤛꤢꤛꤢꤦ ꤒꤣꤧ꤬ꤟꤢꤩ꤬, ꤚꤣꤧ꤬ ꤘꤣ ꤔꤢꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ꤗꤢꤩ꤬ ꤡꤢꤪꤡꤢꤪꤒꤢꤩ꤬ꤒꤢꤩ꤬ ꤔꤢꤧ꤬ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤛꤢꤩ꤬ꤏꤛꤢꤨ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤗꤝꤤ꤭ꤋꤛꤢ꤭ ꤚꤣꤧ꤬ ꤔꤢꤪ꤭ꤥ꤬ꤜꤥ꤭ꤓꤢꤧ꤬ ꤘꤢꤦ꤬ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤔꤤ꤮꤯”

เพรโด่แนพู๊ เต๊เห่ 4:30 ပူးပေါင်းရင်းမြစ်များ

เพรโด่แนพู๊ เต๊เห่ 4:27

กู๊แหน่เร๊อ เด๊อ วีกู เออเนอ อา ทวาแถ่เฮ๊อ อาเหน่ ฮู๊เนอ เฮ๊อ! เมเตเฮ๊เร๊อ คุ๊ยเฮโรด เร๊อ ปอนทัสปีลาต โอ่กู๊โอ่แก๊ ตาฉื่อ เร๊อ แกแยยิวพู๊ หม่าโต่ เต๊เห่ เร๊อ แกแยยิวพู๊ เต๊เห่ เบ๊อะวีกูเออ. เร๊อ อา เตเน เมเซอ โหร่ลู เหย่ซู่ หม่าดื่อ เน หลู่เล๊บูโพ๊ เด๊อ เน เด๊อะทวา อา เร๊อ ครี๊ เออเนอ เตเพร.

เพรโด่แนพู๊ เต๊เห่ 3:6

หม่าแน๊เรอ คูเปโตร เฮ๊ ลู เน๊อ, “แวรือแวเท โอ่ เตเป๊ โต่, หม่าแน๊เรอเตเด๊อ อา โอ่ เร๊อ แว เออเนอ, แว เก่ เด๊อะ เน. เด๊อ วีนาซาเร็ธพู๊ เหย่ซู่ครี๊ เด๊อ อามุย โอ่ เร๊อ เตอเรอ ฉว่าชอ เออเตเพร ขว่าคยาเร๊อ แว เฮ๊ เน, ก๊อถ่อ จว๊ามอ!”

เพรโด่แนพู๊ เต๊เห่ 6:8

คูสเทเฟน เด๊อ อา เล๊อบา เร๊อ จอแปแหร่ อาบุ๊ยอาเตเตอเรอ เร๊อ อา เพรโพรเตเตอเรอ เออเตเพรเนอ, อา เมโล เป่ อู โอ่ เบ๊อะเนอ เต๊เห่ เร๊อ เตเม อาโค๊ตีกลี๊ เต๊เห่ เร๊อ เตเม อาตาปา คย๊ายื๊อ เต๊เห่ เบ๊อะเนอ.

เพรโด่แนพู๊ เต๊เห่ 5:12

เตเม อาโค๊ตีกลี๊ เต๊เห่ เบ่เบ่, เตเม ตาปาคย๊ายื๊อ เต๊เห่ เบ่เบ่, เพรโด่แนพู๊ เต๊เห่ เมโล เป่ เอ๊ลา อู ล๋อ เพรหยื่อเอ่ เออ เต๊เห่ แฮ แม๊เถอะ ตาฉื่อ ลู เด๊อ เตหลู่แตโฮ เบ๊อะเนอ โต๊โผ่ เด๊อ อู เฮ๊ เร๊อ คุ๊ยซาโลมอน หี่ล๊าเก่ เออเนอ อากู.

เพรโด่แนพู๊ เต๊เห่ 3:16

ซี แม๊เถอะซิเงเฮ๊อ เร๊อ แกแย กู๊โด่ด๊าตือรือ เออเตเพร เนอหม่า หม่าเด๊อ อา หยื่อเอ่ เหย่ซู่ อามุย อาขว่าอาคยาเร๊อ, อา แร๊กาคยา แพ๊. เป ซิเง เน๊อ เออเนอหมา หม่า เด๊อ อา หยื่อเอ่ เหย่ซู่ อาขว่าอาคยา, เหย่ซู่ เมแร๊ ลอหล่าตี๊กลิ ลอ เจ๊อ ลู ฮู๊ ซี ล๋อ ปลี แม๊เถอะ ลอดื่อเฮ๊อ กู๊แหน่ เออเนอเฮ๊อ.

เพรโด่แนพู๊ เต๊เห่ 2:43

เพรโด่แนพู๊ เต๊เห่ เมโล เตตาปา อาคย๊าอายื๊อ เต๊เห่ เน๊อ เตโค๊ตีกลี๊ อา เตม๊าเตแด เต๊เห่ อาขว่าอาคยา, อูปว๋า เพร ซิอิเช แด่ดุหยื่อแหน่ ล๊อปลี จอแปแหร่ เจ๊อ.

เพรโด่แนพู๊ เต๊เห่ 2:22

เร๊อ คูเปโตร เฮ๊ โป่ เน๊อ, “แวโค อิสราเอล ซี๋, หนิดา แลแค แว เตเฮ๊เบ่เออ! เบ๊อะวีนาซาเร็ธ เหย่ซู่ โอ่เตอเกอ เร๊อ ซี เบ๊อะเนอ, อา เด๊อะโล เอ๊ เป่โทเฮ๊อ ซี เตเม อาโค๊ตีกลี๊ เต๊เห่ เนอ เตเม อาตาปา อาคย๊าอายื๊อ เต๊เห่ เน๊อ เตเม อาโค๊ตีกลี๊ อา เมม๊าเมแด เด๊อ จอแปแหร่ เด๊อะโพรเด๊อะเตอเรอ ลู เออเนอเต๊เห่ เฮ๊อ. เออเนอหมา อา เด๊อะโลเฮ๊อ เน๊อ เหย่ซู่ หม่า อา โอ่ เด๊อ จอแปแหร่ อา โอ่แฮ ฮู๊เนอ เฮ๊อ. อา เม เป่ โทลอเฮ๊อ เตเม เออเต๊เห่ เนอหม่า ซี ซิเง โทดื่อเฮ๊อ.

เพรโด่แนพู๊ เต๊เห่ 4:10

ล๋อ ซี เออเต๊เห่ เบ่เบ่, อิสราเอล อากลุยอาแล ล๋อ ปลี เบ่เบ่, อา โต ซิเง แลแค เร๊อ แกแย กู๊โด่ด๊าตือรือ เออเตเพร ก๊อถ่อจว๊าแจ่ แร๊กาคยา คยาแซ๊ เด๊อ ซี เป๊เส่เง กู๊แหน่เออ เนอหม่า หม่าเด๊อ วีนาซาเร็ธพู๊ เหย่ซู่ครี๊ อามุย อา เตโพรเตเตอเรอ อาขว่าอาคยา แพ๊. เหย่ซู่ครี๊ หม่า ซี มือเซอแถ่ อา เด๊อ อี๊ถื่อดีเต่ลู เนอเตเพร เฮ๊อ, หม่าแน๊เร๊อ จอแปแหร่ เมเซอเพร กาคยา คยาแซ๊ อา เด๊อ เตเซอ เฮ๊อ.

ꤛꤥ꤭ꤟꤢ꤬ 4:48

เหย่ซู่ เฮ๊ อา เน๊อ, “ซี ดาแม๊เถอะ เป่ปา เตโค๊ตีกลี๊คยา เร๊อ อาคย๊าอายื๊อ เต๊เห่ โต่ เฮ๊เรอ, ซี หยื่อเอ่ เจ๊อ ตีกี๋ โต่.”

เพรโด่แนพู๊ เต๊เห่ 3:13

เพอับราฮับ, เพอิสอัด เร๊อ เพยาโคบ เต๊เห่ อา จอแปแหร่ เน๊อ เป โหมะเพเพอโพ เด๋อ หนู่เค เต๊เห่ อา จอแปแหร่ เด๊อะโล แถ่เฮ๊อ อา เตลีเตเค เนอ อาหลู่เล๊ เหย่ซู่ เออเนอ เฮ๊อ. หม่าแน๊เรอ ซี เด๊อะตาแก อา เด๊อ แกแย ทวาดุทวาเต เต๊เห่ อา กู๊ยากู เร๊อ เบ๊อะคุ๊ยปีลาต เจแม๊ โทเฮ๊อ เด๊อ อา เก่ ปลวาเถ่แก ลู เบ๊อะเนอ, ซี จูเกอ ลู โต่. เด๊อ คุ๊ย เออเตเพร อา เป๊เส่เงเนอ, ซี เคร๊ฉื่อ ตาปา เจ๊อ อู เจ๊อ.