เพรโด่แนพู๊ เต๊เห่ 4:23 - ลีเทส่อพ๊าอาเซ เร๊อ เห่ขุทวาลู๊

²³ เบ๊อะอู อาปลวาเถ่เฮ๊อ คูเปโตร เร๊อ คูยอห์น เออเนอ เนอเน๊อ โตโพ๊โต เหย่ซี กาคยา เด๊อ อา โคแบ๊ซว๊า เต๊เห่ อา โอ่. เร๊อ ล๋อ เพรหลู่แต ทวาดุทวาเต เต๊เห่ เร๊อ โหมะพรูโหมะเผร่ เด๊อ อา ทวา ทวาดุทวาเต เต๊เห่ เฮ๊แคร๋ เหย่ซี ฮู๊เต เนอ, อา กาแด๊โล เป่ เร๊อ อาโค เออเต๊เห่.

Eastern Kayah Shadaw Dialect

²³ ꤙꤣꤧ ꤢꤨ꤭ ꤕꤜꤝꤢ꤭ꤓꤢꤩ꤬ꤟꤣꤧ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤔꤢꤧ ꤋꤢꤨ꤭ꤛꤥ꤭ꤟꤢ꤬ ꤣꤧ꤭ꤔꤣꤧ꤬ꤔꤣꤧ꤬ ꤔꤢꤧ ꤒꤣ꤬ꤖꤥꤒꤥ꤬ ꤛꤢꤩ꤬ꤞꤤ꤭ ꤊꤢ꤬ꤋꤛꤢ꤭ ꤘꤣ ꤢ꤬ ꤋꤥ꤭ꤙꤢꤧꤞꤝꤢ ꤒꤣꤧ꤬ꤟꤢꤩ꤬ ꤢ꤬ ꤥ꤬꤯ ꤚꤣꤧ꤬ ꤜꤢꤪ꤭ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤔꤢꤧ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤘꤣ ꤢ꤬ ꤓꤝꤢ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤟꤢꤩꤋꤚꤢꤧ꤮ ꤛꤢꤩ꤬ꤞꤤ꤭ ꤟꤢꤨꤒꤢꤩ꤭ ꤔꤣꤧ꤬, ꤢ꤬ ꤊꤢ꤬ꤘꤣꤧꤜꤥ꤭ ꤕ꤫ꤢꤩ꤬ ꤔꤢꤧ ꤢ꤬ꤋꤥ꤭ ꤣꤧ꤭ꤒꤣꤧ꤬ꤟꤢꤩ꤬꤯

เพรโด่แนพู๊ เต๊เห่ 4:23 ပူးပေါင်းရင်းမြစ်များ

เพรโด่แนพู๊ เต๊เห่ 16:40

คูเปาโล เร๊อ คูสิลาส อาโอ่ เด๊อ ทอกู เถ่ เร๊อ เถ่จว๊า เด๊อ เหมาะลิเดีย อาหี่. เหย่ซี จว๊าแม๊เถอะ เร๊อ เพรหยื่อเอ่ เต๊เห่ เบ๊อะเนอ. เร๊อ เหย่ซี เด๊อะอ๊าเด๊อะเหร่ เร๊อ อู เบ๊อะเนอ เต๊เห่ เร๊อ เหย่ซี เถ่จว๊าแก.

เพรโด่แนพู๊ เต๊เห่ 4:22

แกแยเพ เด๊อ อู แหย่โอ่เหม่ โค๊ตีกลี๊ ลู เออเตเพรเนอ อาหน่า โอ่เฮ๊อ ลุยเชอเล๊อ เฮ๊อ.

เพรโด่แนพู๊ เต๊เห่ 4:24

เบ๊อะอา โคแบ๊ซว๊า เต๊เห่ หนิโฮ เตหรี่เตแก เออ เบ๊อะเนอ, เหย่ซี กุยจ๊อเบ โหร่ลอ ลู เด๊อ ซิปล่อ เตเม๋ จือ อากู เด๊อ จอแปแหร่ อา โอ่ เร๊อ อา เฮ๊ เน๊อ, “เก๋อ แบ่เจ่ดุ, เน หม่า เพร เด๊อ อา แบ๊ทวาแล ม๊อขุเห่ขุ, เทอดุซาวา ซีเต๊เห่ เร๊อ ล๋อเตเด๊อ อา โอ่ เด๊อ เตเออเต๊เห่ อากู ล๋อ ปลี เตเพร!