เพรโด่แนพู๊ เต๊เห่ 4:21 - ลีเทส่อพ๊าอาเซ เร๊อ เห่ขุทวาลู๊

²¹ ฮู๊เนอเร๊อ แกแยยิวพู๊ เด๊อ อา ทวา ทวาดุทวาเต เต๊เห่ ลื๋อ เด๊อะรอเด๊อะเร ฉว่าชอ แฮเล๊อะ โป่ เหย่ซี เน๊อ เด๊อ อาเหร่อเค เนอ เจ๊อ, โทเรอ อา ปลวากาแก เหย่ซี แพ๊. เหย่ซี ซิเง เร๊อ แกแย ถู่เซ๊แถ่ ลอปลี จอแปแหร่ เร๊อ เหย่ซี เมทวาแถ่ เตเออเต๊เห่ อาขว่าอาคยา, อา เก่ เมจากาคยา คูเปโตร เน๊อ คูยอห์น ฮู๊เตเนอ, อา เตเนโปล แลแค โต่.

Eastern Kayah Shadaw Dialect

²¹ ꤟꤢꤨꤔꤣꤧ꤬ꤚꤣꤧ꤬ ꤛꤢꤨꤘꤢ꤬ꤖꤢꤨ ꤘꤣ ꤢ꤬ ꤓꤝꤢ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤜꤢꤦ ꤘꤣꤧꤚꤢꤪ꤬ꤘꤣꤧꤚꤢꤩ꤭ ꤏꤝꤢ꤬ꤏꤢꤪ꤭ ꤟꤢꤧ꤭ꤜꤣ ꤕ꤫ꤥ꤬ ꤛꤢꤩ꤬ꤞꤤ꤭ ꤔꤢꤧ ꤘꤣ ꤢ꤬ꤚ꤫ꤣꤧ꤬ꤢ꤬ꤔꤥ꤬ ꤔꤣꤧ꤬ ꤡꤣꤧ, ꤓꤥ꤭ꤚꤣꤧ꤬ ꤢ꤬ ꤕꤜꤝꤢ꤭ꤊꤢ꤬ꤊꤢꤧ꤭ ꤛꤢꤩ꤬ꤞꤤ꤭ ꤖꤢꤧ꤯ ꤛꤢꤩ꤬ꤞꤤ꤭ ꤞꤤꤑꤢꤩ꤭ ꤔꤢꤧ ꤊꤣꤧ꤬ꤛꤢꤧ꤭ ꤓꤢꤨ꤬ꤞꤢꤩꤓꤢꤧ꤬ ꤜꤢꤪ꤭ꤕꤜꤤ꤭ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤛꤢꤩ꤬ꤞꤤ꤭ ꤗꤢꤩ꤬ꤓꤝꤢ꤭ꤓꤢꤧ꤬ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤊ꤫ꤢꤦ꤬ ꤘꤣꤧꤡꤢ꤭ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤔꤢꤧ ꤋꤢꤨ꤭ꤛꤥ꤭ꤟꤢ꤬ ꤟꤢꤨꤒꤢꤩ꤭ꤔꤣꤧ꤬ ꤢ꤬ ꤒꤣꤧ꤬ꤔꤢꤩ꤬ꤕꤜꤥ꤭ ꤜꤢ꤭ꤋꤢꤧ꤭ ꤒꤥ꤬꤯

เพรโด่แนพู๊ เต๊เห่ 4:21 ပူးပေါင်းရင်းမြစ်များ

เพรโด่แนพู๊ เต๊เห่ 5:26

ฮู๊เนอเรอ เพรโอ่ป่อ เตหลู่เเตโฮ กู่กล๊อ เออเตเพร เร๊อ อา โคเจ่ เต๊เห่ เถ่จว๊า เอ๊กาคยา เพรโด่แนพู๊ เต๊เห่ เนอเต๊เห่. หม่าแน๊เร๊อ ซิอิเช เร๊อ อู วี เหย่ซี เร๊อ หล่อ เร๊อ เหย่ซี เมฉว่าเมชอ บื่อ ลา แน๊ เหย่ซี โต่.

ꤜꤢꤨꤊꤢ꤬ 22:2

เพรหลู่แต ทวาดุทวาเต เต๊เห่ เร๊อ เพรอิซว๊า เตซว๊าเตแส่ อาซ๊าร๊า เต๊เห่ ซิอิเช แกแย เบ๊หมู่ อาเหล่ อาขว่าอาคยา, อา แม๊ปู แกล๊ โตโบโบ เด๊อ อา เก่ เมเซอโห่แก เหย่ซู่.

ꤜꤢꤨꤊꤢ꤬ 20:19

เพรอิซว๊า เตซว๊าเตแส่ อาซ๊าร๊า เต๊เห่ เน๊อ เพรหลู่แต ทวาดุทวาเต เต๊เห่ ซิเง เร๊อ เหย่ซู่ เฮ๊โข่ เหย่ซี ขว่าคยา. โตโพ๊โต อา ซิหยื่อ ปื่อ เจ๊อ เฮ๊อ เหย่ซู่ เบ๊อะเนอ เฮ๊อ. หม่าแน๊เรอ เหย่ซี ซิอิเช แกแย เบ๊หมู่ เนอเต๊เห่ อาเหล่.

ꤜꤢꤨꤊꤢ꤬ 20:6

หม่าโต่เรอ, ‘แกแย เด๊อะ ลู,’ เป เก่ เฮ๊ เรอ ล๋อ แกแย เบ๊หมู่ เบ๊อะเออ เต๊เห่ ลา หยื่อเอ่ เร๊อ คูยอห์น หม่า เพรโพร เตเพร อาขว่าอาคยา, เหย่ซี เก่ ต่าเซอ เป เร๊อ หล่อ ปา.”

มัทธิว 21:46

เร๊อ เหย่ซี แม๊ปู แลแค แกล๊ เด๊อ อา เตเร ปื่อ เหย่ซู่ หม่าแน๊เรอ เหย่ซี ซิอิเช แกแย เบ๊หมู่ เนอเต๊เห่ อาเหล่, แกแย เบ๊หมู่ เต๊เห่ ย๋อ หยื่อเอ่ แลแค เน๊อ เหย่ซู่ หม่า เพรโพร เตเพร อาขว่าอาคยา, อาปื่อ บื่อ ลูโต่.

มัทธิว 9:8

จอแปแหร่ เด๊อะตาเป่แกแย อา เตอเรอฉว่าชอ ฮู๊เออ อาขว่าอาคยา, เบ๊อะแกแย เบ๊หมู่ แม๊เถอะ เตเมอาเหน่ ฮู๊เนอ เบ๊อะเนอ, เหย่ซี ซิอิเช ซิแหน่ซิเตเร แลแค จอแปแหร่ เร๊อ ถู่เซ๊แถ่ แลแค จอแปแหร่.

เพรโด่แนพู๊ เต๊เห่ 5:40

เพร ทวา แกแยยิวพู๊ กู่กล๊อดุกู๊ฉู่ทู เต๊เห่ จูเอ่ เกอ คูกามาลิเอล อา เตเด๊อะเตเนจว่า เออ เร๊อ อา เอ๊โน คยาแซ๊ เพรโด่แนพู๊ เต๊เห่ เออเต๊เห่. โทเรอ อา มือ เหย่ซี เร๊อ อิปลี๊หรี่ โทเรอ อา เฮ๊ เหย่ซี เน๊อ ซี เบ่ โด่แนแด๊โฉ่หนิ เป่ ปา อู เร๊อ เหย่ซู่ อามุย เออเนอ โต่, อา เฮ๊โท ฮู๊เนอเรอ อา ปลวา กาแก เหย่ซี.

เพรโด่แนพู๊ เต๊เห่ 4:17

หม่าแน๊เรอ, แซ่ฮู๊ แกแย เก่ หนิโฮ ปีชีจว๊าเอ๊ แต่เหม่ เนอ, เป เบ่ เฮ๊ เหย่ซี เน๊อ เบ่ เฮ๊โฉ่โด่แนหนิ เป่ ปา อู เน๊อ เหย่ซู่ อามุย เตเพร่ว โต่.”

ꤜꤢꤨꤊꤢ꤬ 13:17

เบ๊อะเหย่ซู่ เฮ๊ฉื่อ โหง่ เออตือมือ เบ๊อะเนอ, ล๋อ แกแย เด๊อ อา แม๊ปู ลู เตซื๊อ เนอเต๊เห่ ซิเตเร แล เกอเร๊อ ลอปลี อาเหน่. หม่าแน๊เรอ เหย่ซู่ เม เตโค๊ตีกลี๊เจ๊อ ลอปลี เออ อาขว่าอาคยา, แกแย เบ๊หมู่ ซิปล่อโม ลอปลี เจ๊อ ปว๋า เตเพร.

ꤜꤢꤨꤊꤢ꤬ 5:26

อู คย๊าอายื๊อ ลอปลี เจ๊อ ปว๊า เพร เจ๊อ. เร๊อ เหย่ซี ถู่เซ๊แถ่ แลแค จอแปแหร่ เร๊อ อา เฮ๊ แลแค เน๊อ, “เออเตอเนอ, เป แม๊เถอะเฮ๊อ เตโค๊ตีกลี๊เจ๊อ เต๊เห่ เฮ๊อ!”

มัทธิว 26:5

หม่าแน๊เรอ เหย่ซี เฮ๊ เกอเร๊อลู เน๊อ, “เบ๊อะเป เมป่วย อาเคเออเนอ เป โต ปื่อหนิ ลู โต่, ปาหม่า แกแย เบ๊หมู่ เต๊เห่ ซิปล่อดุ เร๊อ อา เมตอปลอแลยอ ลอเห่.”

มัทธิว 15:31

เบ๊อะแกแย เต๊เห่ แม๊เถอะ เร๊อ แกแย เป๊ เต๊เห่ เฮ๊เบ่ แจ่ กาคยา, แกแย ด๊าตอ เต๊เห่ จว๊าแจ่ กาคยา, แกแย ด๊าตือรือ เต๊เห่ จว๊าแร๊ กาคยา, แกแย เป๊เส่คี๊ เต๊เห่ เป๊เส่ ลีกาคยา เบ๊อะเนอ, เหย่ซี คย๊ายื๊อ เร๊อ ถู่เซ๊แถ่ อิสราเอล อา จอแปแหร่.

มัทธิว 9:33

เบ๊อะแบ่เจ่ เหย่ซู่ เหว่เถ่แก โทเฮ๊อ โลเน๊ เบ๊อะเนอ, แกแยเป๊ เออเตเพร เฮ๊เบ่ แจ่ กาคยา คยาแซ๊. เร๊อ แกแย เบ๊หมู่ เต๊เห่ คย๊าอายื๊อ แหน่เจ๊อ. “อาทวา เต ฮู๊เออ เด๊อ อิสราเอลพู๊ อาเกล เนอ แม๊เถอะ แต่ล๋าย แตแค๋ โต่,” เตเพร๊ เร๊อ เตเพร อาเฮ๊แลแค ลู เนอ.

เพรโด่แนพู๊ เต๊เห่ 4:22

แกแยเพ เด๊อ อู แหย่โอ่เหม่ โค๊ตีกลี๊ ลู เออเตเพรเนอ อาหน่า โอ่เฮ๊อ ลุยเชอเล๊อ เฮ๊อ.

เพรโด่แนพู๊ เต๊เห่ 5:13

แกแย เด๊อ อา หยื่อเอ่แลแค โต่ เต๊เห่เนอ อา แฮโน โอ่บื่อ เกอ เหย่ซี เตเพร่ว โต่ ตื๊อดื่อเรอ อา ถู่เซ๊ เกอเร๊อ แหน่เจ๊อ เหย่ซี.