เพรโด่แนพู๊ เต๊เห่ 4:2 - ลีเทส่อพ๊าอาเซ เร๊อ เห่ขุทวาลู๊

² เพรโด่แนพู๊ เต๊เห่ เออซิเนอ อิซว๊าอี๊แส่ เป่ อู เร๊อ เหย่ซู่ เซอเพร กาคยา เด๊อ เตเซอ เร๊อ อา ยูโลโปล เป่ ลอ อู เน๊อ แกแยเซอ เต๊เห่ เก่ เซอเพร กาคยา แซ่เกอฮู๊ เออเนอ ปา อาขว่าอาคยา, เหย่ซี เนอเต๊เห่ ซิปล่อดุ แกแย เนอซิเนอ.

Eastern Kayah Shadaw Dialect

² ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤣꤧ꤭ꤞꤤꤔꤣꤧ꤭ ꤤ꤬ꤞꤝꤢꤤ꤬ꤞꤢꤧ꤬ ꤕ꤫ꤢꤩ꤬ ꤢꤨ꤭ ꤔꤢꤧ ꤛꤢꤩ꤬ꤏꤛꤢꤨ ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤘꤣ ꤒꤢꤩ꤬ꤞꤣꤧ꤭ ꤚꤣꤧ꤬ ꤢ꤬ ꤤ꤬ꤛꤢꤨ꤭ꤜꤥ꤭ꤕꤜꤥ꤭ ꤕ꤫ꤢꤩ꤬ ꤜꤢꤪ꤭ ꤢꤨ꤭ ꤔꤢꤧ ꤊꤣꤧ꤬ꤛꤢꤧ꤭ꤞꤣꤧ꤭ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤞꤢꤧꤊꤣꤧ꤭ꤟꤢꤨ ꤣꤧ꤭ꤔꤣꤧ꤬ ꤕꤢ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤞꤤꤕꤜꤢꤪ꤬ꤘꤢꤨ꤬ ꤊꤣꤧ꤬ꤛꤢꤧ꤭ ꤔꤣꤧ꤬ꤞꤤꤔꤣꤧ꤭꤯

เพรโด่แนพู๊ เต๊เห่ 4:2 ပူးပေါင်းရင်းမြစ်များ

เพรโด่แนพู๊ เต๊เห่ 17:18

ซ๊าร๊า เด๊อ อู เอ๊ เร๊อ, เอปิคูเรียนพู๊ เร๊อ สโตอิกพู๊ เต๊เห่ เฮ๊เบ่โด่แน เคร๊แขระ แลแค เร๊อ คูเปาโล. เหย่ซี อาเกล เต๊เห่เห่เนอ, อา เฮ๊ แลแค คูเปาโล เน๊อ, “แกแย เตซิเง โอ่เกออู เตอเจ๋อ โต่ เร๊อ อา จว๊าจ่าเม อาเหน่ ฮู๊ เพรเบ่แจ่เฮ๊แจ่ เออเตเพรเออ อา จว๊า เฮ๊แคร๋ อิเตเต?” เต๊เห่เรอ อา เฮ๊ติ เน๊อ, “อา แซ่เน๊อ อา โด่แน เทอโรเก่กลอ อา จอแปแหร่ เต๊เห่ อาหรี่อาแก,” อา เฮ๊ ฮู๊เนอ. เหย่ซี จว๊าเฮ๊โต่ แลแค ฮู๊เออ เมเตเฮ๊เรอ อา โตเบ๊อะคูเปาโล แด๊โฉ่โด่แน เป่ อู เร๊อ เหย่ซู่ อาหรี่อาแก เร๊อ อาเตเซอ ก๊อถ่อ เซอเพร กาคยา อาหรี่อาแก เบ๊อะเนอ อาขว่าอาคยา อา เฮ๊ แลแค ฮู๊เนอ.

ꤚꤥꤗꤢꤩ꤬ 8:11

จอแปแหร่ เด๊อ อา เมเซอเพร กาคยา เหย่ซู่ครี๊ เด๊อ เตเซอ เออเตเพร อา แหย่โยบูโพ๊ แบ่เจ่ เก่ โอ่เซอเพร เด๊อ ซีเหน่ลู เฮ๊เนอ, ซี เหน่กล่อเออ อา เก่ เซอ เจ๊อ ปา เบ่เบ่, เด๊อ แหย่โยบูโพ๊ แบ่เจ่ โอ่เซอเพร เด๊อ ซีเหน่ลู อาขว่าอาคยา, จอแปแหร่ เก่ เด๊อะเกอ ซี ซิปล่อเซอเพร ปา.

เพรโด่แนพู๊ เต๊เห่ 13:45

เบ๊อะแกแยยิวพู๊ เต๊เห่ แม๊เถอะ แกแย แฮโหร่แฮเอ๊ เบ๊อะเนอ, เหย่ซี ซิเคว๊ หนิเกอ แหน่เจ๊อ คูเปาโล เร๊อ อา เคร๊ฉื่อ เป๊อเจ่ออิแช๊แก คูเปาโล อา เตเฮ๊เบ่อี๊โช เต๊เห่.

โครินธ์ อาเหร่อเล๊อ ต๊าบ่า 15:23

หม่าแน๊เรอ เตก๊อถ่อเซอเพร กาคยา เออเนอ, อา เก่ ทวาแถ่ เต๊อเจ่อ โท เต๊อเจ่อ เออเนอปา. เป ปว๋า เตเพร โตเบ่ โอ่ป่อ โต่เด๊อ ม๊อเนอ โต ก๊อถ่อ เนอเตอเนอ ปา. แบ่เจ่ เหย่ซู่ ก๊อถ่อ เซอเพร เหร่อเล๊อ ปา. โทเรอ ช๋า แบ่เจ่ เหย่ซู่ครี๊ แฮแล คยาแซ๊ ปา เนอ, อา เก่ เม ก๊อถ่อเซอเพร กาคยา แกแย เด๊อ อา หยื่อเอ่ ลู เนอเต๊เห่ ปา.

เพรโด่แนพู๊ เต๊เห่ 26:23

ครี๊ เด๊อ จอแปแหร่ นว๊าแถ่ ลู เร๊อ เพรเมแลเปล๊กา แกแยเห่ขุพู๊ เออเตเพรเนอ, อา เก่ข่าเบ่ เตเมจาเมจือ ปา เร๊อ อา หม่า เพร เด๊อ อา ก๊อถ่อ เซอเพร กาคยา เหร่อเล๊อ อู เด๊อ เตเซอ เตเพร ปา, ฮู๊เนอ อาขว่าอาคยา, อา เก่ แด๊โฉ่โด่แน เป่ แกแยยิวพู๊ เต๊เห่ เร๊อ แกแยยิวพู๊ หม่าโต่ เต๊เห่ เร๊อ เตลี ปา,” คูเปาโล เฮ๊ เป่ คุ๊ยดุ อากริปปา ฮู๊เนอ.

เพรโด่แนพู๊ เต๊เห่ 26:8

จอแปแหร่ เมเซอเพร กาคยาแจ่ แกแยเซอ เต๊เห่เนอ, ซี เบ๊อะเนอ เต๊เห่ จว๊าเตเน โต่ แลแค เน๊อ อา เมแจ่ เกออู โต่ ฮู๊เต?

เพรโด่แนพู๊ เต๊เห่ 24:21

แว เตซื๊อ เก่ โอ่ เฮ๊เนอหม่า อา โอ่แพ๊ตื๊อ แว ก๊อถ่อโอ่ เด๊อ เหย่ซี อาเป๊เส่เง เร๊อ แว เอ๊โทแถ่ เน๊อ, ‘ซี แด๊เฮอ เจแม๊ แว เออเตอเนอ เนอหม่า หม่า เด๊อ แว หยื่อเอ่ เร๊อ แกแย เด๊อ อาเซอ เต๊เห่ อาก๊อถ่อ เซอเพร กาคยา ปา, เออตือมือ อาขว่าอาคยา แพ๊,’” คูเปาโล เฮ๊ เป่ ลู ฮู๊เนอ.

เพรโด่แนพู๊ เต๊เห่ 19:23

เบ๊อะเนอเค, เด๊อ อู หยื่อเอ่ แบ่เจ่ เหย่ซู่ อาแกล๊อาโกล อาขว่าอาคยา, เตแป่เตเช ดู๋ เต๊อเจอะ โอ่แถ่ เด๊อ วีเอเฟซัส อากู.

เพรโด่แนพู๊ เต๊เห่ 5:17

เออโตโพ๊เรอ เพรหลู่แต กู่กล๊อดุเล๊อ เตเพร เร๊อ ล๋อ เพร เด๊อ อา ครวาเกอ ลูคยา เด๊อ อา โอ่ป่าโน เต่อเกอ เด๊อ สะดูสีพู๊ ตู๊หมู่ตอกล๊อ เบ๊อะเนอ เต๊เห่, ซิค๊าซิเถ่ ตื๊อดื่อ เจ๊อ เพรโด่แนพู๊ เต๊เห่ เออเต๊เห่ เจ๊อ.

เพรโด่แนพู๊ เต๊เห่ 3:15

ซี เมเซอแกเฮ๊อ แกแย เด๊อ อา เด๊อ อู ซิปล่อเซอเพร เออเนอ เตเพร เฮ๊อ, หม่าแน๊เรอ จอแปแหร่ เมเซอเพร กาคยา คยาแซ๊ อา เด๊อ เตเซอ เฮ๊อ. เร๊อ เตทวาแถ่ อาเหน่ ฮู๊เออ เนอหม่า เป แม๊เถอะ เจ๊อ เฮ๊อ เน๊อ เปเหน่ เฮ๊อ.