เพรโด่แนพู๊ เต๊เห่ 4:19 - ลีเทส่อพ๊าอาเซ เร๊อ เห่ขุทวาลู๊

¹⁹ หม่าแน๊เรอ คูเปโตร เร๊อ คูยอห์น เฮ๊ฉื่อ เหย่ซี เน๊อ, “หม่า เป โตเบ่ หนิดา ซีโหง่ แอ? หม่าโต่เรอ เป โตเบ่ หนิดา จอแปแหร่ อาโหง่ แอ? เนอ, เตเนแล เกอเร๊อ แลแค ซีเหน่ เด๊อ จอแปแหร่ อา เป๊เส่เง เนอ.

Eastern Kayah Shadaw Dialect

¹⁹ ꤗꤢ꤬ꤔꤢꤧꤚꤣꤧ꤬ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤔꤢꤧ ꤋꤢꤨ꤭ꤛꤥ꤭ꤟꤢ꤬ ꤟꤢꤩꤏꤢꤦ꤬ ꤛꤢꤩ꤬ꤞꤤ꤭ ꤔꤢꤧ, “ꤗꤢ꤬ ꤕꤢꤩ꤬ ꤒꤥ꤭ꤙꤢꤩ꤬ ꤔ꤫ꤤ꤬ꤘꤢ꤭ ꤞꤤ꤭ꤍ꤫ꤥ꤬ ꤟꤢꤧ꤭? ꤗ꤫ꤢ꤬ꤒꤥ꤬ꤚꤣꤧ꤬ ꤕꤢꤩ꤬ ꤒꤥ꤭ꤙꤢꤩ꤬ ꤔ꤫ꤤ꤬ꤘꤢ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤍ꤫ꤥ꤬ ꤟꤢꤧ꤭? ꤔꤣꤧ꤬, ꤒꤣꤧ꤬ꤔꤢꤩ꤬ꤜꤢꤧ꤬ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤔꤣꤧ꤬꤯

เพรโด่แนพู๊ เต๊เห่ 4:19 ပူးပေါင်းရင်းမြစ်များ

เพรโด่แนพู๊ เต๊เห่ 5:29

คูเปโตร เร๊อ เพรโด่แนพู๊ เต๊เห่ เฮ๊ฉื่อ เน๊อ, “ผื๋อ เร๊อ เตเร หนิดา แกแย เห่ขุพู๊ อาโหง่เนอ, เบ่ หนิดาดุ เล๋อ เด๊อ จอแปแหร่ อาโหง่.

โครินธ์ อาเหร่อเล๊อ ต๊าบ่า 10:15

ซี หม่า แกแย เด๊อ อาแจ่อาลีแม เต๊เห่. ฮู๊เนอเรอ แว เฮ๊ เป่ ซี กู๊แหน่เออ เนอหม่า อาซื๊อ แอ หม่า อาโต แอ เนอ เตเน ตาเต เร๊อดื่อ แลแค นี๋.

ทิโมธี อาเหร่อเล๊อ ต๊าบ่า 2:3

เออ หม่า เตเด๊อ อาแร๊ เร๊อ อา เมซิครือ เป จอแปแหร่ เด๊อ อา เมแลเปล๊กา เป เออเตเพร อาซิปล่อ.

ꤛꤥ꤭ꤟꤢ꤬ 7:24

แด่เตซื๊อ แต่ อู ฮู๊ ซี แม๊เถอะ อู เด๊อ อากลอ เนอเต๊เห่ แต่เหม่. หม่า ตา กยาเรอ, แด่แลจ๊อ แด่แลเต แลแค ซี ซิปล่อ เด๊อ ซี เก่ เมโต เมเบ่ เป่อู เนอ นี๋.”

มัทธิว 22:21

เร๊อ เหย่ซี เฮ๊ฉื่อ เน๊อ, “คุ๊ย ซีซาร์ อา กู่กล๊อแหย่โย เร๊อ คุ๊ยซีซาร์ อามุย.” โทเรอ แบ่เจ่ เหย่ซู่ เฮ๊ฉื่อ เหย่ซี เน๊อ, “คุ๊ยดุ ซีซาร์ อาเต เก่เฮ๊เรอ เด๊อ เร๊อ คุ๊ยดุเนอ, จอแปแหร่ อาเต เก่เฮ๊เรอ เด๊อ เร๊อ จอแปแหร่ เนอ.”

ꤡꤛꤢꤩ꤭ꤗꤢ꤬ꤎꤣ꤬ 2:4

ซี เมแคร๋ อิเต เนอหม่า ซี ซิเง เกอเร๊อ โต่ แอ? แกแย เด๊อ ซีเกล เออเต๊เห่เนอ, ซี แม๊เถอะ โค๊ เหย่ซี เร๊อ ซี ทวาแถ่ เพรเฮ๊เบ่เมโตเต อู เด๊อ อา โอ่เร๊อ เหล่เตเน มู๊แหม่รีแจ่ ซีเต๊เห่ เฮ๊อ.

เอเฟซัส 6:1

พู๊เลอซี, ซี ทวาแถ่เฮ๊อ เตเตอเจ๋อโต เร๊อ แบ่เจ่ เฮ๊อ อาขว่าอาคยา, หนิดา แลแค ซีโหมะซีเพ อาโหง่ นี๋, เมเตเฮ๊เรอ หนิดา โหมะเพโหง่ หม่า เต เด๊อ อาโตอาเบ่.

โครินธ์ เนอบ่า ต๊าบ่า 4:2

เตอิลอ แลโฮเอ่ อู, เตเม ด๊อโอ๊ด๊อบี๊ อิเตเต๋ เต๊เห่ เนอเบ่เบ่, เตเม เด๊อ อา ทวาแถ่ เตซิเตเร อิเตเต๋ เต๊เห่เนอ เบ่เบ่, เป เมปา ตีกี๋ โต่ เฮ๊อ. เบ๊อะเป แด๊โฉ่โด่แน เป่ อู เร๊อ จอแปแหร่ อาลาอาโหง่ เบ๊อะเนอ, เป เฮ๊เบ่ อิลอแลโฮ อู โต่, เป อิซว๊าแลโฮ ป่าโนเต่อ โหง่ เด๊อ อาโรเต๊เห่ โต่. เด๊อ จอแปแหร่ อา เป๊เส่เง, เป เฮ๊เบ่ อิเตเต๋ เบ่เบ่, เป เมเต อิเตเต๋ เบ่เบ่ เนอ, อาโต ลอปลี แพ๊. แซ่ฮู๊ เหย่ซี ปว๋า เตเพร เก่ ซิเง แลแค เร๊อ เหย่ซี หยื่อเอ่หนิ เป อาเงเนอเรอ, เป เฮ๊โฉ่จ๊อ, เป เมจ๊อ เฮ๊อ เต ฮู๊เนอ เฮ๊อ.

ꤟꤤꤙꤚꤢꤨ 11:23

เด๊อ เตหยื่อ อาขว่าอาคยาเร๊อ, เบ๊อะคูโมเสส โอ่เป๊เจ่แลโท เบ๊อะเนอ, อาโหมะอาเพ แม๊เถอะ เน๊อ เป๊เจ่พู๊ เออเตเพรเนอ, อาตว่า ซิตาจ๊า โค๊ดื่อ อาขว่าอาคยา, เหย่ซี แด่โอ้ เกอเร๊อ ลู โซเล. คุ๊ย เฮ๊ตา เจ๊อ อาโหง่ เน๊อ อา เก่ เมเซอ ลอ แกแยยิวพู๊ อา พู๊เพรคู เป๊เจ่พู๊ เต๊เห่ ปา. หม่าแน๊เรอ เหย่ซี ซิอิเช ปา เจ๊อ คุ๊ย อา เตเฮ๊เบ่ ตาโหง่ เออเนอ โต่.

ꤜꤢꤨꤊꤢ꤬ 22:8

เหย่ซู่ นอ คูเปโตร เร๊อ คูยอห์น เร๊อ อา หม่าจว๊าหนิ เหย่ซี โหง่ เน๊อ, “จว๊า ตี๊หรี่แตแร หนื่ออื่อ แลแค เป เหล่เอ่เหล่โอ ป่วยเตจว๊า ตา ลว๊า เอ่โอบูโพ๊เหมาะเฮ๊ เออเนอ นี๋.”

เพรโด่แนพู๊ เต๊เห่ 4:13

แกแยยิวพู๊ เด๊อ อา ทวาดุทวาเต เต๊เห่เนอ, อา แม๊เถอะ เร๊อ คูเปโตร เร๊อ คูยอห์น ซิปล่อคือเฮ๊บื่อ เร๊อ อา ซิเง เร๊อ เหย่ซี หม่า แกแย แจ่ลีแจ่ลา หม่าโต่ โท๊โต่ เหย่ซี หม่า แกแย แจ่ลีแจ่ลาโต่ เต๊เห่ อาขว่าอาคยา, อา คย๊ายื๊อ แลแค เจ๊อ. โท๊โต่ เหย่ซี ซิเง โป่ เร๊อ คูเปโตร เร๊อ คูยอห์น หม่า แกแย เด๊อ อา ครวาแบ๊ซว๊า เกอ เร๊อ เหย่ซู่ เต๊เห่.

เพรโด่แนพู๊ เต๊เห่ 5:28

อา เฮ๊ เหย่ซี เน๊อ, “เป เฮ๊ตาเฮ๊เต โทเฮ๊อ ซี เร๊อ อิซว๊าอี๊แส่ ปา แต่ อู เร๊อ แกแย เออเตเพร อามุย แต่เหม่ นี๋, เร๊อ กู๊แหน่เออ ซี แม๊แม๊ ซี จว๊า เมแคร๋ เฮ๊อ อิเตเต! ซี อิซว๊า เป่จว๊า ลอปลี เฮ๊อ อู เด๊อ วีเยรูซาเล็ม อากู เออเนอ เฮ๊อ. แกแย เนอเตเพร อาเซอ เนอมา เป เออเต๊เห่ อาคยา เฮ๊อ, ซี ซิหยื่อ แด่ แลแค เป เตซื๊อ ฮู๊เนอ.”