เพรโด่แนพู๊ เต๊เห่ 3:23 - ลีเทส่อพ๊าอาเซ เร๊อ เห่ขุทวาลู๊

²³ แกแย เด๊อ อา หนิดา จูเอ่ เกอ เพรโพร เนอเตเพร อาลาอาโหง่ โต่ เต๊เห่เนอ, จอแปแหร่ เก่ แด่ตาพาแก เหย่ซี เร๊อ จอแปแหร่ อาพู๊อาเลอ เหล่โอ่ ปา, โท๊โต่ อา เก่ เมปย๊าแก เหย่ซี ปา.’

Eastern Kayah Shadaw Dialect

²³ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤘꤢ꤭ꤡꤢꤨ꤭ꤢꤩ꤬ ꤊꤣꤧ꤭ ꤖꤚꤢꤩ꤬ꤖꤚꤥ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤢꤧ꤬ꤒꤣꤧ꤬ꤖꤢ꤭ꤊꤢꤧ꤭ ꤛꤢꤩ꤬ꤞꤤ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤢ꤬ꤜꤣꤧ꤬ ꤜ꤫ꤢꤩ꤬ꤊꤜꤥ꤭ ꤕꤢ꤭, ꤓꤥ꤭ꤒꤥ꤬ ꤢ꤬ ꤊ꤫ꤢꤦ꤬ ꤗꤢꤩ꤬ꤕꤛꤢꤊꤢꤧ꤭ ꤛꤢꤩ꤬ꤞꤤ꤭ ꤕꤢ꤭꤯’

เพรโด่แนพู๊ เต๊เห่ 3:23 ပူးပေါင်းရင်းမြစ်များ

ꤛꤥ꤭ꤟꤢ꤬ 12:48

แกแย เด๊อ อา เคร๊ฉื่อ แว เร๊อ อา พย๊าฉื่อ เกอ แวลาแวโหง่ โต่ เต๊เห่เนอ, เพร เมจากาคยา เหย่ซี อา โอ่ เตเพร. ม๊อเนอม๊อเซ เด๊ออาโน่เล๊อ เบ๊อะเนอปา เนอ, โหง่ เด๊อ แว เฮ๊เบ่ เออเต๊เห่ เก่ ทวา เหย่ซี เพรเมจากาคยา เต ปา.

เตเด๊อะโลแถ่ 20:15

แกแย เตเพรเพร เด๊อ อู เก่ แม๊เถอะ อู ราโอ่ อามุย เด๊อ ลีเซอเพร เออต๊าบ่า อากู โต่ เฮ๊ เนอ, อู เบ่ วีตาแก อา เด๊อ หมิเผ่ เออเต๊เผ่ อากู.

ꤟꤤꤙꤚꤢꤨ 12:25

ฮู๊เนอเร๊อ, แซ่ฮู๊ ซี เก่ ทวา แต่ แกแย เด๊อ อา หนิโฮ จอแปแหร่ อาโหง่พราแถ่ เร๊อ อา เท๊ฉื่อแก จอแปแหร่ เนอเต๊เห่ อาเตเมเนอ, รอหนิ แลแค ซีเหน่ นี๋. เบ๊อะอิสราเอลพู๊ เต๊เห่ หนิโฮ เตเด๊อะรอ เหย่ซี เด๊อ เห่ขุเออ เบ๊อะเนอ, เหย่ซี หนิดา แลแค ลูโหง่ โต่. ฮู๊เนอเร๊อ อา เกล๊ แลเปล๊เบ๊ แลแค เน๊อ เตเมจากาคยาโต่ เก่ เมฮู๊เนอเร๊อ เปเก่ เท๊ฉื่อแก เด๊อ ม๊อขุ เออเตเพร เด๊อะรอเปเออ เก่เฮ๊เรอ, เตเนแม๊มอ, ซี เกล๊ แลเปล๊ เบ๊แจ่ ปา เจ๊อแหน่ เน๊อ จอแปแหร่ อา เตจามือกาคยา ตีกี๋ เจ๊อแหน่โต่เฮ๊อ.

ꤟꤤꤙꤚꤢꤨ 10:39

เป หม่า แกแย เด๊อ อา จว๊า ตาพา โค๊แก เต๊เห่, เร๊อ อา จว๊าโต่ เด๊อ เตปย๊าเตหลู่ ปา เนอเต๊เห่ หม่าโต่. เป หม่า แกแย เด๊อ อา หยื่อเอ่ เต เต๊เห่ เร๊อ อา เก่ พย๊าหนิ เตเมแลเปล๊กา ปา เต๊เห่ เฮ๊อ.

เตเด๊อะโลแถ่ 13:8

ล๋อ แกแย เด๊อ อา โอ่ เด๊อ เห่ขุเออ ปว๋า เตเพร เนอ, อา เก่ จ๊อบู่จ๊อเบแถ่ ลอ ลู ปา. เป๊อะแถ่ เด๊อ อู แบ๊แลลู่ เห่ขุ อาเคปา, แกแย เด๊อ อา โอ่เซอเพร เด๊อ เห่ขุ เออเต๊เห่ เร๊อ อู ราโอ่เต่อเกอ ลา เหย่ซีมุย เด๊อ ซิหมิพู๊ เนอโตโด อา ลีเซอเพร อากู ล๋ายโต่ เต๊เห่เนอ, อา เก่ จ๊อบู่จ๊อเบแถ่ ลอ แลแค เตมีเตแหม่ เออโตโด. ซิหมิพู๊ เนอโตโด หม่า หม่าเฮ๊อ อู เมเซอ อาเนอ เตเพร เฮ๊อ.

ꤟꤤꤙꤚꤢꤨ 2:3

ฮู๊เนอเรอ, กู๊แหน่เออ เป เก่ แด่หยื่อ เกออู เตเมแลเปล๊กา อาดุอาแย เออ โต่ เฮ๊เรอ จอแปแหร่ เก่ เมจากาคยา หม่าแหน่ เจ๊อ เป ปา. จอแปแหร่ อา เตเมแลเปล๊กา อาแกล๊อาโกล เออเนอ, แบ่เจ่ อาเหน่กล่อ เร๊อดื่อ แด๊โฉ่โด่แน โล เหร่อเล๊อ เป่ อู เฮ๊อ. เร๊อ แกแย เด๊อ อา หนิโฮ ลู เฮ๊เออ เต๊เห่เนอ อา เฮ๊โฉ่โปล เป่ แฮเง เป่ เน๊อ เตเมแลเปล๊กา เตหรี่เตแก เออเต๊เห่ เนอหม่า อา หม่าแหน่ เจ๊อ ฮู๊เนอ.

ꤛꤥ꤭ꤟꤢ꤬ 8:24

ฮู๊เนอเนอ, แว เฮ๊ ซี เน๊อ ซี เก่ เซอ ปา ตื๊อดื่อเรอ จอแปแหร่ ปลวาแก ซี เตซื๊อ เออเต๊เห่ โต่. แว เฮ๊ ซี เนอหม่า เออเฮ๊อ. แว หม่า อูเปเนอ แว แด๊โฉ่ เป่โทเฮ๊อ ซี เร๊อ ซี เก่ หยื่อเอ่โต่ เฮ๊เนอ, ซี เก่ เซอ ปา ตื๊อดื่อเรอ จอแปแหร่ ปลวาแก ซี เตซื๊อ เออเต๊เห่ โต่.”

ꤗꤢ꤬ꤊꤢꤨ 16:16

แกแย เด๊อ อา หยื่อเอ่ เตซิครือซิลอมีลา เออ เร๊อ อา เจอาเหน่ เร๊อ เทอ เตเพรเพร เนอ, อา เก่ พย๊าหนิ เตเมแลเปล๊กา ปา. หม่าแน๊เรอ แกแย เด๊อ อา หยื่อเอ่ โต่ เต๊เห่เนอ อา เก่ ข่าเบ่ เตเมจากาคยา ป๋า.

เพรโด่แนพู๊ เต๊เห่ 2:41

แกแย เด๊อ อา หยื่อเอ่ คูเปโตร อา เตเฮ๊เบ่โด่แน เออเต๊เห่เนอ, อา เจหนิแลแค อาเหน่ เร๊อ เทอ. เร๊อ เบ๊อะเนอเตอเนอเนอ, แกแย หยื่อเอ่แลแค เร๊อ อากา โกโน โอ่เอ๊แถ่ เกอ โป่ เหย่ซี เนอ, อา พื๋อ โอ่ อาเพร โซรี๊ เจ๊อ.