เพรโด่แนพู๊ เต๊เห่ 3:21 - ลีเทส่อพ๊าอาเซ เร๊อ เห่ขุทวาลู๊

²¹ ฮู๊ จอแปแหร่ เด๊อ ซิเงหนื่ออื่อ โทดื่อเฮ๊อ เน๊อ เพรโพร บูโพ๊ มู๋ หนู่เค เต๊เห่ เน๊อ เหย่ซู่ เออเนอ อา โตเบ่ โอ่ เด๊อ ม๊อขุ โต่เด๊อ แบ่เจ่ จอแปแหร่ เมเซ กาคยา ลอเฮ๊อ เตปว๋า เต๊อเจ่อ เบ๊อะเนอ ปา.

Eastern Kayah Shadaw Dialect

²¹ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤞꤤꤑꤢꤩ꤭ꤥ꤬ꤔꤢꤩ꤬ ꤓꤥ꤭ꤘꤢꤦ꤬ꤟꤣꤧ ꤔꤢꤧ ꤢ꤬ꤖꤚꤢꤩ꤬ꤖꤚꤥ꤬ ꤘꤣ ꤢ꤬ꤔꤝꤢꤓꤢꤧ꤬ ꤜꤢꤨ꤭ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤜꤢꤨ꤭ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤗꤢꤨ꤮ ꤑꤢꤔꤢꤨ꤬ꤋꤢꤩ꤭ ꤒꤣꤧ꤬ꤟꤢꤩ꤬ ꤔꤢꤧ ꤛꤢꤩ꤬ꤏꤛꤢꤨ ꤣꤧ꤭ꤔꤣꤧ꤬ ꤢ꤬ ꤒꤥ꤭ꤙꤢꤩ꤬ ꤥ꤬ ꤘꤣ ꤗꤢꤪꤋꤢꤨ꤬ ꤒ꤫ꤥ꤬ꤘꤣ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤞꤢꤩ꤭ ꤊꤢ꤬ꤋꤛꤢ꤭ ꤜꤢꤪ꤭ꤟꤣꤧ ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤢ꤬ꤋꤢꤩ꤭ꤔꤣꤧ꤬ ꤕꤢ꤭꤯

เพรโด่แนพู๊ เต๊เห่ 3:21 ပူးပေါင်းရင်းမြစ်များ

ꤚꤥꤗꤢꤩ꤬ 8:21

หม่าแน๊เรอ ล๋อ เตแบ๊ตา เออเต๊เห่เนอ, อา แม๊ชือ ปาเนอ, แซ่ฮู๊ อา เก่เซอเก่ซอ โต่ เนอ, จอแปแหร่ เก่ เมแลเปล๊กา เหย่ซี ปา เร๊อ อา เก่ เด๊อ เหย่ซี เตปาลา เร๊อ เตเตอเรอดุทู เด๊อ อาแซ่เน๊อ อาพู๊ เออเต๊เห่ ปา.

เพรโด่แนพู๊ เต๊เห่ 1:11

เร๊อ อา เฮ๊ เหย่ซี เน๊อ, “แกแยกาลิลีพู๊ ซี๋ ซี จว๊า ก๊อถ่อโอ่ แม๊แถ่ แลแค เด๊อ ม๊อเล เบ๊อะเออ เมเต? เหย่ซู่ เด๊อ ซี แม๊เถอะ อู เอ๊กา กาแถ่แก อา เด๊อ ม๊อขุ เออเตเพรเนอ, อา เก่ ตากาแล แซ่ คยาแซ๊ ฮู๊ ซี แม๊เถอะ อา กากี๊แถ่ กู๊แหน่เออเนอ ปา.”

เตเด๊อะโลแถ่ 22:6

ฮู๊เนอโทเรอ เตเน่วพู๊ เฮ๊ แว เน๊อ, “โหง่ เออเต๊เห่ เนอหม่า โหง่ เด๊อ อาจ๊ออาเต เร๊อ เหล่ซิเล หยื่อเอ่หนิ แหน่เจ๊อ อา เต๊เห่. แบ่เจ่ จอแปแหร่ เด๊อ อา เด๊อ เพรโพร เต๊เห่ เร๊อ อา แหย่โยบูโพ๊ เออเตเพรเนอ, แซ่ฮู๊ อา เก่ เด๊อะโล เป่ เกอ อาหลู่เล๊ ซีเต๊เห่ เร๊อ งยาล๋ายโต่ ปา เต เก่ เมแคร๋ อาเหน่ ฮู๊เต ปา เนอ เร๊อ, อา นอแฮ เป่ เฮ๊อ อา เตเน่วพู๊ เฮ๊อ.”

ꤜꤢꤨꤊꤢ꤬ 1:70

จอแปแหร่ อ๊อแล หนื่ออื่อ โทเฮ๊อ เร๊อ อาเพรโพรโพ๊แปละบูโพ๊ มู๋ หนู่เค เต๊เห่ เนอ,

เปโตร เนอบ่า ต๊าบ่า 3:2

แว ซิปล่อโอ่ เด๊อ ซี เก่ ซิเหน่แถ่ เพรโพร บูโพ๊ เต๊เห่ อา เตเฮ๊โฉ่โด่แน หนื่ออื่อ โทเฮ๊อ เด๋อ งย๊าเค เต๊เห่, โทเรอ เป แบ่เจ่ เร๊อ เพรเม แลเปล๊กา เป เออเตเพร อาโหง่เฮ๊แก เด๊อ ซี เพรโด่แน เต๊เห่ เด๊อ โทเฮ๊อ ซี เนอเต๊เห่.

เปโตร เนอบ่า ต๊าบ่า 1:21

เมเตเฮ๊เรอ, เพรโพร อา เตแด๊โฉ่โด่แน เต๊เห่ เนอหม่า, อา แฮ ฮู๊ แกแย ซิหยื่อ นอแด๊โฉ่ เนอ หม่าโต่. เหย่ซี แด๊โฉ่โด่แน เป่ อู เตหรี่เตแก เออเนอหมา อา แด๊โฉ่โด่แน เป่ อู ฮู๊ แหย่โยบูโพ๊ แบ่เจ่ แด๊โฉ่ เป่ เหย่ซี เนอแพ๊. เร๊อ เตหรี่เตแก เออเนอหมา อา โอ่ เด๊อ จอแปแหร่ อา โอ่ แฮ.

เพรโด่แนพู๊ เต๊เห่ 10:43

เพรโพร ปว๋า เตเพร แด๊โฉ่โด่แน หนื่ออื่อ โทเฮ๊อ อา อาหรี่อาแก เร๊อ เหย่ซี เฮ๊ เน๊อ, ‘ล๋อ แกแย เด๊อ อา หยื่อเอ่แลแค ลู เต๊เห่เนอ จอแปแหร่ เก่ ปลวาแก แฮเง เหย่ซี เตซื๊อ เร๊อ เหย่ซู่ อาคยา ปา,’” คูเปโตร เฮ๊ เป่ เหย่ซี ฮู๊เนอ.

เตเด๊อะโลแถ่ 18:20

เก๋อ ม๊อขุพู๊ ซิครือมอ แลแค, เก๋อ จอแปแหร่ อาแกแย ซี, เพรโด่แนพู๊ เต๊เห่ ซี เร๊อ เพรโพร ซี๋, เด๊อ อาปย๊าอาหลู่ เฮ๊อ อาขว่าอาคยา, ซิครือมอ แลแค. เมเตเฮ๊เรอ เด๊อ อา เมจาเมจือ โทเฮ๊อ ซี อาขว่าอาคยา, จอแปแหร่ เมจากาคยา เฮ๊อ อา.’”

เพรโด่แนพู๊ เต๊เห่ 3:19

แซ่ฮู๊ จอแปแหร่ เก่ ปลวาแก ซีเตซื๊อ เนอเร๊อ, ถู่แหล่แต๊แกละกา แลแค ซี ซิปล่อ เร๊อ กี่กย๊า กาคยา คยาแซ๊ แลแค เด๊อ จอแปแหร่ อา โอ่. ซี เก่ เมฮู๊เนอ เฮ๊เรอ ช๋า ม๊อเนอโตม๊อเนอเบ่ เฮ๊อ ปาเนอ แบ่เจ่ จอแปแหร่ อา เด๊อะอ๊าเด๊อะเหร่ คยา ซี ปา.

เพรโด่แนพู๊ เต๊เห่ 3:20

เร๊อ อา เก่ นอแฮแล เป่ ซี เหย่ซู่ หม่าดื่อ เมสิยาห์ หม่าเฮ๊อ เพรเมแลเปล๊กาเด๊อ จอแปแหร่ นว๊าแถ่ เป่ โทเฮ๊อ เด๊อ ซิเง เออเนอ เตเพร ปา.

ꤟꤤꤙꤚꤢꤨ 1:1

จอแปแหร่ เฮ๊เบ่ ตาครือลา เปเพอเปโพ มู๊หนู่มู๊ส่าเค เต๊เห่ เน๊อ เด๊อ แกล๊โบ เอ๊โล. เร๊อ อา นอเฮ๊เบ่ แฮเง เร๊อ เพรโพร เต๊เห่.