เพรโด่แนพู๊ เต๊เห่ 3:13 - ลีเทส่อพ๊าอาเซ เร๊อ เห่ขุทวาลู๊13 เพอับราฮับ, เพอิสอัด เร๊อ เพยาโคบ เต๊เห่ อา จอแปแหร่ เน๊อ เป โหมะเพเพอโพ เด๋อ หนู่เค เต๊เห่ อา จอแปแหร่ เด๊อะโล แถ่เฮ๊อ อา เตลีเตเค เนอ อาหลู่เล๊ เหย่ซู่ เออเนอ เฮ๊อ. หม่าแน๊เรอ ซี เด๊อะตาแก อา เด๊อ แกแย ทวาดุทวาเต เต๊เห่ อา กู๊ยากู เร๊อ เบ๊อะคุ๊ยปีลาต เจแม๊ โทเฮ๊อ เด๊อ อา เก่ ปลวาเถ่แก ลู เบ๊อะเนอ, ซี จูเกอ ลู โต่. เด๊อ คุ๊ย เออเตเพร อา เป๊เส่เงเนอ, ซี เคร๊ฉื่อ ตาปา เจ๊อ อู เจ๊อ. အခန်းကိုကြည့်ပါ။Eastern Kayah Shadaw Dialect13 ꤖꤢꤩ꤭ꤢ꤬ꤙꤚꤢ꤬ꤟꤢ꤬, ꤖꤢꤩ꤭ꤢꤎꤢꤧ ꤔꤢꤧ ꤖꤢꤩ꤭ꤛꤢ꤬ꤊꤥ꤬ ꤒꤣꤧ꤬ꤟꤢꤩ꤬ ꤢ꤬ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤕꤢꤩ꤬ ꤗ꤫ꤥ꤬ꤖꤢꤩ꤭ꤖꤣꤧ꤭ꤖꤥ꤭ ꤘꤣ꤮ ꤑꤢꤔꤢꤨ꤬ ꤒꤣꤧ꤬ꤟꤢꤩ꤬ ꤢ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤜꤥ꤭ ꤓꤢꤧ꤬ꤟꤣꤧ ꤢ꤬ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤔꤢꤧ ꤢ꤬ꤜꤢꤨ꤬ꤜꤢꤩ ꤛꤢꤩ꤬ꤏꤛꤢꤨ ꤣꤧ꤭ꤔꤣꤧ꤬ ꤟꤣꤧ꤯ ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤘꤣꤧꤒꤢ꤭ꤊꤢꤧ꤭ ꤢ꤬ ꤘꤣ ꤊꤣꤧ꤬ꤛꤢꤧ꤭ ꤓꤝꤢ꤭ꤘꤢꤨ꤬ꤓꤝꤢ꤭ꤋꤢꤨ꤬ ꤒꤣꤧ꤬ꤟꤢꤩ꤬ ꤢ꤬ ꤊꤢꤨꤛꤢ꤭ꤊꤢꤨ꤭ ꤚꤣꤧ꤬ ꤙꤣꤧ ꤋꤝꤤꤕꤤꤜꤢ ꤡꤢꤧ꤬ꤒꤥ꤭ꤙꤢꤩ꤬ ꤓꤥ꤭ꤟꤣꤧ ꤒꤢꤩ꤬ ꤘꤣ ꤢ꤬ ꤊ꤫ꤢꤦ꤬ ꤕꤜꤝꤢ꤭ꤓꤢꤩ꤬ꤊꤢꤧ꤭ ꤜꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤡꤢꤨ꤭ꤊꤣꤧ꤭ ꤜꤢꤨ꤭ ꤒꤥ꤬꤯ ꤘꤣ ꤋꤝꤤ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ꤔꤣꤧ꤬, ꤞꤤ꤭ ꤓꤢꤩꤏꤢꤦ꤬ ꤒꤣꤧ꤬ꤕ꤫ꤢ꤬ ꤡꤣꤧ ꤢꤨ꤭ ꤡꤣꤧ꤯ အခန်းကိုကြည့်ပါ။ |
เพรโด่แนพู๊ เต๊เห่ 3:13
46 ပူးပေါင်းရင်းမြစ်များ
หม่าแน๊เรอ, เตหรี่เตแก เด๊อ เป ซิเง หม่าแหน่ เนอหม่า หม่าเฮ๊อ เหย่ซู่ เออเนอเฮ๊อ. เบ๊อะอา แฮแล เด๊อ เห่ขุเออ เบ๊อะเนอ, อา พย๊าหนิ เตเตอเรอฉว่าชอ เด๊อ อาอ๊าเจ๊เล๊อ เน๊อ ม๊อขุ เตเน่วพู๊ เต๊เห่ เตอเปลอฮู๊, เมเตเฮ๊เรอ, เด๊อ จอแปแหร่ อาบุ๊ยอาเตอเรอ อาขว่าอาคยา, เหย่ซู่ เบ่ ข่าเซอ เป่ เด๊อ เป ล๋อ ปลี อาเง. เด๊อ เหย่ซู่ ข่าเซอ อาขว่าอาคยา, กู๊แหน่เออ เป ซิเง เน๊อ จอแปแหร่ นอ เมลีเมเตเค, แด่ดุแด่ทู อู เร๊อ เหย่ซู่ เฮ๊อ.
หม่าแน๊เรอ เหย่ซี เอ๊โทแถ่ แลแค เน๊อ, “เมเซอแก อา, มือเซอแถ่แก ลู เด๊อ อี๊ถื่อดีเต่ลู เนอ.” เร๊อ คุ๊ยปีลาต แด๊เฮอ เหย่ซี เน๊อ, “ซี ซิหยื่อ นอ มือเซอแถ่แก แว เร๊อ ซีคุ๊ยเออ เด๊อ อี๊ถื่อดีเต่ลู แอ?” เร๊อ เพรหลู่แต ทวาดุทวาเต เต๊เห่ เฮ๊ เน๊อ, “เป คุ๊ย โอ่แพ๊ตื๊อ คุ๊ยซีซาร์ เต เพร่ว แพ๊. เปคุ๊ย เด๊อ อาโร หม่า อา โอ่ เตเพร่ว โต่,” เหย่ซี เฮ๊ แลแค ฮู๊เนอ.
เป๊อแถ่ เบ๊อะอา เฮ๊โท ฮู๊เนอ เนอ, คุ๊ยปีลาต แอ๊จื๊อ แม๊ปู แกล๊ เด๊อ อา เก่ ปลวาเถ่แก เหย่ซู่. หม่าแน๊เรอ แกแยยิวพู๊ เต๊เห่ เอ๊โท เป่แฮ ตือดื๊อโป่ เน๊อ, “เน เก่ ปลวาเถ่แก แกแย เนอเตเพร เฮ๊หม่า, เน หม่า จ๊อแผ่ ซีซาร์ อาโคแบ๊ซว๊า หม่าโต่. แกแย เตเพรเพร เด๊อ อา ดี๊กว๊า แล เกอเร๊อ อาเหน่ เร๊อ จ๊อแผ่ เนอ, หม่าเฮ๊อ แกแย เด๊อ อา เท๊ฉื่อ คุ๊ยซีซาร์ เฮ๊อ.”
ซี เก่ พย๊าหนิ เกอโป่ดื่อ เหย่ซู่ครี๊ เด๊อ อา ข่าเฮ๊โล จ๊อจ๊อเตเต เออเตเพร อาบุ๊ยอาเตอเรอ เร๊อ อา เตโส่เตเคร นี๋. แกแยเซอ เร๊อ อา เซอเพร กาคยา อาเกลเนอ, อา หม่า เพร เด๊อ อา เซอเพร เหร่อเล๊อ อู เตเพร เฮ๊อ. อา หม่า เพร เด๊อ อา เป๊อ เห่ขุ อาคุ๊ยจ๊อแผ่ เต๊เห่. อา หม่า อา โมเร๊อ แหน่เจ๊อ เป โท๊โต่ เด๊อ อา เซอ อาขว่าอาคยา, อา เมแลเปล๊กา เป เด๊อ เตซื๊อเตปล๊า อากู.
เบ๊อะเนออาเค อา โคเจ่ เต๊เห่ ซิเงโปลแล เตเมทวาแถ่ อาโหง่แลช๊า เออเต๊เห่ ล๋ายโต่. เต เออเต๊เห่ เนอหม่า อา เม เล๊อบาแถ่เฮ๊อ เพรโพร อา เตเฮ๊หนื่ออื่อ มู๋ หนู่เค เต๊เห่เฮ๊อ. หม่าแน๊เรอ, เบ๊อะแบ่เจ่ เหย่ซู่ กากี๊แถ่ โทเฮ๊อ เด๊อ ม๊อขุ เบ๊อะเนอ, เหย่ซี ซิเงแถ่เบ่ โหน่แพ๊ เร๊อ อา เม เตเออเต๊เห่เนอ อา โตลอ เร๊อ เพรโพร อา เตเฮ๊หนื่ออื่อ มู๋หนู่เค เต๊เห่ เร๊อ อา โคเจ่ เต๊เห่ ซิเงแถ่ โต่เบ่ เร๊อ อา เมโต เป่ลอ ลู ฮู๊ เพรโพร เฮ๊หนื่ออื่อ เนอเต๊เห่.
เทอ เด๊อ อาเด๊อะ อู ซิปล่อเซอเพร เด๊อ แบ่เจ่ เหย่ซู่ เฮ๊ เออเนอหมา หม่า แหย่โยบูโพ๊แบ่เจ่ แพ๊. อูเปเป๋ เบ่เบ่ เด๊อ อา หยื่อเอ่ ลู เต๊เห่เนอ, อา เก่ พย๊าหนิ ปา. แบ่เจ่ เหย่ซู่ พย๊าหนิ แล๋ เตเตอเรอดุ เตอเรอทู โต่, เมเตเฮ๊เรอ อา เซอ ก๊อถ่อกาคยา เร๊อ อา กา กี๊แถ่ เด๊อ ม๊อขุ ล๋ายโต่. ฮู๊เนอเร๊อ จอแปแหร่ อา แหย่โยบูโพ๊ แฮโนโอ่ เด๊อ เหย่ซี ซิปล่อกู เตเพร่ว ล๋ายโต่.
คูเปโตร แม๊เถอะ เหย่ซี เร๊อ อา เฮ๊ เหย่ซี เน๊อ, “แว โคแบ๊ซว๊า อิสราเอลพู๊ ซี๋, ซี จว๊า อาคย๊าอายื๊อ แลแค เตเม เออเต๊อเจ่อ อาเหล่ เมเต? ซี จว๊า แม๊โอ่แต่ โต่ ลอ เป เมเต? แกแย เออเตเพร จว๊าแจ่ เออเนอหมา ซี เตเน แลแค เน๊อ เป เม เป่ อา เน๊อ เปเตโพรเตเตอเรอ เนอ แอ? ซี เตเน แลแค เน๊อ หม่า แกแย บูโพ๊ เต๊เห่ อาขว่าอาคยา ฮู๊เนอ แอ?
หม่าแน๊เรอ, แว อ๊อแล เน๊อ แว จ๊อบู่จ๊อเบแถ่ เป โหมะเพเพอโพ เด๋อ งย๊าเค เต๊เห่ อา จอแปแหร่, เร๊อ หม่า เด๊อ แว โครครวา แกล๊ เด๊อ แบ่เจ่ เด๊อะโล เออเนอ เร๊อ เหย่ซี เฮ๊ แลแค แว เร๊อ แวหยื่อแวแหน่ ซื๊อเฮ๊อ เตเฮ๊อ, อา เฮ๊ แลแค ฮู๊เนอ. ล๋อ คูโมเสส อา เตซว๊าเตแส่ เด๊อ อา ราหนื่ออื่อ เหร่อ เต๊เห่เน๊อ เร๊อ ล๋อ เพรโพร อาลี เต๊เห่เนอ, แว หยื่อเอ่ เกอ ลอ แพ๊แพ๊.
ကြော်ငြာတွေ