เพรโด่แนพู๊ เต๊เห่ 3:12 - ลีเทส่อพ๊าอาเซ เร๊อ เห่ขุทวาลู๊

¹² คูเปโตร แม๊เถอะ เหย่ซี เร๊อ อา เฮ๊ เหย่ซี เน๊อ, “แว โคแบ๊ซว๊า อิสราเอลพู๊ ซี๋, ซี จว๊า อาคย๊าอายื๊อ แลแค เตเม เออเต๊อเจ่อ อาเหล่ เมเต? ซี จว๊า แม๊โอ่แต่ โต่ ลอ เป เมเต? แกแย เออเตเพร จว๊าแจ่ เออเนอหมา ซี เตเน แลแค เน๊อ เป เม เป่ อา เน๊อ เปเตโพรเตเตอเรอ เนอ แอ? ซี เตเน แลแค เน๊อ หม่า แกแย บูโพ๊ เต๊เห่ อาขว่าอาคยา ฮู๊เนอ แอ?

Eastern Kayah Shadaw Dialect

¹² ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤗꤢꤧꤓ꤫ꤣꤧ꤬ ꤛꤢꤩ꤬ꤞꤤ꤭ ꤚꤣꤧ꤬ ꤢ꤬ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤠꤢꤧ꤭ ꤋꤥ꤭ꤙꤢꤧꤞꤝꤢ ꤤ꤬ꤎꤢ꤬ꤚꤢꤩꤜꤢ꤬ꤖꤢꤨ ꤞꤤ꤭꤮ ꤞꤤ꤭ ꤡꤝꤢ ꤋꤛꤢꤛꤢꤦ ꤜꤢ꤭ꤋꤢꤧ꤭ ꤒꤢꤩ꤬ꤗꤢꤩ꤬ ꤣꤧ꤭ꤒꤣ꤬ꤡꤣ꤬ ꤢ꤬ꤜ꤫ꤢꤩ꤬ ꤗꤢꤩ꤬ꤒꤢꤩ꤭? ꤞꤤ꤭ ꤡꤝꤢ ꤗꤢꤧꤥ꤬ꤒ꤫ꤢꤧ꤬ ꤒ꤫ꤥ꤬ ꤜꤢꤪ꤭ ꤕꤢꤩ꤬ ꤗꤢꤩ꤬ꤒꤢꤩ꤭? ꤊꤣꤧ꤬ꤛꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤡꤝꤢꤡ꤫ꤢꤧ꤬ ꤣꤧ꤭ꤔꤣꤧ꤬ꤗꤢ꤬ ꤞꤤ꤭ ꤒꤣꤧ꤬ꤔꤢꤩ꤬ ꤜꤢ꤭ꤋꤢꤧ꤭ ꤔꤢꤧ ꤕꤢꤩ꤬ ꤗꤢꤩ꤬ ꤕ꤫ꤢꤩ꤬ ꤢ꤬ ꤔꤢꤧ ꤕꤢꤩ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤔꤣꤧ꤬ ꤟꤢꤧ꤭? ꤞꤤ꤭ ꤒꤣꤧ꤬ꤔꤢꤩ꤬ ꤜꤢ꤭ꤋꤢꤧ꤭ ꤔꤢꤧ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤟꤢꤨꤔꤣꤧ꤬ ꤟꤢꤧ꤭?

เพรโด่แนพู๊ เต๊เห่ 3:12 ပူးပေါင်းရင်းမြစ်များ

โครินธ์ เนอบ่า ต๊าบ่า 3:5

เป ซิเลแถ่ เกอเร๊อ เป เตแจ่เตลีแม เต๊เห่เนอ หม่าโต่. เป โอ่ เร๊อ เตแจ่เตลีแม เด๊อ เป เมเบ๊เฮ๊อ เตเม เออเต๊เห่ เนอหม่า อา โอ่ เด๊อ จอแปแหร่ อา โอ่ แฮ แพ๊.

เห่ขุทวาลู่ 41:16

คูโยเซฟ เฮ๊ฉื่อ ลู เน๊อ, “แว เฮ๊โฉ่แจ่ เน๊อ เพคุ๊ย เตโอ่เมอแหม่ อาโหง่แลช๊า โต่, หม่าแน๊เรอ จอแปแหร่ดุ เก่ เด๊อะโลดื่อ เพคุ๊ย เตโอ่เมอแหม่ อาโหง่แลช๊า เด๊อ อาแร๊ ปา.”

ꤚꤥꤗꤢꤩ꤬ 9:4

เหย่ซี หม่า อิสราเอลพู๊ เต๊เห่. จอแปแหร่ อี๊พู๊อี๊เลอหนิ เฮ๊อ เหย่ซี ฮู๊ อาพู๊อาเลอ เหน่กล่อ เนอเฮ๊อ. เร๊อ อา เด๊อะโล เป่ เฮ๊อ เหย่ซี เร๊อ อา เตเตอเรอดุทู จอแปแหร่ เอ่หม่า โทเฮ๊อ เฉ่ เร๊อ เหย่ซี เร๊อ อา เด๊อะตา โทเฮ๊อ เหย่ซี เร๊อ อา เตซว๊าเตแส่ เฮ๊อ. เหย่ซี พย๊าหนิ เตจ๊อเบ อาแกล๊อาโกล เด๊อ เตหลู่แต โฮกู เร๊อ อา พย๊าหนิ แลแค จอแปแหร่ อา เตอ๊อแลนอแล เต๊เห่ เฮ๊อ.

เพรโด่แนพู๊ เต๊เห่ 2:22

เร๊อ คูเปโตร เฮ๊ โป่ เน๊อ, “แวโค อิสราเอล ซี๋, หนิดา แลแค แว เตเฮ๊เบ่เออ! เบ๊อะวีนาซาเร็ธ เหย่ซู่ โอ่เตอเกอ เร๊อ ซี เบ๊อะเนอ, อา เด๊อะโล เอ๊ เป่โทเฮ๊อ ซี เตเม อาโค๊ตีกลี๊ เต๊เห่ เนอ เตเม อาตาปา อาคย๊าอายื๊อ เต๊เห่ เน๊อ เตเม อาโค๊ตีกลี๊ อา เมม๊าเมแด เด๊อ จอแปแหร่ เด๊อะโพรเด๊อะเตอเรอ ลู เออเนอเต๊เห่ เฮ๊อ. เออเนอหมา อา เด๊อะโลเฮ๊อ เน๊อ เหย่ซู่ หม่า อา โอ่ เด๊อ จอแปแหร่ อา โอ่แฮ ฮู๊เนอ เฮ๊อ. อา เม เป่ โทลอเฮ๊อ เตเม เออเต๊เห่ เนอหม่า ซี ซิเง โทดื่อเฮ๊อ.

ꤚꤥꤗꤢꤩ꤬ 11:1

ฮู๊เนอเรอ แว เก่ แด๊เฮอ แลแค ซี เน๊อ, หม่า จอแปแหร่ วีแก แก เฮ๊อ อา แกแยเมวเจอะพู๊ เร๊อดื่อ เออ เฮ๊อ แอ? อา วีแก เน๊อ เหย่ซี ตีกี๋โต่. เตเนแม๊ แลแค แม๊ แวเออ, แว หม๋า อิสราเอลพู๊ เตเพร แพ๊ กอกอ. แว หม่า เพอับราฮัม อากลุยอาแล, คูเบนยามิน อากลุย กาแล แพ๊.

เพรโด่แนพู๊ เต๊เห่ 13:26

“โป่แหว่ เพอับราฮับ อากลุยอาแล ซีเต๊เห่ เร๊อ แกแยยิวพู๊ หม่าโต่ เด๊อ อา โอ่ เบ๊อะเออ เร๊อ อา จ๊อบู่จ๊อเบแถ่ เกอ จอแปแหร่ เต๊เห่ ล๋อ ปลี ซี๋, เตเมแลเปล๊กา อาหรี่อาแก เออเนอ, อู ซูแฮ เป่ เด๊อ เปเง แพ๊.

ꤛꤥ꤭ꤟꤢ꤬ 7:18

แกแย เด๊อ อา เฮ๊เบ่ เกอเร๊อดื่อ เร๊อ อา เตอเรอฉว่าชอ เตเพรเพร เนอ, อา ซิหยื่อ นอถู่เซ๊หนิ อู เร๊อ อาเหน่ แพ๊. หม่าแน๊เรอ แกแย เด๊อ อา ซิหยื่อ นอถู่เซ๊หนิ อู เร๊อ เพร เด๊อ อา นอแฮ ลู เออเตเพรเพร เนอ, อา เฮ๊เบ่จ๊อ แพ๊, อา แลโฮแลแห่ อู โต่.

เห่ขุทวาลู่ 40:8

เร๊อ เหย่ซี เฮ๊ฉื่อ ลู เน๊อ, “เปเออซิเนอลอ เป โอ่เมอแหม่ เตเพร เต๊อเจ่อ, เร๊อ อู เฮ๊โฉ่แจ่ เป่ เป อาโหง่แลช๊า เตเพร่ว โต่.” เร๊อ คูโยเซฟ เฮ๊ฉื่อ เหย่ซี เน๊อ, “เพร เด๊อ อา เฮ๊เถ่แจ่ เตโอ่เมอ แหม่ อาโหง่แลช๊า หม่า ตื๋อ จอแปแหร่ดุ เตเพร แพ๊ เมฮู๊เนอเร๊อ เฮ๊โฉ่โล เป่ แม๊ แว ซีเตโอ่เมอแหม่ เออเนอ.”

เพรโด่แนพู๊ เต๊เห่ 3:11

เบ๊อะแกแย เออเตเพร ปื่อหม่า เตอเกล๊อ หนิเร๊อ คูเปโตร เร๊อ คูยอห์น เบ๊อะเหล่โอ่ โต๊โผ่ เด๊อ อู เอ๊ เน๊อ คูซาโลมอน หี่ล๊าเก่ เบ๊อะเนอ, แกแย เบ๊อะเนอ เต๊เห่ อาคย๊าอายื๊อ เร๊อ แกล่แฮ แลแค เด๊อ เหย่ซี อา โอ่.

เพรโด่แนพู๊ เต๊เห่ 3:13

เพอับราฮับ, เพอิสอัด เร๊อ เพยาโคบ เต๊เห่ อา จอแปแหร่ เน๊อ เป โหมะเพเพอโพ เด๋อ หนู่เค เต๊เห่ อา จอแปแหร่ เด๊อะโล แถ่เฮ๊อ อา เตลีเตเค เนอ อาหลู่เล๊ เหย่ซู่ เออเนอ เฮ๊อ. หม่าแน๊เรอ ซี เด๊อะตาแก อา เด๊อ แกแย ทวาดุทวาเต เต๊เห่ อา กู๊ยากู เร๊อ เบ๊อะคุ๊ยปีลาต เจแม๊ โทเฮ๊อ เด๊อ อา เก่ ปลวาเถ่แก ลู เบ๊อะเนอ, ซี จูเกอ ลู โต่. เด๊อ คุ๊ย เออเตเพร อา เป๊เส่เงเนอ, ซี เคร๊ฉื่อ ตาปา เจ๊อ อู เจ๊อ.

เตเด๊อะโลแถ่ 7:13

โทเรอ เด๊อ โหมะพรูโหมะเผร่ เนอเต๊เห่ อาเกล เตเพรเนอ อา แด๊เฮอ แว เน๊อ, “แกแย เด๊อ อา กือแซ๊ จาจวาบูทู เออเต๊เห่ เนอหม่า อูเป? เหย่ซี หม่า อา โอ่ เบ๊อะเตแฮ?”