เพรโด่แนพู๊ เต๊เห่ 28:31 - ลีเทส่อพ๊าอาเซ เร๊อ เห่ขุทวาลู๊

³¹ คูเปาโล แด๊โฉ่โด่แน เป่ อู เร๊อ จอแปแหร่ อาเทออาเก่ อาหรี่อาแก, เร๊อ อา อิซว๊าอี๊แส่ ตา เป่ อู เร๊อ แบ่เจ่ เหย่ซู่ครี๊ อาหรี่อาแก. โทเร๊อ อา เฮ๊เบ่คือเฮ๊เบ่บื่อ เร๊อ อู เมตาตือ เหย่ซีเนอ อา โอ่ เตเพร่ว โต่.

Eastern Kayah Shadaw Dialect

³¹ ꤋꤢꤨ꤭ꤕꤢꤪꤜꤢꤨ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭, ꤚꤣꤧ꤬ ꤢ꤬ ꤤ꤬ꤞꤝꤢꤤ꤬ꤞꤢꤧ꤬ꤒꤢ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭꤯ ꤓꤥ꤭ꤚꤣꤧ꤬ ꤢ꤬ ꤟꤢꤩꤙꤢꤩ꤬ꤋꤢꤦ꤭ꤟꤢꤩꤙꤢꤩ꤬ꤟꤢ꤭ ꤚꤣꤧ꤬ ꤢꤨ꤭ ꤗꤢꤩ꤬ꤒꤢ꤭ꤒꤢꤦ꤭ ꤢ꤬ꤔꤣꤧ꤬ ꤢ꤬ ꤥ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯

เพรโด่แนพู๊ เต๊เห่ 28:31 ပူးပေါင်းရင်းမြစ်များ

เพรโด่แนพู๊ เต๊เห่ 4:29

หม่าแน๊เนอ, เก๋อ แบ่เจ๋, หนิดา แม๊มอ เหย่ซี เฮ๊ ต๊อหร่อเซ๊ ซิอิเช แลแค เป กู๊แหน่เออ เต๊เห่เนอ, โท๊โต่ แซ่ฮู๊ เป ทวา เนหลู่ เออเต๊เห่ เก่ เฮ๊เบ่คือเฮ๊บื่อ แร๊เกอ เนหรี่เนแก เนอเร๊อ, เมจว่าเหร่อ เป.

เพรโด่แนพู๊ เต๊เห่ 28:23

ฮู๊เนอเรอ เหย่ซี เฮ๊โอ่ ลู ม๊อเนอม๊อเซ เด๊อ อา เก่ แม๊เถอะ ตาฉื่อ คยาแซ๊ เร๊อ คูเปาโล เร๊อ เบ๊อะเหย่ซี เฮ๊โอ่ ลู เนอเตอเนอเนอ, แกแยยิวพู๊ เต๊เห่ แฮ แลแค เบ๊อะคูเปาโล โอ่ เกอเร๊อ หี่ เนอเตเม อากู, เร๊อ เหย่ซี แฮโหร่ เอ๊เล๊อ เจ๊อ เน๊อ เด๊อ อาเหร่อเค เนอตื๊อหื่อ เจ๊อ. เร๊อ คูเปาโล เป๊อแถ่ เฮ๊โฉ่โด่แนโล เป่ เหย่ซี เร๊อ จอแปแหร่ อาเทออาเก่ อาหรี่อาแก เร๊อ อาข่าเฮ๊โล หนิ อาหรี่อาแก เด๊อ เหมาะลี โต่ เจ๊อ เด๊อ เหมาะคี๊ เจ๊อ. แซ่ฮู๊ เหย่ซี เก่ หยื่อเอ่ เหย่ซู่ อาหรี่อาแก เอออาเงเนอเร๊อ, อา แอ๊จื๊อ เฮ๊โฉ่ซิเงโปล เป่ เหย่ซี เร๊อ คูโมเสส อา เตซว๊าเตแส่ เนอเต๊เห่ เน๊อ เพรโพรเฮ๊หนื่ออื่อ เนอเต๊เห่.

มัทธิว 4:23

เหย่ซู่ เลจว๊า ลอ กาลิลี เต๊เก่เล เร๊อ อา เลจว๊า อิซว๊าอี๊แส่ อู เด๊อ เตจ๊อเบ โฮกู ปว๋า โต๊โผ่. อา แด๊โฉ่โด่แน เป่ แกแยยิวพู๊ เต๊เห่ เร๊อ จอแปแหร่ อาเทอ อาเก่ เตซิครือมีลา อาหรี่อาแก. เร๊อ อา แหย่โอ่เหม่ เป่ ลอ อู เตชุ๊ย ปว๊าโตเมว เตเช ปว๊าเต๊อเจ่อ.

ทิโมธี เนอบ่า ต๊าบ่า 4:17

หม่าแน๊เรอ แซ่ฮู๊ แกแยยิวพู๊ หม่าโต่ เต๊เห่ เก่ หนิโฮน๊อ เกอ เตซิครือมีลา อาเงเนอเรอ, แบ่เจ่ โอ่เกอ เน๊อ แว เร๊อ อา เด๊อะ แว เตอ๊าเตเหร่ เร๊อ แว แด๊โฉ่โล เล๊อบา เป่โท เหย่ซี เฮ๊อ. ฮู๊เนอเรอ แว แลเปล๊ เถ่แกเฮ๊อ เออเนอหมา อา แซ่เจ๊อเร๊อ แว แลเปล๊ เถ่แก เด๊อ แอ๊ซี แกกู เจ๊อ.

ฟีลิปปี 1:14

เด๊อ อู ด๊อตา แว เด๊อ ทอกู อาขว่าอาคยาเร๊อ, โป่แหว่ ครี๊พู๊ โอ่โหร่โอ่เอ๊ อา เตหยื่อเอ่หนิ แบ่เจ่ เออเนอ อา ฉว่าแถ่ชอแถ่ โต่ แลแค เร๊อ อา แด๊โฉ่โด่แน ฮา แฮ เป่ เฮ๊อ อู เร๊อ จอแปแหร่ อาลาอาโหง่, เร๊อ เหย่ซี ชิอิเช ปา แลแค เตอ เจ๋อ โต่ เฮ๊อ.

เพรโด่แนพู๊ เต๊เห่ 20:25

“กู๊แหน่เออ แว ซิเงเฮ๊อ เน๊อ ล๋อ ซี เด๊อ แว แด๊โฉ่โด่แน เป่โท ลอเฮ๊อ เน๊อ จอแปแหร่ อาเทออาเก่ อาหรี่อาแก เออเต๊เห่ เนอ, เป๊อแถ่ กู๊แหน่เออ ตาเป่แฮ เนอ ซี แม๊เถอะ ปา แว เตเพร่ว โต่ เฮ๊อ.

เพรโด่แนพู๊ เต๊เห่ 8:12

หม่าแน๊เรอ เบ๊อะคูฟีลิป แด๊โฉ่โด่แน เป่ เหย่ซี เร๊อ จอแปแหร่ อาเทออาเก่ อาหรี่อาแก เร๊อ เหย่ซู่ครี๊ อาหรี่อาแก เบ๊อะเนอ, เพรเหมาะเหมาะ, เพรคูคู อา หยื่อเอ่แลแค เตซิครือซิลอมีลา เร๊อ เจกา ลอ อาเหน่ เร๊อ เทอ.

เพรโด่แนพู๊ เต๊เห่ 4:31

เบ๊อะเหย่ซี กุยจ๊อเบ โทเฮ๊อ เบ๊อะเนอ, เหล่โอ่ เบ๊อะเหย่ซี เหล่โอ่ปล๊อ เต่อลู เนอโต๊โผะ อา อาว๊าหรี่รือเจ๊อ เร๊อ เหย่ซี เล๊อบา ลอปลี เร๊อ แหย่โยบูโพ๊แบ่เจ่ ปว๋า เตเพร เร๊อ เหย่ซี ปว๋า เตเพร แด๊โฉ่โด่แน คือฮา เป่ แลแค อู เร๊อ จอแปแหร่ อาหรี่อาแก.

เพรโด่แนพู๊ เต๊เห่ 5:42

เร๊อ เด๊อคยาเนอ, เหย่ซี โอ่โก๊แก โต่. เด๊อ เตหลู่แตโฮ อากูเนอ เบ่เบ่, เด๊อ อูหี่อูแพ อากูเนอ เบ่เบ่, ปวาเนอเน๋อ เหย่ซี อิซว๊าอี๊แส่ แฮเง เป่ อู, เหย่ซี แด๊โฉ่โด่แน แฮเง โล เป่ โป่ อู เร๊อ เตซิครือซิลอมีลา อาหรี่อาแก. เตซิครือซิลอมีลา หม่า หม่าเฮ๊อ เหย่ซู่ หม่า แกแย เด๊อ อา เมแลเปล๊กา แกแย เห่ขุพู๊ ลอปลี เตเพร เฮ๊อ.

ทิโมธี เนอบ่า ต๊าบ่า 2:9

แว ย๋อ แด๊โฉ่โด่แน เป่ อู เตซิครือมีลา อาขว่าอาคยาเร๊อ, แว ข่าเบ่เฮ๊อ เตจาเตจือ เร๊อ อู จอกลอหม่า เจ๊อ แว เน๊อ สู่เปลอต่อเท๊ แซ่เน๊อ แกแย เมซื๊อ เตซว๊าเตแส่ เตเพร เจ๊อ. หม่าแน๊เรอ จอแปแหร่ อาลาอาโหง่ เนอ อู จอกลอหม่าแจ่ อา โต่.

เพรโด่แนพู๊ เต๊เห่ 23:11

เบ๊อะเนอเตเซ, แบ่เจ่ แฮ ก๊อถ่อโอ่ เด๊อ คูเปาโล อาช๊า เร๊อ อา เฮ๊ ลู เน๊อ, “แด่ฉว่าแด่ชอ เน ซิปล่อ นี๋. ฮู๊ เน ข่าจา โทเฮ๊อ เนเหน่ เนอ แวหรี่แวแก เบ๊อะวีเยรูซาเล็ม อากู เออเนอ, เน เก่ ข่าหนิเกอ โป่ดื่อ เตหรี่เตแก เออเนอ เด๊อ วีโรม อากู น๊อปา.”

ꤜꤢꤨꤊꤢ꤬ 8:1

เด๊อเง งยาแต๋โต่ เนอ, เหย่ซู่ เถ่จว๊าแก เร๊อ อา จว๊าโน ตอดอ โท ตอดอ, ตีวี โท ตีวี, เร๊อ อา จว๊าเล แด๊โฉ่โด่แน เป่ อู เร๊อ จอแปแหร่ อาเทออาเก่ อา เตซิครือมีลา อาหรี่อาแก. เร๊อ อา โคเจ่ เช๊อซิเนอ ครวาจว๊า เกอ ลูคยา.

ꤗꤢ꤬ꤊꤢꤨ 1:14

เบ๊อะอู ปื่อด๊อตา คูยอห์น เด๊อ ทอกู เบ๊อะเนอ, เหย่ซู่ จว๊า เด๊อ กาลิลีเก่ เร๊อ อา แด๊โฉ่โด่แน เป่ อู เร๊อ จอแปแหร่ อา เตซิครือซิลอมีลา เบ๊อะเนอ.

เพรโด่แนพู๊ เต๊เห่ 1:3

อา ข่าเซอโทเฮ๊อ อาเหน่ เร๊อ อา ก๊อถ่อเซอเพร กาคยา เด๊อ เตเซอ โทเร๊อ เด๊อคยา อาเนอ ลุยเชอ อากูเนอ, อา เด๊อะโล เอ๊เป่ลา อาเหน่ เร๊อ อา โคเจ่ เต๊เห่. โทเร๊อ อา แด๊โฉ่โด่แน เป่ เหย่ซี เร๊อ จอแปแหร่ อาเทออาเก่ อาหรี่อาแก. อา โคเจ่ เต๊เห่ แม๊เถอะ อา เร๊อ อาซิปล่อ หร่าเหร่ ปา แลแค โต่. เหย่ซี หยื่อเอ่ แหน่แหน่ เจ๊อ เน๊อ อา เซอเพร หม่าแหน่ เจ๊อ.

เพรโด่แนพู๊ เต๊เห่ 28:30

คูเปาโล โอ่ เบ๊อะหี่ เด๊อ อา จว๊า คยา โอ่โก๊หนิ เออเนอ เนอหน่า เร๊อ อา เอ๊โหมะฉื่อ ล๋อ แกแย เด๊อ อา จว๊า โอ่เล เกอ ลู เนอเต๊เห่.