เพรโด่แนพู๊ เต๊เห่ 28:28 - ลีเทส่อพ๊าอาเซ เร๊อ เห่ขุทวาลู๊

²⁸ คูเปาโล เฮ๊ โป่ เน๊อ, ฮู๊เนอ อาขว่าอาคยา, ซี โตเบ่ ซิเง แลแค เน๊อ, จอแปแหร่ อา เตเมแลเปล๊แก อาหรี่อาแก เนอ, อู เก่ ซูจว๊าเฮ๊อ ลู เด๊อ แกแยยิวพู๊ หม่าโต่ เต๊เห่ อา โอ่ เฮ๊อ, เร๊อ แกแยยิวพู๊ หม่าโต่ เต๊เห่ เก่ หนิดา ลู ปา.”

Eastern Kayah Shadaw Dialect

²⁸ ꤋꤢꤨ꤭ꤕꤢꤪꤜꤢꤨ ꤟꤢꤩ ꤕ꤫ꤥ꤬ ꤔꤢꤧ, “ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤞꤤ꤭ ꤒꤥ꤭ꤙꤢꤩ꤬ ꤞꤤꤑꤢꤩ꤭ ꤜꤢ꤭ꤋꤢꤧ꤭ ꤔꤢꤧ, ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤔꤣꤧ꤬, ꤢꤨ꤭ ꤊ꤫ꤢꤦ꤬ ꤞꤢꤨ꤭ꤡꤝꤢꤟꤣꤧ ꤜꤢꤨ꤭ ꤘꤣ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤢ꤬ ꤥ꤬ ꤟꤣꤧ, ꤚꤣꤧ꤬ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤘꤢ꤭ ꤜꤢꤨ꤭ ꤕꤢ꤭꤯”

เพรโด่แนพู๊ เต๊เห่ 28:28 ပူးပေါင်းရင်းမြစ်များ

เพรโด่แนพู๊ เต๊เห่ 22:21

“แบ่เจ่ เฮ๊ แว เน๊อ, ‘จว๊ามอ! เมเตเฮ๊เรอ, แว เก่ นอจว๊า ตาพายาแก เน เด๊อ แกแยยิวพู๊ หม่าโต่ เต๊เห่ อา โอ่.’”

ꤜꤢꤨꤊꤢ꤬ 3:6

แกแย ปว๋า เตเพร เก่ แม๊เถอะ ลอ จอแปแหร่ นว๊าแถ่ เพรเมแลเปล๊กา แกแย เห่ขุ เออเนอ เตเพร ปา.’”

เพรโด่แนพู๊ เต๊เห่ 18:6

หม่าแน๊เรอ แกแยยิวพู๊ เต๊เห่ เคร๊ฉื่อ เป๊อเจ่ออิแช๊ คูเปาโล อาขว่าอาคยา, คูเปาโล ท๊อโพร๊ ตาแก เห่หมื่อ เด๊อ อา เห่อจาลู. อา ท๊อโพร๊ ตาแก เห่หมื่อ ฮู๊เออเนอหม่า อา เด๊อะโลเฮ๊อ เตม๊าเตแด เต๊อเจ่อ เด๊อ อู เคร๊ฉื่อ เหย่ซี ฮู๊เนอ. โทเร๊อ อา เฮ๊ฉื่อ เหย่ซี เน๊อ, “ซี เก่ โต่เด๊อ เตปย๊าเตหลู่ เฮ๊เนอหม่า ซีเร๊อซี หนิดื่อเฮ๊อ เตซื๊อเตปล๊า โอ่ปา เด๊อ แวลู โต่ เฮ๊อ. เป๊อแถ่ กู๊แหน่เออ ตาเป่แฮ เนอ, แว เก่ จว๊า แด๊โฉ่โด่แน เป่ดื่อเฮ๊อ เด๊อ แกแยยิวพู๊ หม่าโต่ เต๊เห่ อาเกลเฮ๊อ.”

เพรโด่แนพู๊ เต๊เห่ 15:17

แซ่ฮู๊ ล๋อ แกแยเห่ขุพู๊ เด๊อ อาโร เต๊เห่ ปว๋า เตเพร เร๊อ แกแยยิวพู๊ หม่าโต่ เต๊เห่ เด๊อ แว เอ๊ โทเฮ๊อ เหย่ซี เร๊อ แวมุย เด๊อ อา เก่ ทวาแถ่ หนิลอดื่อ แว เตเต๊เห่เนอ, อา เก่ แฮลอดื่อ เด๊อ แวโอ่ ปา.

เพรโด่แนพู๊ เต๊เห่ 15:14

คูซีโมน เปโตร เฮ๊โฉ่โปลโล โทเซ เป่ แพ๊ เป เร๊อ จอแปแหร่ เป๊อแถ่ เด๊อะโล เป่ เฮ๊อ อา เตแม๊เตตู่หนิ เออเนอ เด๊อ แกแยยิวพู๊ หม่าโต่ เต๊เห่ อา โอ่ เฮ๊อ. เมเตเฮ๊เร๊อ เด๊อ แกแยยิวพู๊ หม่าโต่ อาเกล เต๊เห่เห่เนอ, แซ่ฮู๊ อา เก่ ทวาแถ่ หนิเกอดื่อ จอแปแหร่ อาเต อาเงเนอเร๊อ, อา นอ หยื่อเอ่แลแค เฮ๊อ เหย่ซี เฮ๊อ.

เพรโด่แนพู๊ เต๊เห่ 14:27

เบ๊อะเหย่ซี กาโต่ เด๊อ วีอันทิโอก เบ๊อะเนอ, เหย่ซี เอ๊ปล๊อ เพรหยื่อเอ่เต ตู๊หมู่ตอกล๊อ เต๊เห่ เร๊อ อา แด๊โฉ่โด่แน ลอ เหย่ซี เร๊อ ล๋อ จอแปแหร่ เมเต่อเกอเต เร๊อ เหย่ซี เนอเต๊เห่ เร๊อ แกแยยิวพู๊ หม่าโต่ เต๊เห่ เก่ หยื่อเอ่แลแค เกอ อาเง เนอ, จอแปแหร่ บ๊าโมแถ่ เป่ เหย่ซี กู่ดา.

เพรโด่แนพู๊ เต๊เห่ 11:18

เบ๊อะเหย่ซี หนิโฮ เตหรี่เตแก เออ เบ๊อะเนอ, เหย่ซี เป๊อเจ่ออิแช๊ ปา คูเปโตรโต่, เร๊อ อา ถู่เซ๊แถ่ แลแค จอแปแหร่ เน๊อ, “เก่ อา หม่าแหน่ ฮู๊เนอเฮ๊เรอ จอแปแหร่ เด๊อะเป่เกอเฮ๊อ แกแยยิวพู๊ หม่าโต่ เต๊เห่ เตค๊าขิโตแร๊ เด๊อ อา เก่ ถู่แหล่ เต๊เปล่กา แลแค อาซิปล่อ เร๊อ อา เก่ พย๊าหนิ เกอ แลแค แหย่โยบูโพ๊เซอเพร เฮ๊อ.”

ꤚꤥꤗꤢꤩ꤬ 4:11

อา ดื๊อตีลี๊พ๊า เนอหม่า อาเนอ เด๊อ คยา แพ๊. เบ๊อะอา ดื๊อตีลี๊ แต่ลา พ๊า โต่ เบ๊อะเนอ, เด๊อ อาเตหยื่อ อาขว่าอาคยา, จอแปแหร่ แด่เฮ๊อ อา ฮู๊ แกแยจ๊อแกแยเต เตเพรเฮ๊อ. ฮู๊เนอเรอ อา เมม๊าเมแดแก ลู เร๊อ เตดื๊อตีลี๊พ๊า ฮู๊เนอ เต๊อเจ่อ แพ๊. ฮู๊เนอเรอ แกแย เด๊อ อา ดื๊อตีลี๊ เกอ เจ๊ออู พ๊า โต่ หม่าแน๊เรอ, อา หยื่อเอ่ จอแปแหร่ เต๊เห่เนอ, เพอับราฮัม ทวา เป่ ลอ แกแย ฮู๊เนอ เต๊เห่ อาเพ เฮ๊อ. ฮู๊เนอ อาขว่าอาคยา, จอแปแหร่ แด่จ๊อแด่เต เกอเฮ๊อ เหย่ซี เฮ๊อ.

ꤚꤥꤗꤢꤩ꤬ 11:11

ฮู๊เนอเรอ แว เก่ แด๊เฮอ เน๊อ, เบ๊อะแกแยยิวพู๊ เต๊เห่ ตอพอ แลคื๊อ เบ๊อะเนอ, อาปย๊าอาหลู่ ลา เจ๊อ แอ? อาปย๊าอาหลู่ ล๋ายโต่. เหย่ซี ย๋อ เมดื่อเง เตซื๊อ เรอ, จอแปแหร่ เมแลเปล๊กา ลาติ แกแยยิวพู๊ หม่าโต่ เต๊เห่, เร๊อ อา เม ซิเคว๊เกอ อิสราเอลพู๊ เต๊เห่ เร๊อ เหย่ซี แพ๊.

เพรโด่แนพู๊ เต๊เห่ 13:38

“ฮู๊เนอ อาขว่าอาคยา, โป่แหว่ ล๋อ ปลี ซี๋, แว ซิหยื่อ นอซิเง ตาเต เกอ ซี เน๊อ อู แด๊โฉ่โด่แน เป่ ซี ปลวาแก ซี เตซื๊อ เนอหม่า หม่าเด๊อ เหย่ซู่ครี๊ อาขว่าอาคยา แพ๊.

เพรโด่แนพู๊ เต๊เห่ 13:26

“โป่แหว่ เพอับราฮับ อากลุยอาแล ซีเต๊เห่ เร๊อ แกแยยิวพู๊ หม่าโต่ เด๊อ อา โอ่ เบ๊อะเออ เร๊อ อา จ๊อบู่จ๊อเบแถ่ เกอ จอแปแหร่ เต๊เห่ ล๋อ ปลี ซี๋, เตเมแลเปล๊กา อาหรี่อาแก เออเนอ, อู ซูแฮ เป่ เด๊อ เปเง แพ๊.

เพรโด่แนพู๊ เต๊เห่ 2:14

โทเร๊อ คูเปโตร เด๊อ อา ก๊อถ่อโอ่ เต่อเกอ เร๊อ เพรโด่แนพู๊ เต๊เห่ เช๊อเตเพร เออเตเพรเนอ, อา เอ๊โท เฮ๊เบ่ ฉว่า เป่ อู เน๊อ, “โป่แหว่ แกแยยิวพู๊ เร๊อ แกแย อาโอ่ เด๊อ วีเยรูซาเล็ม อากู ล๋อ ปลี ซี๋, หนิดา แลแค! แว เก่ แด๊โฉ่ เป่ ซี เตทวาแถ่ เออ อาโหง่แลช๊า.

เพรโด่แนพู๊ เต๊เห่ 4:10

ล๋อ ซี เออเต๊เห่ เบ่เบ่, อิสราเอล อากลุยอาแล ล๋อ ปลี เบ่เบ่, อา โต ซิเง แลแค เร๊อ แกแย กู๊โด่ด๊าตือรือ เออเตเพร ก๊อถ่อจว๊าแจ่ แร๊กาคยา คยาแซ๊ เด๊อ ซี เป๊เส่เง กู๊แหน่เออ เนอหม่า หม่าเด๊อ วีนาซาเร็ธพู๊ เหย่ซู่ครี๊ อามุย อา เตโพรเตเตอเรอ อาขว่าอาคยา แพ๊. เหย่ซู่ครี๊ หม่า ซี มือเซอแถ่ อา เด๊อ อี๊ถื่อดีเต่ลู เนอเตเพร เฮ๊อ, หม่าแน๊เร๊อ จอแปแหร่ เมเซอเพร กาคยา คยาแซ๊ อา เด๊อ เตเซอ เฮ๊อ.

เพรโด่แนพู๊ เต๊เห่ 9:15

หม่าแน๊เรอ แบ่เจ่ เฮ๊ ลู เน๊อ, “จว๊ามอ, เมเตเฮ๊เรอ แว นว๊าแถ่ เฮ๊อ อา เด๊อ อา เก่ แด๊โฉ่โด่แน เป่ แกแยยิวพู๊ หม่าโต่ เต๊เห่ เร๊อ คุ๊ยจ๊อแผ่ เต๊เห่, เร๊อ อิสราเอลพู๊ เต๊เห่ เร๊อ แวหรี่แวแก ปา.

เพรโด่แนพู๊ เต๊เห่ 28:29

คูเปาโล เฮ๊โท เต ฮู๊เออ เนอ, แกแยยิวพู๊ เต๊เห่ เถ่จว๊าแก เร๊อ เหย่ซี จว๊า แขระเซอแขระโอ่ เกอเร๊อ แคลู.)