เพรโด่แนพู๊ เต๊เห่ 28:22 - ลีเทส่อพ๊าอาเซ เร๊อ เห่ขุทวาลู๊

²² หม่าแน๊เรอ เป ซิหยื่อ หนิโฮ เกอดื่อ เน เตแม๊เถอะ เร๊อ เน เตเหล่เตเน เต๊เห่ แพ๊, เมเตเฮ๊เรอ, เป ซิเง เน๊อ แกแย เบ๊อะเต๋ โต๊โผ่ เบ่เบ่ อา เฮ๊ โตโมแตแก่ ลอปลี แกแย เออเตอหมู่.”

Eastern Kayah Shadaw Dialect

²² ꤗꤢ꤬ꤔꤢꤧꤚꤣꤧ꤬ ꤕꤢꤩ꤬ ꤞꤤꤛ꤫ꤢꤦ꤬ ꤔ꤫ꤤ꤬ꤟꤥ꤭ ꤊꤣꤧ꤭ꤘꤢꤦ꤬ ꤔꤢꤧ꤬ ꤒꤢꤩ꤬ꤗꤢꤧꤓ꤫ꤣꤧ꤬ ꤔꤢꤧ ꤔꤢꤧ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤒꤣꤧ꤬ꤟꤢꤩ꤬ ꤖꤢꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤕꤢꤩ꤬ ꤞꤤꤑꤢꤩ꤭ ꤔꤢꤧ ꤊꤣꤧ꤬ꤛꤢꤧ꤭ ꤙꤣꤧꤒꤢꤩ꤭꤮ ꤒꤣ꤬ꤖꤥ꤬ ꤙꤢꤩ꤬ꤙꤢꤩ꤬ ꤢ꤬ ꤟꤢꤩ ꤒꤣꤧ꤬ꤗꤥ꤭ꤒꤣꤧ꤬ꤊꤢꤩ꤬ ꤜꤢꤪ꤭ꤕꤜꤤ꤭ ꤊꤣꤧ꤬ꤛꤢꤧ꤭ ꤣꤧ꤭ꤒꤣ꤬ꤗꤢꤨ꤬꤯”

เพรโด่แนพู๊ เต๊เห่ 28:22 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 2:12

เบ๊อะซี โอ่เซอเพร เด๊อ เมวจ่อโรพู๊ เด๊อ อา หยื่อเอ่ เกออู จอแปแหร่ โต่ เออเต๊เห่ อาเกล, เร๊อ อา แด่ เตซื๊อ ซี เร๊อ ซี หม่า แกแย เด๊อ อา เม เตมู๊แหม่รีแจ่ เบ๊อะเนอ, โอ่เซอเพร แซแร แร๊ แลแค ซีเหน่ นี๋. เหย่ซี เก่ แม๊เถอะ ซี เตแรแร๊ เต๊เห่ ปา เร๊อ ช๋า จอแปแหร่ แฮแล อาม๊อเนอ ปา เตอเนอเนอ, อา เก่ แด่ดุแด่หยื่อ ลู ปา.

เปโตร อาเหร่อเล๊อ ต๊าบ่า 3:16

ซี ซิปล่อ เก่ เฮ๊แลหนิ ซี เร๊อ ซีเตซื๊อ โอ่โต่ เฮ๊เนอ, ตูรู๊ เม แฮเง ลา นี๋. ซี เก่ เมฮู๊เนอ เฮ๊เรอ แกแย เด๊อ อา เฮ๊บูเฮ๊บย่า, อา เฮ๊ มู๊แหม่รีแจ่ ซี เตโอ่แซแร แร๊ เด๊อ ครี๊ อากู เออเต๊เห่เนอ, อา เก่ ซิเตเร เกอเร๊อ คยาดื่อ เร๊อ อา เตเฮ๊เบ่เฮ๊โช อาคยา ปา.

เพรโด่แนพู๊ เต๊เห่ 24:14

หม่าแน๊เรอ, แว อ๊อแล เน๊อ แว จ๊อบู่จ๊อเบแถ่ เป โหมะเพเพอโพ เด๋อ งย๊าเค เต๊เห่ อา จอแปแหร่, เร๊อ หม่า เด๊อ แว โครครวา แกล๊ เด๊อ แบ่เจ่ เด๊อะโล เออเนอ เร๊อ เหย่ซี เฮ๊ แลแค แว เร๊อ แวหยื่อแวแหน่ ซื๊อเฮ๊อ เตเฮ๊อ, อา เฮ๊ แลแค ฮู๊เนอ. ล๋อ คูโมเสส อา เตซว๊าเตแส่ เด๊อ อา ราหนื่ออื่อ เหร่อ เต๊เห่เน๊อ เร๊อ ล๋อ เพรโพร อาลี เต๊เห่เนอ, แว หยื่อเอ่ เกอ ลอ แพ๊แพ๊.

ꤜꤢꤨꤊꤢ꤬ 2:34

เพสิเมโอน เด๊อะบุ๊ยเด๊อะเตอเรอโท เหย่ซี เร๊อ อา เฮ๊แกหนิ เป๊เจ่พู๊ อาโหมะ โหมะมารีย์ เออเนอ เน๊อ, “เป๊เจ่เออ จอแปแหร่ นว๊าแถ่เฮ๊อ ลู เด๊อ อา เก่ เมแลเปล๊กา อิสราเอล เต๊เห่ ปา, เร๊อ อา เก่ แด่ดุแด่แถ่โล เกอลาติ แกแย เด๊อ อาโร เต๊เห่ ปา. อา หม่า จอแปแหร่ อา เตม๊าเตแด เต๊อเจ่อ, เร๊อ แกแย เก่เฮ๊เบ่จู๊แกฉื่อลูปาเนอ, โอ่โร๊เอ๊ลาปา.

โครินธ์ อาเหร่อเล๊อ ต๊าบ่า 11:19

แซ่ฮู๊ อู เก่ แม๊เถอะ ซิเง เร๊อ แกแย เต๊เห่ หม่า อา หยื่อเอ่ หม่า แอ, หม่าโต่ แอ เนอ, ซิปล่อ ลูโค๊ลู เออเนอ อา เบ่ โอ่แถ่ แหน่ แพ๊.

เพรโด่แนพู๊ เต๊เห่ 26:5

แว หม่า แว โอ่โนเต่อเกอดื่อ เด๊อ ฟาริสีพู๊ อาตู๊หมู่ตอกล๊อ เด๊อ อา ปื่อหม่า ชอแหน่เจ๊อ เตจ๊อบู่จ๊อเบ อา เตซว๊าเตแส่ เต๊เห่ ตู๊หมู่ เตเพรเนอหม่า เหย่ซี ซิเง งย๊า ลาเฮ๊อ แว เฮ๊อ. เก่ เหย่ซี ซิหยื่อ ข่าเฮ๊เด๊อะโล แวหรี่แวแก เฮ๊เนอหม่า อา ซิเง ลอปลี เจ๊อ.

เพรโด่แนพู๊ เต๊เห่ 15:5

หม่าแน๊เรอ ฟาริสี ตู๊หมู่ตอกล๊อ เด๊อ อา หยื่อเอ่แลแค เต อาเกล เต๊เห่ ก๊อถ่อ เฮ๊ เน๊อ, “แกแยยิวพู๊ หม่าโต่ เต๊เห่เนอ อา โตเบ่ ดื๊อตีลี๊ เกอ พ๊า, โทเรอ อู โตเบ่ เฮ๊ เต่อเป่เกอ เหย่ซี เร๊อ เหย่ซี โตเบ่ โครครวาเมเกอ คูโมเสส อา เตซว๊าเตแส่ เต๊เห่.”

เพรโด่แนพู๊ เต๊เห่ 5:17

เออโตโพ๊เรอ เพรหลู่แต กู่กล๊อดุเล๊อ เตเพร เร๊อ ล๋อ เพร เด๊อ อา ครวาเกอ ลูคยา เด๊อ อา โอ่ป่าโน เต่อเกอ เด๊อ สะดูสีพู๊ ตู๊หมู่ตอกล๊อ เบ๊อะเนอ เต๊เห่, ซิค๊าซิเถ่ ตื๊อดื่อ เจ๊อ เพรโด่แนพู๊ เต๊เห่ เออเต๊เห่ เจ๊อ.

ꤚꤥꤗꤢꤩ꤬ 1:8

เด๊อ เหย่ซู่ครี๊ อาขว่าอาคยาเรอ, แว เฮ๊บุ๊ยเฮ๊เตอเรอ เหร่อเล๊อ เฮ๊อ แว จอแปแหร่ เด๊อ ซี ล๋อ ปลี อาเง เฮ๊อ, เมเตเฮ๊เรอ ซี เตหยื่อเตแหน่ เออเนอ, อู หนิโฮ ลอเฮ๊อ เห่ขุ ต๊าบ่า เฮ๊อ.