เพรโด่แนพู๊ เต๊เห่ 28:17 - ลีเทส่อพ๊าอาเซ เร๊อ เห่ขุทวาลู๊

¹⁷ โซเซ บาเฮ๊อเนอ, คูเปาโล เอ๊ปล๊อหนิ แกแยยิวพู๊ เด๊อ อา ทวา อากู่กล๊อทวาดุ เบ๊อะวีโรม เนอเต๊เห่. เบ๊อะเหย่ซี แฮโต่ ลอเฮ๊อ เบ๊อะเนอ, อา เฮ๊ เหย่ซี เน๊อ, “แว โป่แหว่ ซี๋, เตเม โตโมเต๊เก่ฉื่อ เป เมวเจอะ เต๊เห่ เบ่เบ่, หม่าโต่เรอ เต เด๊อ อา โค๊เล๊อ เร๊อ เป เหล่โกลเหล่แบ่ เด๊อ เป พย๊าหนิ เด๊อ เป โหมะเพเพอโพ เด๋อ งย๊าเค เต๊เห่ อา โอ่ เนอ เบ่เบ่, แว เมน๊อ เร๊อ เตอเจ๋อ โต่. หม่าแน๊เรอ อู ปื่อ แว เด๊อ วีเยรูซาเล็ม อากู เร๊อ อู เด๊อะตาแก แว เด๊อ โรมัน เต๊เห่ อา กู๊ยากู.

Eastern Kayah Shadaw Dialect

¹⁷ ꤞꤥ꤭ꤞꤢꤩ꤭ ꤙꤢ꤭ꤟꤣꤧꤔꤣꤧ꤬, ꤋꤢꤨ꤭ꤕꤢꤪꤜꤢꤨ ꤢꤩꤕꤜꤢꤪꤚꤣꤧ ꤛꤢꤨꤘꤢ꤬ꤖꤢꤨ ꤘꤣ ꤢ꤬ ꤓꤝꤢ꤭ ꤢ꤬ꤊꤢꤨ꤬ꤊꤜꤢꤪ ꤙꤣꤧ ꤠꤤ꤭ꤚꤥꤗꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤙꤣꤧ ꤛꤢꤩ꤬ꤞꤤ꤭ ꤟꤢꤧ꤭ꤒ꤫ꤥ꤬ ꤜꤢꤪ꤭ꤟꤣꤧ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤠꤢꤧ꤭ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤒꤢꤩ꤬ꤗꤢꤩ꤬ ꤒꤣꤧ꤬ꤗꤥ꤭ꤒꤣꤧ꤬ꤊꤢꤩ꤬ꤏꤢꤦ꤬ ꤕꤢꤩ꤬ ꤗꤤ꤭ꤡꤣ꤬ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤗ꤫ꤢ꤬ꤒꤥ꤬ꤚꤣꤧ꤬ ꤒꤢꤩ꤬ ꤘꤣ ꤢ꤬ ꤋꤥ ꤔꤢꤧ ꤕꤢꤩ꤬ ꤜ꤫ꤢꤩ꤬ꤊꤜꤥ꤭ꤜ꤫ꤢꤩ꤬ꤋꤢꤧ꤬ ꤘꤣ ꤕꤢꤩ꤬ ꤔ꤫ꤤ꤬ꤙꤢꤩ꤬ ꤘꤣ ꤕꤢꤩ꤬ ꤗ꤫ꤥ꤬ꤖꤢꤩ꤭ꤖꤣꤧ꤭ꤖꤥ꤭ ꤘꤣ꤮ ꤑꤢꤔꤢꤨ꤬ ꤒꤣꤧ꤬ꤟꤢꤩ꤬ ꤢ꤬ ꤥ꤬ ꤔꤣꤧ꤬ ꤙꤢꤩ꤬ꤙꤢꤩ꤬, ꤠꤢꤧ꤭ ꤗꤢꤩ꤬ꤔꤢꤪ ꤔꤢꤧ ꤒꤣ꤬ꤡꤣ꤬꤮ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤢꤨ꤭ ꤕ꤫ꤢꤦ꤬ ꤠꤢꤧ꤭ ꤘꤣ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤢ꤬ꤊꤢꤨ꤭ ꤚꤣꤧ꤬ ꤢꤨ꤭ ꤘꤣꤧꤒꤢ꤭ꤊꤢꤧ꤭ ꤠꤢꤧ꤭ ꤘꤣ ꤚꤥꤗꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ ꤊꤢꤨꤛꤢ꤭ꤊꤢꤨ꤭꤯

เพรโด่แนพู๊ เต๊เห่ 28:17 ပူးပေါင်းရင်းမြစ်များ

เพรโด่แนพู๊ เต๊เห่ 25:8

ฮู๊เนอเรอ คูเปาโล เฮ๊แลเปล๊ อาเหน่ เน๊อ, “เตซื๊อ เด๊อ อา เมปย๊าเมหลู่แก แกแยยิวพู๊ อา เตซว๊าเตแส่ เต๊เห่ เบ่เบ่, เตหลู่แตโฮเนอ เบ่เบ่, โทเร๊อ โรมัน อาคุ๊ยดุ เบ่เบ่ แว เมน๊อ เตอเจ๋อ โต่.”

เพรโด่แนพู๊ เต๊เห่ 6:14

เป หนิโฮ อา เฮ๊ เร๊อ วีนาซาเร็ธ แบ่เจ่เหย่ซู่ เออ เก่ เมตาพรอแก เตหลู่เเตโฮ เออเนอ ปา เร๊อ อา เก่ ถู่แหล่ เต๊เปล่แก เป เหล่โกลเหล่แบ่ เด๊อ คูโมเสส เด๊อะโอ่แก โทเฮ๊อ เป เออเนอเต๊เห่ ปา,” อา เฮ๊ ฮู๊เนอ.

เพรโด่แนพู๊ เต๊เห่ 25:10

เร๊อ คูเปาโล เฮ๊ฉื่อ อา เน๊อ, “กู๊แหน่เรอ แว ก๊อถ่อโอ่เฮ๊อ เด๊อ คุ๊ยดุ เหล่ เมจากาคยา อาเหล่โอ่ เฮ๊อ. เออ หม่า เหล่โอ่ เด๊อ โตเบ่ เมจา แด๊เฮอเจแม๊ แว เฮ๊อ. ฮู๊ เน ซิเง ตาเต โทดื่อเฮ๊อ เนอ เฮ๊อ, แว เมซื๊อน๊อ เน๊อ แกแยยิวพู๊ เต๊เห่ เตอเจ๋อ โต่.

เพรโด่แนพู๊ เต๊เห่ 22:5

แว เฮ๊เบ่จ๊อเฮ๊เบ่เต แพ๊ เนอหม่า, เพรหลู่แต กู่กล๊อดุเล๊อ เออเนอ เด๊อ แกแยยิวพู๊ เน๊อ อา ทวา ทวาดุทวาเต ล๋อ ปลี เต๊เห่ เย๊อเบ๊ อาซิปล่อสู่เทอ เด๊อ แวเง แพ๊. เมเตเฮ๊เรอ, แซ่ฮู๊ แว เก่ จว๊าปื่อ แกแย เด๊อ อา โครครวา เกอ เหย่ซู่ครี๊ อาคยา เนอเต๊เห่ เร๊อ แว เก่ จอกลอ เหย่ซี เร๊อ สู่เปลอต่อเท๊, โทปาเรอ แว เก่ เอ๊กาแด๊เฮอ เจแม๊ เหย่ซี เด๊อ วีเยรูซาเล็ม ปา เนอเรอ, เหย่ซี ทวา ทวาดุทวาเต เนอเต๊เห่ ราจว๊าหนิ ลีเต๊เห่ เร๊อ อา เด๊อะจว๊า เร๊อ แว. ลี เออเต๊เห่เนอ, อา ราจว๊า เป่ อาโป่แหว่ แกแยยิวพู๊ เด๊อ อา ทวา ทวาดุทวาเต เร๊อ อา โอ่ แลแค เด๊อ วีดามัสกัส เด๊อ แว เตเร จว๊า วีเออ ตีวี อากู เนอเต๊เห่ อา โอ่.”

เพรโด่แนพู๊ เต๊เห่ 25:2

เพรหลู่แต ทวาดุทวาเต เต๊เห่ เร๊อ แกแยยิวพู๊ อา กู่กล๊อดุ เต๊เห่ แฮ เด๊อะโลแถ่ แด่เตซื๊อ คูเปาโล เต๊เห่ เด๊อ คุ๊ยดุ คูเฟสทัส อา โอ่.

เพรโด่แนพู๊ เต๊เห่ 23:33

เหย่ซี จว๊าโต่ เด๊อ วีซารียา เร๊อ, อา จว๊าเด๊อะ ลี เนอต๊าบ่า เด๊อ คุ๊ยดุ กู๊ยากู เร๊อ เหย่ซี ซูแถ่แก คูเปาโล เด๊อ คุ๊ยดุ เออเตเพร อา โอ่.

เห่ขุทวาลู่ 40:15

เฮ๊ลอล๋อ หม่า แว โอ่ เด๊อ ฮีบรูเก่ เร๊อ อู ปื่อแฮ ตื๊อดื่อ แว เบ๊อะเออ. เบ๊อะ แว โอ่ เบ๊อะเออ เบ๊อะเนอ เบ่เบ่, แว เมซื๊อเมปล๊า เน๊อ เตอเจ๋อ โต่ ตือดื่อเร๊อ อู ด๊อตา แว เด๊อ เตจาเตจือ ทอกู.”

เพรโด่แนพู๊ เต๊เห่ 13:50

หม่าแน๊เรอ แซ่ฮู๊ อู เก่ เมจาเมจือ คูเปาโล เร๊อ คูบารนาบัส เออเนอเร๊อ แกแยยิวพู๊ ซี เต๊เห่เนอ, อา นอฉว่า เฮ๊ชอ เพรเหมาะ เด๊อ อา จ๊อเบ จอแปแหร่ เร๊อ อา ทวา กู่กล๊อ เต๊เห่, เน๊อ เพรคู เด๊อ อา ทวา กู่กล๊อ เด๊อ วีกู เนอเต๊เห่, เร๊อ อา จว๊า เฮ๊ แฉ่ครวา โป่ ลอเหย่ซี. เร๊อ เหย่ซี เหว่เถ่แก คูเปาโล เร๊อ คูบารนาบัส เด๊อ เหย่ซี เก่กู.