เพรโด่แนพู๊ เต๊เห่ 28:15 - ลีเทส่อพ๊าอาเซ เร๊อ เห่ขุทวาลู๊

¹⁵ เป โป่แหว่ เพรหยื่อเอ่ เด๊อ อา โอ่ เด๊อ วีโรม อากู เต๊เห่เนอ, อา หนิโฮ แลแค เปหรี่เปแก เร๊อ อา จว๊า แม๊เถอะฉื่อ โต่ เป เด๊อ วีอาปีย๊า เกล๊กู เนอ เต๊เห่, เต๊เห่เห่เร๊อ อา แฮ แม๊เถอะฉื่อ เป เด๊อ ซิเผระหี่ เนอ โซเม อากู. เบ๊อะคูเปาโล แม๊เถอะ เหย่ซี เบ๊อะเนอ, อา หนิอ๊าหนิเหร่ ลา ลู เร๊อ อา เฮ๊บุ๊ยเฮ๊เตอเรอ จอแปแหร่.

Eastern Kayah Shadaw Dialect

¹⁵ ꤕꤢꤩ꤬ ꤕ꤫ꤥ꤬ꤠ꤫ꤢꤧ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤘꤣ ꤢ꤬ ꤥ꤬ ꤘꤣ ꤠꤤ꤭ꤚꤥꤗꤢꤩ꤬ ꤢ꤬ꤊꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤔ꤫ꤤ꤬ꤟꤥ꤭ ꤜꤢ꤭ꤋꤢꤧ꤭ ꤕꤢꤩ꤬ꤚꤤ꤬ꤕꤢꤩ꤬ꤊꤢꤧ꤭ ꤚꤣꤧ꤬ ꤢ꤬ ꤟꤢꤧ꤭ ꤗꤢꤧꤓ꤫ꤣꤧ꤬ꤏꤢꤦ꤬ ꤒ꤫ꤥ꤬ ꤕꤢꤩ꤬ ꤘꤣ ꤠꤤ꤭ꤢ꤬ꤕꤤꤛꤢ ꤊꤜꤢꤩꤊꤢꤨ꤭ ꤔꤣꤧ꤬ ꤒꤣꤧ꤬ꤟꤢꤩ꤬, ꤒꤣꤧ꤬ꤟꤢꤩ꤬ꤟꤢꤩ꤬ꤚꤣꤧ꤬ ꤢ꤬ ꤟꤢꤧ꤭ ꤗꤢꤧꤓ꤫ꤣꤧ꤬ꤏꤢꤦ꤬ ꤕꤢꤩ꤬ ꤘꤣ ꤞꤤꤖꤚ꤫ꤢꤩ꤬ꤟꤤ꤬ ꤔꤣꤧ꤬ ꤞꤥ꤭ꤗꤢꤩ꤭ ꤢ꤬ꤊꤢꤨ꤭꤯ ꤙꤣꤧ ꤋꤢꤨ꤭ꤕꤢꤪꤜꤢꤨ ꤗꤢꤧꤓ꤫ꤣꤧ꤬ ꤛꤢꤩ꤬ꤞꤤ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤔ꤫ꤤ꤬ꤟꤢꤧ꤭ꤔ꤫ꤤ꤬ꤚꤢꤩ꤬ ꤜꤢ꤭ ꤜꤢꤨ꤭ ꤚꤣꤧ꤬ ꤢ꤬ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤡꤢꤪꤗꤣꤧ꤬ꤚꤢꤧ꤬꤯

เพรโด่แนพู๊ เต๊เห่ 28:15 ပူးပေါင်းရင်းမြစ်များ

ꤟꤤꤙꤚꤢꤨ 13:3

ซีเหน่ เมจว่า เต่อเป่เกอ แกแย ตา เด๊อ ทอกู เต๊เห่ เร๊อ แด่เกอ เน ซิปล่อ ฮู๊ เน ตาเต่อเกอ เน๊อ เหย่ซี เด๊อ ทอกู ฮู๊เนอ นี๋. ซีเหน่ เมจว่า เต่อเป่เกอ แกแย เด๊อ อา ข่าจาข่าจือ เต เต๊เห่ เร๊อ แด่เกอ เน ซิปล่อ ฮู๊ เน ข่าเบ่ เต่อเกอ เต เร๊อ เหย่ซี ฮู๊เนอ นี๋.

ꤚꤥꤗꤢꤩ꤬ 15:24

ฮู๊เนอเรอ ช๋า แว จว๊า เด๊อ สเปนเก่ เบ๊อะเนอปาเนอ, แว เตเน ซิจว๊าโอ่เล เต่อเกอ ซี ปา. ช๋า แว จว๊า เฮ๊อ เด๊อ สเปนเก่ เบ๊อะเนอปาเนอ. แว จว๊าโอ่เลแก โก๊เกอ ซี เบ๊อะวีโรม อากู เนอ ปา. เร๊อ แว เก่ จว๊า แบ๊ซว๊าแบ๊โคแก หนิเกอ เร๊อ ซี แตแปล๊เตอเปลอฮู๊ ปา แว เตเน ฮู๊เนอ. โทเรอ แว แม๊ชือ เด๊อ ซี เก่ เด๊อะเกอ แว ซี เตเมจว่า เด๊อ แว เตจว๊า แฮเง เด๊อ สเปนเก่ เออเนอ ปา, แว แม๊ชือ ฮู๊เนอ.

ꤊꤢ꤬ꤜꤢ꤬ꤒꤤ 4:14

แว เหน่กล่อ อา เตชุ๊ยเตเช เออ อา ทวาแถ่ แหน่เจ๊อ เตแป่เตเช เด๊อ ซีเง หม่าแน๊เรอ ซี ซิเถ่ ซิโตโคน๊อ เร๊อ แว โตโพ๋ โต่. ซี ลื๋อ เอ๊โมฉื่อ แร๊ เตเปล๋ ปา เจ๊อ แว แซ่เจ๊อเร๊อ แว ทวา จอแปแหร่ อา เตเน่วพู๊ เตเพรเนอ เจ๊อ, โท๊โต่ ซี เอ๊โมฉื่อ แว เออเนอ, อา แซ่เฮ๊อ เน๊อ ซี เอ๊โมฉื่อ เหย่ซู่ครี๊ อาเหน่แบ่เจ่ เนอ เจ๊อ เฮ๊อ.

เพรโด่แนพู๊ เต๊เห่ 21:5

หม่าแน๊เรอ โซซว๊าเตอเนอ โทเร๊อ เป เถ่จว๊า คยาแซ๊ แกล๊. ล๋อ เพร หยื่อเอ่ เบ๊อะเนอ เต๊เห่ เร๊อ อาพู๊อาเม เต๊เห่ ซูเถ่ เป เด๊อ วีกลอ เร๊อ ซูจว๊าเต่อ เป เด๊อ เทอดุซาวาทือ. เร๊อ เหย่ซี แด๊งือแล ลอปลี เบ๊อะเนอ ปว๋า เตเพร เร๊อ กุยจ๊อเบ แลแค เต.

เพรโด่แนพู๊ เต๊เห่ 10:25

เบ๊อะคูเปโตร เตเร โน เด๊อ หี่ด๊อกู เบ๊อะเนอ, เพโครเนลิอัส เอ๊โมฉื่อ ลู เร๊อ อา แด๊งือแล งอตา เด๊อ ลู กู๊โด่ช๊า เร๊อ อา จ๊อเบแถ่ ลู.

ꤛꤥ꤭ꤟꤢ꤬ 12:13

ฮู๊เนอเรอ อา ปื่อหนิ แลแค กะน๊อดุเหล่ เต๊เห่ เร๊อ อา เถ่จว๊า แม๊ฉื่อ ลู, เร๊อ อา เอ๊โท แลแค เนอ, “ถู่เซ๊แถ่ แลแค จอแปแหร่!” “จอแปแหร่ เก่ เด๊อะบุ๊ยเด๊อะเตอเรอ อา เด๊อ อา แฮ เร๊อ แบ่เจ่ อามุย เออเตเพร!” “จอแปแหร่ เก่ เด๊อะบุ๊ยเด๊อะเตอเรอ อิสราเอล อาคุ๊ยจ๊อแผ่ เออเตเพร นี๋”

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:7

ฮู๊เนอเรอ โป่แหว่ ซี, เบ๊อะเป ข่าเบ่ เจ๊อ เตแป่เตเช เด๊อ อาดุอาแย เร๊อ เตจาเตจือ ล๋อ ปลี เออเต๊เห่ อาเค เจ๊อเนอเนอ, ซี หยื่อเอ่ ซิเลหนิ ปา ครี๊ อาขว่าอาคยา, อา หนิอ๊าหนิเหร่ แหน่เจ๊อ เด๊อ เปเง เจ๊อ.

โครินธ์ เนอบ่า ต๊าบ่า 2:14

หม่าแน๊เรอ, แว เฮ๊บุ๊ยเฮ๊เตอเรอ ถู่เซ๊แถ่ เต เด๊อ จอแปแหร่ เม เป่ เฮ๊อ เป เออเต๊เห่, เมเตเฮ๊เรอ เด๊อ เป ย๋อ ทวาแถ่เฮ๊อ เตเต๊อเจ่อ แพ๊เน๊อ ครี๊ อาขว่าอาคยา, จอแปแหร่ จว๊า เหร่อ เด๊อ เปเป๊เส่เง เร๊อ เป ครวาจว๊าเกอ ลู เด๊อ คยา เด๊อ อาแซ่เน๊อ อู ด๊อตา ครี๊ อาแกแย เด๊อ ทอกู เนอเต๊เห่ เฮ๊อ. จอแปแหร่ เด๊อะโล เฮ๊อ เป เร๊อ อู ปว๋า เตเพร เฮ๊อ. จอแปแหร่ นอแฮเง เฮ๊อ เป เด๊อ เป เก่ เลเด๊อะซิเง เป่ อู เร๊อ ครี๊ อาหรี่อาแก เด๊อ อาแซ่เน๊อ เตโนมื๊อโนชือ เออเนอ ปว๋า โต๊โผ่ เฮ๊อ.

เพรโด่แนพู๊ เต๊เห่ 1:15

เตอเนอเคเนอ, เพรหยื่อเอ่เต๊เห่ เด๊อ อา ผื๋อ โอ่โหร่ เพร เตเยเนอเชอ เออเนอ, อา แฮ โอ่กู๊โอ่แก๊ ลู.

เพรโด่แนพู๊ เต๊เห่ 10:23

เร๊อ คูเปโตร เอ๊ โอ่เมอฉื่อ เหย่ซี. โทเรอ ปาโร เตอเนอเนอ, คูเปโตร ตี๊หรี่แตแร อาเหน่ เร๊อ อา ครวาจว๊าเกอ เหย่ซี. เพรหยื่อเอ่แหน่เอ่ เด๊อ อา โอ่ เด๊อ วียัฟฟา อากู เต๊เห่ ครวาจว๊าเกอ ลู.

เพรโด่แนพู๊ เต๊เห่ 11:1

เพรโด่แนพู๊ เต๊เห่ เร๊อ เพรหยื่อพู๊ เด๊อ อา โอ่ เด๊อ ยูดาห์เก่ ปว๊า โต๊โผ่ เต๊เห่เนอ, อา หนิโฮ เร๊อ แกแยยิวพู๊ หม่าโต่ เต๊เห่ พย๊าหนิ เกอเฮ๊อ จอแปแหร่ อาลาอาโหง่.

เพรโด่แนพู๊ เต๊เห่ 11:12

เออโตโพ๊เรอ แหย่โยบูโพ๊แบ่เจ่ เฮ๊ แว เน๊อ เมคอเมยอ แต่เหม่, ครวาจว๊า เหล่เกอมอ เหย่ซีเนอ. เร๊อ โป่แหว่ เด๊อ วียัฟฟา อาโอเพรโซซว๊า เออ ครวาจว๊าเกอ เร๊อ แว โต่เด๊อ วีเก่ซารียา เร๊อ เป โนเกอ เด๊อ เพโครเนลิอัส อาหี่กู ปว๋า เตเพร.

เพรโด่แนพู๊ เต๊เห่ 12:17

คูเปโตร ซิหยื่อ นอโส่โส๋ โอ่ เหย่ซี เร๊อ อา วื๊อแหว่โล เป่ เหย่ซี เร๊อ อากู๊ขุ. เร๊อ อา แด๊โฉ่ เป่ เหย่ซี เน๊อ แบ่เจ่ จอแปแหร่ เมแลเปล๊เถ่ แคร๋ อา เด๊อ ทอกู ฮู๊เต อาหรี่อาแก. เร๊อ อา เฮ๊ เน๊อ, “แด๊โฉ่ เป่เกอ คูยากอบ เร๊อ ล๋อ เพรหยื่อเอ่พู๊ เด๊อ อาโร เนอเต๊เห่ เร๊อ เตหรี่เตแก เออเนอ นี๋,” คูเปโตร เฮ๊โฉ่แก เป่ เหย่ซี ฮู๊เนอ เร๊อ อา เถ่จว๊าแก เด๊อ อาโร โต๊โผ่.

เพรโด่แนพู๊ เต๊เห่ 28:14

เป แม๊เถอะฉื่อ เร๊อ เพรหยื่อเอ่ เบ๊อะเนอ เต๊เห่, เร๊อ เหย่ซี เอ๊โอ่แกโก๊ โป่เกอ เป เบ๊อะเนอ โซซว๊าเตอเนอ. เป โอ่แก โท เบ๊อะเนอ เร๊อ เป เถ่จว๊าแก เด๊อ วีโรม.