เพรโด่แนพู๊ เต๊เห่ 27:6 - ลีเทส่อพ๊าอาเซ เร๊อ เห่ขุทวาลู๊

⁶ เบ๊อะเนอเค เกลอฮู๊เตเย อากู่กล๊อ เนอเตเพร แม๊เถอะ ส่อเกลอดุ โอ่ เด๊อ วีอเล็กซานเดรีย แฮ เร๊อ อา เตเร จว๊า เด๊อ อิตาลีเก่ เต๊เบ่, เร๊อ อา นอแถ่แด๊ จว๊าเกอ เป เน๊อ ส่อเกลอดุ เออเต๊เบ่.

Eastern Kayah Shadaw Dialect

⁶ ꤙꤣꤧꤔꤣꤧ꤬ꤋꤢꤩ꤭ ꤊꤜꤣꤧ꤭ꤒꤣ꤬ꤛꤢꤩ꤬ ꤢ꤬ꤊꤢꤨ꤬ꤊꤜꤢꤪ ꤔꤣꤧ꤬ꤒꤣ꤬ꤖꤚꤢꤩ꤬ ꤗꤢꤧꤓ꤫ꤣꤧ꤬ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤥ꤬ ꤘꤣ ꤠꤤ꤭ꤢ꤬ꤜꤢꤧꤎꤢ꤬ꤘꤚꤤꤛꤢ꤬ ꤟꤢꤧ꤭ ꤚꤣꤧ꤬ ꤢ꤬ ꤊ꤫ꤢꤦ꤬ꤚꤢꤩ꤭ ꤡꤝꤢ ꤘꤣ ꤤ꤬ꤒꤢ꤬ꤜꤤ꤬ꤊ꤫ꤢꤩ꤬ ꤒꤣ꤬ꤙꤢꤩ꤬, ꤚꤣꤧ꤬ ꤢ꤬ ꤔꤢꤪ꤭ꤓꤢꤧ꤬ꤘꤢꤧ ꤡꤝꤢꤊꤣꤧ꤭ ꤕꤢꤩ꤬ ꤔꤢꤧ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤣꤧ꤭ꤒꤣ꤬ꤙꤢꤩ꤬꤯

เพรโด่แนพู๊ เต๊เห่ 27:6 ပူးပေါင်းရင်းမြစ်များ

เพรโด่แนพู๊ เต๊เห่ 28:11

โซเล อาบาโท เด๊อคยาเนอ, เป แถ่แด๊แถ่ วีอเล็กซานเดรีย อา ส่อเกลอดุ เต๊เบ่. เด๊อ ส่อเกลอดุ อากู่กล๊อ เบ๊เงเนอ แบ่เจ่ ดีคยา อาแยโหย่ โอ่. เร๊อ ส่อเกลอดุ เออ อา จว๊า โอ่โก๊ ปลื๊อลอโต่ เด๊อ เก๊โหร่เค เบ๊อะกลื๊อ เนอตือกลื๊อ อาลู.

เพรโด่แนพู๊ เต๊เห่ 27:1

เบ๊อะอู เฮ๊ปลื๊อเฮ๊โท เฮ๊อ โหง่ เด๊อ เป เบ่ แถ่แด๊หนิ ส่อเกลอดุ เร๊อ เบ่ เถ่จว๊า เด๊อ อิตาลีเก่ เบ๊อะเนอ, คูเปาโล เร๊อ แกแย อาโร เด๊อ อู ด๊อตา เหย่ซี เด๊อ ทอกู เต๊เห่เนอ, อู เด๊อะตาแก เหย่ซี เด๊อ คูยูเลียส อา กู๊ยากู. คูยูเลียส หม่า เกลอฮู๊เตเย อากู่กล๊อ เตเพร. อา หม่า อา โอ่ ป่าโนเต่อ เกอ เด๊อ โรมัน เกลอฮู๊ เด๊อ อา โอ่ อาเพร ตีรี๊ ตู๊หมู่, เร๊อ อู เอ๊ เร๊อ “ออกัสตัส อาเกลอฮู๊ เบ๊หมู่ดุ.”

เพรโด่แนพู๊ เต๊เห่ 18:24

แกแยยิวพู๊ เด๊อ อามุย เร๊อ คูอปอลโล โอ่เตเพร. อา อาโอ่เป๊เจ่เค เด๊อ วีอเล็กซานเดรีย, เร๊อ อา แฮ เด๊อ วีเอเฟซัส อา หม่า แกแย เฮ๊เบ่แจ่เฮ๊เบ่แหน่ ลา เตเพร. โท๊โต่ ลีเทส่อพ๊า อา ตารา ราม๊าราแด เต๊เห๋ หม่า อา ซิเงโปลปลื๊อ ลอ เจ๊อ.

เพรโด่แนพู๊ เต๊เห่ 6:9

หม่าแน๊เร๊อ แกแย เด๊อ อา เคร๊ฉื่อ ลู เนอ อา โอ่ เต๊เห่. เหย่ซี หม่า แกแย ตู๊หมู่ เด๊อ อา โน โอ่เตอเกอ เด๊อ (ฮู๊ อู เอ๊ เหย่ซี เร๊อ) แกแยยิวพู๊ เด๊อ อา พย๊าหนิ เตปาลา เต๊เห่ อา เตจ๊อเบโฮ ตู๊หมู่ตอกล๊อ. เหย่ซี หม่า อา โอ่ เด๊อ วีไซรีน เร๊อ วีอเล็กซานเดรีย อากู. เหย่ซี เออเต๊เห่ เร๊อ แกแยยิวพู๊ เด๊อ อาโรเต๊เห่ เด๊อ อา โอ่ เด๊อ ซีลีเซียเก่ เร๊อ เอเชียเก่ ซี เต๊เห่เนอ, อา เป๊อแถ่ เคร๊แขระฉื่อ คูสเทเฟน.

เพรโด่แนพู๊ เต๊เห่ 18:2

เร๊อ อา จว๊า แม๊เถอะ ตาฉื่อ เร๊อ แกแยยิวพู๊ เตเพร เด๊อ อามุย เร๊อ เพอาควิลลา เออ เบ๊อะเนอ โต๊โผ่. เพอาควิลลา เออเนอ, อา โอ่ เป๊เจ่เค เด๊อ วีปอนทัส เร๊อ อา เร๊อ อาเม โหมะปริสสิลลา แฮโต่เซ แลแค ปาแพ๊ เบ๊อะเนอ แพ๊. คุ๊ยดุ คูครวาดิอัส เฮ๊ตาอาโหง่ เน๊อ ล๋อ แกแยยิวพู๊ เต๊เห่เนอ, เบ่ เถ่จว๊าแก ลอปลี เบ๊อะวีโรม อากูเออ. เด๊อ คุ๊ย เฮ๊ตา อาโหง่ ฮู๊เออ อาขว่าอาคยา, เร๊อ คูอาควิลลา เออ เร๊อ อาเม โหมะปลิสสิสลา เถ่จว๊าแก เด๊อ อิตาลี เก่กู เร๊อ แฮโต่ แลแค เบ๊อะเออ แพ๊. เร๊อ คูเปาโล จว๊า แม๊เถอะ ตาฉื่อ เร๊อ เหย่ซี.