เพรโด่แนพู๊ เต๊เห่ 27:35 - ลีเทส่อพ๊าอาเซ เร๊อ เห่ขุทวาลู๊

³⁵ คูเปาโล เฮ๊โท เหย่ซี ฮู๊เออ เนอ, อา พย๊าหนิ ค๊อมู เร๊อ อา เฮ๊บุ๊ยเฮ๊เตอเรอ จอแปแหร่ เด๊อ เหย่ซี ล๋อ ปลี อา เป๊เส่เง. โทเร๊อ อา อาบิหมื่อ ค๊อมู เร๊อ อา เอ่ แลแค.

Eastern Kayah Shadaw Dialect

³⁵ ꤋꤢꤨ꤭ꤕꤢꤪꤜꤢꤨ ꤟꤢꤩꤓꤥ꤭ ꤛꤢꤩ꤬ꤞꤤ꤭ ꤟꤢꤨꤣꤧ꤭ ꤚꤣꤧ꤬, ꤢ꤬ ꤖꤛꤢꤔ꤫ꤤ꤬ ꤋꤢꤪꤗꤢꤨ꤭ ꤚꤣꤧ꤬ ꤢ꤬ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤛꤢꤩ꤬ꤞꤤ꤭ ꤜꤢꤪ꤭꤮ ꤕꤜꤤ꤭ ꤢ꤬ ꤕꤣꤧꤞꤢꤩ꤬ꤑꤢꤩ꤭꤯ ꤓꤥ꤭ꤚꤣꤧ꤬ ꤢ꤬ ꤙꤤ꤬ꤗꤢꤦ꤬ ꤋꤢꤪꤗꤢꤨ꤭ ꤚꤣꤧ꤬ ꤢ꤬ ꤢꤩ꤬ ꤜꤢ꤭ꤋꤢꤧ꤭꤯

เพรโด่แนพู๊ เต๊เห่ 27:35 ပူးပေါင်းရင်းမြစ်များ

มัทธิว 15:36

อา พย๊าย๊อเก่ แถ่ ค๊อมูเออ โซซว๊าต๊อกล่อ เร๊อ เตวฮู๊ เออเต๊เห่ เร๊อ อา เฮ๊บุ๊ยเฮ๊เตอเรอ ถู่เซ๊แถ่ จอแปแหร่. เร๊ออา บิกยา ค๊อมู เออเต๊เห่, โทเรอ อา เด๊อะ ตา เร๊อ อาโคฮู๊เจ่ เต๊เห่. อาโคฮู๊เจ่ เต๊เห่ จว๊า เด๊อะเอ่ แฮเง เป่ลอ เร๊อ แกแย เบ๊หมู่เนอเต๊เห่.

ทิโมธี เนอบ่า ต๊าบ่า 1:12

เมฮู๊เนอเรอ เด๊อ เตเออเต๊เห่ อาขว่าอาคยา, แว ข่าเบ่เฮ๊อ เตเออ เต๊เห่ เฮ๊อ. หม่าแน๊เรอ แว ซิเตเร โต่, เมเตเฮ๊เรอ, แว ซิเงเฮ๊อ เพร เด๊อ แว หยื่อเอ่ อา เออเตเพร เฮ๊อ. โทเรอ แว หยื่อเอ่เฮ๊อ เน๊อ เต เด๊อ อา เด๊อะแล เด๊อ แว กู๊ยากู เออเต๊เห่เนอ, อา เก่ โอ่ป่อหม่า หนิโต่เร๊อดื่อ เด๊อ ม๊อเนอ ตื๊อดื่อปา เนอเตอเนอ ปา.

ทิโมธี เนอบ่า ต๊าบ่า 1:8

ฮู๊เนอเร๊อ, เน เตเร ข่าเฮ๊โล เนเหน่ เด๊อ เป แบ่เจ่ อาเงเนอ ซิเตเร แต่เหม่, เด๊อ แบ่เจ่ อาขว่าอาคยาเร๊อ, อู ด๊อตา แว เด๊อ ทอกู เออเนอ เบ่เบ่, ซิเตเร แต่เหม่เหม่. โท๊โต่ ข่าโหร่เกอ เตโซพ๊าโซแร เน๊อ แว เด๊อ เตซิครือมีลา อาเง ฮู๊ จอแปแหร่ เด๊อะ เน เตอ๊าเหร่เตเหร่เนอ.

เปโตร อาเหร่อเล๊อ ต๊าบ่า 4:16

หม่าแน๊เรอ เด๊อ ซี ทวา ครี๊พู๊ อาขว่าอาคยาเร๊อ, ซี ข่าเบ่ เตจาเตจือ เฮ๊เนอ, ซิเตเร แต่ แลแค แต่เหม่ นี๋. อู เอ๊เจ๊อ เฮ๊อ ซี เร๊อ ครี๊ อามุย เฮ๊อ อาขว่าอาคยา, ตูรู๊ ถู่เซ๊แถ่ แลแค จอแปแหร่ นี๋.

ꤚꤥꤗꤢꤩ꤬ 14:6

แกแย เด๊อ อา เตเน เร๊อ ม๊อเนอ เต๊เห่เห่เนอ, อู โตเบ่ แด่บูโพ๊ ข่อดื่อ ลู อา เก่ เตเน เฮ๊เรอ, แด่บูโพ๊ ม๊อเนอ เออเนอ เด๊อ เตเมลีเมเตเค แบ่เจ่ อาเงเนอ. แกแย เด๊อ อา เอ่ เตปว๋า เต๊อเจ่อ เต๊เห่เนอ, เอ่ เด๊อ เตเมลีเมเตเค แบ่เจ่ อาเง เนอ, เมเตเฮ๊เรอ อา เฮ๊บุ๊ยเฮ๊เตอเรอ โท จอแปแหร่ เร๊อ อา เอ่ เต อาขว่าอาคยา, อา เมลีเมเตเค จอแปแหร่ เฮ๊อ. ฮู๊เนอเฮ๊อ แกแย เด๊อ อา โด่เอ่เฉ่ เต๊เห่เนอ, อา เฮ๊บุ๊ยเฮ๊เตอเรอ เกอ จอแปแหร่ เร๊อ อา เมลีเมเตเค แถ่เกอ จอแปแหร่ อามุย อาขว่าอาคยา, อา แซ่ลู แพ๊.

ꤚꤥꤗꤢꤩ꤬ 1:16

เด๊อ เตซิครือมีลา เออ อาขว่าอาคยา, แว ซิเตเรโต่, เมเตเฮ๊เรอ, ล๋อ แกแย เด๊อ อา หยื่อเอ่ เตซิครือมีลา เออเต๊เห่เนอ, จอแปแหร่ เมแลเปล๊กา ลอ เหย่ซี เน๊อ อา เตโพรเตเตอเรอ เฮ๊อ. อา เมแลเปล๊กา เหร่อเล๊อ แกแยยิวพู๊ เต๊เห่, โทเรอ อา เมแลเปล๊กา เกอโป่ แกแยยิวพู๊ หม่าโต่ เต๊เห่.

ꤛꤥ꤭ꤟꤢ꤬ 6:23

โทเรอ ส่อเกลอ โอ่ เด๊อ วีทิเบเรียส เร๊อ อา แฮ เต๊เห่เนอ, อา แฮ โอ่โก๊ ผื่อ แลแค เบ๊อะแบ่เจ่ เหล่ เฮ๊บุ๊ยเฮ๊เตอเรอ แถ่ จอแปแหร่ เร๊อ อา โบ่เอ่ แกแย เบ๊หมู่ เต๊เห่ เร๊อ ค๊อมู อาเหล่โอ่ เนอโต๊โผะ.

ꤛꤥ꤭ꤟꤢ꤬ 6:11

แบ่เจ่ เหย่ซู่ พย๊า ค๊อมู เออเต๊เห่ เร๊อ อา เฮ๊บุ๊ยเฮ๊เตอเรอแถ่ จอแปแหร่. โทเรอ อา เด๊อะตา เร๊อ อา โคเจ่ เต๊เห่ เร๊อ เหย่ซี เด๊อะตาแฮเง เป่ลอ เร๊อ แกแย โอ่แนโอ่ เบ๊อะเนอ เต๊เห่. อา พย๊า เต๊วฮู๊ปีตี๊ เออ เนอเบ่ เร๊อ อา เม แซ่เกอ ฮู๊ ค๊อมูเนอ. เร๊อ แกแย เออเต๊เห่ อา ซิเอ่ เกอ เจ๊อ บ๋า เตเนอ อา พย๊าเอ่ แลแค เจ๊อ.

ꤜꤢꤨꤊꤢ꤬ 24:30

เบ๊อะอา โอ่แน โอ่เอ่เต่อเกอ เร๊อ เหย่ซี เบ๊อะเนอ, อา พย๊า ค๊อมู เร๊อ อา เฮ๊บุ๊ยเฮ๊เตอเรอแถ่ จอแปแหร่ โทเรอ อา บิกยา ค๊อมู เร๊อ อา เด๊อะเอ่ เป่ เร๊อ เหย่ซี.

ꤗꤢ꤬ꤊꤢꤨ 8:6

เหย่ซู่ นอโอ่แนตา ลอ แกแย ตู๊หมู่ดุ เออเต๊เห่ เด๊อ เห่ขุ เร๊อ อา พย๊าแถ่ ค๊อมู เออ โซซว๊าตูกลู๊. เร๊อ อา เฮ๊บุ๊ยเฮ๊เตอเรอ ถู่เซ๊แถ่ จอแปแหร่. เร๊อ อา บิกยา โท ค๊อมู เออเต๊เห่ เร๊อ อา เด๊อ จว๊าเร๊ออา โคเจ่ เต๊เห่ เร๊อ เหย่ซี เด๊อ เอ่จว๊า เร๊อ แกแย ตู๊หมู่ดุ. เร๊อ เหย่ซี เด๊อะตาแฮเง เร๊อแกแย เนอเต๊ เห่.

มัทธิว 14:19

เร๊อ อา นอโอ่แนแลลอ ล๋อ แกแย เนอเต๊เห่ เด๊อ มีออโซเลขุ. อา พย๊า ค๊อมู แงกล่อ เร๊อ เต๊ว เนอเบ่เออ เร๊อ อา โด่แด แม๊ตู่แถ่ เด๊อ ม๊อเล เร๊อ อา เฮ๊บุ๊ยเฮ๊ตาเร๊อแถ่ จอแปแหร่ โทเร๊อ อา บิกยา ค๊อมู. โทเรอ อา เด๊อะตา เด๊อ อา โคเจ่ เต๊เห่ อาลู. เร๊อ อา โคเจ่ เต๊เห่ เด๊อะจว๊า แฮเง เด๊อ แกแย เบ๊หมู่ เต๊เห่ อาโอ่.